چاسمين
چاسمين 28
رواية
چاسمين
أميره اسامه
صاحبةالبطل الواحد
فتجدهم حيارى مضطربين ليسوا على يقين من أمرهم
البارت الثامن و العشرين
……………..
في منزل فريد
صحيت بيري و هي حاسة بالم كبير في بطنها حطت ايدها علي بطنها و مسكتها جامد
بيري….ااااه لا لا لا مستحيل مش وقتك خالص اوعي عشان خاطري انا نساكي ومش عامله حسابك
قامت بهدوء دخلت الحمام غابت دقايق وخرجت وهي مصدومه
بيري….هعمل ايه الوقت اتصرف ازاي اكيد مستحيل اقول لفريد او اطلب منه حاجه زي دي و مستحيل اعرف اخرج اصلا هو مش هيوافق اعمل ايه يا ربي في المصېبه دي سهر هي سهر
جريت بيري علي موبايلها عشان تتصل بسهر في الوقت ده كانت سهر فطرت بسرعه وخرجت عشان تروح تقابل التيم بتاعها و يتفقوا علي موضوع الحلقه و يظبطوا كل حاجه ردت سهر و هي باين علي صوتها انها مبسوطه
بيري….الوووو
سهر ….صباح الفل يا قلبي
بيري….صباح النور يا سهر
سهر….عندي ليكي خبر يجنن
بيري….ايه قولي
سهر…..مستر فضل مدير القناه كلمني وقالي ان البرنامج خلاص هيرجع واقدر الحلقه الجايه اطلع هواء و انا الوقت في طريقي للتيم عشان نظبط كل حاجه واتفق علي موضوع الحلقه
بيري….بجد مبروك يا سهر فرحتيني والله
سهر….انا اللي طايره من الفرح كنت خاېفه الموضوع يطول بس الحمد لله عدت علي خير
بيري…..المهم الفتره الجايه تخلي بالك بقي و بلاش مواضيع تثير الجدل علي الاقل الوق
سهر….لا متقلقيش انا هنيمهم خالص و هخليهم يحسوا ان الدرس بتاعهم جاب نتيجه ومشيت جنب الحيط كمان
بيري….طيب كويس طنط امل كويسه
سهر….اه الحمد لله بخير كنتي عايزه ايه صحيح
بيري….سهر انا في ورطه و محدش هينقذني غيرك
سهر….بقلق في ايه يابيري ورطة ايه
بيري….البتاعة جات يا سهر و انا مش عامله حسابي و اصلا هي كانت متأخره تقريبا من التوتر وكل الحجات اللي حصلت الفتره اللي فاتت لدرجة اني نسيتها خالص و مش عارفه اعمل ايه
سهر….بضحك الله يخربيتك خضتيني
بيري….انتي بتضحكي يا سهر قوليلي اعمل ايه الوقت
سهر….عيزاني اعيط يعني مالك قلباها مناحه ليه ايه المشكله انها جات يعني
بيري….انتي غبيه يا سهر بقولك مش عامله حسابي اعمل ايه انا الوقت
سهر….ايه المشكله يا بيري اطلبي من الصيدليه
بيري….اطلب ازاي يا غبيه فريد مانعني اظهر قدام اي حد او افتح الباب حتي
سهر….خلاص يفتح هو
بيري….لا والله و اقوله ايه
سهر….عادي اطلبي وقوليله انك طالبه اي علاج
بيري…..فريد نفيش اي علاج مش عنده ده غنده دواء لكل حاجه يعني لو قولتله اني هجيب اي علاج اكيد هيسألني علاج ايه و يطلعه
سهر….طيب خلاص قوليله عادي
بيري….لا والله اقوله ايه انتي عبيطه يا سهر مقدرش طبعا
سهر….بضحك طيب قوليلي انتي اعمل ايه اقولك عندك مناديل
بيري….مناديل ايه و بعدين انتي مالك مبسوطه ليه كده
سهر….طيب اعمل ايه هو الموقف يضحك والله
بيري….يضحك ايه بس انا هعيط والله سهر اتصرفي
سهر…..اتصرف اعمل ايه طيب
بيري….مفيش حل غير انك تجيلي سهر خليكي جدعه انا مفيش قدامي غيرك الوقت
سهر….اجيلك ازاي يا هبله بقولك انا في طريقي للاستوديو الوقت وبعدين انا بعيده عنك و كمان مش هقدر اتأخر علي التيم و الاهم من كل ده اني مش هينفع اجيلك اليومين دول زي ما فريد قال
بيري….يا نهار اسود و منيل طب و هتسبيني كده في مصېبتي دي
سهر….بضحك طب قوليلي اعمل ايه طيب
