لقاء كـ،ـ،ـ،ـارثي
نغم….بتوتر فظيع حاضر
المحامي…ابتسم ابتسامة خفيفة يطمنها وأهم حاجة خليكي فاكرة إنك مش جاية تكسبيهم ولا تخسريهم انتي جاية تاخدي حقك وتمشي كمل بهدوء حاسم
أنا معاكي خطوة بخطوة وإحنا اللي ماسكين الموضوع مش هما يعني بلاش القلق اللي شايفه في عينك ده انتي مركز قوه مش ضعف و التنازل اللي هيحصل ده مش ضعف منك انتي قويه هما اللي في موقف ضعف مش انتي
احمد….بهدوء لا نغم مش ضعيفه و قويه صح يا نغم
بصتلوا نغم و هزت راسها بخوف عينها كانت حمراء بشكل فظيع من كتر ما هي حابسه الدموع في عينها
بص المحامي ليهم كلهم و وجهلهم كلامه..
المحامي… بصلهم بنظرة جاده وصوته واطي بس حاسم في نقطة مهمة جداً لازم حضراتكم بقي تبقوا فاهمينها كويس قبل ما الناس دي توصل كلامي ده موجه ليكم.
احمد…..اتفضل يا متر
المحامي….الاتفاق اللي إحنا داخلين عليه ده مش اتفاق رسمي قدام النيابة بص في وشوشهم واحد واحد ورجع كمل
حسان….بهدوء يعني ايه يا متر مش اتفاق رسمي؟
المحام….هقولك يعني إيه؟ يعني ببساطة مفيش جهة قانونية شايفة أو موثقة اللي هيحصل هنا دلوقتي.
ده اتفاق بين طرفين لو حصل فيه أي غلطة ممكن يتقلب ضدنا بسهولة
حرك إيده بالملف ورجع بصلهم
هما يقدروا في أي لحظة يقولوا إنهم اتضغط عليهم أو إن التنازل اللي نغم قررت تعملوا ده كان نتيجة مساومة أو تهديد مقابل البيت وساعتها
الموضوع كله ممكن يتحول من إننا بنحل مشكلة لإننا بيتم اتهامنا
بص لنغم لحظة وبعدين رجع لهم
وعشان كده أهم سلاح معانا دلوقتي هو الهدوء قوة وجودنا هنا في الهدوء مش العصبية أو صوت عالي أو رد علي اي استفزاز يحصل من ناحيتهم ممكن تتاخد علينا دليل إن في ضغط أو إجبار
سكت ثانية وأكد مريم بالذات ست شاطرة وبتفهم في اللعب ده ممكن تستفز حد ترفع صوتها ترمي كلام يوجع بس ده كله عشان توقعكم في غلطة المحامي اللي معاها شاطر وهو فاهم اللي بقولوا الوقت يعني جايز اوي يكونوا وافقوا عشان يجوا هنا و يستفزوكم فا الدنيا تبوظ فا يروحوا يقدموا بلاغ ان احنا مثلا طلبنا نقابلهم و لما جم اتفاجئوا بمساومه او بضغط لنقل ملكيه البيت باسم نغم و وقتها الموضوع هيقلب ضدنا
بص لتامر بنظرة مباشرة
لو حد فيكم رد حتى لو بكلمة هيبقى بيديهم اللي هما عايزينه
لف نظره على سلامة وحسان
لو حصل استفزاز تسكتوا لو الصوت عليي تسكتوا لو حد غلط بكلمه برضه تسكتوا أنا الوحيد اللي هيتكلم
