لقاء كـ،ـ،ـارثي

صاحبة البطل الواحد

. البارت التاسع و السبعين .

………………………

ايمي…..طيب ممكن اخد البنات و نروح ننم عليكم شويه وانتوا عادي لو حاببن تنموا علينا نموا

ليله…..طيب استني بس قبل النم انا حابه بس اتكلم معاكم في حاجه مهمه اللي طلبت اصلاً اننا نتقابل عشانها و بعد كده ننم براحتنا

سلامه….بضحك قوم افتح يا رشيد للظابط اللي واقف بره ليله لسه شايله و الله اسمعوا مني

ليله…..بابتسامه لا مفيش ظابط ولا حاجه يا سلامه و مش شايله من اي حد لان مفيش حاجه تتشال جوايا ليكم انا اصلاً عايزه اقول حاجه و بعدها الموضوع ده هيتقفل تماماً كأنه محصلش و اصلاً انا مش هتكلم فيه

حسان…..سلامه اهدي بقي و سيبها تتكلم و تقول اللي هي عيزاه قولي يا ليله.

عسال كان قاعد ساند علي الحيطه و نادين كانت قاعده قدامه هي اللي سانده قدام التربيزه و هو علي الحيطه في مسافه بينهم بس اول ما ليله قالت كده لفت راسها بسرعه بصتلوا

ابتسم عسال بهدوء و غمزلها حس انها اتوترت فا حب يحسسها ان الموضوع عادي بعد ضهره من الحيطه و فرد ضهره و مد كفه بهدوء مسك شعرها.

…..

سلامه….بضحكه جميله ماشي يا لياه قولي بجد والله انتي عايزه تقوليه و مش هرخم عليكي.

ليله….بأبتسامه هاديه و رضا علي ملامحها انا عارفه ان كلكم مستنين مني اني اعاتب او ألوم او أبين زعل و وجع او حتي اني اتكلم في اللي فات عارفه كمان ان في منكم واثق اني مش بسيب حقي لو حصل ايه و كلامي ده عن البنات لان هما اللي عارفين طبعي اكتر منكم لانهم عاشروني و عرفوني و شافوا معايا مواقف كتير تأكد كلامي انا عمري في حياتي ما سيبت حقي عمري ما نمت علي سريري و انا مظلومه ديماً اللي كان بيديني قلم ارده عشره

عشري كان ساكت خالص و بيسمعها بهدوء و كلهم عينهم علي ليله و هي عماله تتكلم و تبص لكل واحد فيهم

ليله….وده مش معناه اني حد قاسي ولا حد وحش انك تحافظ علي كرامتك وشخصيتك و تعمل لنفسك كيان و تحترمه دي مش قسوه قوه الشخصيه مش حاجه تعيب صاحبها

ومش معني كده اني مش بسامح لا بسامح و بعدي كتير بس ديماً بتقف معايا لما الحاجه بتيجي علي كرامتي.

لما حصل الموضوع ده صدقوني و رحمة امي انا مقصدتش خالص ان كل حاجه مرينا بيها مع بعض تحصل

انا طيبه لابعد حد ممكن تتخيلوا لما بحب بحب من قلبي لدرجه الجنون لدرجة اني حقيقي ممكن ارمي نفسي في النار عشان اللي بحبه بشوف اني حنينه مادياً و معنوياً

ودي مش نرجسيه انا زي ما بشوف في نفسي عيوب واثقه من المميزات اللي عندي و مش عيب اني اقولها

عيوبي عصبيتي تسرعي و اخطر عيب فيا ان رد القلم عندي ممكن يوصل لاذيه ودي مش حاجه حلوه بس انا كده مبقدرش اسامح في الغلط برد الزعل اللي زعلتوا من شخص بأذي حقي لان طول ما انا بقدم كل حاجه حلوه جوايا ليك واللاقيها تترد بشر لا بقدر اعفي و لا اسامح و لا حتي اتحكم في مشاعر الشر اللي بتبقي جوايا انا بشر مش ملاك .

كلامي ده مشي علي ناس كتير اوي مرت في حياتي سواء قريب او غريب بس انتوا الناس اللي مقدرتش اعمل معاهم كده و لا اقدر

لاسباب كتير اوي لما اتوجعت و مشيت جزء كبير من وجعي كان سؤال لنفسي ازاي الناس دي مش هتبقي في حياتي تاني ازاي الناس دي مش هقدر اشوفهم اتكلم معاهم اقابلهم يمكن اتوجعت علي خسارتكم اكتر بكتير ما فكرت اني اتوجع منكم و يمكن كمان كلامي للشباب اكتر كنت واثقه ان غلطتكم معايا مش غلطه اصلا كنت متفهمه جداً موقفكم بس كمان كنت شايفه ان لو عشري مش هيبقي موجود في حياتي انتوا كمان وجودكم مش هيبقي زي ما كان ودي كانت وجعاني اوي اوي لان انتوا الخمسه بعيداً خالص عن عشري ربنا وحده يعلم غلاوتكم في قلبي عامله ازاي

انا هقولكم حياتي باختصار بسرعه كده قبل ما اقول اللي عايزه اقوله.

