لقاء كـ،ـ،ـارثي

لقاء كـ،ـ،ـارثي
أميره أسامه
صاحبة البطل الواحد

. البارت المئه 105.

………………………

وقف رشيد بالعربيه بعد ما أتحركوا شويه من عند الدكتوره قدام صيدليه و نزل يجيب العلاج بتاع ايمي..

بصت ايمي علي ليله كانت قاعده وراء وأبتسمت و هي تايهه و لسه مش مستوعبه..

ليله….بضحكه جميله ايه هتفضلي مصدومه كده كتير

ايمي…هو اللي حاصل ده عادي طيب ليله انا مش بحلم صح

ليله….بضحك هو انتي اول مره تسمعي عن ست تجيب توأم

ايمي…..اديكي قولتي توأم بس دول تلاته

ليله….الله اكبر انتي هتحسديهم يابت

ايمي…انا بتكلم جد يا ليله انا حاسه اني مصدومه حاسه اني بحلم مش مستوعبه بجد ليله انتي بجد مستوعبه طب انتي فاهمه انا كنت فين و بقيت فين

ليله…..بضحك هي الحاجه الوحيده اللي مش قادره استوعبها هو شكلك لما بطنك تكبر

ايمي….بصتلها و ضحكت صحيح هبقي عامله ازاي

ليله….بضحك هتبقي شبه الكوره او الانبوبه هتدحرجي بعد كده

ضحكت ايمي و رفعت شعرها لوراء و رجعت بصتلها تاني.

ليله….طيب هو انا ممكن اعرف انتي مصدومه ليه بجد انتي مش فرحانه يا جزمه

ايمي….انا طايره من الفرحه يا ليله فكرة اصلاً اني اجيب توأم دي كان نفسي فيها من زمان بس ثلاثه انا مصدومه بجد اصل يعني ايه اني أفضل كل السنين دي من غير راجل و اقرر اعمل تجميد بويضات عشان حسيت ان العمر بيجري بيا و اتعب و اصرف و اتبهدل كل مره و فجأه المكان يتحرق و بياناتي تتحرق معاه

البويضات موجوده بس محتاجه تأكيد مني وادور علي الفايل اللي يأكد ده يختفي و فجأه كل الامال اللي كانت عندي تنهار و بعد ما كنت فاكره اني مأمنه نفسي في لحظه ربنا ياخد مني كل ده و ارجع تاني لنقطه البدايه و اسيب الموضوع كله في ايد ربنا ليله انا كنت شاكه اصلا اني اخلف في السن ده لا ده انا بتجوز و انا عندي 42 سنه و حملت بعد الجواز علي طول يعني حتي الحمل متأخرش شهر واحد لا حملت و بوم ما اعرف اني حامل احمل في ثلاثه طب ازاي

ليله…..ربنا يا ايمي ربنا عايز كده انا معرفش موضوع تجميد البويضات ده شرعاً حرام و لا جايز بس في كل الحالات ربنا مش بيتعاند لو مكانش رايد انك تحملي اصلاً حتي لو المكان متحرقش و حتي لو الفايل مضاعش كان ممكن يبقي كل حاجه في ايدك و بردوا متحمليش بس هو ضيع كل ده و خلاكي تحملي من غير ما تلجأي لاي حاجه غير ليه بس