چاسمين

رواية
چاسمين
أميره اسامه
صاحبة البطل الواحد
((فتجدهم حيارى مضطربين ليسوا على يقين من أمرهم ))
( البارت التاسع)
في مساء اليوم خرج فريد و بلال من الصاله بعد ما كل الاعضاء مشيوا وخلصوا تدريباتهم فريد كان واقف قدام العربيه علي جنب و بيلعب في موبايله لكن من غير تركيز مجرد بيحرك صباعه عشان يبان انه مشغول او بيعمل حاجه لكن هو في الحقيقه كان مخڼوق و بيحاول يداري غضبه وخنقته دي.
وفي وسط ما هو واقف وبلال واقف يباشر قفل المكان نع الامن المسؤولين عن الصاله وصل ياسر بعريته ووقف قدامهم.
بلال….ايه ده ياسر اهو
بص فريد عليه بهدوء و فضل واقف مكانه.
نزل ياسر من العربيه وهو مبتسم وراح عليهم سلم علي بلال وبعدين قرب سلم علي فريد.
ياسر….ايه الاخبار انا قولت هلحقكم.
بلال….انت جاي متأخر انهارده
ياسر….والله كان عندي شغل كتير فوق راسي وبعدين مش عارف في ايه انهارده البلد كلها واقفه انا خارج من المكتب الساعه تسعه
بلال….هو كل يوم في التوقيت ده بتبقي زحمه المهم اخبارك ايه
ياسر….انا زي الفل انتوا اخباركم ايه
بلال….كله تمام
ياسر…طب ايه مروحين و لا نروح نشرب حاجه في اي مكان
بلال….عادي زي ما تحبوا ايه يا فريد
ياسر….انت بتسأله وبعدين هو ماله قافل كده ليه في ايه ياعم
فريد…مفيش كله تمام الحمد لله شوفوا عايزين ايه مش فارقه يعني
ياسر…مش فارقه طب والله عيب عليك يعني انا مرضتش اروح غير لما اشوفكم تقولي مش فارقه
فريد….بدأنا بقي النكش بتاعك وجر الشكل انا مقصدش اقصد زي ما تحبوا
ياسر….طيب خلينا نروح نشرب فنجان قهوه كده في اي مكان
فريد…تمام خلاص يا بلال ولا لسه
بلال….خلاص اه يلا بينا
ياسر…طب يلا انا هطلع وراكم.
ركب بلال مع فريد وطلع وراهم ياسر وراحوا علي كافيه كان قريب من الصاله.
فريد…..انا هدخل الحمام وراجع علي طول
بلال….طيب تمام تشرب ايه عشان اطلب علي ماتيجي
فريد…قهوه
بلال…تمام
فضل ياسر باصص علي فريد وبعدين بص لبلال غمزله بعينه وهو بيهز راسه
ياسر…في ايه فريد ماله
بلال….والله يا ياسر ما عارف هو من الصبح علي الحاله الغريبه دي اللي مش لاقي ليها تفسير.
ياسر….امال مين اللي يعرف ما انت معاه من بدري يعني هو متكلمش انت مسألتهوش حتي
بلال….انت عار ان فريد لما بيبقي في حالته دي انا بحاول اتلاشاه خالص و بحترم حالة الصمت اللي هو فيها دي لحد ما احس انه بقي افضل وبعدين بسأله
وقف كلامه مع ياسر وطلب من الويتر القهوه ورجع كمل كلامه
بس هو يعني في حاجه حصلت كده غريبه وانا ربطت بيها الحاله اللي فريد عليها دي و مش عارف احساسي صح ولا غلط
ياسر…حاجه ايه اللي حصلت
بلال…مش عارف انا اتفاجئت الصبح لما روحتله ان بيري مشيت
ياسر…مشيت امته وايه اللي حصل
بلال…مش عارف هو قالي انه لما رجع امبارح لقاها مشيت و كتبتله ورقه بكده قالت انها كلمت والدتها و اتفاهموا ورجعت بيتها تاني
ياسر…كلمتها منين
بلال…من موبايل فريد البرايڤت كان خلاها تتصل قبل كده منه بوالدتها.
ياسر…طيب وليه مشيت من قبل ما يرجع
بلال…والله ما عارف كل اللي عارفه ان فريد من الصبح وهو علي الحاله دي مش عارف بقي حصل بينهم حاجه و اټخانق معاها وهو بيقول كده ولا هي فعلا مشيت قبل ما يجي و هو زعلان لاني بصراحه حاسس ان فريد اتعود عليها او بمعني اصح يمكن شاف فيها ساره و كان بيساعدها عشان كده يمكن يكون خاېف ان مثلا حصل معاها حاجه فا قلقان مش عارف والغريب بقي ان فريد اللي پيترعب من القطط سايب القط في البيت و حتي لما قولتله هخرجه قال لأ المفروض ان بيري كانت قايله انها هتاخده معاها بس تقريبا لما جات تمشي كان مستخبي و دورت عليه ولما ملقتهوش مشيت و طبعا هو رفض يسيبه في حاجه غريبه
ياسر….هو الموضوع كله غريب بس هو اكتر حاجه اقرب لكل اللي بنفكر فيه ده هو ان فعلا فريد شايف فيها ساره اخته يعني ساره اختفت و ميعرفش عنها حاجه و بيري تقريبا كانت في نفس الموقف مع اختلاف القصه ساره كمان كانت متعلقه بالقطط انا فاكر انه كان في مره زعلان عشان زعلها بسبب قطه جاتلها هديه حتي سألني في مره وقالي ممكن يجيبلها ايه هديه عشان يعوضها قالب وقتها أسأل دينا اختك بما انهم بنات زي بعض ايه اكتر حاجه بيحبوها
فا اكيد قراره ان القط يبقي موجود هو مجرد شعور داخلي جواه عشان يحس انه بيرضي ساره
بلال….يمكن بس هو نفسيا مش احسن حاجه وبصراحه انا مش فاهم بردوا اللي حصل ولا قادر افهم ايه السبب اللي خلي بيري تاخد القرار ده بالسرعه دي انا بقول انها ممكن تكون سمعتنا واحنا بنتكلم و لما حست انك مضايق من وجودها زعلت لان انت قولت لفريد حاول تخلص منها و كفايه لحد كده
سكت ياسر و سرح .
بلال…ايه سكت ليه
قرب منهم فريد شد الكرسي وقعد بصله ياسر
ياسر…فريد بلال قالي ان بيري مشيت
فريد..اه مشيت امبارح رجعت ملقتهاش
ياسر….تبقي مصېبه بجد لو اللي بفكر فيه حصل
فريد….في ايه وحصل ايه
ياسر….فريد بيري ممكن تكون سمعتنا امبارح واحنا بنتكلم
فريد….مش فاهم تقصد يعني انها مشيت بسبب كلامك عنها
ياسر…لا طبعا اقصد الكلام الاي قولناه قبل ما اعرف ان في حد موجود اصلا كلامي عن المتر سالم عبيد و عن شغلك والحاډثه وعن ذكري لسعد الدين رشدان يا فريد
فريد…لا لا مظنش
بلال…دي تبقي مصېبه فعلا
ياسر…دي تبقي كارثه انت متخيل انها لو سمعتنا هيحصل ايه يا فريد
فريد…هيحصل ايه يعني وبعدين انا لما طلعتلها بعد ما خرجتوا تستنوا بره سالتها كانت واقفه ليه قالتلي انها كانت في الاوضه زب ما طلبت ولسه خارجه عشان لما اتاخرتا فكرت اني خدتكم ومشيت بس القط خربشها ونط من ايدها والباقي انت عارفه
ياسر…وايش ضمنا انها مش بتكدب يا فريد وبعدين غريبه يعني انها بقالها اربع ايام كانت قاعده معاك و بالصدفه تمشي في نفس اليوم اللي انا جيت فيه
فريد…قولتلك هي من البدايه قالتلي انها هتكلم والدتها مره تانيه وتشوف لو غيرت رأيها وسمعتها وصدقتها هترجع و ده اللي حصل هي يمكن بعد ما نزلت و عرفتها عليك لما طلعت سمعت الحوار بيني وبينك وكلامك انها تمشي و عشان كده قررت انها تمشي بس ميتهيأليش انها كانت واقفه من البدايه.