انا عيشت حياتي كلها احد ما امي ماتت او قبل ما تموت بشويه مع امي و اخواتي الثلاثه بس امي وحيده لا كان عندي خالات ولا خيلان لا ولاد خاله من سني و لا ولاد خال جدتي كانت متوفيه من زمان هي وجدي مشافوش اصلا غير اميمه و وليد فا من ناحيه امي مكانش ليا غيرها و من ناحيه اهل ابويا كان ليا عمه و عم و جده و ابويا و ولاد عم ابويا و عيلته كانت كبيره و كلهم كانوا عايشين في بيت عيله عندهم بنات و شباب من سننا انا واخواتي بس علاقتي كانت مقطوعه بيهم تماماً زي ما انتوا عرفتوا مشاكلي معاهم عمرها ما خلصت يمكن مشاكلي مع ابويا كانت اقل بكتير من مشاكلي مع اهله.

فا حياتي كانت متوقفه علي اربعه امي وليد اميمه قمر ..
من صغري مقدرتش اكون صداقات نهائي و السبب انتوا عارفينه بردوا موت مياده صاحبتي لحد ما وصلت ثانوي و خلصتها كان موضوع مياده بيطاردني زي الشبح الكل بعيد عني و اللي كان بيقرب مني كان بيبعد بأمر من اهله او باقي البنات اللي بيكرهوني و اللي شايفين اني كنت سبب في موت واحده من صاحبنا

و لما دخلت الجامعه بردوا مقدرتش اكون صداقات لاني اولاً مكانش عندي طاقه داخله مرحله جديده و انا جايه من حرب بشعه و طفوله كلها صراعات و مشاكل و وجع و عنف مني بسبب اللي شوفتوا واللي سمعتوا و ثانياً كنت بدأت شغلي في الشركه فا وقتي كان ضايع بين الشغل و بين الدراسه معنديش وقت اصلا اعمل صحاب.

بس خلال المرحله بتاعت ثانوي و الجامعه ايمي كانت موجوده في حياتي كانت صاحبه قمر اختي اكتر و علاقتنا بقت اقوي شويه في الجامعه شوفت منها مواقف كتير حلوه شوفت جدعنه وحب من القلب

ابتسمت ليله لايمي بتأثر و وجع

و يمكن في الوقت اللي بدأت علاقتها بيا تطور مكنتش قادره اتأقلم زيها كان لسه جوايا حاجز كبير مخليني خايفه اقرب من البشر عموماً كانت عارفه او شايفه ان ايمي كمان مش هتطول معايا ورغم اني كنت بحبها اوي و مش ببين ده الا اني كنت خايفه اتعلق بيها و تسيبني بس هي فضلت مكمله معايا

ولما دخلت الجامعه بعدها اتعرفت علي خطيبي القديم يمكن وقتها اتعلقت بيه و كنت بحبه بس اكتشفت بعدها ان ده لا كان حب ولا تعلق اه هو كان حد كويس بس انا كنت بهرب كنت بحاول الاقي حد يفهمني يعرفني من جوه حد يتقبلني بعيوبي قبل مميزاتي وقتها بردوا كان تفكيري لسه مختلف و كنت بحاول اثبت لاي حد اني كويسه والله مش وحشه مؤخراً مبقتش اعمل ده لما كبرت و نضجت بس زمان كنت بحاول.

و اثناء شغلي في اخر سنتين تقريبا من الدراسه اتعرفت علي نادين بس معرفتي بيها كانت سطحيه جداً علاقه شغل هي كانت اعلي مني في البوزيشن بس كنت بحبها من بعيد لبعيد و بحسها طيبه محصلش بينا اي موقف لحد ما امي ماتت و انا قررت اسافر و خطيبي قرر انه يسيبني عشان مصممه عالسفر و فعلاً سيبته و سافرت لما وصلت الامارات كنت حاسه اني ضايعه موت امي دمرني بجد كسر فيا كل حاجه تتخيلوها وقتها بس حسيت بالوحده و يمكن حسيت بيها في موت ابويا بس مقدرتش ابين ضعفي ده اوي لكن في امي مقدرتش
لان اخواتي كمان كانوا متجوزين فا عيلتي الصغيره اللي كانت متكونه من اربعه بعد موتها صفصفت عليا انا بس اه هما كانوا جنبي و معايا بس في النهايه هما بقي عندهم بيت ومسؤوليات تشغلهم و مش هقدر انكر بصراحه ان ايمي فضلت معايا و علاقتها بيا كانت اقوي و كنت بحس انها بتعافر معايا عشان تطلع من جوايا ليله اللي كل المواقف والظروف دفنتها

في الامارات لما روحت بعد فتره نادين جات كتير علاقتنا ببعض بدأت تبقي احسن كتير بقي في بينا كلام و سؤال مبقتش سطحيه اوي مع الوقت علاقتنا بقت اقوي و يمكن نادين من اكتر الناس اللي شافتني في اصعب ايام حياتي مواقفها معايا لو نسيتها مبقاش بنت حلال في موقف في البدايه خالص بعد ما اتعرفنا شويه علي بعض كانت تعبانه و دافيه قولتلها اوصلك قالتلي لو مش هتعبك روحت وصلتها بالعربيه وطلعتها لحد فوق بس حرارتها كانت بتزيد روحت اعملها كمادات لقتها نامت و فضلت جنبها و كان في اليوم ده الشغل متعب اوي فا نمت جنبها لما صحيت هي قامت براحه مرضيتش تصحيني طلبت اكل و لما صحيت صممت اني ممشيش و يمكن ده اليوم اللي بدأت في علاقتنا تاخد منحني تاني خالص كانت بتسيب قدامي شنطتها و قلوس كتير متتعدش قدامي كانت هبله اوي بقينا شبه عايشين مع بعض كنت بسترغب ازاي قدرت تأمن ليا بسرعه كده و بردوا هي لسه متعرفنيش كانت تنزل وتسيبني ساعات و سايبه كل حاجه ليها قدامي وثقت فيا زي ما انا وثقت فيها بالظبط كانت

