لقاء كـ،ـ،ـ،ـارثي

نسمه….ماشي هحاول طيب و بالنسبه بقي لحوار النزول انا كان معايا حق صح

نعيمه….بابايامه بصي انا مش عايزه اقول حاجه تسخنك بس هقولك كلمتين اولا سليم شاب و اي شاب في الدنيا قبل الجواز بيبقي بيغير زياده بيحب انه يتحكم دي طبيعه اخوكي اهو كل يوم مع بنت شكل و بيتحكم انتي فين مع مين لا متنزليش لا انزلي عادي حماس او اندفاع شباب حابب يحس انه بقي يقول اه ولا يمكن سليم كبير ناضج مش قاصد التحمم بالمعني الحرفي بس هو اكيد من معاشرته ايكي عارف انك هبله و اكيد بيخاف عليكي بيغير حد يضايقك حقه بس كمان حاولي مش كل حاجه تقولي عليها حاضر انا والله مش بسخنك سليم يجنن بس اقصد ان الراجل عموما مزدوج الشخصيه يحب اوي ان الست اللي معاه تريحه و تقول حاضر ونعم و في نفس الوقت بيميل جدا للست اللي شخصيتها قويه و مش كل حاجه تسمع الملام من الاخر خليكي ست ذكيه و كوني وسطيه

نسمه….يعني ايه وسطيه

نعيمه….باتسامه هقولك يعني في حجات لو اتحكم فيها او قال عليها لا لو هي فعلا تستاهل و معاه حق اسمعي الكلام وبلاش تجادلي كتير لكن لو في حاجه عاديه وهو بيقول عليها لا وخلاص لا اعترضي اتناقشي بلاش توافقي وانتي مش مقتنعه اظهري ليه انك مش موافقه و مش عاجبك و معترضه خليه يحس انك شخصيتك قويه و مش اي حاجه بتوافقي عليها يعني نزولك مع نادر زي ما قولت هو شاب حابب يتحكم نازله فين امته مع مين هترجعي الساعه كام بس مع اخوكي او ابوكي او امك او اختك لا مش من حقه ليه بقي لانه لو خد علي انك بتقولي حاضر في كل حاجه حتي الحجات اللي مش من حقه يعترض فيها غصب عنه هو هيتعود علي كلمه حاضر ولو و حتي راجل فري و في العادي مش بيتحكم هيتعود الراجل بيتعود و وقتها كلمه لا منك هتبقي مشكله كبيره بينكم

انتوا لسه بتفهموا طباع بعض زي ما هو بيعودك علي حياته انتي كمان بتعوديه علي حياتك لازم يبقي في بينكم تنازلات عن حجات و حجات تانيه لا في حجات لازم يكون فيها حدود للتحكم بشكل عام سليم شاب يجنن و محترم و مؤدب و رااااجل و حطي تحت راجل دي ميت خط انتي و سليم تجننوا مع بعض بس موافقتك ليه علي اي حاجه بعد كده انتي اللي هتدفعي تمنها لان حتي هو لو يجنن هيتعود فا الافضل في مرحله الخطوبه دي تعوديه علي الطباع اللي بتحبيها مش اللي انتي مجبره عليها فهماني