ياسر….طيب ودي نعرفها ازاي يا فريد اصل لو سمعتنا حقيقي هنبقي في ورطه
فريد…لو فرضنا انها سمعتنا فعلا انا واثق انها مش هتعمل اي حاجه و لا حتي هيجي في بالها انها تركز في الاسامي دي
ياسر….يمكن معاك حق بس انت قولت ان سهر العدوي صاحبتها المقربه ووارد جدا انها لما ترجع يتقابلوا و تحكيلها كل اللي حصل و لو سهر عرفت اسم الراجل ده هتبحث وراه انا عارفها كويس سهر العدوي مش بتلعب غير علي الاسامي الكبيره.
فريد….بتفكير وقلق اممم لا لا ميتهيأليش بص انا يمكن معرفتي ببيري مش طويله بس هي فضوليه جدا و بتسأل كتير ولو زي ما انت قولت سمعتنا علي الاقل كانت سألتني عن شغلي او الحاډثه
—
كانت هتستفسر وادام معملتش كده يبقي مسمعتش حاجه
ياسر….مش عارف بس انا قلقان بقولك ايه هو انت عرفت مين الشخص اللي بيطاردها ده
فريد…لا معرفش غير ان اسمه خالد
ياسر….طيب ماهو في مليون خالد في البلد الاهم خالد ايه
فريد…معرفش يا ياسر يعني مجاش في بالي اني أسألها او بمعني اصح مهتمتش شخص عادي ابن حد واصل او معاه فلوس وبعدين هي مقالتش اي حاجه تلفت نظري عشان أسالها عنه لما اتكلمت معايا وذكرت اسم سهر العدوي وقفت شويه عند الاسم لاني اعرفها لكن خالد ملفتش نظري.
ياسر…..كان لازم تعرف يا فريد وتسأل يمكن يكون ابن حد معروف
فريد…معرفش بقي يا ياسر انا مركزتش خالص و مجاش فرصه اسالها عنه وزي ما قولتلك اللي وقفت عنده هو اسم سهر العدوي.
ياسر….طيب هي لما مشيت محاولتش تتصل بيك يعني علي سبيل انها تشكرك
فريد….لا هي مش معاها رقمي كانت بتتصل بيا علي الرقم البرايڤت لو احتاجت حاجه و اليوم اللي مشيت فيه انا كنت ناسي الموبايل و اكيد هي متعرفش رقم البيت
ياسر…طيب ما تجرب انت تتصل عليها يعني كأنك بتطمن عليها و حاول تعرف منها اي حاجه
فريد…انا كمان معرفش رقمها هي اصلا قالتلي انها مش حافظه لا رقمها ولا اي ارقام لما حصل معاها الموقف ده وهر….بت موبايلها وقع وهي بتهر؟؟؟ب وهي متعرفش اي رقم
ياسر…امال اتصلت ازاي بوالدتها
خالد….اتصلت بواحد كان شغال معايا في الجهاز و خدت منها اسم والدها بالكامل جابلي الرقم بتاعه و كلمت والدها و والدتها هي امبارح قالت انها اتصلت علي والدتها و المفروض انه رقم والدها معرفش بقي كان موجود في البيت بردوا ولا كان في شغله في التوقيت ده و الخط بتاع مامتها بس باسم والدها
ياسر….مش عارف بس في حاجه غلط في الموضوع ده ازاي يعني مش حافظه علي الاقل رقمها
فريد…عادي بتحصل يا ياسر
ياسر…طيب ما تجرب كده تتصل علي الموبايل
فريد….اكيد مش هعمل كده قولتلك الموبايل يا مع والدها يا مع والدتها هتصل اقولهم ايه
بلال….انا شايف انه بلاش يا فريد مش عايز فريد يتحط في الصوره خالص يعني هي خلاص مشيت و احتمال كبير متبقاش سمعت اب حاجه فا ليه فريد يلفت النظر.
ياسر….بتنهيده طيب تمام بس لحد ما يعدي كام يوم كده ركز بقي كويس في كل حاجه حواليك عشان نطمن ان مفيش حاجه من ناحيتها خالص.
فريد…اطمن انت بس وبطل تركز في حجات بسيطه انا واثق انها حتي لو سمعت مش هتتكلم اللي عرفته اصلا ان علاقتها بأهلها مش مستقره
ياسر…المشكله مش في اهلها يا فريد المشكله في سهر العدوي زي ما قولتلك لو قريبه منها بجد هتحكيلها كمان اللي عرفته منك ان اللي اسمه خالد ده انت وقفتله واكيد لو عرف اي معلومه عنك هيوصلك
فريد…وايه المشكله يوصل انت متخيل اني ممكن اخاڤ منه
ياسر….لا يا فريد مش خوف منه خوف عليك مش اكتر انا قولتلك الحوار ده ممكن يسسب مشاكل احنا في غني عنها الفتره دي
فريد….خليها علي الله يا ياسر ان شاء الله مش هيحصل حاجه
ياسر…اتمني يا فريد
…………….
في منزل سهر داخل غرفتها بعد ما روحت قعدت علي السرير بتاعها تخلص شغل علي اللاب توب سمعت صوت موبايلها بيرن بصت لاقتها بيري.
سهر….بيبو يا قلبي انا قولت ادام متصلتيش تبقي نايمه
بيري….لا لسه منمتش كنت بغير وقعدت مع مازن شويه و قولت اتصل بيكي عشان اقولك شكرا علي الهديه القمر دي
سهر…ياروحي شكرا علي ايه يا عبيطه المهم يكون الايفون عجبك
بيري…عجبني بس ده يجنن بس مكانش ليه لزوم يا سهر انا معايا موبايل
سهر…اولا ده احدث اصدار من الايفون يعني احدث من اللي معاكي ثانيا انا لما عرفت ان موبايلك وقع منك قولت يمكن يكون اتكسر او حصله حاجه و فكرت اني اجيبلك واحد جديد
بيري….هو الموبايل سليم مش حصله حاجه بس كمان فرحت بالايفون ده بجد و عشان كده قررت اني اجيب خط جديد فيه ومش هيبقي مع اي حد هجيب رقم جديد عشان لما احب اقفل موبايلي محدش يوصلي غيركم انتوا و ارتاح من سي زفت خالد
سهر…خالد ونيله علي دماغه انا شايفه انك تعملي كده فعلا و باريت الرقم ده ميبقاش مع اي حد ولو عرفتي متديهوش لطنط فاتن وانكل سعيد يبقي احسن بردوا
بيري…بضحك انا شايفه كده بردوا
سهر…انتي بتضحكي طب والله انا بتكلم جد هما سبب المصاېب اللي بتقعي فيها مع خالد
بيري…انتي بتقولي فيها يا سهر بس هعمل ايه هما لبهم دماغ وانا ليا دماغ تانيه
سهر….طيب سيبك بقي منهم ومن الهديه وخلينا نتكلم جد شويه.
