لقاء كـ،ـ،ـارثي

لقاء كارثي
أميره أسامه
صاحبة البطل الواحد

. البارت الثمانين .

………………………

خرجت نادين و هي لابسه راحت باست ليله من خدها

نادين….عايزه مني اي حاجه قبل ما انزل؟

ليله…..ايه الحلاوه دي لا يا ستي مش عايزه

نادين….بابتسامه انتي نازله امتي؟

ليله…..هشرب بس السيجاره دي و هقوم اخد شاور و هنزل

نادين….وانتي يا نوني مش رايحه اي مكان

نعيمه….لا انا هستني ليله تخلص مشاويرها و هقابلها و هي راجعه نروح السوير ماركت مع بعض في حجات ناقصه و كمان وحشتني نزولة الماركت دي اوي

نادين….ماشي يا ستي

نعيمه….مش هترجعي علي هنا بردوا

نادين…..لا خلاص بقي هروح علي البيت كفايه كده اصلاً البيت بقي زي الزفت مترب و عايز يتنضف و كمان خدت حضن ليله خلاص

ليله….طيب ما تيجي بليل

نادين….خليني اروح انهادره عشان اشوف البيت كده و اظبطه و ممكن لو لحقت اخلصوا بكره اجي و بعدين كده كده هنسافر مع بعض

ليله…..طيب كلمتي حد ينضفلك البيت

نادين….لا انا هنضف المرادي

ليله….طب ليه اكلملك انا اي حد تبعنا

نادين…..مواعيدهم كلهم بدري و عايزين يكون عندي اجازه عشان اقدر اقعد معاهم و انا هرجع متأخر و كممان بكره بردوا عندي شغل و الاربع الافتتاح بتاع المعرض اكيد هنروح نبارك للشباب مش هيبقي في وقت و طبعاً الخميس هيبقي يوم صعب هنجهز نفسنا للسفر و بليل هنروح لزوزو و نمشي من عندها

نعيمه….طيب واجعه دماغك ليه ما تنضفي بعد ما نرجع من السفر كده كده البيت هيرجع يتقفل كام يوم و هتيجي تلاقيه في تراب

ليله….اه اعملي كده

نادين….بصي انا مش هنضف تنضيف جامد يعني بس علي الاقل انضف التراب ده انا عندي حساسيه منه مش هعرف انام كده فيه و لما نرجع اجيب حد بقي ينضف

ليله….خلاص المهم لو احتاجتي حاجه عرفيني يعني لو خلصتي شغلك بدري قوليلي يمكن الحق اجيبلك حد

نادين….ماشي يا قلبي المهم انتوا مش عايزين مني اي حاجه

نعيمه….لا يا قلبي سلامتك هتوحشني يا صغنن

نادين….بحب ضمتها انتي اللي هتوحشيني بقولك ايه اوعي تنسي تحطي الاسبراي الوقت عشان الجزء الاخير ده يخف بقي عايزين اليومين دول قبل السفر يكون الجرح راح خالص

نعيمه….متقلقيش هحط الوقت

نادين….ابقي ساعديها يا لولي عشان مش بتعرف تحط اسبراي لنفسها بترش بعيد الخوافه

ليله….بابتيامه متقلقيش انا هظبطها

نادين…..متنسيش تكلمي تقي كمان ماشي

ليله…..ماشي يا قلبي خدي بالك من نفسك

نادين…..حاضر بحبكم اوي يلا باي

ليله….واحنا بنموت فيكي

نعيمه….باي يا قلبي

فضلوا باصين عليها لحد ما خرجت وقفلت وراها

ليله….فين الاسبراي ده هاتي يلا حاجتك و تعالي اغيرلك

نعيمه…لا لا متقلقيش انا هعرف اتعامل

ليله….اخلصي يلا قبل ما انزل

نعيمه…..لا والله انا هعمل انا عارفه انك بتقرفي اصلا من الحجات دي

ليله…..اقرف ايه يا هبله انتي انا بخاف عشان ممكن اوجعك بس اكيد مش بقرف يلا والله لا هحطلك انا اخلصي

نعيمه….شكلها وحش اوي حاسه ان الكريمات مستحيل تأثر فيها و هتفضل عامله علامه و هترسي علي عمليه تجميل

