لقاء كـ،ـ،ـارثي

ايمي…..بضحك اهي زوزو بالذات لازم نأكد عليها كل قانيه متفتحش بوئها خالص

ليله…..اه لا بتعرف تخبي و لا بتعرف تسكت فضيحه و المهم بقي اي معارف تانيه سواء في الشغل في اي مكان غير الدايره بتاعتنا محدش يعرف خالص و نأكد علي زوزو تاني هاااا

رشيد…..بضحك لا نعرفها و نعرف الكل ان الموضوع يتقفل عليه لحد ما ايمي تقوم بالسلامه و زوزو عليكي يا ايمي

مسكت ايمي بطنها من تحت و غمضت عينها

رشيد…..مالك

ليله……في ايه يا ايمي

ايمي…..حاسه بوجع غريب في بطني

ليله…..وجع ازاي

ايمي…..مش عارفه من وقت ما الدكتوره عملتلي السونار ده و انا حاسه بمغص بسيط بس كل شويه يزيد

رشيد…..يعني ايه طيب نروح تاني

ايمي…..لا لا مش مستهله يعني

ليله….هو ايه اللي مش مستاهله احنا لسه قريبين من العياده خلينا نروح و نطمن .

ايمي…..عامل زي وجع البريود شويه يا ليله بس بيروح و يجي

ليله…..طيب خليني اكلمها حتي واقولها لو في حاجه نرجع

رشيد….طيب ما نروح وخلاص لسه هنتكلم

ايمي…..يارشيد بقولك مفيش حاجه هو السونار عاملي وجع مش اكتر خدي كلميها طيب نطمن اكتر .

ليله….هاتي

ايمي…..امسكي ده رقمها

مسكت ليله الموبايل واتصلت عليها وهي فاتحه الاسبيكر الجرس طول شويه و بعدين ردت..

الدكتوره….الو ايوه يا ايمي

ليله….ايوه يا دكتور انا مش ايمي انا صاحبتها اللي كنت معاها اسفه علي الازعاج

الدكتور…..اهلا يا حبيبتي مفيش ازعاج ولا حاجه خير في حاجه ولا ايه

ليله….هو انا مش عارفه والله بس ايمي حاسه بمغص والم زي الم البريود شويه و هي بتقول ان الالم ده بيروح و يجي من بعد السونار و احنا لسه قريبين من العياده نجيبها لحضرتك ولا ده عادي

الدكتوره….لا لا قوليلها تطمن ده طبيعي متخافش كل الحكايه ان ده بيحصل لان السونار بيضغط علي عنق الرحم و بيحصل كمان لو اثناء الفحص كان في توتر او شد في العضلات فا احساس المغص بيزيد ودن بيحصل احياناً في الحمل المبكر

ليله….طيب المغص ده بيطول

الدكتوره…..اوقات ممكن يفضل دقايق و اوقات تانيه بيستمر كام ساعه بيبقي زي ما قولتي شبه مغص البريود فا قوليلها تطمن هي بمجرد ما ترتاح و تنام علي ضهرها الالم بيروح خلاص

ليله….طيب معلش يا دكتور انا اسفه سؤال كمان

الدكتوره…..لا قولي تحت امرك