بيري…بت انتي انا مش طايقه نفسي وهو يوم باين من اوله لو هتفضلي تضحكي كده هقفل في وشك
سهر….بضحك طب استني بس انا عندي فكره
بيري…..قولي بسرعه
سهر…..اتصل انا علي فريد و اقوله
بيري….تقوليله ايه الله يخربيتك انا عارفه انك جريئه بس مش لدرجة قلة الادب
هنا سهر مقدرتش تمسك نفسها وفضلت تضحك
سهر…..قلة ادب عشان عايزه اساعدك تصدقي انا غلطانه
بيري….اه غلطانه يعني انا مش قادره اقوله تقومي انتي رايحه تقوليله ما هو انا بردوا مش هعرف تحط عيني في عينه
سهر….يا ستي مش هقولها صريحه كده يعني هقوله بيري عايزه حاجة بنات من الصيدليه
بيري…لا يا شيخه و كده انتي قولتيها بطريقه مش صريحه
سهر….خلاص هقوله بيري محتاجه تطلب حاجه من الصيدليه افتح انت لبتاع الدليفري
بيري…..يعني مش هيفهم انتي كمان
سهر….طيب اعمل ايه ما يفهم هي حاجه عيب ما معروف اي بنت بيحصلها كده
بيري….اقفلي يا سهر اقفلي انا غلطانه اني فكرت انك هتنجديني
سهر….طب اعمل طيب اصلا لو مش عندي شغل مكنتش هقدر اجيلك بسبب المراقبات اللي علينا من الكل دي بقولك ايه متوجعيش دماغي يا تروحي ترزعيها كده في وشه صريحه يا مناديل بقي و متثدعنيش
بيري…..غوري غوري
قفات بيري في وشها وفضلت سهر تضحك عليها.
بيري…..اعمل ايه ياربي هو مفيش غير المناديل بس هي فين
فضلت تدور في الاوضه علي علبه المناديل ملقتهاش افتكرت انها كانت بتنضف بيها لقدر تحت
بيري…..يا نهار اسود يارب ما يكون فريد صحي
راحت بهدوء علي الباب فتح براحه و نزلت تتسحب علي تحت و هي بتبص من فوق عليه تشوفوا صحي ولا لا مكانس في اي صوت والجو كان واضح انه هادي نزلت تحت واول ما نزلت
لمحت بلال قدامها بيحط الاطباق علي السفره وقفت اتسمرت في مكانها و هي متنحه
بصلها بلال و اتخض من بصتها اللي طالت حوالي نص دقيقه
بلال…..في ايه يا بيري صرعتيني مالك واقفه كده ليه
بيري….هاااا لا مفيش صباح الخير
بلال….بأبتسامه صباح النور مالك عامله فيها عرفيته كده ليه خضتيني والله
بيري….انت اللي خضتني اصلا فكرتك مجتش
بلال….لا انا جيت من شويه
بيري….فين فريد
بلال….في اوضته اكيد هينزل الوقت زمانه صحي
بيري….صحي صحي ليه اااا اقصد صباح الخير اااا يعني ماشي ماشي
بلال….بضحك في ايه انتي شكلك عامله مصېبه عالصبح اعترفي ولعتي في الاوضه
بيري…..بأبتسامه مصطنعه انا لا بص هعترف
بلال….ايوه اعترفي احسنلك وانا هخبي عليكي
بيري….اصل قدر كان عندي في الاوضه و عمل بيبي و انا كنت جايه اخد علبة المناديل و اخبي الچريمه دي قبل ما فريد يكتشفها ويطردني انا وقدر
بلال….بضحك قولتيلي طب خدي المناديل اهي و اتخلصي من چريمة قدر بسرعه قبل ما يعلقك انتي وهو
بيري….انا بقول كده بردوا
قربت بيري بسرعه خدت علبه المناديل وهو بلال واقف بيضحك عليها مسكت العلبه و فضلت ترجع بضهرها وهي بصاله ومبتسمه
بصلها بلال وهو بيضحك ومستغربها و مستغرب مشيتها
بلال…..حااااسبي
مسكت بيري نفسها بسرعه قبل ما تقع و بعدين بصت علي الدرج وطلعت جري و هي بتلف عشان تدخل اوضتها خبطت في فريد و في لحظه بقت في حضنه
فريد….حااااسبي
لف فريد ايده علي وسطها وهي حطت ايدها الاتنين علي صدره وفضلت بصاله ومتنحه فضل فريد كمان باصصلها وساكت ثواني و يمكن دقيقه علي نفس الوضع ركز فريد في وشها و هز دماغه و هو بيضيق عينه بمعني في ايه.