ليله….اولاً شكلها عادي يعني طبيعي اي حرق او جرح بيعمل شكل ثانياً الكريمات هتعمل فرق كبير و طبعاً لو النتيجه مش مرضيه ليكي ممكن تجميل ليزر براحتك بس شايفه يعني انها مش محتاجه

نعيمه…..يعني بعد الشر عليكي طبعاً لو انتي فيكي حاجه زي دي مش هتعمليها

ليله…..لا طبعاً يعني بصي لو منظرها فضل ثابت و مضايقني اكيد هحاول الاقي حل بس لو معلمه و شكلها مش مؤذي ليا نفسياً هسيبها

نعيمه…..يعني لو معلمه و باينه تسيبيها لو شكلها مش مؤذي

ليله….اه هسيبها ما انا حرق صدري ده كان موجود و عادي و لما عملت التاتو عملتوا عشان اضايق عشري و بعد ما عملت إزاله الشكل بقي اكبر كمان و عادي بصي انا بشوف يعني انها ميزه

نعيمه….هو ايه الميزه في منظر الحرق ده

ليله….يا بت خديها بطاقه ايجابيه شويه اعتبري انها ميزه ربنا ميزك بيها وانتي كبيره وشحطه كده قولي الحمد لله و ارضي انها مكانتش اكبر او في ممان اصعب عادي حاجه جديده ربنا ميزك بيها و بردوا انتي حره بس انا بقولك من الوقت اهو دي لما تخف خالص هتبقي كأنك واخده لون من شمس يعني مش منظر وحش ولا حاجه

نعيمه….ماشي خلينا نشوف لما تخف بس

ليله….طيب يلا هاتي الحاجه بتاعتك و تعالي

نعيمه…..اهي علي البار فتحت الشنطه و طلعت الحاجه بقولك ايه هو احنا لما نسافر هنروح بالعربيات ولا ايه

ليله…..خدت الاسبراي و هي هتموت من جواها من المنظر بس محبتش تبينلها ااا لا اكيد احنا هنبقي عدد مش موكب رئيس هو يعني كام عربيه نتلم فيهم و خلصت رشت علي الجرح ااااااااه وجعتك

نعيمه….بضحك لا لا عادي مبقتش توجع زي الاول حطي هنا كمان اااا وبعدين حتي لو اتلمينا في كام عربيه ما هنبقي عدد بردوا احنا كتير

ليله…..و لا كتير ولا حاجه هو احنا هنبقي قد ايه اصلاً؟

نعيمه…..معرفش نشوف الاول مين هيجي هو لو علينا احنا و الشباب 12 هنشوف بقي مين هيجي اكيد هنعرف انهارده

ليله…..خلاص نشوف الاول نسمه جايه صح

نعيمه….قالتلي اه هقول بس لنادر و انتي قولي لتقي خلينا نتأكد منهم هما الثلاثه الاول

ليله….ماشي الوقت ابقي اتصل بيها المهم خلاص كده ولا في حاجه تاني اعملها

نعيمه…..لا كده خلاص

ليله….طيب انا هقوم بقي اخد شاور و البس عشان الحق اعمل اللي ورايا و هخلص و اكلمك عشان تجهزي

نعيمه….طيب قبل ما تخلصي كلميني عشان البس متجيش تحت تقوليلي يلا

ليله…لا لا هكلمك يلا انا قايمه

قامت ليله دخلت اوضتها طلعت غيار و بعدين مسكت موبايلها اتصلت علي عشري

عشري……حبيبي

لياه….بابتسامه شايفه يعني انك مطنشني سيكا

عشري….يا مفتريه ده انا اللي مصحيكي و قولتي هتقومي تفطري و تكلميني و لا عبرتي اهلي

ليله…..بضحك مانا كنت قاعده مع البنات شويه بقي

عشري….شوفتي بقي ان انتي اللي مطنشاني

ليله….طيب بتعمل ايه؟

عشري…..لسه مخلص شاور و هلبس وانزل علي الشغل

ليله…..من فضلك متبهدلش البيت و ياريت يعني لو خرجت و رجلك فيها مايه تنشف وراك بلاش تلزيق و قرف

