لقاء كـ،ـ،ـ،ـارثي

نادين….بابتسامه طبعاً اقدر سجليه انتي بس بأسمك و اي حاجه بعد كده سيبيها عليا موضوع بيع البيت او تأجيره سواء مفروش او ايجار جديد سهل و بيتعمل بسهوله و الناس ما بتصدق يقع تحت ايدها بيت كويس في مكان مناسب و اللي اعرفوا ان البيت فعلا في مكان مناسب

نغم….اه والله والبيت كويس جدا و الشقه نفسها تجنن و كبيره

نادين…متقلقيش انا هظبط كل حاجه و اقدر كمان اجيبلك بيت جديد لو حابه تنقلي فيه

نغم….ياربت يا نادين دي بقي اهم حاجه لاني بصراحه مش عايزه اتقل اكتر من كده علي عمو احمد هما اتحملوني كتير اوي بس هو ينفع يكون في مكان مش بعيد عنكم اوي

نادين…ينفع طبعاً المكان اللي يعجبك شاوري عليه عايزه هنا في التجمع عايزه في مدينتي عايزه في اي مكان هجيبلك

نغم….بابتيامه لا مش لادرجه الاماكن دي هتبقي غاليه جدا مش هقدر عليها

نادين….في بيوت بتبقي عامله زي نظام استديو يعني اوضه و صاله و مطبخ وتويلت بس و دي اسعارها مش بتبقي عاليه و كمان انتي لما تاخدي فلوسك من بيع البيت تقدري تعملي حاجه من اتنين عشان تقدري تغطي ايجار البيت يا اما تحطيها في البنك زي شهاده و الارباح اللي تطلع تدفع للشقه و بكده انتي مش هتغرمي حاجه او تفكري في مشروع تشغلي فلوسك فيه و برضوا من ارباحك تقدري تعملي كده يعني في كل الاحوال الفلوس هتغطي مصاريف الايجار

نغم…. بابتسامه هي الفكره حلوه طبعاً بس انتي فاهمه غلط البيت مش هيجيب مبلغ يطلع ارباح تغطي ايجار بيت جديد مريم لما باعته و ادتنا تمنه اينعم كانت ضاحكه علينا بس هو مش هيجيب كتير

نادين….كانت مدياكم كام يا نغم

نغم…..80 الف لكل واحده فينا قالت ان تمنه 160 بس انا حاسه انه كان يجيب اكتر من كده شويه

نادين…..نعمممم 160 الف ابتسمت بهدوء لا الاول استلمي البيت و بعدين نشوف تمنه الحقيقي

نغم….ضاحكه علينا مش كده؟

نادين….اكيد بس متفكريش الوقت في اي حاجه الا انك تاخدي حقك وبس اللي بعد كده سيبيه عليا بمجرد ما تسجليه في الشهر العقاري و تستلمي عقد البيت في ايدك سيبي الباقي عليا و انا هحيبلك فيه افضل سعر ان شاء الله و نشوف بعد كده انتي عايزه تعملي ايه

نغم….طيب تمام انا هسيبلك انتي الباقي اخلص بس من الجزء الاهم

نادين….ان شاء الله خير متقلقيش ابداً