بيري….قولي
سهر…ايه حوار الراجل اللي استخبيتي في بيته ده مش عارفه حاسه كده ان في حاجه انتي مخبياها.
بيري….مش مخبيه ولا حاجه بس تقدري تقولي كده اني مقولتش كل حاجه صح مكنتش عايزه مريم تعرف و متسألنيش عملت كده ليه
سهر…لا طبعا اكيد هسألك .
هو انتي شاكه في مريم يا بيري
بيري…مش حكايه شاكه يا سهر اكيد لا مريم دي اختي وسري و واثقه فيها بس انا عارفه ماما كويس يا سهر لو مسكت حد فينا بتعرف ازاي يخليه يقول اللي عنده انا عن نفسي برتبك من اسئلتها وبلاقي نفسي بقول كل حاجه الوحيد اللي بيعرف يسلمك معاها هو مازن عشان كده محبتش اقول كلام كتير قدامها عشان لو حصل وماما حاولت تعرف منها اي حاجه متعرفش غير اللي قولته
سهر….طيب وافرضي اللي بتقوليه ده طلع صح ما انتي كنتي قايله انك قعدتي في فندق وهتعرف منها انك قعدتي في بيت راجل غريب
بيري….حتي لو عرفت مش هتيجي تقولي بس وقتها هتفضل وراء مريم وتحاول تخليها تعرف اكتر و اكيد انا مش هقول اي حاجه لاني عارفه ان ممكن ماما تقول لخالد
سهر….قد كده انتي واثقه انها ممكن تتفق مع خالد عليكي
بيري….للاسف ته بس مش حكاية تتفق معاه عليا هي متخيله انها كده بتقربنا لبعض و بتحميني
سهر….طيب ايه بقي اللي قولتيه ومكانش حقيقي
بيري….هو مفيش حاجه مش حقيقيه بس انا مقولتش كل التفاصيل يعني زي اسمه المكان اللي كنت فيه الحجات اللي حصلت بينا.
سهر…طيب ياستي سيبك من اسمه ومن المكان انا مش عايزه اعرف وده عشان تكوني مطمنه اكتر بس علي الاقل افهم تقصدي ايه بالحجات اللي حصلت بينكم
بيري….انتي عبيطه فكراني خاېفه منك و مش متطمنه
سهر …لا بس كده احسن يمكن مش تفصيله مهمه بالنسبالي انا الاهم بالنسبالي انتي يا بيري
بيري…مفيش يعني مثلا اكتشف ان الشكولاته اللي خالد ادهالي كان فيها نسبة كحول و اكتشف كمان ان الخاتم اللي خالد هداني بيه كان فيه جهاز تتبع عشان يعرف مكاني
سهر…نهاره اسود هو حاطتلك جهاز تتبع البني ادم ده بجد مريض انا عمري في حياتي ما ارتحت ليه
بيري…و ياريت حد فيهم فاهم ده فاكرين اني بتلكك ليه عشان ابعده عني باي طريقه
سهر….طيب كملي الراجل ده كان بيتعامل معاكي ازاي
بيري….مفيش هو انسان محترم اوي يا سهر محستش معاه بعدم الامان حتي. لو لحظه واحده علي فكره هو
—
شاب مش كبير بس مؤدب اوي كان سايبلي بيته يا سهر طول الوقت مخافش مني ولا حتي شك فيا لحظه عمل معايا كل حاجه حلوه في الكام يوم دول ويكفي يا سهر اني كنت نايمه في بيته ومفكرتش اني اققل علي نفسي باب الاوضه لحظه
سهر…..ده عشان ربنا بيحبك يا بيري وقعك معاه
بيري….دي حقيقه يا سهر في البدايه كنت خاېفه انه يستغل ظروفي و هو كمان يأذيني بس وقفته معايا ووقفته في وش خالد برجالته بالاسلحه اللي كانوا ماسكينها عمري ما هنساها ابدا
سهر….كويس انك مقولتيش اي تفاصيل عنه لان لو خالد عرف هيوصله و يأذيه لانه مش هيتقبل فكرة انه وقف قصاده انتي عارفه خالد كويس.
بيري….للاسف عرفاه و عشان كده خۏفت يا سهر ما هو مش معقول يكون هو وقف معايا وحماني منه وانا أذيه بايدي.
سهر….الحمد لله انها عدت علي خير وانك كويسه ورجعتي
بيري…الحمد لله يا قلبي
سهر…طب ايه في حاجه تانيه انا معرفهاش
بيري…ااا لا مفيش
سهر…بابتسامه فهمت انها مرتبكه ماشي هو في بس انا مش هسألك لو حبيبتي تتكلمي انتي عارفه اني اكيد هسمعك.
بيري…عارفه يا سهر و متأكده من ده كويس المهم انتي هتعملي ايه بكره
سهر….بكره عندي شغل و نحضيرات للحلقه بتاعت بعد بكره بس هخلص كده علي الساعه سته لاني هنزل من عشره الصبح.
بيري….يعني بكره انتي مش فاضيه خالص
سهر…لا عادي قولي في ايه عايزه نتقابل ولا ايه
بيري….يعني لو قدرتي
سهر….طيب تمام خلاص نتقابل علي سبعه و لو خلصت بدري عن كده هقولك
بيري…خلاص اتفقنا و خليني اقول لملك وامجد هو واحشني والله جدا
سهر….خلاص عرفيهم كده و اتفقوا
بيري ..تمام يا قلبي يلا روحي نامي بقي عشان تقدري تصحي
سهر…تمام تصبحي علي خير حبيبتي
بيري….وانتي من اهل الخير
……………..
بعد ما وصل فريد علي بيته اطمن ان قدر كويس حطله الاكل بتاعه و سابه و طلع خد شاور نزل تاني علي تحت شغل التلفزيون وشويه و قفله قام وفضل رايح جاي كان حاسس انه مش عنده نوم من وقت ما بيري جات علي بيته و هو اتعود يسهر شويه مكانش بيسهر خالص وكان بينام بدري لكن اتعود و النوم بقي نادرا ما يجي من وقت ما هي مشيت راح وقف قدام الشباك كان مشغول بكلام ياسر لكن كان عنده ثقه في بيري وكان عارف انها حتي لو سمعت مش هتقول اي حاجه
لكن شعوره ده مقدرش يمنع قلقه ويمكن هو مكانش قلقان ان حد يعرفه قد ما كان شايف ان كل ده مش وقته خالص خاصتا بعد ما اللواء قاله ان احتمال كبير يكونوا وصلوا لساره اخته كان عايز الوضع يفضل هادي عشان يقدر يوصلها.
جزء كبير من حالة الارق والزهق والضيق اللي كانت عنده الفراغ اللي سابته بيري يمكن هو مكانش حاسس اوي بشعوره ده
لكن الحقيقه بيري سابت فراغ كبير اوي و الغريب انه كان نفسي شعور بيري اللي كمان مكانتش فهماه يمكن هي رجعت بيتها وسط اهلها ووسط صحابها بس جواها في حاجه ناقصه وغير شعور الغربه اللي مكانتش مش قادره تفهمه .