عشري….بضحكه جميله متقلقيش انا بنفذ اوامرك بالحرف والبيت زي ما سيبتيه

ليله….ايوه كده شاطر بقولك ايه انا هقوم اخد شاور و هلبس وانزل

عشري…..اللله بدأنا سرمحه و صياعه علي فين يا حرم محمد عشري؟

ليله….بضحك ملكش فيه

عشري….وحياة امك ده انا اعمل فيها سوبر مان واجي انفخك

ليله….بضحك لا وعلي ايه الطيب احسن عموماً عندي كام مشوار و هروح كده اسحب فلوس و لما اخلص هرجع اخد نعيمه و هنروح نجيب شويه حجات كده للبيت و هنتمشي شويه

عشري…..امممم طيب بخصوص السحب ابقي بصي علي موبايلك انا بعتلك علي انستا باي مبلغ كده ماشي

ليله….بتاع ايه ده؟

عشري….مش بتاع حاجه ده ليكي

ليله….هو ايه اللي ليكي انا معايا

عشري….بضحكه جميله لا بصي شغل الادبندت وومان ده ميمشيش معايا

ليله….لا بصلي انت كده شغل الزوج المصري الاصيل ده اللي ميمشيش معايا انت عارف رأيي في موضوع الفلوس ده كويس و بعدين انا معايا

عشري…..معاكي ده ميخصنيش و رأيك ده بلاش اقولك حطيه فين

ليله….بضحك اتلم يا بلطجي عالصبح عشري بجد متعصبنيييش
انا مش بعرف اتعامل كده و موضوع الفلوس ده بجد بيضايقني

عشري….اضايقي يا قلبي مش مهم وبعدين يا جزمه قديمه مكنتش بسيبك تصرفي علي نفسك و انتي خطيبتي هتصرفي علي نفسك وانتي مراتي

ليله…..يا سيدي لو مش معايا هقولك

عشري….اااه علي اساس انك بتقولي اصلاً او بتطلبي و علي اساس انا هستناكي تطلبي اسمعيني كده كويس عشان نقفل الحوار ده خالص من هنا ورايح طول ما انا عايش مفيش جنيه هيتصرف عليكي غير بفلوسي فلوسك و شغلك و الجو بتاعك ده مش بتاعي و مليش علاقه بيه و انا مش هستني اصلا فلوسك تخلص عشان تقوليلي انا هبعتلك و اتمني يعني لما ابعت مسمعش كلام في الحوار ده اتفقنا

ليله….بضحك ما تيجي تديني قلمين

عشري….بضحك هيحصل لو طولتي معايا كتير المهم بقي ست الحسن و الجمال هتلبس ايه

ليله….خير مش كنت بتقولي امبارح مش هتكلم في موضوع اللبس تاني وانا واثق فيكي و انتي خلاص عرفتي نظامي

عشري ….بأبتسامه لا عادي يعني فضول مش اكتر

ليله…..اممممم طيب خلي فضولك يموتك

عشري….بضحك وماله مش عايز اعرف

ليله…..بضحك ماشي

عشري…..اخلصي هتلبسي ايه

ليله…..بضحك بردوا طيب انا هلبس شورت

عشري…..بضحك و الله يا ليله هتلاقيني قدامك

ليله…..بضحك ياعم قولتلك هلبس طقم عادي يعني بنطلون و تيشرت و چاكت

عشري……طيب بعد ما تخلصي عايز صوره

ليله….اممممم قولتلي صوره سلملي عالثقه يا بلطجي

عشري…..صوره ليكي مش للطقم يا غبيه عشان وحشتيني

ليله…..يا سلام بس كده لو علي وحشتك يعني هخلص واكلمك ڤديو عشان انت كمان و حشتني يا بلطجي

عشري…..بأبتسامه ماشي يا قلب البلطجي انا علبس بقي وهنزل و هستناكي تتصلي

ليله…..اوك يا عمري

عشري…..بحبك يا بت

ليله….وانا بمووووووووت فيك يلا باي

عشري….بأبتسامه باي يا قلبي

……………..

عند سلبم و عدي

دخل سليم يشوف عدي ملخوم في ايه.

