لقاء كـ،ـ،ـ،ـارثي
اتصل سلامه علي تامر..
تامر…..ايه يا حبيبي
سلامه….انت فين ؟
تامر….انا قربت علي المحامي انت وصلت ولا ايه
سلامه…..اه وصلت و معايا حسان في العنوان بالظبط
تامر….اديني عشر دقايق و هكون عندك
سلامه…علي مهلك مستنيك يلا سلام
تامر….سلام.
احمد….انت برضوا عملت اللي في دماغك و كلمت صحابك
تامر….متقلقش يا حبيبي خير و بعدين ده سلامه
احمد….سلامه هو عايز ايه هتقابلوا ولا ايه
تامر….لا ده هو وحسان مستنين هناك و هيجوا معانا
احمد….طب ليه يا ابني يا حبيبي قولتلهم بس لزومه ايه كل ده
تامر…..انا والله ما قولت حاجه انا لاقيت سلامه بيكلمني و قالي انه جاي معايا هو وحسان و لما عرف ان عنوان المحامي اقرب ليه قالي هروح علي هناك
احمد….مكنتش وافقت يا تامر ليه نبهدلهم بس
تامر….مدانيش فرصه يعني انت مش عارف سلامه و بعدين مفيش بهدله ولا حاجه هنخلص ونمشي علي طول بأمر الله
احمد…..خير ان شاء الله ايه يا نغم ساكته ليه يا حبيبتي
نغم…..بهدوء ااا لا مفيش يا عمو
احمد….خير يا بنتي ان شاء الله متقلقيش
نغم….يارب.
بصلها تامر في المرايا كان باين عليها التوتر اوي و مش معاهم اصلا.
بعد وقت مش طويل وصل تامر و لمح حسان و سلامه واقفين قدام العربيات بتاعتهم بيشربوا سجاير
ركن تامر وراهم قرب حسان وسلامه منهم شويه
احمد…..يلا يا نغم انزلي
نغم….بتوتر فظيع حاضر
نزل احمد و هي فتحت الباب و نزلت وراه علي طول و نزل تامر و قربوا من الشباب .
سلموا علي بعض كلهم..
احمد…..انا عايز افهم انتوا ايه اللي جايبكم
سلامه….بطريقه مضحكه ايه المقابله دي
تامر….بضحك دي محبه
احمد…..لسلامه يا ابني مش وقت هزار
حسان….هنسيبكم لوحدكم يعني يا عمي
احمد….هو احنا داخلين خناقه و لا انتوا خلاص خدتوا علي الخناق زي اللي واقف ده و متصل بصحابه
حسان….بضحك ربنا ما يجيب خناق كل حاجه هتخلص بهدوء بس نبقي معاكم احسن
سلامه…..بص لتامر ابوك كلامه جارح
تامر….بضحك انا شايف كده
احمد…بابتسامه الله يهديك انت كمان
سلامه….في ايه حمودي علي طول كده خلقك ضيق
احمد…..يا ابني مش عايز اتعبكم و لا ابهدلكم
سلامه….هو احنا داخلين مصارعه دول كلمتين هيخلصوا في قاعده و هنتكل علي الله
احمد…..طيب انت بالذات بص لتامر وانت كمان مش عايز جنان فوق و تقعدوا عاقلين