اليوم خلص و كل واحد فيهم كان جواه حاجه مش قادر يفهمها.
…………..
في صباح يوم جديد كلن يوم بدايته روتينيه جدا كالعاده عند الكل و خاصتا فريد اللي بيبدأ صباحه بوجود بلال بعد ما فطر خرج هو وبلال وراحوا علي الصاله.
عدت كام ساعه و هو ډافن نفسه في الشغل عشان ميفكرش في اي حاجه.
البنات بدأوا يجهزوا عشان يقابلوا سهر بعد ما تخلص شغلها.
و علي الساعه سبعه قابلتهم سهر و راحت علي المكان اللي متعودين يقعدوا فيه.
وصلت بيري ومريم و مازن وامجد وملك سلموا علي سهر و قعدوا طلبوا الغداء وكلوا مع بعض كانوا مبسوطين بيضحكوا و يهزروا و بيحاولوا يفكوا امجد شويه اللي كان مضايق و مش مبسوط .
سهر….انت هتفضل قالب وشك كده
امجد…لا والله انا تمام يا سهر بس بحاول اعمل عبيط
سهر….انا نفسي اعرف انت ليه وافقت لما انت مش حابب يا امجد
امجد….حاولت كتير وأسالي ملك بس كل ما اقول حاجه او اعترض الباشا يحاول يقنعني و طبعا استسلمت ومقدرتش اجادل المشكله يا سهر ان الشغل ده بعيد عني خالص يمكن انا هبقي مجرد شريك زي ماقالوا بس انا عارف ان وقت الجد بنا اني شريك اكيد هيحتاجوني كتير و انا مليش خالص في جو الكاميرات والتصوير و اللقاءات و الكلام ده.
سهر…صراحه انا مستغربه جدا موضوع الشغل ده يعني ايه اللي يخلي خالد يدخل في مجال مش بتاعه و الاغرب هو دعم رأفت باشا ليه يعني انا ممكن اتوقع اي حاجه من خالد لكن رأفت باشا صعب لان راجل دوبلوماسي و بعيد كل البعد عن الشغل ده
أمجد….والله انا كمان زيك مستغرب يا سهر يعني انا مستصعب اني اكون دكتور و ادخل في مجال الفن وشركة انتاج ضخمه والجو ده فا مبالك بأبويا ليه تدخل وتدعم فكره زي دي وهي ملهاش علاقه بيك من الاساس.
سهر….هي فعلا غريبه بصراحه
أمجد….بقولك ايه يا سهوره نمسك لساننا هااا ابو؟؟؟س ايدك اوعي توديني في دا؟؟؟؟؟هيه وتاخدي الموضوع ده محتوي في البرنامج عندك ابويا لو عرف ان انتي بالذات عرفتي هيعلقني اصلا محدش لسه يعرف غيرنا يعني اي تسريب هيتشك فيا وفي مازن وملك ده غير اني واثق ان هو خلاني شريك مع خالد عشان اسمه ميتذكرش في حاجه زي دي
سهر….بطل عبط اكيد مش هتكلم في اي حاجه مع اني يعني ھمو,,,ت و يبقي هو موضوعي الجاي بس عشان خاطرك
امجد…بضحك كويس اني قولتلك والله عارف انك مش هتقدري.
بيري…بضحك لا متقلقش سهر عاقله ومش هتفضـ,ـحكم
سهر…..بص سيب الامور تمشي بهدوء وخليك متابع كل حاجه من بعيد لبعيد و نصيحتي ليك يا امجد حاول متحتكش بخالد خالص لان خالد غلطلته كتير اوي و انا واثقه ان هيجي يوم وهيقع و لو ده حصل عيزاك تفضل مجرد شريك مش اكتر عشان رجليك متتجرش معاه في اي مصېـ,ـبه يعملها.
امجد…هو ده اللي بفكر فيه اصلا وعشان كده قولت لمازن يبقي هو عيني جوه الشركه دي ويفهم ايه اللي بيحصل و متقلقيش يا ستي هبقي من تحت لتحت كده اسربلك كام خبر و يكون جديد لانج
ملك…والله انت ما هترتاح غير لما تروح في دا……هيه و قبلك هتبقي سهر ملاقتش غيرها اديك سمعت كلام بابي عن الكلام اللي بيسمعه عنها هي ناقصه.
امجد…طب اعمل ايه حبيبتي وعايز اخدمها
سهر….انا في كل الاحوال اي حاجه هحب اني اتكلم فيها مش هتردد لحظه ولو علي الكلام والترندات فاهي كده كده بتجري ورايا
بيري….ايوه بس هدي الدنيا شويه يا سهر بجد انا خاېفه عليكي وبعدين انا حقيقي اول مره احس ان الكل بيتكلم عنك الفتره دي يمكن انتي معروف عنك ان لسانك ديما طويل وبتخبطي في الكل بس ده انتي لسه ملحقتيش تعملي غير حلقه في الموسم التاني و الكل بيتكلم عليكي.
مازن…بس ده يدل انها شاطره ومؤثره والبرنامج بتاعها
—
متشاف ومسمع
ملك…..ايوه يا مازن بس كمان في حجات مينفعش نقرب منها لازم تاخد بالها شويه من المواضيع اللي بتقدمها مشكلة سهر انها لما بتتكلم في موضوع بتخبط في ناس مينفعش تيجي ناحيتهم
سهر…ليه يعني هو مش المفروض في حاجه اسمها حرية التعبير و بعدين معروف ان العلام بينقل الصوره زي ما هي
امجد….بس اسمعي مني بعيدا بقي عن الهزار اعملي زي ما بنقولك هدي الدنيا شويه الحلقه بتاعتك الكلام عليها كتير
سهر….بابتسامه امال هيحصل ايه في حلقه بكره
بيري…شكلك ناويه متجيبهاش البر هتتكلمي في ايه يا مصېـ,ـبه
سهر…لا خليها مفجأه بقي
ملك….مش بخاف انا غير من مفاجئاتك دي .
مريم…بضحك سهر ناويه تتحبس و هتاخدنا معاها
سهر….يا نعيش عيشه فل يا ڼمو……ت احنا الكل.
و في وسط ما هما قاعدين وبيتكلموا دخل عليهم خالد و كان وراه اتنين من رجالته خلاهم يقفوا بعيد و كان واقف معاهم حمزه اللي بقي دراعه اليمين
قرب خالد وكان ماسك في ايده بوكيه ورد.
مريم…بهمس مسموع ليهم ايه ده مش ده خالد
بصوا كلهم و اول ما شافوا استغربوا اما بيري فا حست انها ماټت في جلدها و سهر بصتله و هي رافعه حاجبها.
خالد….بابتسامه مساء الخير عليكم جميعا اسف لو اقټحمت قعدتكم الحلوه دي من غير استئذان.
امجد….اهلا يا خالد اخبارك ايه
خالد…تمام الحمد لله
امجد…مقولتش يعني انك جاي وبعدين عرفت منين اننا هنا.
خالد….مقولتش لاني مكنتش جاي صراحه انا كنت رايح البيت عندكم يا مازن بس فاتن هانم قالتلي انكم مش موجودين وعرفتني مكانكم قولت اجي ازيك يا سهر عامله ايه.
سهر…اهلا
خالد….ازيك يا ملك
ملك….بخير يا خالد
خالد بابتسامه حب بص لبيري وهي مكانتش بصاله كانت باصه علي سهر بقلق
خالد….ازيك يا بيري اخبارك ايه
بيري….بخير
خالد…طب ايه مش هتقولولي اتفضل ولا ايه
سهر….بقالك ساعه عمال تتكلم و جيت قاطعتنا لسه عايز تتفضل اكتر من كده ايه.
