لقاء كـ،ـ،ـ،ـارثي

…………..

علي الساعه اتنين الضهر سمع فضل تليفونه طلعوا من جيبه لقاها رحاب فضل ساكت ثواني مش عارف يرد ميردش ولو رد يقول ايه في النهايه رد عادي..

فضل….الوو

رحاب…. بابتسامه الناس اللي مختفيه و مش بتسأل

فضل….لا خالص والله بس انتي عارفه بقي الشغل و من بعد العيد ركزت شويه في الورشه

رحاب…..ولا يهمك يا سيدي انت عامل ايه

فضل…..بخير الحمد لله ماشي الحال انتي كويسه

رحاب….اه الحمد لله بس صوتك لسه مش ماشي الحال اوي ولا انت لسه صاحي

فضل….لا خالص والله انا زي الفل بس كنت بشتغل و مركز مش اكتر

رحاب…..بالتوفيق يارب في اي حاجه واقفه قدامك قول الميكانيكي هيساعدك

فضل…. بابتسامه لا متقلقيش كله تحت السيطره شايلك للتقيله

رحاب…..بضحك ماشي وانا جاهزه المهم قولي بقي انت فاضي انهارده شويه اعدي عليك و نخرج نقعد في مكان لو حابب يعني

فضل…اااا لا هو مش حكايه لو حابب بس انا مش هقدر انهارده خالص للاسف يا رحاب عندي شغل كتير سواء في الكافيه او الورشه و ممكن مقدرش والله

رحاب…..اممم ماشي انا بس قولت لو حابب تخرج تغير جو هعدي عليك عموما لو حسيت انك هتعرف قولي انا اجازه انهارده

فضل……ان شاء الله تمام هعرفك لو خلصت بدري

رحاب….تمام خلاص روح يلا انا مش هعطلك يمكن تخلض بدري

فضل….بايتسامه هاديه تمام يا رحاب

رحاب…. خلي بالك من نفسك

فضل….وانتي كمان يلا باي

رحاب…باي

قفلت رحاب و هي حاسه ان فضل بيقفل معاها بسرعه كانت حاسه انه ممكن يكون زعلان من حوار الصور او في حاجه هي مش فهماها بس مسألتش كتير و قررت تظبط كل حاجه بطريقتها في النهايه هي عارفه ان فضل لسه مش مظبوط و اللي حاصل ماثر عليه كانت عارفه انها هتتعب معاه بس مفرقش معاها التعب المهم بالنسبه ايها النتيجه..

قامت راحت علي المطبخ عملت نسكافيه و رجعت قعدت و هي مبتسمه و بتفكر يا تري تروحلوا مفجأه و تحطه قدام الامر الواقع و تخرج معاه ولا تستني عليه ولا تدخلوا احسن بحاجه عن طريق شغله تجذبه بيها و حست ان دي افضل طريقه مسكت موبايلها وفضلت تبص علي اي حاجه حاجه خاصه بالمجال بتاعه و بعتت لحد رساله سألتوا فيها عن اي ايڤنت قريب او تجمع خاص بين الشباب سابت الموبايل وابتسمت بهدوء و هي بتشرب النسكافيه و فجأه سمعت جرس الباب بيرن قامت بهدوء فتحت واتفاجئت برضوي