لقاء كـ،ـ،ـارثي

ايمي في ناس بتعمل تجميد بويضات و اطفال انابيب و بتتعب و بتتبهدل و بتصرف مبالغ و مش بيحملوا كل مره بيحاولوا فيها الموضوع بيفشل و ممكن بعد ما يفقدوا الامل خالص و يقرروا انهم يشيلوا الموضوع من دماغهم يحملوا

يعني الموضوع كله في ايد ربنا بس اللي ليه نصيب في حاجه بيشوفها وانتي ربنا حب يكرمك و يعوضك انتي و رشيد.

ايمي….الحمد لله ربنا عوضني اكتر بكتير من اللي كنت اتمناه يا ليله بس انا مر..عوبه بجد

ليله….مر..0عوبه من انهم ثلاثه و لا من كلام الدكتوره

ايمي…..الاتنين يا ليله يعني بصي انا بجد من كتر ما انا فرحانه مش قادره اصدق اه خايفه من المسؤوليه و خايفه اني مقدرش علي ثلاثه بس فرحانه اوي بس كمان مرعوبه من كلام الدكتوره يا ليله خايفه حد فيهم يحصلوا حاجه و كمان لو حد فيهم حصلوا حاجه نزلوا مش سهل يا ليله الباقي هيتأذي خايفه اخسرهم

ليله…..بعد الشر متفكريش كده اولاً لو خايفه من المسؤوليه و خايفه انك متقدريش فا شيلي ده من دماغك خالص ربنا مش بيدي حد شيلة غير لو هيقدر عليها لو شايف ان انتي او رشيد مش هتقدروا مكانش رزقكم بيهم دي حاجه تاني حاجه الدكتوره اكيد عدي عليها حالات زي كده كتير و بعدين هي عارفه كل اللي مريتي بيه و عارفه خسارتك للبويضات فا هي حابه تأهلك ان ممكن حاجه زي دي تحصل عشان لو لا قدر الله حصلت تبقي انتي مستعده لخبر زي ده بس خلينا نفكر في الموضوع بطريقه ايجابيه اكتر اول حاجه لازم تعمليها انك تبطلي قلق و توتر عشان خاطر ربنا انتي سمعتي الدكتوره قالتلك ايه افرحي يا ايمي و شيلي كل الخوف ده من دماغك عشان نفسيتك هي اللي هتخليكي تقدري تكملي تاني حاجه ربنا رزقك خلاص بيهم انتي و رشيد ظروفكم كانت واحده باختلاف المواقف انتي انفصلتي بعد شهر و نص من جوازك و عيشتي كل السنين دي من غير راجل حاولتي تأمني نفسك و كل حاجه خسرتيها في لحظه هو كمان اتحوز و عاش سنين مع مراته و كان فاقد الامل في حملها بغد ما عمل اللي عليه من عمليات و حقن و كل حاجه و محملتش و في الاخر انفصلوا و بعد كل ده ربنا جمعكم ببعض و رزقكم بثلاث اطفال توأم تفتكري يا ايمي بعد ما ربنا راضاكم كده هيوجعكم او ياخد منكم حد اكيد لا خلي ثقتك في ربنا اكبر من كده كان ممكن يراضيكم بطفل واحد يعوضكم و هتتبسطوا و انتوا فعلا اتبسطتوا جدا لما عرفتوا انك حامل و كلنا فرحنا و انتي رايحه انهارده علي انه بيبي واحد و اتفاجئتي و كلنا اتفاجئنا انهم ثلاثه في كرم اكبر من كده هو كرمكم بعد سنين صبر و تحمل و وجع و حزن و اشتياق انتي كان نفسك تبقي ام و هو كان نفسه يكون اب مستحيل يخذلكم يا ايمي صدقيني بلاش كلام الدكتوره يوترك هي بتتكلم بشكل علمي مش اكتر لان التوائم بيبقوا ضعاف و وارد يحصل ده بس كمان في ستات بتبقي حامل في واحد و بينزل يعني مش قاعده انتي كل اللي عليكي تلتزمي تخلي بالك تهتمي بصحتك و سيبي الباقي علي اللي رزقك بيهم مش هتبقي احن عليهم منه