امجد…بسرعه عشان متتعصبش سهر عليه اتفضل يا خالد اقعد تشرب ايه
خالد….لا ولا حاجه انا جاي بس عشان اقول لبيري حمد الله علي السلامه و اعتذ؟؟؟؟؟؟؟رلها عن اي حاجه حصلت مني قدامكم
امجد ….وده ميمنعش انك تشرب قهوه رفع امجد ايده للويتر وطلب قهوه لخالد
بلعت بيري ريقها و فضلت باصه بعيد عنه.
خالد…انا اسف يا بيري و بعتذ؟؟؟؟؟رلك علي اي حاجه حصلت مني من غير قصد وانتي فهمتيها غلط
سهر…بسخريه فهمتها غلط يعني تحاول تقرب منها و ده من غير قصد وكمان هي فهمت غلط
مريم…بهمس ابو؟؟؟س ايدك اسكتي شويه
سهر….اسكت ليه بقول حاجه غلط.
خالد….اخ يا سهر بتقولي حاجه غلط
سهر….يعني بيري كدابه
خالد…مقولتش انها كدابه قولت انها فهمت غلط انا كنت شارب ومش في وعيي ولو فرضنا ان ده حصل مني يبقي اكيد حصل من غير وعي وبعدين يعني اتمني تسيبي فرصه ليها تتكلم بيري انا اسف وبعتذ…رلك تاني و اتمني تقبلي اسفي
حط خالد قدامها البوكيه بتاع الورد في نفس اللحظه اللي جه الويتر حط فيها القهوه ومشي.
مازن….خالد بص احنا يمكن نعرف بعض من سنين و يمكن كمان اللي بينا اكبر بكتير من عشره و شغل بس انت غلطت في حق اختي وانا عن نفسي مش قادر اتخطي ده خالص اه بتعامل معاك عادي و بشتغل و بحاول اعدي بس بيري يا اختي يا خالد
خالد….وانا قولت يا مازن اني بعتذر و لو فعلا ده حصل مني فا اكيد مكنتش في وعيي انا كل اللي فاكره اني شوفتها واقفه مع حمزه و اضايقت و لما دخلنا المكتب جوه و جات سيرته اتفاجئت بكلامها عنه مش هنكر اني قولت كلام يضايقها بس كان ڠصب عني و اي حاجه تانيه حصلت صدقني يا مازن مش فاكرها انا اخر حد ممكن يفكر يأذي بيري.
سهر….معلش انا عندي فضول بس أسال عشان في حاجه كده مش قادره اعديها او ابلعها لو فرضنا بعني ان بيري لسه بتحب الزبا…..له ده وشاورت بكل جرأه من بعيد علي حمزه انت مالك ايه اللي يضايقك هو انت خطيبها جوزها يعني ايه الرابط اللي بينك وبينها يخلي العسم عندك يوصل لليڤل الۏ؟؟؟؟؟حش انك تضا..يق و تغير و الجو ده
بيري بصت لسهر وهي بتبرقلها عشان تسكت.
مريم…بهمس لبيري قولي اي حاجه قبل ما حد فيهم ېمو؟؟؟؟؟ت التاني..
ملك…لسهر بهمس يا بنتي اسكتي شويه لو بتحبيني.
خالد…بابتسامه رغم الڠضب اللي جواه من ناحيتها و الله يا سهر انا شايف ان سؤال زي ده فضول منك زي ما قولتي وحاجه متخصكيش
سهر….بضحك لا انت فاهم غلط يا خالد بيري دي مش صاحبتي بيري دي تبقي اختي و لو هنتكلم عن اللي يخصني واللي ميخصنيش فا انت بعيد كل البعد عن انك تعرفه اصل انت مش قادر تفهم يا خالد الدايره اللي انت شايفها دي صحاب واخوات متخصكش انت خالص.
مازن…اااا بقول ايه يا سهور ما تيجي نخرج نقف بره شويه عشان حابب اخد رأيك في حاجه.
سهر….مش هقوم يا مازن و بعدين انا مش بتخانق علي فكره انا بتناقش و لا ايه يا خالد
خالد…بابتسامه صفرا وهو بيحاول يسيطر علي نفسه ربنا مايجيب خـ,ـناق يا سهر بس هو في الحقيقه يا سهر انا عندي سؤال نفسي اسأله ليكي لو تسمحي طبعا
سهر…اوي اوي اتفضل
خالد…هو انتي ليه بتكرهيني اوي كده
سهر…اكرهك تؤ تؤ انت كده بتبالغ يا خالد
خالد….لا ما هو متقنعنيش انك بتحبيني
سهر…لا من غير اقناع انت فهمت ردي غلط هو الاكيد اني مش بحبك بس كمان مش بكرهك اصل انت مش فاهم الكره ده شعور زيه زي الحب و معني اني. بكرهك يبقي انت شاغل بالي وتفكيري لدرجة ان يتولد جوايا الشعور ده ليك و للاسف يا خالد انت مش في بالي خالص بس تسمع يا خالد عن القبول
خالد…بابتسامه ڠضب و حقد طبعا
سهر….تعرف ايه عنه
خالد…يعني بيقولوا ديما ان القبول ده من عند ربنا.
سهر…بالظبط وانا يا اخي ربنا مزرعش القبول ده جوايا من ناحيتك مش عارفه ليه مش بقدر ابلعك يا خالد و المشكله انك حاطت نفسك مع اكتر انسانه بحبها و اللي يفكر يقرب منها اكله بسناني فا طبيعي يا خالد لما اعرف ان انت عملت كل ده فيها مبلعكش اكتر
امجد….بقول ايه يا سهر انا شايف انك تخرجي مع مازن او نقعد كده ونهدأ شويه انتوا مالكم يا جماعه سخنت ا علي بعض ليه
سهر…ببرود انا لا خالص هو سأل سؤال وانا رديت عليه و بيتهيالي خالد عارف اني صريحه واكيد مش هيزعل من صراحتي ولا ايه يا خالد
خالد….بابتسامه طبعا اكيد مش زعلان و اكيد مش هجبرك علي تنك تتقبليني زي ما انا بالظبط هفصل شايف انك سبب كل حاجه مش حلوه بتحصل بيني وبين بيري.
سهر….بضحكة سخريه اللي بينك وبين بيري !! انت عارف مشكلتك ايه يا خالد انك بتكدب الكدبه وتصدقها يعني بتتعامل علي ان بيري دي ليك و بتحبك و في بينكم علاقه انت مش شايف انها حتي منطقتش بكلمه من وقت ما جيت
بيري…..سهر حبيبتي عشان خاطري كفايه و ياريت الجو اللي كله توتر ده يخلص بقي لاني بجد
—
بدأت اتوتر لو بتحبيني يا سهر اسكتي و انت يا خالد من فضلك كفايه انت اعتذرت وخلاص خلصنا
خالد….بس انا مسمعتش منك اذا كنتي قبلتي اعتذاري او لا.
سهر….بضحكة سخريه هزت راسها شمال ويمين والله العظيم دي قصه كبيره
بصلها خالد بتوعد من غير ما يتكلم .
