لقاء كـ،ـ،ـ،ـارثي

هاني….بابتسامه شر واضح ان طلعلك صوت شكلك ده وحشك الحبسه

تامر……جرب تقرب منها عشان يبقي اخر يوم في عمرك

احمد….تامر قولنا مترددددش

مريم…..بصت لهاني و سحبت الورق حطيته قدامه خلصني وامضي و كفايه اوي كده

بصلها هاني بغضب

مريم….امضيييييييي

هاني…..مريم فكري كويس

فؤاد….استاذ هاني انا بقولك امضي وعلي ضمانتي مريم هانم خلينا نخلص ارجوكي

هاني….بغضب هو انت معانا ولا معااااهم

مريم…..هاني بقولك امضي و خلصني يلاااا

مسك هاني الورق بغضب و بدا يمضي و فراد يشاور علي الاماكن اللي يمضي فيها و بعدين ساب القلم بغضب

فؤاد…..مد ايده بالعقد للمساعد بتاعه امضت الانسه نغم بقي عشان نخلص.

وصلها المساعد الورق قرب منها سامي و شاورلها تمضي فين لحد ما خلصت..

سامي…..بهدوء مبروك احنا كده تقريبا وصلنا لحل يرضي جميع الاطراف بكره الصبح يا مريم هانم هسجل العقد و بعد بكره هكون مع نغم في النيابه و هتتنازل

مريم….تمام يا متر نغممم

مبصتش نغم عليها و قلبها كان عمال يدق

مريم….اظن انا عملت اللي يريحك و انتي عارفه كويس اني مبحبش طريقه لوي الدراع بس تمام عشانك وافقت اتمني بقي تكملي اللي اتفقنا عليه عشان نخلص

سامي….اطمني كل حاجه بعد بكره هتخلص

احمد….طيب في اي حاجه كده المفروض نعملها ولا نمشي

سامي…..تقدروا تمشوا و ان شاء الله بكره بعد تسجيل العقد هحتاج نغم شويه عشان اعرفها هتقول ايه في النيابه و هبقي اكلمك يا متر فؤاد عشان تبقي معايا علي الخط و تبلغ الهانم باللي هيتقال

فؤاد….تمام هستني مكالمتك

قام هاني بغضب وخرج بره المكتب خالص و بعدها قام الكل خرجت مريم مع المحامي و المساعد بتاعه و نزلوا .

سامي…..استاذ احمد انا عايز الورق ده يفضل معاك لحد بكره

احمد….ليه هو مش المفروض يبقي معاك

سامي….انا مش مرتاح لللي اسمه هاني ده و جايز يبعت اي حد يقلب المكتب او يعمل اي حاجه انت شايف كويس اعتراضه التام علي التنازل و واضح انه مجبر وواضح كمان ان ممكن يحصل خلاف بينه وبين مريم لاي سبب مش عارف مجرد احساس فا وارد لو قلبوا علي بعض يحاول يبوظ الدنيا و يبقي حابب يرجع تاني العقد فا عشان نبقي في الامان خالص خليه معاك لحد بكره الصبح

احمد…طيب تمام

سامي….اخفيه بقي خالص عشان ميبانش انه معاكم تمام