سليم…..بتعمل ايه ؟

عدي….بخلص شغل ايه نسمه مشيت

سليم….صباح الفل مشيت من ساعه الا ربع

عدي…..انا فكرتها قاعده معاك شويه لما عملتلها النسكافيه

سليم…..لا مشيت خلاص المهم قولي انت ايه حكايتك

عدي…..حكاية ايه؟

سليم….حاسس ان في حاجه غريبه بينك و بين تقي يعني بصراحه مستغرب انها مش هتيجي تاني هنا و بعدين انت مش علي بعضك من امبارح في حوار بينكم ولا ايه

عدي…..بابتسامه هاديه مش حوار ولا حاجه عادي يعني

سليم….طب ايه مش هتقولي

عدي….هو مفيش حاجه تتقال بس يعني هي بقالها يومين مش بترد عليا

سليم….يعني ايه ؟ انت اتكلمت معاها في حاجه قفلتها منك

عدي…..لا خالص

سليم….امال ايه صارحتها مثلاً انك معجب بيها

عدي….بضحكه جميله ياعم مفيش كده بص هي داخله دماغي و قوي كمان بس اكيد مش منطقي يعني بالسرعه دي اقولها مع ان يعني حاسس مجرد احساس انها بتبادلني نفس الشعور

سليم…..حلو انا كمان شايف كده يعني خروجكم مع بعض الكام مره دول و كلامكم الكتير و الوقت اللي قضيتوا مع بعض يبين انها معجبه مش هتوافقك يعني الا لو حاسه بحاجه بس ادام لسه مصارحتهاش و ادام انت حاسس انها بتبادلك نفس الشعور في ايه؟ ليه مش بترد عليك؟

عدي…..مش عارف والله يا سليم انا اخر مره كنت معاها الدنيا كانت تمام و وصلتها اتصلت عليها في نفس اليوم مردتش اتصلت تاني يوم و بعت رسايل مردتش و انهارده بردوا هي بتشوف الرسايل و مش بترد حتي مش بتكنسل انا في الاول شكيت مثلا تكون تعبانه فيها حاجه بعد كده قولت يمكن في عندها مشكله حتي اتصلت مرتين كانت ويتينج و لما قفات مردتش و لما نسمه قالت انها مش هتيجي شكيت كده ان في حاجه

سليم….طيب بص و متقفش مش يمكن لما حست ان في حاجه هي محبتش الموضوع و محبتش تحرجك

عدي…بقولك انا حاسس انها بادلتني نفس الشعور

سليم….طيب ما يمكن مثلا انت بيتهيألك يعني تقي بتتعامل معايا بنفس الطريقه مثلاً بحسها عاديه و علي طبيعتها يمكن انت اللي حسيت كده

عدي….وهو انا يا سليم عيل صغير عشان مبقاش عارف فرق المعامله اكيد لا طبعاً و بعدين يا سيدي فرضنا انها زي ما انت بتقول محبتش الموضوع شخصية تقي اللي قدرت افهمها بيتهيألي هي تقدر تغير الطريقه تقدر تحسسني بالحدود اللي هتحطها تقدر توصلي بأكتر من طريقه يعني مثلا تقولي انت اخويا او زي اخويا لكن هي معملتش كده و علي الاقل ترد مثلا و متجيش يعني كان في بينا كام خروجه و كام قاعده و كام ساعه و عيش وملح كمل بضحكه عدم استيعاب للموقف يعني مش مره واحده كده هتبعد او هتقفل

سليم…..معاك حق طيب افتكر كده حصل بينكم حاجه قولت حاجه في اخر مره كنتوا مع بعض ضايقتها مثلاً

عدي….كنا بنتكلم عادي يا سليم تسألني ارد اسألها ترد فتحنا اكتر من موضوع هزرنا ضحكنا مفيش

سليم…..طيب هي عملت ايه صحيح عند الدكتور يعني ممكن تكون مضايقه مثلا بسبب كده

عدي….لا الدكتور مقالش حاجه تمام و كله كويس ظبيطات بسيطه بس في الحديد و الجو ده

سليم….بص هو انا متأكد ان ده مش هيحصل الا لو في حاجه انت مش واخد بالك منها يعني لو فكرت كده مع نفسك اكيد هتفتكر و بعدين محير نفسك ليه في حلين قدامنا

عدي….ايه هما

سليم….يا اما تستني لما نعرف ايه خوار السفر ده و لو تمام و سافرنا ابقي اتكلم معاها يعني هتشوفها و اكيد هيحصل حاجه و تفهم منها سبب اختفائها و عدم ردها