بيري….خالد اعتذارك او عدمه مش هيغير حاجه من اللي جوايا ليك ارجوك يا خالد افهم خالد انا مش عايزه اضايقك او أجرحك احنا زي ما قال مازن بينا عشره وسنين كتير بلاش كل ده يضيع
و نخسر بعض .
لو علي اعتذارك يا خالد تمام مستعده اقبله وانسي كل اللي حصل بس في المقابل تتقبل رأيي و تحترمه خلينا نبقي اصدقاء يا خالد صدقني انت تستاهل حد يحبك زي ما انت بتحبه.
خالد….بصي يا بيري انا كل اللي يهمني من كلامك الوقت هو انك قبلتي اعتذاري اي كلام تاني قولتيه انا مش هعتبره قرار نهائي ليكي و اكيد هنتكلم تاني مع بعض بص لسهر علي الاقل يكون الجو احسن واهدي من كده و ميبقاش في حد ماثر عليكي
سهر….قصدك مين بحد تقصدني انا هو انت ليه يا خالد متخيل اني بأثر علي قرارات بيري
خالد….هو انا كنت شاكك انك مأثره عليها بس الوقت اتاكدت
سهر….اتأكدت !! والله لو انت شايف اني بعمل كده بجد يبقي دي احسن واهم حاجه عملتها في حياتي. وخد بالك يا خالد انا واثقه اني لو كنت معاكم يوم عيد ميلاد بيري مكنتش هتقدر تقرب منها و انت عارف كده كويس
خالد….بردوا مصممه تحطي في دماغها ودماغ الكل اني عملت كده
سهر…بابتسامه و الله لو انا غلطانه مكانش زمان بيري معلمه علي وشك انت و كلـ,ـب الحراسه بتاعك
خالد….اممم طيب كويس اوي قام خالد وقف و هو بيبص لبيري انا همشي الوقت يا بيري عشان متحصلش مشكله و اكيد هنتكلم مع بعض تاني.
سهر…..يكون افضل بردوا
بصلها خالد پغضب وطلع من جيبه المحفظه و خد مبلغ من غير ما يعده و شاور بايده للويتر
سهر….معلش انت بتعمل ايه يا خالد
خالد….نعم يا سهر
سهر….سؤالي واضح بتعمل ايه
قرب الويتر من خالد
الويتر…تحت امرك يا افندم
خالد….اتفضل حساب التربيزه وخلي الباقي
الويتر….شكرا يا افندم جدا
سهر…للويتر استني عندك هات الفلوس دي
بص الويتر ليها وبعدين لخالد و مد ايده لسهر بالفلوس
خالد….بتعملي ايه
سهر…انت اللي فاكر نفسك بتعمل ايه
امجد….سهر لحظه من فضلك
سهر…لحظه انت يا امجد خد فلوسك يا خالد لاني مش هقبل انك تدفعلي حاجه
خالد …والله انا مش قاصد اني ادفعلك انتي شخصيا اظن مش انتي بس اللي قاعده علي التربيزه
مازن….خالد امشي الوقت و بعدين ده واجب علينا احنا
سهر….لا يا مازن احنا ملناش واجب عنده القاعده دي و التربيزه دي حسابها عندي انا عازمه صحابي و اخواتي يعني مش مقبول انك تدفع او تشيل عني حاجه لاني مطلبتش منك ده وبيتهيألي من الذوق يا باشا لما تيجي علي تربيزه ناس انت مش مدعو عليها من الاساس انك تفرد عضلاتك وتحاسب قامت سهر وقفت و حطت الفلوس في ايده
خد فلوسك يا خالد و كلابك اللي واقفين هناك و امشي.
مازن….يا سهر
ملك…ممكن تهدي شويه
سهر…ممكن تخرسوا انتوا الاتنين شويه.
امجد….خالد معلش امسي الوقت عشان الوضع مش متحمل اكتر من كده الناس هتبدأ تبص علينا
خالد….بابتسامه ڠضب تمام يا شباب محصلش حاجه و اسف يا استاذه سهر علي سوء الفهم
بعد اذنكم
سهر…استني عندك
وقف خالد وبصلها وهو بيغلي من جواه.
قعدت سهر وحطت رجل علي رجل و ابتسمت باستفزاز
سهر….ادفع حساب قهوتك و انت ماشي لاني محبش اني ادفعلك
خالد…تمام اي حاجه تاني
سهر…..مع السلامه.
فضل خالد ثواني باصصلها پغضب و هي بصاله بابتسامه كان هيولع منها وماسك نفسه بالعافيه عشان مش عايز يخسر بيري.
سابهم خالد ومشي بعد ما دفع حسابه وخرج وهو شكله زي الزفت.
بيري….پخوف ممكن اعرف ايه اللي انتي عملتيه ده
ملك…في ايه يا بنتي مالك سخنتي عليه كده ليه
امجد….سهر لازم تهدي اللعب شويه مع خالد ده انتي لسه بتنصحيني اخد بالي من الشغل معاه.
سهر….ممكن انتوا تسكتوا شويه محدش فيكم فاهم البني ادم ده جاي بكل بجاحه يقول معملتش حاجه وشويه و يقول لو عملت اكيد مكنتش في وعيي و جاي يفرد صدره و يتسعرض عضلاته ومطلع مبلغ كبير يديه للويتر فاكر نفسه هيشتري العالم بفلوسه.
مازن…ايوه بس انتي احرجتيه يا سهر و خالد مش هيعديها انا خاېف عليكي
سهر…اعلي ما في خيله يركبه انا معملتش حاجه غلط من حقي اقبل او ارفض اللي يقعد معايا واللي يحاسبلي علي حاجه طلباها وبعدين البجح لو اتكسفت منه يبقي تستاهل اللي يحصل فيك هو بجح وانا كان لازم اكون ابجح منه طب علينا من غير استأذان و قعد وهو عارف انه مش مرحب بيه يبقي حلال عليه رد فعلي.
بيري…طيب ممكن تهدي شويه بقي
سهر…مين قالك اني مش هاديه انا زي الفل و مزاجي حلو اوي عشان قدرت احړق دمه.
امجد….بصي انا عارف انه مش هامك و لا شاغلك اللي حصل بس صدقيني خالد مش هيعديها
سهر…ميعديهاش يفكر بس انه يعمل معايا حاجه مشكلتكم انكم مديين خالد ده اهميه زياده عن اللزوم.
بيري…مش حكايه اهميه يا سهر بس احنا كلنا عارفين انه مؤذي خالد مبيبحبش حد يقرب من كرامته وانتي مش بس قربتي انتي ساويتي كرامته بالاسفلت
سهر….يستاهل و قليل عليه كمان بقولكم ايه غيروا السيره دي بلاش صداع.
سكتوا كلهم و هما قلقانين علي سهر من رد فعل خالد.
…………..
في الخارج خرج خالد وهو عامل زي البركان اللي هينفجر ضړب العربيه بكل قوته برجله.
خالد…انا تعمل فيا كده ده انا همسحها من علي وش الدنيا
حمزه…اهدأ بس يا باشا هي متستاهلش غضبك ده
خالد…خلت شكلي زي الزفت و مسكت نفسي عنها بالعافيه بس وديني مبقاش خالد الباز ان ما خلتها تيجي تبو…س علي رجلي وتركع عشان اسامحها و مش هقبل
حمزه….طيب قولي يا باشا ايه اللي يرضيك وانا هعمله فورا دي حتت بت ملهاش اي لازمه يعني متستاهلش زعلك صدقني.
