چاسمين

سهر…..اللي اعرفه كمان مازن قالي ان مهيب قالوا ميرجعش الشغل غير لما بيري ترجع يعني الوقت في بينهم تاتش و انا شايفه ان فريد معاه حق واضح اوب علي صوته انه عايز يقول حاجه
ياسر….طب ليه طلب ان محدش يعرف
فريد….يمكن عنده حاجه مش عايز فعلا حد يعرفها واكيد هنفهم لما سهر تقابله
سهر….طيب انا هقوم عشان متأخرش عليه
ياسر….لا استني انا هاجي معاكي
سهر….تيجي معايا فين مينفعش يشوفك معايا
ياسر…..مش هقعد معاكم اكيد بس لازم اكون جنبك مينفعش تروحي لوحدك
فريد…ياسر معاه حق خليه يروح معاكي ويبقي بعيد عنكم و يحاول انه ميلمحهوش خالص
ياسر….متقلقش مش هلفت النظر اكيد يلا يا سهر خلينا نقوم بسرعه
سهر….يلا. اااه لحظه كنت هنسي
فريد….قولي
ياسر…في ايه
سهر…انا نسيت اقولهم يا ياسر علي الرساله
ياسر….ايوه صح
فريد….رساله ايه
سهر….الصبح وصلي رساله قدام الباب و ملاقتش حد و فتحت الظرف ده امسك اقراه ده ټهديد صريح منهم و اعتراف بحاډثه امي و كمان بلغوني في اخر الرساله اني رجعت شغلي و بعدها بدقايق جالي تليفون من مدير القناه و قالي اني اقدر ارجع الشغل و ان المحامي بلغه وهو كلمني علي طول ياسر قالي ان ممكن اوي نعرف الخط ده بتاع مين
فريد…..غلطه بس في صالحنا انهم يبعتوا رساله بخط الايد
ياسر….عشان كده انا قولت ان الرساله دي ممكن تنفعنا
فريد….اكيد هتنفعنا
ياسر….طيب شوف هتعمل ايه بيها بقي واحنا هنمشي
فريد….تمام خلوا بالكم من نفسكم و عرفونا في ايه لما تقدروا تتكلموا
سهر….ماشي متقلقش
ياسر….يلا سلام مع بعض علي تليفونات
فريد….تمام سلام
خرجوا مع بلال نزل خرجهم من الباب الخلفي و طلع تاني
فريد…..بلال انا عايز منك خدمه تانيه تعملها و انت بتدور علي بيانات عائشه
بلال….تمام سامعك
فريد…..عايزك تخترق تليفون فاتن و سعيد
بلال…..باستغراب اشمعني ليه مش مهيب ورأفت
فريد…..مهيب و رأفت انت عارف كويس ان اي كلام مهم بينهم مش بيتم في تليفونات يمكن في مقابلات خاصه وسريه في اجتماعات لكن موبايلات وكده صعب بس فاتن وسعيد لا و انا مش عارف ليه حاسس ان اكتر طريق هنقدر نوصل منه لحاجه هما الاتنين دول بالذات سعيد اكيد عارف عنهم بلاوي و يمكن مشترك معاهم في بلاوي و فاتن دي وراها حجات كتير الست دي مش مريحه خالص و دماغها سم و انا شاكك فيها اوي
بلال….طيب سهله بس ايه رايك نحط رافت ومهيب وخالد هما كمان عالخط
فريد…..براحتك بس مظنش نوصل لحاجه الناس دي من زمان و عارفين بيعملوا ايه وكل خطوه محسوبه و مستحيل يتواصلوا بالموبايلات
بلال…..يمكن هو انت مش قولت ان غلطة الشاطر بألف وارد يغلطوا ويتكلموا لاي سبب متنساش ان الاجتماع بعد بكره زي ما قالك امجد يعني الكل نشغول مش مركز يمكن تركيزهم عالاجتماع كبير بس تركيزهم علي تصرفاتهم جايز يكون مش محسوب
فريد…خلاص شوف عايز تعمل ايه واعمله و اه بمناسبه بقي امجد انا عايز منك خدمه تانيه مهمه جدا
بلال….قول
فريد….امجد هيحضر الاجتماع و اغلب الاجتماعات الكبيره اللي زي دي بيمنعوا دخول الموبيلات جوه اوضه الاجتماعات و بصراحه يمكن امجد يقدر يعرفنا اللي حصل جوه بس امجد هيعرنا باختصار اللي حصل الاجتماعات اللي زي دي بتطول بالساعات ووارد ينسي تفاصيل كتير ووارد جدا يتقال حاجه بسيطه متلفتش انتباهه بس تنفعنا احنا عشان كده انا عايز اكون معاهم في الاجتماع ده عايز اسمع كل حرف بيتقال بالصوت كأني معاهم جوه
بلال….تقصد محتاج جهاز تصنت او تسجيل
فريد….مش هتفرق سواء تصنت لحظه بلحظه او تسجيل المهم اسمع كل حرف هيتتقال
بلال….ايوه يا فريد بس بيتهيألي صعب متنساش انهم بيدخلوا من جهاز و وارد الجهاز ده يعمل صوت
فريد….اتصرف يا بلال شوف حل انت عندك حلول كتير للموضوع ده
بلال….بتفكير شرد اممممم طيب انا هتصرف بس الاول هنوصله الجهاز ده ازاي انا واثق ان لحد الوقت ابوه بيراقبه و يمكن كمان خالد يكون بيراقبه
فريد…..و انا عندي الخطه روح انت بس جهز الجهاز اللي قولتلك عليه و انا هتصرف
بلال….تمام
…………..
