لقاء كـ،ـ،ـارثي
ايمي…..طيب انتي لو مكاني بصراحه هتخبي
ليله…. معرفش انا مش مكانك بس ممكن ليه لا.
لو جربت الشعور و خوفت عليهم غصب عني ممكن اخبي اكيد هخاف انهم يتحسدوا او يحصلهم حاجه و ممكن اقول معرفش بس انا عشان بره الموضوع بنصحك و خلاص انا بجد خايفه عليكي لازم تحطي في بالك كويس ان الحمل ده كان حلم حياتك و حلم حياة رشيد و انتي عارفه اني صريحه و مش عيزاكي تزعلي مني لازم تحطي السن في دماغك زي ما حطتيه قبل كده و انتي بتعملي تجميد بويضات ودي مش حاجه تعيبك احنا عارفين كويس ان اي ست فينا بعد سن معين التبويض عندها بيقل و بيضعف و انتي ربنا رزقك يا ايمي بحاجه جميله حافظي عليها
ايمي…..تمام معاكي حق بس خليني امشي وراء كلامك اللي انا واثقه انه مليون في الميه صح الرسول قال استعينوا علي قضاء حوائجكم بالكتمان فإن كل ذي نعمه محسود بس ده مش سر هفضل مخبياه علي طول هيجي وقت و هقول يعني لو عملت زي ما بتقولي و كل فتره اقول حاجه ما وارد يحصل اللي احنا خايفين منه و سيبك من كل ده لما اولد و الكل فجأه يشوف الثلاثه مش هيتحسدوا طيب لما يكبروا شويه و اخرج بيهم مش هيتحسدوا ولا هفضل مخبياهم العمر كله عشان خايفه عليهم بصي انا معاكي بس كمان زي ما ربنا كرمني بيهم اكيد هيحفظهم و لو ليهم نصيب في حاجه هيشوفوها اكيد يعني ربنا عارف انهم هيكبروا و هيخرجوا و هيتعلموا و كاتب كل حاجه هيشوفوها ولا ايه؟
ليله…..مش عارفه هو اكيد مش هيتحبسوا زي ما بتقولي و معاكي حق طبعاً بس انا كل اللي اقصده انك تعدي علي الاقل اول ثلاث شهور .
ايمي….في النهايه هيعرفوا يا ليله انا مرعوبه اكتر منك بكتير علي فكره و معاكي جداً في خوفك ده بس كمان انا ربنا كرمني بيهم خلاص و دي حاجه متستخباش
قرب رشيد وفتح الباب و ركب.
ليله…..تمام اللي تشوفيه
رشيد…بترغوا في ايه؟
ايمي….بابتسامه ليله مش عيزاني اقول الوقت لاي حد انهم ثلاثه خايفه بتقولي استني شويه لما الحمل يثبت
رشيد…..يعني متقولش خالص لاي حد؟ و لا ناس معينه مش فاهم
ايمي……للكل
ليله…..بقولك ايه يا رشيد هو مجرد اقتراح انا وايمي اصلا عمرنا ما بنعرف نخبي حاجه بس كل الحكايه اني قلقانه عليها وعلي الحمل و عيزاها تعدي اول فتره دي علي خير و بعد كده تقول براحتها