خالد…متعملش حاجه يا حمزه ارجع انت والرجاله انا عايز ابقي لوحدي
حمزه….طيب يا باشا
خالد….بمقاطعه و ڠضب قولتلك امشي يا حمزه سيبوني لوحدي
حمزه….تمام يا باشا يلا يا رجاله.
خد حمزه رجالة خالد ومشيوا ركب خالد العربيه واتصل علي فاتن بكل ڠضب وحكالها اللي حصل كله.
فاتن…..وهي ازاي تتجرأ وتعمل كده هي مين اصلا عشان تتحكم في بنتي
خالد….انا قولتلك كل اللي حصل عشان بعد كده لما اتصرف من دماغي متبقيش تزعلي انا عملت زي ما طلبتي مني بالظبط ودي كانت النتيجه انه اتقل مني من السهر العدوي قدام الكل
فاتن….ما عاش و لا كان اللي يقل منك البت دي لازم تقف عند حدها وانا بقي اللي هوقفها سيبلي انا الموضوع ده با خالد وبلاش تعصب نفسك انا هتصرف
خالد….هتعملي ايه
فاتن….سيبهالي انا بقي انا هتصرف هروح بيتها و هعرف امها بكل حاجه و اقولها تبعد عن بنتي خالص
خالد….تمام اتمني موضوع سهر ده يخلص خالص عشان بيتهيألي لو اتصرف انا التصرف مش هيعجب الكل.
فاتن….تمام يا خالد روق اعصابك بقي واهدأ شويه ماشي
خالد….تمام يلا سلام
فاتن….سلام.
قفلت
—
فاتن و هي علي اخرها
سعيد…في ايه يا فاتن حصل ايه من سهر
فاتن….حصل اللي كنت شاكه غيه اقطع دراعي ان ما كانت البت دي عينها علي خالد و غيرانه ان خالد بيحب بيري و انا هطربق عليها الدنيا و لو مبعدتش عن بيري ھفضـ,ـحها وهدمرها انا اصلا مش بحب البت دي ولا عاجبني قربها من ولادي.
سعيد….استني بس يا فاتن احنا مش عايزين مشاكل هتعملي ايه
فاتن….هعمل اللي كان لازم يتعمل من زمان يا سعيد مش هسكت للي اسمها سهر دي ولازم تقف عند حدها وتبعد عن ولادي و خاصتا بيري هقول لامها لو مبعدتش بنتها عن بيري بالذوق هعرف ازاي ابعدها عنها بالعافيه
سعيد…طيب تمام براحه بس انا عايزك تبقي اهدأ من كده انا مش عايز مشاكل يا فاتن ولا ۏجع دماغ هو انتي فاكره لو روحتي خبطتي علي بيتها و اتخانقتي معاها وهددتيها سهر هتسمي عليكي انتي ناسيه انها مابتخفش من اي حد
فاتن….تعمل اللي تعمله وقتها انا كمان ھفــ,ـضحها و هقول انها بتلعب في دماغ بنتي و بتعصيها عليا وعليك و بتغير منها وطبعا هي شخصيه معروفه واكيد مش هتحب انها تتفـ,ـضح ڤضيـ,ـحه زي دي
سعيد…يافاتن طيب اسمعي بس
فاتن…اسمع انت يا سعيد احنا لازم في اقرب وقت نخلص من كل الصداع اللي عايشين فيه بقالنا فتره ده انا كان عندي امل ان الامور تهدأ شويه بين خالد وبيري انهارده معرفش ان سهر هتخرب كل حاجه توقعت ان لما خالد يروح ويعتذر من بيري قدام الكل هتتبسط وتغير فكرتها عنه و مجاش في بالي خالص ان ممكن سهر تعمل فيه كده قولت اكيد مش هتتكلم و لا تضايقه
بس البت دي طلعت خبيثه و حقوده بوظت بينهم الدنيا اكتر ويكون في علمك خالد شايط وعلي اخره ومش هيسكت ادعي اللي حصل ده ميوصلش لمهيب باشا عشان وقتها لا هيسمي عليك ولا علينا اقف معايا يا سعيد وحط ايدك في ايدي خصوصا في الوقت ده احنا بنمر بوقت صعب وقت هيحدد مصيرنا كلنا احنا مش حمل قلبت مهيب وابنه مهيب نابه ازرق وقلبه اسود و مش سهل تخيل كده لو فكر بس انه يقلب عليك يا سعيد انت مش بس هتمشي من شغلك ولا بس هنطرد طردة الكلاب في الشارع انت هتتحبس عشان الڤيلتين اللي جبتهم بالتقسيط لمازن و مريم و اظن انه عمل معاك فوق الواجب وتقريبا اداهملكم من غير لا مقدم ولا فوايد و كمان تقسيط مريح
ده علي امل انه يكتب قصادهم ڤيلا لبيري لما تتجوز ابنه عارف بقي لو بيري متجوزتش خالد ايه اللي هيحصل هتتسجن يا سعيد لانك مش هتلاقي تدفع هتطرد من شغلك و ابنك هيحصلك هياخدوا البيت والعربيات وكل حاجه ده غير الفضايح والمصاېب اللي هتطولك وتطولنا
حط ايدك في ايدي يا سعيد لاننا بدانا وقت الجد.
سعيد…بقلق وخوف وتفكير في كل كلام فاتن طب وبعدين يا فاتن هعمل ايه
فاتن….انت مش هتعمل اي حاجه انا اللي هعمل واول خطوه اني اقطع العلاقه بين بيري وسهر خالص عشان متلاقيش حد يأثر عليها و دورك بقي انك تحاول تتكلم مع بنتك لان انا كلامي ديما واقف في زورها وعشان لو حاولت اتكلم معاها هفقد اعصابي ومش بعيد تمشي تاني
سعيد…هي ممكن تعملها تاني يا فاتن لا مستحيل
فاتن…وليه لا اللي خلاها اتجرأت لاول مره و سابت البيت سهل تعملها تاني لازم ناخد خطوه اسرع يا سعيد لان المرادي بيري لو مشيت مش هنعرف نوصلها بسهوله اتكلم معاها بهدوء وحاول تفهمها الوضع اللي وصلنا ليه و توابع رفضها لخالد ممكن تعمل فينا ايه و يكون في علمك
بيري لو فضلت مصممه علي اللي في دماغها ده يبقي كده مفيش قدامنا غير حل واحد و هي اللي هتضطرنا عليه اننا نجوزها لخالد و رجلها فوق رقبتها.
سعيد…طيب سبيني الاول اتكلم معاها
فاتن…تمام يا سعيد و انا هروح الوقت للي اسمها سهر وامها
سعيد….بس اكيد مش هتلاقيها هي لسه مع الولاد
فاتن….علي ما اوصل تكون روحت هما زمانهم ماشين.
سعيد…طيب ابقي عرفيني عملتي ايه
فاتن…تمام
……….
لبست فاتن وجهزت نفسها وبعدين خرجت في نفس الوقت اللي بيري واخواتها كانوا راجعين في الطريق ملك وامجد روحوا وسهر كمان روحت علي البيت عشان شغلها .
وصلت سهر البيت و قعدت شويه مع والدتها.