جدعه و محترمه و بتعمل الموقف وهي مش مستنيه منك اي مقابل

فتحتلي قلبها حكيتلي حياتها و وجعها و وحدتها و المعاناه اللي عاشت فيها من وهي طفله وجعتني اوي و حسيت انها شبهي و فيها مني بدأت انا كمان افتحلها قلبي و علاقتنا بقت قويه جداً و في الفتره دي كمان كانت ايمي بتسافر و تيجي عندنا و بقينا صحاب جداً

و اقدر اقول ان بسبب الاتنين دول كنت لاول مره في حياتي احس اني بني ادمه احس اني عارفه اعبر عن نفسي احس ان في حد قادر يشوف الحلو اللي جوايا و احس ان في لسه ناس كويسه نضيفه جدعه شافوا عيوبي اصلاً مش عيوب كنت لاول مره احس اني بحكي كل غلطاتي اللي عملتها و انا مرتاحه ان مفيش حد ممكن يهاجمني يقولي لا مكانش ليكي حق تعملي ده او تغلطي كده

يمكن حتي اهلي امي و اخواتي علي قد حبي ليهم و حبهم ليا بس ديماً كانوا بيشوفوا اني غلط و اني لازم اتغير و حتي لو حد بدأ وغلط فيا مش شرط يعني اخد حقي نقطه خلافي مع امي و وليد بالتحديد

كانت عشان مش حابين اني اخد حقي بايدي مش حابين اني ارد مش حابين اني ادافع عن نفسي امي كانت بتشوف من وجهة نظرها انها ست الدنيا جات عليها و اتظلم و دي حقيقه علي فكره هي فعلاً كانت كده ربت ولادها بطولها عاشت في حرب مع اهل ابويا اتخذلت من ابويا رغم حبه الكبير ليها هو اصلا متجوزش بعدها و لما مات وصي انه يتدفن في مقابرها عشان يبقي جنبها

بس يعني هي كانت بتشوف تصرفاتي حمل عليها طول الوقت كانت عايزه تثبت لابويا و اهله انها ربت و كبرت و عاشت في هدوء هي و ولادها من غير مشاكل و طبعاً انا اللي كنت حملها الكبير

بس مكانتش تعرف انه غصب عني او يمكن كانت عارفه بس كمان كانت رافضه ماهو بردوا كان حقي ابقي عنيفه وطبعي يبقي صعب لما من وانا لسه 11 سنه بيتقال عني قتلت و بيتقال عني كنت سبب في اللي حصل لصاحبتي كان حقي لما اشوف زمايلي ملمومين و بيتكلموا و بيشاورا عليا كان حقي لما كنت احاول اصاحب حد داخل جديد علينا سواء منقول من مدرسه او حتي اصغر مني و اللقيهم يروحوا بسرعه ياخدوا مني و يحكولوا عني

كان حقي ابقي عنيفه و وحشه و صعبه و باخد حقي بدراعي لما اللقي ام داخله علينا الفصل تقول قدام كل زمايلي و المدرسه انا مش عايزه بنتي تقعد جنب دي و تشاور عليا و المدرسه تقولها طبعاً حقك و تقوم زميلتي من جنبي و افضل طول الوقت لوحدي في ديسك منبوذه من الكل

ده انا حتي لما تعبت و بدأت اهمل في دراستي بسبب نفسيتي امي قررت تنقلني مدرسه تانيه لما كنت بروح مع صحابي الجداد في اي درس و نقابل صحابي اللي في المدرسه القديمه مسلمش منهم لحد ما صحابي الجداد باهاليهم عرفوا حكايتي مع مياده كان حقي اكون كده لما طفله تاخد شهره بأنها سفاحه صغيره وهي كل اللي عملتوا انها مقالتش عشان خافت علي صاحبتها لما يعرفوا انها خرجت مع ولد اهلها يضربوها ابتسمت بهدوء و الله العظيم كنت خايفه عليها تضرب مكنتش اعرف ولا استوعب اصلا ان الموضوع اكبر من علقه ممكن تاخدها.

بس رغم كل ده امي ولا مره قالت كفايه كده عن بنتي يمكن هي كمان اتعرضت لمواقف صعبه من الاهالي و تفكيرها اصلا مكانش يروح لنقطه ان دي طفله ارحموها امي كانت غلبانه اوي رغم انها كانت شخصيه

اما وليد فا علي قد ما كنت بتوجع منه علي قد ما لما بفكر بشوف انه كان معاه حق وليد كمان ضحيه سمع وشاف كتير غير انه شال مسؤوليه بيت و ام وبنات في رقبته وهو اصلاً صغير هو قرر يمشي جنب الحيط مش ضعف بس هو حقيقي لو كان دخل في مشاكل مكانش هيلاقي حد يقف معاه كان هيبقي بطوله لا اهل ام ولا اهل اب خاف علينا و احنا الاربعه زي ما بيقولوا ولايا في رقبته انا مقدره اوي انه كان صح بس والله العظيم انا كمان كنت صح كان لازم لما اللقي نفسي لوحدي اخد حقي بايدي كان لازم رد فعلي يبقي عنيف كان لازم اللي يجي عليا مسامحش و لا اعفي لان محدش فيهم رحمني