بيري ابتسمت بارتباك
بيري….ايه
فريد….ايه انتي
بيري….انا ايه
فريد….مالك بتجري من ايه
بيري….انا ااا لا ممم مجرتش
فريد…..مجرتيش امال مين اللي خبط فيا
بعدت بيري عنه بسرعه وبصتله بارتباك
بيري…ااا مفيش كنت طالعه بس بسرعه مش اكتر
فريد….ايوه وليه طالعه بسرعه و كنتي فين
بيري….اا كنت تحت بشرب وو طلعت عشان انزل
فريد….طلعتي عشان تنزلي
بيري….اقصد شربت و طالعه اغير و هنزل
فريد….اه امال مالك يعني كده مش علي بعضك ليه
بيري….انا لا مفيش مالي انا كويسه
فريد….بعدم
—
اقتناع ماشي روحي يلا و متتأخريش عشان تفطري بلال جه صح
بيري….اااا اه اه جه تحت بس انا يعني مش عايزه افطر اصل انا هنام
فريد….تنامي انتي نازله تشريي وطالعه تغيري عشان تنزلي ولا رايحه تنامي مالك يا بيري في ايه
بيري….مفيش هيكون في ايه بس يعني اقصد مش جعانه والله
فريد….خلصي يا بيري وانزلي عشان تفطري انا هروح مع بلال انهارده علي الصاله عشان عندي تمرينه برايڤت مهمه هغيب حوالي ساعتين تلاته انزلي افطري يلا
بيري….بسعاده هتخرج بجد طيب كويس اوي
فريد….باستغراب هو ايه اللي كويس اوي انتي مبسوطه اني خارج
بيري…انا لا هتبسط ليه بس يعني مبسوطه عشان هتروح شغلك ومش هتفضل قاعد معايا وحامل همي
فريد….ااااه طيب يلا روحي بسرعه وتعالي
بيري….ماشي
بصتله و فضلت ترجع بضهرها
فريد…استني
بيري….ايه
فريد…..المناديل اللي وقعت منك دي نستيها
بيري…ااااه اه قربت خدت المناديل و رجعت تاني بضهرها وهي بتبتسم بطريقه عبيطه و فتحت باب الاوضه و دخلت جري علي جوه.
فريد….مالها المجنونه دي عالصبح
هز راسه وبعدين نزل علي تحت من غير اي صوت وفجأه لف بلال ضهره لقاه قدامه
بلال…بسسسسسم الله الرحمن الرحيم في ايه انت متفق عليا انت وبيري تقطعولي الخلف
فريد….صباح الخير
بلال….صباح النور يا سيدي
فريد….مالها بيري
بلال…..نزلت الوقت و عملت زيك بلف لقتها قصادي
فريد….راحت فين
بلال….بضحك هقولك بس متقولش اني فتنت
فريد….قول
بلال….كانت جايه تاخد المناديل عشان قدر عملها فوق و خاڤت تقفشها
فريد….باستغراب قدر !!