امل….اتبسطتوا يا سهر
سهر…اوي يا ست الكل كانت عيزاكي الخروجه دي
امل…انتي عاره اني مليش في الخروج اوي بس ان شاء الله قريب نعزمهم ونقضي اليوم مع بعض
سهر…ان شاء الله يا حبيبتي
امل…طمنيني علي بيري حكتلكم حاجه تاني
سهر….الا مفيش جديد هو زي ما حكتلك قعدت في فندق صغير عشان سي زفت ميوصلهاش و الحمد لله هي بخير
امل….طيب و نفسيتها عامله ايه
سهر….لا احسن من امبارح بكتير امبارح كنت حاسه انها مش علي طبيعتها و نفسيتها مكانتش احسن حاجه.
امل….ربنا يسعدها ويروق بالها ويحيمها يارب
سهر…يارب اللهم امين بقولك ايه يا ست الكل انا هطلع بقي انام عشان بكره يومي طويل و عندي حلقه محتاجه ارتاح
امل….طيب يا حبيبتي اطلعي بقولك ايه مش جعانه
سهر….لا كلت معاهم ومش قادره والله
امل..طيب يلا اطلعي نامي وارتاحي .
سهر…تصبحي علي خير يا ست الكل.
امل….وانتي من اهل الخير يا حبيبتي
في اللحظه دي سمعوا صوت خبط قوي علي الباب.
امل….ايه ده في ايه
بصت سهر علي الباب و للحظه اللي جه في بالها انه يكون خالد او حد تبعه.
سهر…استني انا هفتح
امل…لا لا خليكي انتي انا اشوف مين اللي بيخبط بالشكل ده
فتحت امل الباب لمحت قدامها فاتن
امل…بابتسامه اهلا يا فاتن ايه المفجأه الحلوه دي.
فاتن….ازيك يا امل اخبارك ايه
امل…زي الفل تعالي اتفضلي
سهر….بابتسامه قربت منها طنط فاتن ابه المفجأه الحلوه دي
بصتلها فاتن من غير ما ترد وبعدين بصت لامل
فاتن….امل انا مش هاخد من وقتكم كتير انا بس عايزه اقول كلمتين لسهر قدامك وهمشي علي طول
هنا سهر حست من طريقتها و عرفت هي جايه ليه وتوقعت انها عرفت من خالد اللي حصل.
سهر….خير يا طنط يا فاتن
فاتن…طيب ادخلي اقعدي هنتكلم وانتي واقفه كده
فاتن…..انا مش جايه اتضايف يا فاتن انا جايه بس اقولك ابعدي بنتك عن بيري
سهر…..پصدمه حضرتك بتقولي ايه
فاتن….بصوت عالي نسبيا اللي سمعتيه يا سهر
امل…طيب براحه كده عايزه افهم في ايه
فاتن….في ان بنتك مبتحبش الخير لبنتي و بتحاول تخليها تعصاني وتعصب ابوها بتحاول تدمرها
سهر….انا انا مبحبش الخير لبيري و بخليها تعصاكم وعايزه ادمرها حضرتك بتقولي ايه
فاتن….اللي سمعتيه بقول اللي بيحصل تنكري انتي اكبر سبب في قطع اي علاقه بين بيري وخالد.
سهر….بسخريه اااااه قولتيلي خالد بقي يعني الموضوع بخص البني ادم القذر ده
فاتن…..مسمحلكيش تتكلمي عليه بالطريقه دي
امل….هو انا ممكن افهم ايه اللي ليحصل بالظبط ايه اللي حصل اللنات كانوا هارجين مع بعض امبارح وانهارده و مبسوطين حصل ايه لكل ده
فاتن….حصل ان بنتم بتغير من بيري يا امل و كل ما تحس انها ممكن تقرب من خالد تبعدهم قوليلي يا سهر كنتي حاطه عينك علي خالد وانا معرفش
امل….كلمه كمان و انا اللي هرد
عليكي انا مسمحلكيش تتكلمي مع بنتي بالاسلوب ده.
فاتن….يبقي توقفيها عند حدها بدل ما انا اوقفها بطريقتي
سهر…هو حضرتك جايه بيتي ټهدديني انا
فاتن…..هو المرادي ټهديد بس بعد كده متلوميش غير نفسك يا سهر من انهارده تقطعي علاقتك ببنتي و تسبيها تشوف مصلحتها وحياتها بطلي تضغطي عليه و تدسي سمك في دماغها
سهر….انا مش قادره استوعب اللي بتقوليه بجد بيري دي اختي و لو خالد ده كان في خير ليها كنت انا اول واحده هنصحها و اقربها منه بس بصراحه اللي مش قادره استوعبه اكتر هو رد فعلك و طريقتك معاها انتي متخيله اللي حصل منه ولا مش قادره تستوعبي انه كان بيحاول يأذيها ويعتدي عليها ازاي قابله ده علي بنتك ازاي قوليلي
فاتن…اولا اي حاجه بيني وبين بنتي انتي ملكيش علاقه بيها ثانيا الراجل اعتذر وقال ان لو ده حصل يبقي كان مش في وعيه عشان كان شارب انتي مش هتخافي علي بنتي اكتر مني
سهر….لا لا بيتهيألك انا هخاف علي بيري اكتر منك انا يمكن لسه مش ام بس لو كان عندي بنت وحصل فيها كده كنت شربت من دمه و قټلته بايدي حتي لو كان مش في وعيه مكنتش هرحمه انا بمجرد ما صحيت ما صحيت من نومي تلني يزم عيد ميلاد ييري وعرت من ملك اللي حصل وهي بتتصل تسالني عليها و تحكيلي كنت بمۏت ومقدرتش امنع نفسي من اني اروح لخالد وافرج عليه الدنيا وافضـ,ـحه قدام ابوه انتي بقي عملتي ايه عشان بيري هااا عملتي ايه
فاتن….قولتلك اللي بيني وبين بنتي انتي ملكيش علاقه بيه و اوعي تفكري اني ممكن اصدقك
ابعدي عن بنتي و ملكيش علاقه بيها خالص و اللي حصل انهارده مع خالد منك انا هعديه المرادي و احمدي ربنا اني باعده عنك خالد لحد الوقت اخرجي من حياتنا خالص مفهوم
ده اخر تحذير لبنتك يا امل اي حاجه بعد كده انا مش مسؤوله عنها .
سابتهم فاتن وخرجت و رزعت الباب وراها بكل ڠضب.
بصت امل عالباب پصدمه ورجعت بصت لسهر
امل…ايه الست دي هو في ايه لكل ده.
سهر….في انها ست قذره و مستعدة تبيع بنتها للي يدفع اكتر
امل….ايه حكايه خالد و اللي حصل في المطعم انتي ليه مجبتليش سيره.
سهر…مفيش يا حبيبتي جاي بكل بجاحه يقول انه بيعتذر و طريقته مكانتش حلوه بجـ,ـح وزبا….له لا و قايم يطلع رزمة فلوس ويديها للويتر قدامي علي انه بيحاسب وطبعا مسخرة بكرامته الارض وخليت منظره زي الزفت.
امل…طب وليه يا سهر ليه يا بنتي كان ممكن تتكلمي بهدوء
سهر…انا كنت هاديه علي فكره
امل…يعني انا مش عرفاكي يا سهر قولتلك الف مره ابعدي عنه خالص
سهر…هو اللي جالنا مش انا اللي روحتله و هو ابن حلال ويستاهل
امل…طيب وهتعملي ايه مع الست دي
سهر …ولا حاجه مليش علاقه بيها اصلا انا كل اللي يهمني هي بيري عموما انا مش قادره بجد ودماغي ھتنفجر خليني اطلع انام وبكره نتكلم ماشي
امل….طيب يا بنتي اطلعي.
………..
وللحديث بقيه…