ايمي ونادين عرفوا كل حاجه عني و كانوا سند ليا بجد محدش فيهم شاف غير الحلو اللي جوايا عشان كده بقوا اقرب ليا من نفسي و خدت عهد ان لو ايه حصل بينا مزعلش منهم خدت علي نفسي اني عمري ما اسيبهم في موقف وحش او صعب حتي لو هموت عشانهم و نعيمه كمان كانت وقتها هي كمان صاحبتي اللي كنا بنكمل بعض اللي لما اقولها يلا خناقه تقولي يلا

ابتسم نعيمه و ابتسمت ليله ليها الثلاثه دول كانوا حته من قلبي لحد ما اتعرفت علي سلمي و ايه لما نزلت من الامارات خلال اسبوع واحد علاقتي بيهم كانت كأنها سنين و عيشت معاهم مواقف صعبه و حزينه و توجع و مواقف تفرح و تضحك كلنا و شربنا و نمنا مع بعض

بدأنا رحله كفاح بجد قررنا اننا نبقي ست بنات بميت راجل بجد باختلاف اعمارنا ثقافاتنا تربيتنا مواقف حياتنا اللي عيشناها و انا بقولها قدامكم كلكم لو في حد انا مديونه ليه بحياتي و عمري و مستقبلي تبقي نادين

بصتلها نادين و بسرعه دموعها اتجمعت و نزلت

ليله….بابتسامه مسكت كف نادين اوعي تفكري او تشكي اني ممكن ازعل منك ابداً انتي عرفاني اكتر من نفسك حفظاني يا نادين و غضبي كان وجع مش اكتر مكنتش متخيله حياتي من غير عشري و طلعتوا عليكم كلكم بس انا عشان عرفاكم كويس كنت واثقه ان محدش هيزعل مني واولكم الشباب انا لازعلت ولا اتوجعت من اللي عملتيه لاني عارفه انك بتحبيني و عارفه انك كنتي حاسه باللي جوايا و اللي بفكر فيه و قرارك و فكرتك علي قد ما انا متوقعتش انها تبقي منك و استبعدتك تماماً علي قد ما عرفت انتي بتحبيني قد ايه رغم انك عندك خلفيه لطبعي الا انك مهمكيش اني ابعد عنك مقابل انك ترجعيني لعشري لما كلمتكم تاني يوم بعد ما عرفت بخطه جوازي من عشري..

قولت لنادين كلمه هي واثقه كويس اني مقصدهاش قولتلها يلا بقي خدي كل فلوسي و شغلي بيع وشراء بما انك خونتي ثقتي انا بعتذرلك قدام الكل يا احلي و انضف بنت عرفتها في حياتي

دموع نادين مكانت واقفه و ميدو قاعد وراها محتويها بجسمه بالكامل

ليله….انا بثق فيكي ثقه عمياء انتي و البنات عمري ما وثقت في حد قد ما وثقت فيكم انا سلمتك حياتي و فلوسي و دماغي و عمري ما راجعت وراكي و اللي كنت بديه للبني ادمه دي عشره بيرجعلي الف و اللي كنت بديه الف يرجعلي ملايين.

هي عارفه اني كنت بضايقها عشان انا مضايقه بس بقولها قدامكم نادبن سبب في كل حاجه حلوه في حياتي

بعتذرلك كمان عن اللي تقي عملتوا معاكي انتي و نعيمه و معاكي اكتر لان نعيمه ممكن متترجعش من تقي و هتفهم دماغها لكن انتي ممكن كلامها يوجعك و عرفت من تقي الكلام اللي قالته و يمكن هي قالتلك كمان نفس الكلام خدي فلوسها و بيعي حاجتها ضحكت بهدوء بس ورحمه امي يا نادين الكلام ده تقي مسمعتهوش مني و رددته بعدي انا لما كلمتكم تقي مكانتش معايا و لما تقي عرفت اصلا مكنتش اتواصلت معاها من يوم الفرح بس زي ما بتقولوا ديماً عنها انها ليله الصغيره سمعتك نفس الكلام اللي انا قولته و حقك عليا اني اقولك ده مكانش مقصود و لا باتفاق و لا حتي سمعت مني و لما عرفت قولتلها لو مصالحتيش نادين مش هعرفك

بس كمان انا واثقه ان تقي كانت هتجيلك من نفسها حتي لو مطلبتش ده لانها بتحبك هي بس خدت نفس الصدمه اللي انا خدتها لما عرفت خبر جوازي من عشري حقك عليا و متزعليش

نادين…..بدموع انتي بتعتذري علي ايه انا اللي المفروض اعتذر مش انتي

ليله….وانا مش زعلانه منك انا اللي زعلتك و كان لازم اقول قدام الكل مين هي نادين في حياتي بصت لنعيمه و ضحكت و انتي كمان متزعليش يا جزمه قولتلك احسن لما عرفت انك اتحرقتي بس والله العظيم مكانتش من قلبي و كنت هموت عليكي

نعيمه….بابتسامه مسحت دموعها عارفه يا رخمه و عارفه انك كنتي هتموتي عليا و مش زعلانه منك انتي اللي متزعليش

ليله…..مش زعلانه والله ما زعلانه خالص اما بقي ايمي و سلمي و ايه يمكن رد فعلي عليكم انتوا الثلاثه كان اهون شويه منهم بس كمان لو قولت اي حاجه وقتها و مش فكراها متزعلوش مني انا واثقه انكم مش زعلانين حتي لو قولت اكتر من اللي قولتوا بس فكره انكم تجاذفوا بعلاقتي بيكم المهم انكم ترجعوني لعشري دي عندي كبيره

ايمي….احنا مكناش بنجاذف بعلاقتك بينا بالمعني ده يا ليله لانك عندنا مهمه احنا جاذفنا بغضبك و بزعلك مننا و رد فعلك اللي كان متوقع يكون قاسي