وصلت سهر علي كافيه بعيد عن المنطقه اللي فيها الصاله بتاعت فريد دخل ياسر قعد في ضهر التربيزه بتاعتها و فضلوا
—
قاعدين مستنين سعيد يوصل .
مر حوالي ربع ساعه ووصل سعيد دخل وهو باين عليه التوتر وبيتلفت حواليه لمحته سهر قامت وقفت
سعيد…..ازيك يا سهر
سهر …الحمد لله اتفضل
قعد سعيد في ضهر الكرسي اللي قاعد عليه ياسر
سعيد….انا اسف لو اتأخرت عليكي بس كنت بدور عالمكان
سهر….لا خالص انا مش بقالي كتير قولي الاول تشرب ايه
سعيد…لا لا مش عايز مفيش وقت انا لازم اروح عالشركه بسرعه
سهر….شركه ! هو حضرتك رجعت
سعيد…..سهلتي عليا كتير معني انك عارفه اني مكنتش بروح يعني عاره كل اللي حصل الفتره اللي فاتت
سهر….ااا يعني عرفت من مازن ومريم خصوصا لما مازن مبقاش يروح الشركه و ركز في شغل امجد مع خالد
سعيد…..انا ميهمنيش عرفتي من مين يا سهر سواء من مازن او مريم او حتي بيري صدقيني ميهمنيش المهم انتي عارفه كل اللي حصل صح
سهر….اه عارفه يا انكل سعيد و لو حضرتك جاي عشان تعرف مني مكان بيري يبقي اسفه مش هقدر افيدك مازن ومريم بس اللي عارفين ولو اعرف بردوا اسفه مش هقول
سعيد…..و انا مش جاي عشان اعرف بيري فين و لا عايز اعرف انتي عارفه مكانها ولا لأ مع اني واثق انك عارفه مكانها
سهر….طيب امال حضرتك هنا ليه
سعيد…شوفي يا سهر انا عارف انك مش بتحبي التعامل معايا و مع فاتن و عار انك ديما واخده مننا جنب بس اللي يهمني علاقتك بولادي دي اهم حاجه عندي انا واثق من حبك ليهم و اثق انك بالنسبه ليهم اختهم الكبيره عارف قد ايه پتخافي عليهم و مواقفك مع بيري في بعدها عن خالد بيثبت كلامي ده
سهر…..اه حضرتك يعني جاي تقولي ان بما اني مؤثره علي بيري بالشكل ده فا اقنعها تتجوز خالد وترجع
سعيد….لا يا سهر مش كده اديني فرصه بس اتكلم يمكن انتي كنتي ديما واقفه حاجز بين بيري وخالد و انا وفاتن كنا ديما بنحاول نعمل العكس بس انتي كنتي صح و عملتي. مع بيري اللي احنا معملنهوش معاها حافظتي عليها و بعدتيها بكل قوتك عن خالد وانا هنا انهرده عشان نفس السبب سهر انا عارف انك جدعه و قويه و جريئه و صاحبة مبدأ و عارف ان اللي يفكر يقرب من حد انتي بتحبيه ممكن تاكليه بسنانك حتي لو ده هيعرضك للخطړ عشان كده انا جاي يا سهر أحط في ايدك امانه  والحاجه دي هي ولادي بيري و مازن ومريم
بصتله سهر باستغراب
سعيد…..خدي بالك منهم احميهم علي قد ما تقدري التلاته ميقدروش يقفوا قصاد اي حد مهما كانت قوتهم بس انتي ليكي صوت و صوتك مسموع و لو لا قدر الله حصل معاهم حاجه مفيش غيرك هيقدر يحميهم او يدافع عنهم عشان كده ولادي امانه في رقبتك يا سهر
سهر….هو انا مش فاهمه حاجه اكيد انا هفضل في ضهرهم ومفيش اي حد ممكن يقرب منهم بس ليه بتتكلم علي انك مش هتقدر تحميهم او مش هتكون موجود
سعيد….لان محدش عارف مصيره ايه يا سهر انا هحمي ولادي لاخر نفس فيا بس لو مقدرتش اكمل انتي اللي هتكملي من بعدي
سهر…..و بيري بردوا من ضمن الوصيه دي اكيد و لا حضرتك بتقول كده عشان تخليني اقتنع بكلامك