عدي….بخصوص السفر بقي انا حاسس انها لو عرفت اني رايح مش هتيجي

سليم….مش للدرجادي يا عم هو انت قتلتلها قتيل و حتي لو يبقي في حل تاني

عدي….ايه هو

سليم…..يعني هتكلم كده مع نسمه و افهمها الحوار بيني و بينها كأني انا اللي حابب افهم و اطلب منها من غير ما توضح لتقي تجاريها في الكلام تسألها عن سبب مثلا انها مش هتيجي هنا تاني

عدي….لا لا مش هينفع مش حابب الموضوع ياخد اكبر من حجمه و بعدين افرض نسمه سألتك ليه او هما في بينهم ايه يعني مش حلوه انها تفهم او تعرف حاجه قبل ما تقي نفسها تبقي متأكده منها وتعرفها

سليم…..هو انا عبيط يعني اكيد مش هجيبها من ناحيتك خالص انا ممكن مثلا اقولها هي تقي مالها في حاجه ضايقتها مثلا في المكان او افتح معاها موضوع السفر و اسأل عن تقي هتيجي ولا لا

عدي….لا لا متعملش كده انا هحاول مره كمان مردتش خلاص

سليم….طب لو مردتش مش هتسافر

عدي….والله ما عارف يا سليم هشوف الاول بس عشري هيقول و لا غير رأيه و حتي لو روحت انا واثق انها مش هتيجي فا عادي بقي

سليم….بص مش عايزك تضايق نفسك وارد اصلا تكون لما حست بحاجه حبت انها تهليك تنطق او تشوف ىد فعلك عن غيابها و عدم ردها انت عارف البنات ليهم دماغ فا ممكن اوي تكون بتفكر بالطريقه دي عشان تأكد لنفسها ان احساسها صح مثلا

عدي…..ممكن مش عارف هشوف

سليم…..طيب اردم علي الحوار الوقت محمد وصل

بص عدي علي عشري هو وسليم و ابتسموا بهدوء و راحوا عليه نزل عشري من العربيه سلم علي الشباب اللي شغالين في المحل و وقف مع محمود يعرف منه الدنيا فيها ايه.

سليم….نورت الدنيا يا اخوي

عشري…..حبيب يا سليم كيفكم

سليم….بخير انت كيفك

عشري….الحمد لله كيفك يا عدي

عدي….بخير يا اخوي

عشري….كويس اني لاقيتكم مع بعض عشان اسألكم علي حاجه

محمود…..خير

عشري…..يوم الخميس بعد الماتش علي 12 او واحده كده اتفقت انا و الشباب كلنا هنسافر كام يوم كده مع بعض كلنا ايه رأيكم ما تيجوا معانا

محمود….بضحكه جميله و هنيجي نعمل ايه يا اخوي نبقي عزول وسطكم

عشري….بضحك لا متقلقش مش عزول ولا حاجه ايمي مرت رشيد هتقول لمحمود اخوها و اخوات نعيمه جايين و تامر اخو سلمي و ايه و عسال و سلامه هيجيبوا امهم و مصطفي وريهام و تقي هتيجي بص بطرف عينه لعدي و ابتسم

ضحكوا كلهم حتي محمود

محمود….بضحك حاسس ان الكلام رساله لعدي بس تمام

عدي…..بضحك مالك ومالي انت

عشري…..بضحك ايه علي راسك بطحه هنعرف حكايتها بعدين المهم قولولي ايه رايكم

محمود….انا عن نفسي مش هقدر

عشري….طب ليه يا ابن الحلال لو علي الشغل اخواتك.موجودين و اخوات فضل والشباب و ابوك و جوز عمتك غير شويه

محمود…..مش عشان الشغل بس والله بس انا مليش مزاج و بعدين عندي كام حاجه حابب اعملهم في الشقه

عشري….جات من كام يوم يعني العروسه بتستعجلك ولا انت خايف منها

محمود…..بضحك انا اللي مستعجل

سليم….بضحك وخايف منها اكيد

محمود….ضربه في كتفه اتربي

عشري….طيب انتوا ظروفكم ايه

سليم….معاك انا

عشري….اه فيها بنات اكيد

سليم…بضحك طب مش جاي حلو كده

عشري…..لا ياعم تعالي وانا يا عم عدي

عدي…..اااا ماشي بس يعني هرد عليك بكره مثلا

عشري…..هتعمل فيها مهم هروقك اخلص

عدي….بضحك مش قصه مهم والله بس بصراحه حاسس ان مزاجي مش احسن حاجه.

عشري….بضحك هيظبط متقلقش