ليله….عارفه ودي كبيره مش صغيره يا ايمي و شيلاها فوق راسي انا قولت انكم عارفين طبعي و واثقين اني مهما كنت هموت علي عشري مكنتش هرجع و انتوا عشان خافظني قررتوا انكم تتحدوني كملت بضحك و انتصرتوا عليا

اما بقي الشباب رشيد و حسان بالاخص بعتذر لو كان صدر مني اي حاجه تضايقكم مني انا بحترمكم اوي بحبكم جداً بحسكم اخواتي بجد بحترم فرق السن اللي بينا انا بجد بعتذر لو قولت حاجه من غير ما احس ضايقكتم لو عملت اي رد فعل انتوا علي راسي من فوق والله و احترامكم عندي واجب عليا انا حقيقي مش فاكره قولت ايه او عملت ايه بس لو حصل اني قولت حاجه ترجحكم انا بعتذر من قلبي اسفه يا رشيد لو بسبيي بوظت فرحتك و لغيت سفريتك انت وايمي

رشيد….بطلي يا هبل يا بت انتي اختي الصغيره و غلاوة ايمي عندي انتي غلاوتك كبيره اوي عندي و عمري ما ازعل منك ابداً و انا وايمي حتي لو كنا بعيد خالص عن الموضوت مكناش هنقدر نسافر و نسيبكم في الوضع ده مكانش حد فينا احنا الاتنين هيقدر يكون مبسوط و عايش حياته و انتي و عشري زعلانين كده واوعي تعتذري لانك مقولتيش اي حاجه توجعني انا شخصياً ولو كنتي قولتي يا ليله مستحيل كنت هزعل لاني كنت مقدر الحاله اللي كنتي فيها

ابتسمت ليله وخزت راسها و بعدين بصت لحسان

ليله….اسفه يا حسان علي تعبك انا عرفت انك تعبت و لو كان تعبك ده بسبب الضغط و المشاكل اللي حصلت دي فا حقك عليا انت اخويا يا حسان و متمناش ليك اي شر عارفه ان الكل اتضغط معايا و انت منهم حقك عليا

حسان…..لا يا ليله متقوليش كده انا تعبت مش بسببك يمكن كنت زعلان مضغوط زي ما بتقولي بس والله ما بسببك ده كان جزء كبير من زعلي عليكي انتي و عشري و علي علاقتكم الجميله دي انها تنتهي كده انتي ملكيش علاقه

ليله…..يمكن زي ما بتقول كده بس كمان انا بعتذرلكم انتوا كلكم لان في رساله بعتتها ايمي ليا لما كنت مسافره و طبعاً شوفتها لما رجعت

عرفت ان بسبب اللي حصل ده كلكم علاقتكم اتضغط مع البنات و حصل كام تاتش و كام مشكله سواء من نعيمه يا فضل سواء من سلمي يا حسان و من نادين يا عسال و من ايه يا سلامه البنات بيحبوكم وانتوا عارفين ده كويس لو حد فيهم زعلكم امسحوها فيا انا دول كدابين ميقدروش يعيشوا من غيركم يمكن زعلوا عليا شويه يمكن اتفاجئوا فا كان رد فعلهم قاسي شويه حقكم عليا انا. انا مش عايزه حد يكون زعلان مني خالص لاني عارفه نفسي لما بزعل رد فعلي بيكون وحش و ده عيب كبير بس والله كان غضي عني

و انا واثقه انكم مقدرين ده انا طلبت اني اشوفكم عشان اعتذرلكم بنفسي علي اي كلمه زعلتكم علي اي مشكله حصلت بينكم بسببي علي الفتره اللي فاتت عموماً كانت فتره كئيبه و كلها ضغط علي تعب اي حد فيكم و بعترفلكم كمان ان عيلتي الصغيره كبرت بالبنات و كبرت بيكم و بأهلكم اللي والله العظيم حبيتهم من قلبي سواء اتعاملت معاهم معامله بسيطه زي اهلك يا رشيد و اهلك يا حسان او اتعاملت معاكم اكتر شويه زي عيلتك الجميله يا عسال انت وسلامه وفضل

كمان في حاجه مهمه واجب عليا اصحح صوره اخويا قدامكم لان هو ده اللي فاكره كويس انا قولتلوا ايه و عملت في ايه لان مشكلتي معاه كانت بادئه من بدري فا عارفه انا عملت ايه اخويا مش وحش اخويا ده سند وراجل و جدع و طيب و حنين و رحمة امي عمري ما كان ليا مشكله معاه غير اللي قولتوا و اللي كبر معايا بس وليد طيب اوي والله

انا يمكن اعتذرتلوا و هو مش زعلان بس كمان حقه عليا اني اصحح صورته قدامكم لما طلعت فيه وقت ما دافع عن عشري كان غصب عني والله

حسان…..من غير ما تقولي اخوكي جدع و بيحبك و محدش فينا شاف منه اي حاجه وحشه و يمكن انا اتكلمت مع سلمي في النقطه دي علي قد ما شوفت ان معاكي حق علي قد كمان ما شوفت ان هو بردوا كان معاه حق

عسال…..انتوا بس يا ليله مكنتوش بتقدروا تتلاقوا في نقطه واحده

ليله….صح كل واحد فينا كان بيفكر بوجه نظر و كل واحد فينا كان بيشوف التاني غلطان في حق غيره ويمكن احنا كنا صح و غلط بس دي شهاده في حق اخويا انه سند و راجل وجدع واتحمل كتير بعتذر عن اي غلط غلطته في حقه.