سعيد…جايز متصدقيش ان خۏفي علي بيري نفس خۏفي علي مازن ومريم بيري بنتي يا سهر ومفيش قوه في الدنيا تقدر تقول غير كده يمكن في حجات حصلت مني كتير تخليني مبقاش كبير في عينك او عينها او حتي عين مازن ومريم بس مش معني اني مطلعتش ابوها الحقيقي ان بيري متبقاش بنتي اللي ربتها من و هي لسه عيله صغيره في الفه
و عيشت معاها اربعه وعشرين سنه مفيش حد في الدنيا يا سهر مبيغلطش كلنا بنغلط و غلطاتي انا عارفها كويس و عمري ما هنكرها بس جزء كبير من غلطاتي كان خوف عليها وعلي اخوتها صدقيني
سهر…من ايه خوف عليهم من ايه
سعيد….مش هقدر اقول اي حاجه يا سهر صدقيني صعب
سهر…..بس انا لازم افهم
سعيد….مش مهم تفهمي الوقت اكيد هتفهمي بعدين انا بس كل اللي طالبه منك لو بتروحي لبيري متروحيش عشان انتي متراقبه لو مازن ومريم بيروحوا أكدي عليهم ميرحوش و بالمناسبه الكلام ده انا قولته الصبح لمازن قبل ما يخرج علي الشغل بس انتي بردوا اتكلمي معاه بلاش حد يعرف مكانها لان لو حد عرف في الوقت ده انا ممكن مقدرش اتصرف لازم بيري تفضل اطول وقت ممكن مستخبيه لحد ما انا اقدر اتصرف
سهر….طيب علي الاقل افهم ليه حضرتك مغير موقفك ايه اللي خصل يخليك تتغير بالشكل ده وبعدين ليه رجعت الشغل تاني
سعيد….رجعت لان مهيب اتصل عليا وطلب اني ارجع و ده طبعا بعد ما فاتن راحتله الصبح بدري واترجته ان ارجع مقابل انها تعمل كل اللي في وسعها عشان ترجع بيري مكنتش هقدر ارفض لان رجوعي اصلا في الوقت ده بالذات يمكن يكون سبب كبير في اللي انا عايز اعمله تاني حاجه ليه غيرت موقفي لان ده الصح انا عشت خاېف سنين كتير بس الخۏف منفعنيش بأي حاجه وجه الوقت اللي اتكلم بس عشان اعمل كده لازم اكون حاسب كل خطوه
سهر….ويفرق ايه الوقت من زمان في تغيير موقفك
سعيد….يفرق ان فاتن اتغيرت اكتر اتحولت وبقت اشرس زمان كنت ضامن سكوتها عن اي خطړ ممكن يمس بيري كنت بحس انها پتخاف وممكن تسكت عشان ولادها بس الوقت بقيت احس ان حتي ولادها مبقوش في حساباتها
سهر….طيب ارجوك يا انكل سعيد قولي اي حاجه خليني معاك عالخط مش يمكن لما تفكر لوحدك متقدرش تعمل اللي. ممكن نعمله مع بعض قولي كانت خاېفه من ايه و ايه السر اللي ما بينكم
سعيد….صدقيني لو اقدر كنت عرفتك جايز احتاجك و اقولك بعدين بس الوقت صعب
سهر….طيب علي الاقل حتي عرفني مين اهل بيري مين امها مين ابوها حرام بجد تتصدم في انكم متطلعوش اهلها وتحرموها من ان هي تعرف اهلها الحقيقين
سعيد……و اهو اللي انتي عايزه تعرفيه ده بالذات هو سبب كل الخۏف و القلق اللي عشت فيهم سنين
سهر….لا مش فاهمه فهمني اكتر يعني بيري مامتها وبباها مش ميتين زي ما انتوا قلتوا ليها يعني هما عايشين و انتوا كدبتوا
سعيد….انا مكدبتش علي بيري يا سهر امها حقيقي ماټت بعد ولادتها بشهور بسيطه و ابوها كمان ماټ بس ماټ بوصيه امها
سهر….يعني ايه ماټ بوصيه امها