بلال….اه متقولهاش بقي اني فتنت حرام عليك يا مفتري مربي للفت الړعب بالوسواس القهري بتاع النضافه بتاعك ده
ابتسم فريد بهدوء و سرح قدر ايه اللي طلع فوق هو مش بيعرف يطلع السلم اصلا و بعدين هي قالت انها كانت بتشرب
حس فريد ان بيري مخبيه عليه حاجه و حط في دماغه انه يعرفها.
فضل فريد قاعد هو وبلال مستنين نزول بيري من الاوضه عشان تفطر.
فريد….بصوت عالي بيررررري يلا الفطار جاهز
نزلت بيري بعد ما سمعت صوت فريد و هي مرتبكه وقلقانه و باين انها مش مرتاحه
بيري….انا جيت انا جيت اهو
فريد….يلا الفطار هيبرد
بيري….حاضر
وقفت بيري ادام الكرسي بتاع السفره تاكل و هي واقفه
فريد….انتي واقفه ليه
بيري….عادي باكل
فريد…هتاكلي وانتي واقفه ما تقعدي
بيري…طيب
قعدت بيري و هي بتتلفت حواليها و تبص علي الكرسي
خلصوا فطارهم و فضلت بيري قاعده خاېفه تقوم
فريد…..بيري انا زي ما قولتلك هغيب شويه يعني ساعتين تلاته بالكتير وهرجع
بيري…براحتك خالص
فريد…مش محتاجه اي حاجه اجيبها معايا وانا جاي
بيري….لا لا مش عايزه
فريد….طيب زي ما متفق معاكي لا تفتحي الباب ولا تخرجي حتي الباب الخلفي بتاع الجنينه متفتحيهوش اقفلي علي نفسك كويس واي حد يخبط متفتحيش ماشي
بيري….تمام
فريد….لو احتاجتي اي حاجه كلميني
بيري….اه اكيد
فريد….يلا يا بلال
بلال…..استني بس عليا خمس دقايق اشيل كل حاجه و اظبط الدنيا
بيري….لا لا امشي انت اقصد يعني انا هظبط كل حاجه اهو اتسلي بدل ما افضل قاعده لوحدي
بلال….متأكده
بيري…اه طبعا يلا امشوا انتوا بقي
فريد….رفع حاجبه هو انتي متأكده انك كويسه
بيري….اه ايه كل ده عشان بقوله يسيب كل حاجه مكانها
فريد…لا مش كده بس حاسس انك متوتره شويه
بيري….لا خالص انا تمام والله
فريد….ماشي يلا بينا يا بلال
بلال….يلا انا جاهز
خرج فريد وبلال و قامت بيري جري تشوفهم من الشباك ركبوا العربيه و مشيوا
دخلت بيري بسرعه و راحت علي التليفون الارضي عشان تتصل بالصيدليه جابت رقم صيدليه لبها فروع كتير من علي الموبايل و كتبت الرقم عشان تتصل.
فجأه لقت الباب بيتفتح و دخل فريد قدامها و بصلها وهي ماسكه التليفون وقفت بيري متنحه و مش عارفه تتكلم و في الوقت ده رد عليها شخص
فريد….انتي بتعملي ايه
بيري….هااا انا مش بعمل حاجه
فريد….بتكلمي مين
بيري….انا لا مش بكلم حد انا انا
فريد….امال ماسكه التليفون ليه
خد منها فريد السماعه و فضل بقول الو كان الشخص قفل لما ملقاش حد رد
بصلها فريد پغضب بسيط
فريد….كنتي بتكلمي مين يا بيري
بيري….مكنتش بتكلم
فريد….بتكلمي حد من اخواتك ولا بتكلمي مين بالظبط
بيري…لا لا خالص والله مش بكلمهم
فريد…طيب تمام وانا مش همشي من هنا غير لما اعرف كنتي بتكلمي مين الوقت حالا
بيري….احممم قولتلك مكنتش بكلم حد و بعدين انت سمعت بنفسك مكانش في حد عالخط
فريد…..ايوه قفل انا كنت سامع صوت طالع من التليفون
بيري….هو انت مش لاقي حد تشك فيه فا بتشك فيا علي فكره كده مينفعش
سابته بيري عشان تطلع عملت نفسها زعلانه وهي بتحاول تهرب
مسكها فريد من ايدها بسرعه و وقفها ضهرها للحيطه وهو بياخد نفس طويل و مطول باله عليها
فريد….لو بتحاولي تهربي مش هسمحلك و الوقت حالا عايز افهم في ايه
بيري…تفهم ايه يا فريد مفيش حاجه اصلا
فريد….لا في يا بيري مرتبكه مش علي بعضك تصراتك غريبه كدبتي
بيري…كدبت !