رشيد….بابتسامه انتي جميله يا ليله واللي يعرفك ميقدرش يزعل منك ابداً

ايمي….كلنا بنحبك و كلنا مقدرين زعلك و وجعك و محدش فينا زعل او يقدر يزعل منك و كان يهمنا اوي ان انتي كمان تفهمي موقفنا و متزعليش مننا و تعرفي اننا بنحبك بجد و تتأكدي ان عشري بيحبك من قلبه

ليله…..بابتسامه اتأكدت و عرفت يا ايمي انا الوقت ارتاحت ان مفيش حد زعلان مني و عرفتكم اني مش زعلانه من حد طالبه منكم بس طلب اخير اتمني لو بتحبوني بجد و قدرتوا تحسوا غلاوتكم عندي قد ايه تعملوا اللي هقولوا.

بلاش علاقتنا ببعض يبقي فيها كدب بلاش نخبي حجات و نحط فرضيات لزعل ممكن ميحصلش اصلاً

انا شخص بحب الصراحه حتي لو هتوجع في النهايه بيبقي ليها حل لكن الكدب صعب و بيبوظ حجات اكتر بكتير مما نتوقع و ده مش عليا بس حتي في علاقتكم انتوا بلاش يكون فيها كدب حتي لو كدبه بسيطه لانها بتبوظ مشاعر كتير حرام انها تبوظ لو حد فيكم مخبي حاجه عن التاني يقولها عشان هو يرتاح و عشان الكدبه متكبرش منه و ميقدرش يسيطر عليها صدقوني مهما كانت الصراحه بتوجع بس هي بتنجي من حجات كتير

عسال….معاكي حق يا ليله

رشيد…لا في كدب ولا هيبقي في تاني خلاص بيتهيألي اللي حصل بينك انتي و عشري كان درس للكل مش ليكم بس و بيتهيألي كمان بعيداً عن الكدب مشكلتكم دي خلتنا عرفنا بعض اكتر قدرنا نكتشف بعض حجات كتير اوي قربتنا من بعض فهمتنا طباع بعض انا عن نفسي قدرت اشوف علاقتك انتي و البنات بشكل تاني خالص عرفت قد ايه هي قويه قد كل واحده فيهم كانت شايله همك و بتحاول تعمل اللي تقدر عليه عشان تشيل وجعك و حزنك عشان ترجع علاقتك بعشري.

قدرت اعرف كمان زي ما انتي قولتي يمكن علاقتنا كلها اتوترت بسبب المشكله دي و البنات شافوا ان الشباب من وجه نظرهم انهم اشتركوا مع عشري و انا كنت واحد منهم بقولها لاول مره علاقتي انا وايمي اتوترت اول كام يوم بس الحقيقه اني اكتشفت ان ايمي شخص عاقل حكيم بيزعل و بياخد موقف بس بالعقل قدرت تمسك ذمام امور كل العلاقات واولهم علاقتنا

قدرت تسيطر علي غضب البنات و رغم ان البنات كان غضبهم كبير و رد فعلهم كان قاسي الا انهم لما ايمي هددتهم و قالتلهم يلا اقعلوا شبكتكم و سيبوهم اتمسكوا بالشباب و ده يوضح قد ايه هما بجد بيحبوهم رغم زعلهم و اكتشفت قد ايه البنات دي جدعه بجد بعد الخجوم الفظيع اللي حصل علي عشري بعد ما مشيتي يا ليله منهم الا انهم متخلوش عنه و لما هديوا وفكروا و سمعوا و صدقوا خدوا قرار صح و نسيوا زعلهم من عشري و وقفوا جنبوا فكروا معاه في حل كانوا شايلين همه و موجوعين علي حالته

كنت واثق جداً ودي اول مره بقولها اي ايمي زعلت عليكي و خدت موقف من عشري بس كمان متخلتش عنه لما سافر وراكي انا كنت نايم صحيت لقتها لسه صاحيه و بتتابع عشري كل شويه عشان كانت خايفه من سواقته علي الطريق في الحاله دي.

كمان سلمي و نعيمه هاجموا حسان جداً و نعيمه بوظت الدنيا عشانك خدي بالك بس بمجرد نا عرفوا ان حسان وقع في البيت من طوله لوحده محدش فيهم استني يمكن سلمي موقفها واجب عليها انها تروح و تطمن و تسأل بس بصراحه انا متوقعتهاش من نعيمه لانها بوظت الدنيا مع حسان

ضحكت نعيمه وضحك حسان و ضحكه ليله

رشيد….اللي اقصده ان علاقتنا اللي كبرت و اتبنت بسرعه سهل تكون هشه و تبقي ضعيفه لكن انا عن نفسي شايف ان علاقتي بيكم من اقوي العلاقات اللي مرت عليا في حياتي اه زعلنا من بعض و زعلنا علي بعض هاجمنا بعض و دافعنا عن بعض بس في الجد محدش فينا اتخلي عن التاني محدش فينا عرف ان حد عنده مشكله و سابه بحجه انه زعلان حتي لما نعيمه اتحرقت حسان راح و خرج بسرعه و كان خايف عليها و معملش ده عشان يردلها لما راحت و سألت عليه هو عمل ده عشان هي اخته