سعيد…..يعني قالتلي لو حصل في يوم من الايام وبيري عرفت انك مش ابوها اوعي تعرفها مين هو لانه هيأذيها وجودها معاه هيبقي دمار ليها عشان كده خبيت عنها لاني خاېف عليها
سهر….طيب مين هو
سعيد….مقدرش مقدرش اقول يا سهر مقدرش صدقيني صعب اوي معرفة بيري بوجوده معناه مۏتها بالحياه صدقيني امها نفسها لو كانت فضلت عايشه مستحيل كانت تعرفها مين هو امها زمان لما انا لقتها كانت هربانه منه يعني كانت عارفه الخطړ اللي هي عايشه فيه ومحبتش تعيشه لبنتها
سهر….طيب لو فرضنا ان كل الكلام اللي قولته
—
ده حقيقي انا اصدق ازاي من غير اي دليل علي كلامك متزعلش مني بس لحد قبل ما تكلمني انا كنت عاره انك واقف في صف طنط فاتن ومهيب وخالد ايه اللي يخليني اصدقك
سعيد…..مش عارف يمكن معنديش حاجه اقولها الوقت غير اللي قولته و كمان انا مش طالب منك اي حاجه غير بس حمايه لولادي و لو جرالي حاجه تقوليلهم اني حاولت اصلح الغلط  اللي كنا عايشين بس ملحقتش و لو لحقت انا عارف اني مستحيل بردوا اخرج من تحت ايدهم سليم عايزك بردوا تعرفيهم ان عملت كل ده عشانهم عشان لما اموت يفضلوا رافعين راسهم ويفتكروني بكل خير
سهر…..اعتبر ان وصيتك امانه في رقبتي بس لازم تعرف ان مينفعش ندخل حرب و احنا بطولنا و لوحدنا و لو حابين نكسب المعركه دي و ننتصر يبقي لازم نكون مع بعض وجودك لوحدك في وشهم خطړ عليك و يمكن متقدرش تعمل اللي كنت عايزه ويفضلوا في خطړ من بعدك بس لو بقينا مع بعض جايز اوي ننتصر و انت تفضل بخير و ولادك يفضلوا في حضنك و بخير
سعيد…..نفسي يا سهر بس خاېف كل اللي عايزه منك تصدقيني انا مش وحش يا سهر جايز عندي حجات مش حلوه ونقاط ضعف بس انا مش بني ادم وحش انا مش شيطان يا سهر
سهر…..طيب قولي اي حاجه تخليني اديلك الامان
سعيد…..اخاڤ اقولك اي حاجه تدمرينا كلنا
سهر…..اوعدك مهما كانت الحاجه دي ايه مستحيل تخرج من بينا احنا الاتنين حتي لو لبيري او مازن ومريم
سعيد…..حتي لو الحاجه دي تخص اختك
سهر…بابتسامه ۏجع سالي تقصد يعني ان الحاډثه كانت مدبره
سعيد….پصدمه انتي كنتي عارفه
سهر …اه كنت عارفه
سعيد….وليه سكتي دي بالنسبالي غريبه اوي انك تسكتي انتي عمرك ما سكتي عن حاجه تخص بيري و لا سكتي في البرنامج بتاعك عن اي غلط حتي لو هتقولي اسامي كبيره ازاي قدرتي تسكتي عن حق اختك
سهر….عشان مش معايا دليل كل اللي اعرفه ان مهيب كان طرف من الاطراف اللي قټلت اختي اكتر من كده معرفش حتي نمرة العربيه اختفت بس ليه حضرتك سكت ومقولتش
سعيد….عشان مقدرش اتكلم لان في كل مصېبه كانت بتحصل كنت بخاف اكتر علي ولادي بس لو عايزه تتأكدي اني مش بكدب عليكي في اي حرف انا ممكن اقولك معلومات اكتر عن قتل سالي مش مهيب بس يا سهر اللي عملها
سهر…..طب مين تاني و اوعدك لحد ما نطمن ان حضرتك وبيري ومازن ومريم تبقوا في امان وقتها هبقي اشوف حق اختي
سعيد…..رأفت الباشا كمان وراء قټلها و هو اصلا كان صاحب الفكره مهيب نفذ عن طريق رجالته بس رأفت اللي طلب و كان معاهم محمد الرشيدي لو تفتكري انتي في مره طلعتي هاجمتي الراجل ده و هو متأخرش لما سمع من رأفت انه بيفكر يخلص من اختك عشان تبعدي عنهم