فريد…اه قولتيلي نازله تشريي وقولتي لبلال انك عايزه المناديل عشان قدر و انا وانتي عارفين كويس ان قدر مش بيعرف يطلع الدرج عشان عالي عليه و لو فرضنا ان انتي اللي خدتيه فا ده محصلش انتي طلعتي بليل من غيره و الصبح كنتي لسه صاحيه فا عرفيني كده في ايه احسن ما ابدأ اتعصب عليكي
بصتله بيري و هي خلاص هتعيط ومش عارفه تقوله ايه
فريد….انطقييييي
اتهز جسمها من صوته وفضلت بصاله
بيري….مفيش
فريد….لا في و هتقوليلي يا بيري يلا انا سامعك واتمني تقوليلي احسن ما اعرف بطريقتي ووقتها هتزعلي مني
بيري….هو انت ليه مصمم ان في حاجه
فريد….عشان في يا بيري و انتي عارفه انك مخبيه حاجه قوليلي كنت بتكلمي مين وليه كنتي عيزانا نمشي بسرعه
نزلت بيري راسها لتحت
بيري….كنت عايزه اطلب حاجه
فريد….حاجه ايه
بيري….حاجه يا فريد
فريد…ايوه حاجه ايه انا سالتك محتاجه حاجه اجيبهالك من بره ولا لأ قولتي لا يعني. مش عايزه فا الوقت ايه الحاجه اللي افتكرتيها بالسرعه دي وبتطلبيها في السر
بيري….انا مش بطلب في السر بس كل الحكايه اني مقدرتش اطلبها منك
فريد…ايوه ليه و ايه هي الحاجه اللي شايفه اني هرفض انك تجبيها
بيري….مش حكايه ترفض انت اكيد مش هترفض بس كل الحكايه ان الحاجه دي مقدرتش اطلبها منك انت حتي ممكن تتصل بسهر انا كنت كلمتها اول ما صحيت و طلبت منها انها تيجي وتجيبلي الحاجه دي بس هي مش هتقدر قالت انهم كلموها والبرنامج بتاعها هيرجع و كانت في طريقها للاستوديو و قالتلي حتي لو فاضيه مش هعرف اجي عشان فريد قال نخفف شويه المقابلات عشان ممكن حد يراقبها
فريد….ايوه مش فاهم بردوا ايه الحاجه اللي طلبتيها من سهر دي
بيري…..ماهو انا لو كنت قادره اقولك كنت طلبتها منك من البدايه
فريد….شوفي انا مطول بالي عليكي لحد الوقت خۏفك مني اصلا الوقت معصبني اكتر انا مش هاكلك يا بيري قولي في ايه
بيري….بدموع انا خلاص مش عايزه حاجه
فريد….قولي يا بيري كنتي عايزه ايه
بيري…انا يعني ااا كنت عايزه حاجه من الصيدليه
فريد….حاجه ايه انتي تعبانه حاسه بحاجه
بيري….اااا لا مش تعبانه بس يعني تعب عادي بيحصل لأي بنت و وو التعب ده حصلي وانا مش عامله حسابي و اتحرجت اقولك
بصلها فريد پصدمه و خبط علي راسه لما فهم
فريد…اااا انا انا اسف اااااسف جدا مفكرتش في الموضوع ده خالص حقك عليا
بعدته بيري عنها
—
وطلعت جري علي فوق كانت محرجه منه ومش قادره تبصله
وقف فريد بإحراج من الموقف يأنب نفسه عشان مفهمش و افتكر مشيتها بضهرها وارتباكها و المناديل اللي كانت معاها و خۏفها انها تقعد