نعيمه….بهدوء فعلاً انا اعتذرت من حسان و بعتذر تاني لاني لغبطت زي ما قال رشيد بس والله انا بحبك يا حسان و بحترمك جداً وموقفك معايا انت و الشباب كان موقف عمري ما هنساه في حياتي بدايه من عسال اللي من اول ما اتحرقت ماسابنيش لحظه هو و طنط و مصطفي اخوه و راحوا معايا المستشفي و وقفوا جنبي و اتخانقوا وبهدلوا الدنيا عشاني و سلامه و حسان و رشيد محدش فيهم حسسني لحظه اني مش منه او اخصه حتي وليد يا ليله كان معاهم و جالي و اتخانق و بهدل الدنيا

رشيد….بابتسامه عرفتي بقي يا ست يا ليله مشكلتك عملت ايه خدي بالك علي قد ما كنت مضايق و مخنوق و حالتك و حالة عشري مبوظه مزاجي الا اني مبسوط لاني اكتشفت ان اختياري من ايمي كان احلي اختيار في حياتي و ان البنات جدعان بيحبوكي و بيحبونا و كمان عرفتني معدن صحابي انا عارفه اكيد بس المواقف اللي مرينا بيها خلتني اعرف اكتر انهم بجد جدعان و رجاله و صحاب مواقف

حسان….الشده يا ليله بتخلي الناس يفهموا بعض اكتر يقربوا او يبعدوا زي ما الوقت الصعب اللي مريتي بيه بعد وفاة مامتك خلاكي قدرتي تعرفي تختاري الصحاب بجد الموقف اللي مريتوا بيه ده خلانا كلنا زي ما قال رشيد نعرف بعض نفهم بعض نقرب نكتشف اكيد حصل بينا حجات تزعل بس الحل بتاعها كان مرضي لكل واحد فينا انا عن نفسي مش هنكر اني زعلت من سلمي بس هي قدرت تصلح موقفها وبعيداً عنها كسبت شخص بحترمه بقدره والدها موقفه علي رد فعلها

خلاني احس اني مرضي من جوايا بصراحه لا هاجم ولا قالي ماهي معاها حق بالعكس غلطها و وقف معايا و فهمها انها غلط و الموضوع اتحل بسرعه و احترمت موقفه

كمان بالنسبه لنعيمه اه زعلت منها و لغبطت كتير بس كمان عذرتها و هي اعتذرت وانا قبلت اعتذراها لانها اختي الصغيره و عرفت انها جدعه بجد لما جات وانا تعبان و ده كان بعد المشكله علي طول بيومين تقريباً و مكانتش جايه عشان تعمل واجب لا هي كانت جايه قلقانه علي اخوها بجد و نسيت اللي حصل اصلاً احنا مرينا بمواقف كتير خلال الفتره دي وضحت امور و شخصيات و طباع كتير

فضل….قرب لقدام و هو بينفخ سيجارته خليني كمان اوضح حاجه مهمه بالنسبه لعشري يا ليله.

عشري مش ابن خالي ولا صاحبي هو اقرب من كده بكتير عشري الكل عارف انه اقرب ليا من اخواتي كمان

انا في حياتي يا ليله عمري ما شوفت عشري في الحاله دي عشري كمان طول عمره جدع وراجع و عنده مبادئ بعيده خالص علي انه يفضح بنت و دي كبيره اوي عنده انا عارف و الكل عارف ده بس لما توصل معاه لكده يبقي الراجل ده حبك فوق ما تتخيلي انا واثق يا ليله ان جزء كبير من غضب عشري علي البني ادمه دي مكانش بس عشان هي كانت عايزه تلبسوا مصيبه وهو انتقم منها عشان كان جدع معاها لا عشري الجزء الاكبر من غضبه عليها انه كان حاسس انك ضيعتي من ايده كان حاسس انه لازم يجيب حقك من اللي وصلك للحاله دي انا كنت معاه وشوفته و شوفت الحاله اللي وصل ليها و اللي خلتني واقف عاجز مش مستوعب اللي بيحصل قدامي الراجل ده حبك يا ليله زي ما انا عارف انك حبتيه

ليله….بأبتسامه و تنهيده طويله اااااه بمناسبه عشري بقي فا تحنا هنا جينا لاهم نقطه يمكن انا سبب طلبي اني اشوفكم و اتجمع بيكم بعيداً عن انكم وحشتوني اني اعتذر منكم

بس كمان انا محتاجه اعتذر قدامكم من اهم شخص في حياتي عشري

بصتلوا وابتسمت ابتسلمها بهدوء

ليله….بتنهيده انا مش عارفه ابدأ منين ولا اقول ايه بس حقيقي من قلبي انا بعتذر و بتأسف ليك يا عشري علي اي حاجه قولتها في حقك اليوم ده انا قولت كلام كتير صعب ان اي راجل يتحملوا علي رجولته و بما اني عارفه عشري كويس وانا في حالتي دي و واصله للغضب ده كنت بقول كلام واثقه ان بعده عشري مش هيبص في وشي

كنت شايفه خسارتي ليه قدام عيني و انا بقوله انت مش راجل وانت مش عندك كرامي و جعته و انا بوجعه كنت بتوجع علي النهايه اللي بحطها لنفسي قبله..

