لقاء كـ،ـ،ـ،ـارثي

رحاب….يعني ايه طلعتلك قالتلك ايه

رضوي…..هقولك واضح اوي انها حست بحاجه غريبه منك تجاه فضل و ربطت كل كلامك مع ليله و بعدها مع ليله وايمي و ردك عليهم زي ما انا خدت بالي بالظبط و فاتحتك في الموضوع و ربطت كمان خروجك و صورك معاه باللي في دماغها وقالتهالي صريحه يا رحاب اني افهمك ان لو في دماغك قرب من فضل انسيه لان فضل لنعيمه يمكن الست معندهاش سبب لرفضك انتي شخصيه بس جوجو بتحب نعيمه و بتحبها اوي و انتي اكيد ملاحظه ده والاهم ان هي شايفه ان راحة ابنها مع نعيمه مش معاكي و انا قولتهالك يا رحاب يمكن لو فات وقت كافي علي انفصالهم والموضوع انتهي خالص كان هيبقي قربك من فضل عادي لكن انتي اختارتي توقيت غلط

جوجو قالتهالي يا رحاب معندهاش مانع انها تقف وتتكلم معاكي و تقولك كل اللي سمعتهولي بس هي مش عيزاكي تزعلي و شايفه ان انا اوصلك ده بطريقتي افضل هي بتحبك و مش عيزاكي تضايقي او تجرحك او تحسي من كلامها ان ده رفض ليكي و كمان عامله حساب انك اختي يا رحاب

رحاب….لا مش فاهمه يعني جوجو طلبت منك ابعد عن فضل

رضوي…..طلبت مني افهمك ان فضل و نعيمه لبعض مهما حصل بينهم و ان انتي بالنسبه لفضل مجرد شخص عادي بيفضفض معاه شافت محاولاتك و طريقة ردك علي البنات بثقه انه اعجاب و هي عارفه ابنها كويس قلبه مع مين و عامله حسابك كمان قالتلي فضل لما يرجع لنعيمه لو رحاب اتعلقت بفضل اكتر هي اللي هتتوجع مش فضل و دي حقيقه هو بيحب نعيمه و لو رجعوا لبعض فعلاً انتي مش هيبقي ليكي وجود يا رحاب و وقتها فعلا انتي اللي هتتوجعي و انا قولتلك نفس الكلام عمرك ما هتبقي علاج او مسكن لراجل حب من قلبه لان الراجل لما بيحب مستحيل حد يقدر ياخد في قلبه مكان الا اللي حبها نعيمه لو مش فارقه مع فضل اوي كده مكانش اتوجع مكانش وصل لعصبيته و تصميمه انه يعرف السبب عادي كان قال خلاص هي الخسرانه بس محدش بيزعل علي حد يا رحاب الا لو فارق معاه و جوجو شايفه ان توقيت ظهورك في حياة فضل بالطريقه دي بيضغط عليه بتخليه يتشتت بس صدقيني انتي سهل تخليه يتشتت لكن صعب تدخلي قلبه لو غيرك فيه

رحاب……بابتسامه هاديه خلصتي

رضوي…..بهدوء عايزه اسمعك

رحاب…..تمام انا شايفه اني ماشيه صح والدليل ان لو جوجو محستش بقرب فضل مني مكانتش خافت كده لو هي شايفه اني مش بشكل خطر مكانتش هتتكلم و جايز كمان اللي اسمها ليله دي هي اللي سخنتها