سهر…..طيب والعربيه اللي عملت كده راحت فين
سعيد….اختفت فتره و بعدين طلعت بأرقام جديده والنمره القديمه اللي خبطت سالي اتعدمت
سهر….يعني كده مفيش دليل علي مۏت اختي
سعيد…..لا في يا سهر
سهر….ايه هو
سعيد….اعتراف من مهيب و يكون متسجل بصوته و عشان كده انا فرحت لما طلب اني ارجع لاني ناوي اخد منه اعترافات علي كل المصاېب اللي عملوها بلسانه انا هرجع حقوق كل اللي اتظلم منهم و اكيد هيجبلك حق اختك بس في المقابل احمي ولادي علي قد ما تقدري
سهر……وانا عند وعدي بس هستناك تحكيلي اي حاجه
سعيد….صدقيني لو حسيت اني مش قادر لوحدي اكيد هقولك وانا عارف اني اكيد هحتاجك
سهر …وانا جاهزه اي وقت
سعيد….يبقي اتفقنا يا سهر انا هقوم بقي الوقت و اكيد هشوفك تاني
سهر….تمام يا انكل سعيد
سعيد….سلام يا سهر
سهر…..سلام.
خرج مهيب و خرج بعديه ياسر وقف بره وعمل نفسه بيتكلم في التليفون لمح سعيد وهو بيركب عربيته و بنفس التوتر و بيتلفت حواليه لا يكون حد شايفه و مشي بالعربيه بسرعه.
قفل ياسر و كلم سهر
سهر….ايوه يا ياسر
ياسر……سهر انا هلف من اول شمال وهقف هناك وانتي تعالي ورايا واتاكدي ان مفيش حد وراكي ولا حد كان وراء سعيد
سهر….تمام
قفل ياسر وركب عربيته وراح علي المكان اللي قالها عليه واتاكد ان مغيش حد وراه شويه وقربت منه سهر وركبت بسرعه
سهر….اطلع يا ياسر
ياسر….حد وراكي لا مفيش بس اطلع بسرعه
طلع ياسر وفضل باصص في المرايا مكانش في اي حد وراهم بصتله سهر
سهر….طبعا سمعت كل حاجه
سعيد….الراجل ده وراه حاجه كبيره في سر كبير و خصوصا في موضوع اهل بيري
سهر….كده احنا اتاكدنا ان بيري ابوها عايش
ياسر……لازم نعرف فريد كل حاجه وبيري مينفعش تعرف اي حاجه لان واضح ان ابوها مش في مصلحتها انها تعرفه
سهر….بالظبط طيب قولي ايه رايك في كلامه اقتنعت
ياسر….بنسبه كبيره الراجل ده مش بيكدب واضح انه خاېف من حاجه بس لازم ناخد حرصنا منه في النهايه هو ضعيف لا يعتمد عليه وممكن يبوظ الدنيا بسهوله لو اټهدد
سهر…..صح يمكن يقدر يثبت عكس ده بعدين لو قدر يظهر قوته
ياسر…بس لحد ما ده يحصل لازم نلتزم الصمت لو عمل فعلا زي ما قال وقدر يجيب اعترافات مهيب يبقي الراجل ده فاق او حس ان سكوته مبقاش ينفع و وقتها هنشوف هنتصرف معاه ازاي
سهر….هنشوف الايام الجايه مخبيه ايه وكده انا طاري بقي شبه واضح مع مهيب ورافت و محمد الرشيدي
ياسر…..بس زي. ما قولنا يا سهر لازم نستني
سهر….متقلقش انا مش هعمل اي حاجه غير لما كلنا نتفق علي وقعتهم
ياسر….تمام انا الوقت هوصلك لاقرب مكان للاستديو و همشي عشان محدش يشوفني معاك
سهر…..تمام
…………
اليوم عدي بسرعه و رجع فريد علي البيت بيري كانت في اوضتها نايمه او عامله نفسها نايمه عشان من وقت الموقف اللي حصل بينهم وهي مكسوفه منه احترم فريد اختفائها ومحبش يضغط عليها و طلع علي اوضته عشان لو حبت تخرج او تتحرك في الشقه.