يمكن وجعي وقتها وكلامي مكانش مقصود بيه جرح او اهانه لعشري بس انا كنت مصدومه من واحده جات تقولي خطيبك خطيبي حطوا نفسكم مكاني و ده عشري مش اي حد عندي حبي الوحيد روحي اللي اتعلقت فيه قلبي اللي دق بكل قوته
عشانه كان الموضوع صعب و فوق احتمالي مكنتش قادره اوقف غضب بس كان جوايا وجع ميتوصفش ان خلاص عشري راجل مش هيبقلها علي كرامته بس هو اثبتلي انه ايه عنده عافر و فضل ورايا مستسلمش محطش كلامي في دماغه و لا خدها علي كرامته اللي انا واثقه اني جرحتها حبسته

ابتسموا كلهم و ضحكوا بهدوء

ليله….كنت عارفه انه مش هيحصلوا حاجه و ان التهمه اصلا مش هتلبسوا بس كان جوايا غضب ليله الطفله اللي بتاخد حقها من اي حد وجعها عشان ترضي كبريائها وكرامتها بس كنت هتتجنن عليه
و اخيراً بعد كل ده اتجوزني و اتحملني و عاش معايا مرحله غضب جديده في البيت و قدر يحتويني و يرجعني تاني لنفسي

و انا مليش عين ابصلوا بعد كل اللي عملتوا فيه ده بس حقه عليا عشان هو كرامته من كرامتي اني اطلبكم و اقول اني عايزه اشوفكم عشان زي ما غلطت فيه قدامكم اقولكم ان الراجل ده ارجل حد انا شوفته في حياتي عارف يعني ايه ست كرامتي وجعته اكتر من كرامته و انا بقولها قدامكم كل كلمه قولتها عنه او لفظ او غلط غلطته في حقه كان بدافع الغضب و الاستفزاز و الوجع من فكرة انه مش هيبقي في حياتي

بس انا بعترف كمان ان الراجل ده نقطه ضعفي الوحيده حبيبي و توأمي و روحي و من غيره انا اضيع

ابتسم عشري بهدوء بس ابتسامته و نظراته كانت تجنن ضم ليله بحب قدامهم كلهم و الشباب طبعاً والبنات عمالين يصيحوا من فرحتهم

ليله….بهمس في حضنه بحبك

عشري…..وانا بموت فيكي

ايمي…..اااااااه واخيراً

سلامه…بضحك يعني ايه كده خلصت لا في انتقام ولا شرطه ولا حبس عملت في البت ايه يا بلطجي

عشري….بضحك حبيتها من قلبي

ليله….بابتسامه لا ياعم اطمن مفيش حاجه خلاص و من اللحظه دي الموضوع اتقفل نهائي و يلا يا اخويا انت وهو وهي حضروا فساتينكم و بدلكم

عسال….بسعاده ده تصريح خطير

رشيد….طب ايه انا مبسوط

حسان….بضحك والله العظيم وانا كمان

فضل….انا قولتلك لما شوفتها وثقت فيها و في كلامها

سلمي….بنحبك يا ليله و مبسوطين بجد ان كل حاجه بينكم خلصت و يارب يارب اللي حصل بينكم يكون سبب كبير في ان علاقتكم تكون اقوي

ليله….هي فعلاً بقت كده يا سلمي و بعدين اعمل ايه البلطجي قدري

ايمي….بضحك والله العظيم انتوا الاتنين مش لايقين غير علي بعض

عشري….الحمد لله علي كل حال انا بالنسبالي الموضوع خلص من اول ما رجعت لحضني

سلامه….وانا الموضوع خلص بالنسبالي من اول ما شربت القهوه وطلعت عايش

ليله…..بضحك ابو شكلك يا شيخ طب عايزه اعترف اعتراف اخير

سلامه…..خيررر

ليله….بضحك بعيداً يعني عن ان كلكم كنتوا واحشني بس اكتر اتنين و حشوني بجد انت و عسال

عسال…بيضحك ايه وحشك الجنان

ليله….اه والله

سلامه…..وانتي والله يا ليله وحشتينا اكتر

نعيمه….سيبكم بقي من كل ده احنا عمالين نتكلم و نسمع و استاذ عسال في دنيا تانيه مع شعر نادين

ايمي…..بضحك لا دول عصافير الحب دول منقربش جنبهم

ضمها عسال لصدره وهو قاعد وراها ضحك وباسها من راسها

ليله….انت ايه اللي عامله في شعرها ده صحيح

عسال….بضحك ضفاير

رفعت نادين نفسها و مسكت شعرها و ضحكت

نادين…..انت بتلعب

عسال…..اه براحتي

ايه….طب والله شكلهم حلو اوي و بيعرف يعمل ضفاير

رشيد…..بأبتيامه دي العروسه اللعبه بتاعت عسال

عسال….بحب و هو ضاممها ليه دي بنتي

ابتسمت نادين وحطت ايدها علي وشها

ليله…..طب ايه هنفرح بيكم امته

عسال….والله لسه مش عارفين يا ليله هي خلاص قررت الحاجه اللي عيزاها في البيت وانا قعدت مع تامر و اتكلمت معاه بس مش عارف هنبدأ امته بالظبط لان هو مشغول مع حسان و سلمي الوقت

ايمي….طيب هو ميقدرش يمسك الاتنين

عسال…..لا قالي التيم بتاعه كبير و هيعمل كده بس مستني يبدأوا عند حسان و بعدين هنبدأ

ليله…..انتهزت الفرصه طيب و استاذ سلامه و استاذ فضل

فضل…..انا كنت مستني بس نوني تفوق شويه من تعبها و هنبدأ الفتره الجايه يعني ممكن بعد السفريه دي علي طول نبدأ نجهز بقي و نستني الجو يغير شويه عشان الاستاذه حابه نتحوز في الصيف

ليله….صيف ايه و هبل ايه ما تخلصي مستنيه ايه انتوا علي ما تخلصوا اصلا الجو هيكون غير

فضل….قوليلها هي بقي انا لو عليا عايز اتجوز بكره