لقاء كـ،ـ،ـ،ـارثي
سلامه…امال اسيبه لوحده هو وابوكي متقلقيش انا مش هعمل حاجه بس عشان برضوا ميحسوش ان هي لوحدها و مفيش غير تامر وابوكي كبير ممكن عقلهم يلعب بيهم بس لما يلاقوا كذا راجل الموضوع يختلف و هيفكروا الف مره قبل ما يعملوا حاجه
ايه…ايوه يا سلامه بس انت مجنون اخاف يقولوا حاجه او يتكلموا بطريقه مش حلوه مع بابا تتعصب و تبقي مشكله و انا مش ناقصه قلق بجد
سلامه….يا حبيبة قلبي مفيش قلق سيبيها عليا و انا هكام حسان كمان لو فاضي هخليه هو كمان يجي معانا انتي عارفه حسان عاقل كده وراسي و هيظبط الدنيا برضوا المهم ميروحوش لوحدهم بقولك صحيح هما عارفين نغم قاعده فين
ايه….غالباً اه ما هما شافوا بابا و تامر كذا مره في النيابه و اكيد عارفين انها قاعده معانا
سلامه…ايوه اقصد عارفين البيت
ايه….لا ميتهيأليش الا لو خالتها او اللي اسمه هاني ده خلوا حد يمشي ورانا و بعدين حتي لو ده حصل مش هيعرفوا يدخلوا من الامن يعني ممكن يكونوا حاولوا بس الاكيد انهم معرفوش و إلا كان زمانهم عملوا اي حاجه او حاولوا يتعرضوا لنغم باي طريقه و انت شايف هي بقت تنزل الشغل و بتروح وتيجي لوحدها يعني ممكن يكونوا ميعرفوش مكانها
سلامه…او عارفين و خايفين من محضر عدم التعرض برضوا مينفعش ندي الامان عموما احنا لازم نبقي معاهم عشان جايز بعد ما يعملوا تنازل يحاولوا يتعرضوا ليهم وهنا راجعين
ايه…..ايوه بس حتي لو عملوا تنازل بابا مفهم المحامي ان نغم مش هتتنازل الا لما ورق الشقه يتسجل في الشهر العقاري باسمها يعني ميتهياليش يعملوا حاجه علي الاقل يضمنوا انها اتنازلت
سلامه…..برضوا لازم نحرص من النقطه دي و علي فكره الشقه دي هيبقي عليها قلق حتي لو نغم خدتها مش هيسيبوها في حالها يعني مينفعش ابداً تقعد فيها لازم تخلص منها
ايه….ماهو ده اللي هيحصل لان البيت قريب من شغل خالتها و من بيتها يعني مش هتسكت نغم بمجرد ما تاخد الشقه هوعرضها للبيع
سلامه…احسن برضوا عموما خير و متقلقيش خالص اكيد مش هسيب تامر و عمي اطمني
ايه…بابتسامه ربنا يخليك ليا يا سلامه و يطمنك زي ما انت علي طول بتطمني
سلامه….بضحكه جميله ده ايه الدعوه الحلوه دي مش لايق عليكي العقل يا بومه
ايه….بضحك اه يا سلامه الكلب تصدق بالله انا غلطانه اني برفع من روحك المعنويه
