لقاء كـ،ـ،ـ،ـارثي
مشيوا صحابه بسرعه علي عربياتهم و بص احمد احسان وسلامه
احمد…..انتوا ايه حكايتكم انتوا الاتنين بتعاكسوها عيني عيني عينك كده وانت يا عاقل
حسان….بضحك انا عملت ايه بس انا فهمت دماغ سلامه مشيت وراه وصراحه جات في صالحنا وقعنا بينهم
سلامه….بضحك بص علي نغم وهي في العربيه ما انا حسيت ان لما حسان اتكلم عينها زاغت عليه قولت بس جات في ملعبنا ولازملها خطه سريعه دخلت في النص علي الخط و جيبتها بالطريقه و حسيت انها تاهت بيني وبين حسان
تامر….بضحك معذوره مينفعش تتقاوموا برضوا
احمد…..لا يا شيخ انت فرحان بيهم طب ابقي وريني هتعمل ايه لما اخواتك يعرفوا انك بتظبتلهم الجو
سلامه…..لا بص اوعي تبيعنا يا حمودي ايه و سلمي هينفخونا
حسان….بضحك انا معملتش حاجه هي اللي عينها زايغه
احمد….انا مش فاهم ايه جنسها دي جوزها قاعد جنبها و بتبص لغيره اعفينا يارب
سلامه….بص هي واضحه الست دي قادره و الغلبانه دي ربنا نجاها منها واضح كده ان هي اي حاجه بتحط عينها عليها بتحب تطولها و الحمار الي معاها ده هي اشترتوا بالفلوس
تامر…اه بس شكلها اكتشفت انه مش مالي عينها
حسان…. النوع اللي زي مريم دي مستعده تخون تاخد واحد من مراته حتي لو كانت اقرب حد ليها المهم ترضي نفسها بس واضح كمان ان كل اللي بيدخل حياتها بيدخل عشان الفلوس و بيسمعوا كلامها في كل حاجه
تامر….ماهي بقي لما لقتكم بتتكلموا بالطريقه دي اتبسطت اوي عايزه راجل شخصيته قويه و مش واحد طمعان او تقدر تتحكم فيه بفلوسها
احمد….يلا الله يسهلها الحال خلينا نمشي بقي عشان نغم متلاحظش في النهايه دي خالتها للاسف
تامر……تمام يلا بينا.
مشيوا كلهم وراء بعض و حسان وسلامه فضلوا وراهم لحد ما راحوا البيت و صحاب تامر كمان كانوا وراه من بعيد طلع حسان و سلامه معاهم شويه شافوا البنات وسلموا عليهم و عرفوا اللي حصل و بعدين مشيوا.
………………
في صباح يوم جديد.
نزلت نغم مع احمد و تامر راحوا قابلوا المحامي و تم تسجيل ملكيه البيت باسمها في الشهر العقاري كانت فرحانه فرحه متتوصفش بس كمان كانت حاسه بحزن فظيع من جواها لكن محبتش ابداً انها تنكد علي نفسها و مكانش فاضل غير انها تروح تتنازل..
وراحت معاهم قعدوا مع المحامي و عرفها هتقول ايه بالظبط و تعمل ايه في النيابه عشان لازم تغيير الاقوال يكون بطريقه متأذيهاش.