في صباح يوم جديد صحي فريد بدري وخرج وساب لبيري ورقه
صحيت بيري ونزلت براحه علي تحت مكانش موجود لمحت ورقه علي التربيزه.
فريد….صباح الخير يا بيري انا خرجت بدري انهارده عشان عندي شغل مهم و كام مشوار كده ابقي افطري و فطري قدر ان شاء الله هرجع علي بليل هحاول متأخرش لو احتاجتي اي حاجه كلميني.
سابت بيري الورقه و كان باين علي ملامحها انها مضايقه صحيح هي بتحاول تهرب منه بس مش لدرجه انها متشفهوش كل الوقت ده راحت اكلت قدر و بعدين طلعت تاني علي اوضتها و مرضيتش تاكل مكانش ليها نفس
………..
في مساء يوم الخميس بعد صلاه المغرب.
فريد…..ايوه يا امجد انت فين
امجد…..انا اهو جوه المطعم هاخد الاوردر و اطلع علي طول زي ما قولتلي
فريد…..تمام فاضل كتير
امجد….لا انا واقف اهو وهستلم بس قولي انا مش عار اعمل ايه بعد كده
فريد….زي ما قولتلك هتخرج من عندك تقف قدام العربيه هتفتح الاكل و تاكل من كام قطمه وبعدين تركب اول ما تمشي بالعربيه لأخر الشارع هتبص جنب عاليمين هتلاقي واحد غلبان قاعد بجلابي
هتنزل تديله الاكل اللي معاك و تاخد منه اللي هيديهولك و ترجع تكلمني
امجد….تمام يلا انا هسلتلم اهو
فريد….وانا بره متقلقش انا وراك
امجد….تمام يلا سلام
فريد….سلام.
قفل فريد مع امجد واتصل علي بلال و طبعا بلال كان لابس سماعه
فريد…..اجهز يا بلال
بلال….تمام
وقف فريد يراقب من بعيد لمح امجد خارج وقف قدام العربيه حط شنطه الاكل علي العربيه من قدام طلع الاكل و كل قطمتين وبعدين خد الشنطه ومشي بالعربيه
لمح فريد عربيه طلعت وراء امجد فا خفف السرعه علي الاخر
ركن بلال في اخر الشارع ولمح الراجل اللي فريد قاله عليه لابس جلابيه و عمه و عليها شال لافف بيه وشه و شبشب مبهدل
نزل امجد وقرب من الراجل و مدله ايده بالاكل
امجد….اتفضل
رفع بلال عينه بهدوء وبص لأمجد
بلال…..ربنا يباركلك خد منه الشنطه واداله في ايده حاجه صغيره
طبطب امجد عليه و حط ايده في جيبه شال الجهاز و طلع المحفظه وده بعد ما لمح العربيه اللي تبع ابوه بتراقبه طلع منها فلوس و مد ايده لبلال.
امجد….بهمس قبل ما تمشي اتأكد ان العربيه دي طلعت ورايا الويا بيراقبني
بلال….تسلم ربنا ما يوقعك في ضيقه
مشي بسرعه و طلع بلال الاكل ياكل عشان لو حد شايفه بس عينه كانت بتراقب العربيه كويس وطلعت وراء امجد
وقف فريد بالعربيه قدام الرصيف اللي قاعد عليه بلال
واتصل عليه
فريد….خليك متتحركش الوقت
بلال….تمام
فات اكتر من عشر دقايق و مفيش اي عربيات
اتصل فريد علي امجد
فريد….ايوه يا امجد كله تمام
امجد….اه اطمن
فريد….كان في عربيه وراك
امجد…..دي رجاله ابويا ولسه ورايا
فريد….طيب اول ما توصل وتقدر تكلمني كلمني عشان اقولك تعمل ايه بالجهاز ده
امجد….تمام يلا سلام
فريد….سلام
بص علي بلال وهز راسه
قام بلال بسرعه من مكانه وراح ركب مع فريد وطلعوا بالعربيه علي طول
في صباح يوم الجمعه 142
داخل غرفة الأجتماعات
وللحديث بقيه……