فريد….غبي غبي انا ازاي مفهمتش و ازاي جيبتلها كل حاجه تحتاجها الا الحاجه دي
خرجت بسرعه من البيت وركب مع بلال
فريد….بلال بقولك ايه خليني اقف بس عند الصيدليه اللي في اول الشارع ورجعني تاني
بلال…ليه في حاجه ولا ايه
فريد…مفيش بس بيري طلبت مني مسكن عشان دراعها ۏاجعها بس ملاقتش جوه خليني اجيبه و نرجعه تاني ليها وبالمره اجيباها مناديل وايبس لقدر
بلال….طيب تمام
وصل فريد علي الصيدليه ودخل اشتري ليها اللي كانت محتجاه و خرج بسرعه ركب مع بلال ورجعوا علي البيت
دخل فريد بهدوء مكانتش موجوده طلع علي فوق وقف قدام الباب
فريد…..بيري انا عارف انك سمعاني انا جيبتلك اللي كنتي محتجاه هتلاقيه قدام الباب انا اسف يا بيري مجاش في بالي خالص حاجه زي دي و لا فكرت اجيبها اصلا وعلي فكره انا مكنتش شاكك فيكي ولا حاجه بس افتكرت كلامك عن اخواتك وقد ايه هما واحشينك فا خۏفت شعورك يتغلب عليكي و تكلميهم و يحصل اي مشكله احنا في غناء عنها و كمان لما حسيت انك مخبيه عني حاجه اتعصبت فا ڠصب عني انا اسف بجد انا همشي اوك خلي بالك من نفسك
نزل فريد بسرعه وفضلت بيري حاطه ايدها علي قلبها من الاحراج و اول ما سمعت صوت الباب اتقفل راحت بصت من الشباك لمحته ركب ومشي جريت علي الباب وفتحت لقت شنطه من الصيدليه
ابتسمت بإحراج ودخلت جري علي الاوضه وهي معاها الشنطه
…………
في منزل مهيب
فاتن….ايه هتمشي خلاص
مهيب….اه عندي مشوار مع رأفت بخصوص الاجتماع و بعدين هروح علي الشركه انتي هتعملي ايه
فاتن….هروح انا من بدري خارجه كمان موبايلي مقفول زمان سعيد بيتصل بيا هو و الولاد
مهيب….ماشي
فاتن….عشان خاطري متنساش بقي اللي قولتلك عليه لازم يا حبيبي تكلم سعيد وتخليه يرجع الشغل قعدته في البيت بجد ضايقتني كمان قعدته مش هتفيدك بحاجه انت عارف ان سعيد لخمه و مش بيعر يتصرف
مهيب….هكلمه يا فاتن وهرجعه بس انتي وعدتيني تتصرفي في موضوع بيري
فاتن….اطمن يا حبيبي هترجع و هجيبها يعني هي هتروح فين و الاهم الوقت ان قعدت سعيد مش هتفيدك بحاجه بالعكس انت اكيد محتاجه في الشغل اكتر
مهيب….ماشي يا فاتن خلينا نشوف اخرتها مع بنتك
فاتن….اطمن اخرتها هتبقي زي ما انت عايز واكتر يلا انا همشي بقي عشان متاخرش وبعدين انا عطلتك انهارده كتير خالد مشي وانت لسه
مهيب….لا معطلتنيش ولا حاجه كده كده انا معادي مع رافا كان متأخر يلا خلينا نمشي
فاتن….يلا بينا
…………..
بعد حوالي ساعه وصلت فاتن البيت دخلت لقت سعيد بيعدل هدومه
فاتن…..مساء الخير
سعيد….مساء الخير يا فاتن كنتي فين كل ده
فاتن…..كنت في مشوار قولي انت رابح فين كده
سعيد…مهيب باشا اتصل عليا و طلب مني اروح عالشركه
فاتن…..طيب كويس
سعيد….قوليلي مشوار ايه اللي كنتي فيه
فاتن…..كنت في مشوار اللي رجعك شغلك يا سعيد
سعيد….قصدك ايه كنتي عند مهيب
فاتن …اه روحت وطلبت منه انك ترجع يعني قعدتك ملهاش اي لازمه بموضوع بيري قعدتك من الشغل مش هترجعها و هو اقتنع
سعيد….طيب كويس
فاتن …يلا روح بقي عشان متتأخرش عليه ما صدقنا اقتنع بكلامي
سعيد …ماشي يا فاتن يلا سلام
فاتن…..سلام
……………
خلصت سهر مقابلتها مع التيمم و اتفقت مع الاعداد علي الموضوع اللي هترجع بيه في حلقتها الجايه في الوقت ده اتصل عليها ياسر
سهر….الووو
ياسر….ايوه يا سهر ايه الاخبار طمنيني
سهر…كله تمام الحمد لله و الحلقه في معادها قولي خلصت مشوارك
ياسر….اه عشان كده كنت بكلمك اصلا عشان أسالك سؤال
سهر….خير قولي
ياسر…..سمعتي قبل كده اسم الست دي عائشه عبد الرحمن محمد العريف
سهر…..لا مين دي
ياسر….دي الست اللي كان متجوزها سعيد الصاوي
سهر….پصدمه تقصد ان دي والدة بيري
ياسر….احتمال كبير تكون هي التفاصيل و السنه اللي اتجوزوا فيها و كل حاجه بتقول ان ممكن تكون هي
سهر….طيب قولي ايه التفاصيل دي وعرفت كل ده ازاي ولا اقولك انت فين انا هجيلك
ياسر…تجيلي فين يا مجنونه انتي ناسيه ان ممكن تكوني متراقبه
سهر….يا سيدي مالكش دعوه انا هتصرف ومتقلقش هعرف اجيلك ومن غير ما حد يشوفوني
ياسر….سهر بلاش جنان اللي بتعمليه ده ممكن يبقي خطړ
سهر….هو انت مش واثق فيا بقولك انا هتصرف والله في فكره في دماغي حلوه بس يلا عشان الوقت ما يضيعش
ياسر….طيب هقولك علي مكان تجيلي فيه المكان ده امان
سهر….طيب تمام ابعتلي اللوكيشن لحد ما اروح اظبط الطريقه اللي هاجي بيها اوك
ياسر…اوك بس خلي بالك هاا
سهر…متقلقش يلا سلام
ياسر….سلام.
خرجت سهر بسرعه من اوضتها اللي بتجهز فيها ديما تدور علي معاذ السواق اللي ساعدها قبل كده لما بعتته لبيري.
سهر….معاذ معاااذ
معاذ….ايوه يا استاذه
سهر….معلش عيزاك لحظه
معاذ….حاضر
استأذن معاذ من الشخص اللي كان واقف معاه وراح لسهر
معاذ…..خير يا استاذه سهر
سهر….معاذ انا طالبه منك خدمه و عارفه انك هتقدر تساعدني
معاذ….رقبتي يا استاذه قوليلي و لو هقدر مش هتأخر
سهر…..انا عايزه اروح مكان بس مش عايزه اروح بعربيتي و مش عايزه حد يعرف اصلا او حتي يشوفني و انا خارجه معاك
معاذ….طيب سهله عيني بس قوليلي في حاجه معاكي ولا ايه
سهر….يعني تقدر تقول اه بصراحه انا شاكه ان في حد بيراقبني و المشوار اللي هروحه ده مش عايزه حد يعرفه او يلمحني حتي
معاذ…..طيب تمام انا جاهز ومتقلقيش
سهر….طيب فين العربيه بتاعتك بره
معاذ….لا هي في ضهر المبني في الباركينج الخاص بالموظفين عربية حضرتك فين
سهر….لا انا عربيتي بره قدام الاستديو علي طول
معاذ….طيب كويس بصي اخرجي من الباب اللي وراء و انا حالا هكون عندك و نخرج من الشارع الخلفي
سهر….طيب كويس اوي هروح اجيب شنطتي و هستناك هناك
معاذ….انا رايح الوقت علي العربيه خلصي براحتك وانا واقفلك هناك
سهر….مش عارفه اقولك ايه يا معاذ بجد كل اللي بتعمله معايا ده جميل كبير اوي
معاذ….متقوليش كده يا استاذه جمايلك مغرقاني من فوق لتحت و اللي بعمله ده جزء بسيط اوي من رد الجميل
سهر….ربنا يبارك فيك يارب يلا مش هتأخر عليك
معاذ….ماشي
