لقاء كارثي

لقاء كارثي
أميره أسامه
صاحبة البطل الواحد

~° البارت الثامن عشر°~
……………

راحوا كلهم وقفوا بهدوء عشان يسمعوا الحوار و عشان لو ليله اتحولت يلحقوها

في الخارج..

ايمي…..بأبتسامه ايه الاخبار يا رشيد

رشيد….بابتسامه بسيطه زي الفل انتي ايه الاخبار؟

ايمي…..انا كمان زي الفل

رشيد….مش باين يعني شكلك.كان مضايق من شويه هو عشري مزعلك ولا ايه

عشري….بهمس جوه يا واطي

ضحكوا كلهم بهدوء

ايمي….بس بقي خلينا نسمع

ليله……لا خالص مش مزعلني تقدر تقول كده ان احنا لسه في أول الطريق يعني ده طبيعي احنا لسه بتفهم بعض

رشيد…..طيب كويس

ليله…..سيبك مني انا بقي انت مالك كده شكلك مضايق ؟ البت ايمي مزعلاك ولا ايه

رشيد…..لا عادي ايمي طيبه

ليله…..بابتسامه اه والله طيبه اوي و تدخل القلب بسرعه

رشيد…..دي حقيقه بس المشكله يا ليله انها مدخلتش قلبي

بصتلوا ليله ثواني و سكتت و كملت بأستغراب

ليله….تقصد ايه بمدخلتش قلبك ؟

ايمي…..بضحك خدوا ساتر شكلها هتقلب

رشيد……يعني ايمي صحيح تدخل القلب و مش هكدب هي دخلت قلبي يا ليله بس مش بالطريقه اللي في دماغك

ليله…..لا معلش هو انا انت تقصد ايه لاني بجد مش فهماك

رشيد….هو انا كلامي مش واضح يا ليله

ليله…..شويه بصراحه أصل كلمة مدخلتش قلبي بالطريقه اللي في دماغك ملهاش غير تفسير واحد

رشيد……و هو التفسير ده يا ليله

ليله….بصدمه رشيد انت تقصد المعني اللي وصلي و لا هو في مشكله او حاجه مضيقاكي في ايمي

رشيد….انا قولتلك ايمي حد جميل و شخصيه حلوه بس مش نافع يا ليله

ليله…..هو ايه اللي مش نافع ؟

رشيد…..طيب اتكلم معاكي بصراحه ولا احاول اجمل الموضوع

ليله….لا متجملش اي حاجه قول اللي جواك زي ما هو انا بحب الصراحه خليك دوغري يا رشيد

رشيد…..صراحه انا قلقان اتكلم معاكي بصراحه تزعلي

ليله…..بص يا رشيد انا بحترمك علي المستوي الشخصي جداً و من يوم ما عرفتك مشوفتش منك اي حاجه وحشه يمكن هي مش فتره طويله بس سبق والكل قالها العشره و المعرفه مش بالسنين و انا بحترمك جداً و انت غالي عندي مش انت بس انت والشباب و بعدين احنا كلنا مع بعض عيش وملح و دي حاجه كبيره فا خليك صريح و قول كل اللي جواك و انا مش هزعل منك

رشيد…..طيب هتسمعيني للآخر و متقاطعنيش

ليله….اكيد اتفضل

رشيد…..بصي يا ليله زي ما قولت ايمي حد.جميل شخصيه حلوه ست قويه و فيها مميزات تعجب اي راجل بس انا ليا دماغ تانيه او بمعني اصح ايمي ست جريئه اوي و انا مقدرش

ايمي…..ده انت يومك اسود

ضحكوا بصمت كلهم

فضل…..حد.يشغل اي حاجه او يعمل صوت عشان متركزش معانا

ليله…..مش فاهمه يعني انت مشكلتك مع ايمي انها ست جريئه

رشيد….يمكن

ليله…..وهي الجرأه من وجهت نظرك حاجه وحشه في الست و بعدين يعني كانت جريئه في ايه بالظبط انها قالت قدام الكل انها معجبه بيك

رشيد…..يمكن

ليله…..بعصبية بسيطه هو ايه اللي يمكن يمكن ما تجاوب يا رشيد

رشيد…..علي فكره انا مش عارف اتكلم لاني عامل حساب لعصبيتك دي

ليله….طيب يا سيدي مش هتعصب بس انت كمان رد عليا زي ما بتكلم معاك متدنيش كلمه و تسكت

رشيد….يا ليله انا مش بحب الست الجريئه بالشكل ده

ليله……طيب وافقت ليه يا رشيد؟

رشيد…..عشان خوفت اجرحها محبتش أخرجها و ارفض طلبها ده

ليله……يعني كدبت في مشاعرك يا رشيد و خلتها عاشت اللحظه و مش بس عاشتها دي حلمت بيها و باللي جاي معاك

رشيد…..مكدبتش يا ليله انا قولت اني محبتش أحرجها واوجعها يعني ايمي مهما كانت ست قويه و جريئه هي في النهايه ست و بيتهيألي لما تصرح قدام الكل انها معجبه بيا و عندها مشاعر من ناحيتي هتتوجع اوي لما انا اقابل طلبها ده برفض

ليله…..لا يا رشيد مش صح محبتش أخرجها يعني كدبت و أخفيت مشاعرك الحقيقيه

رشيد…..تمام كدبت بس كدبه بيضا عشان مجرحهاش

ليله….مفيش حاجه اسمها كدبه بيضه انا خوفت وقتها علي مشاعرها بس بسبب خوفك ده انت كدبتك كبرت و وجعها هيبقي الضعف

رشيد…..لو مكاني هتعملي ايه يا ليله؟

ليله…..مين قالك اني متحطتش في مكانك ده اكتر من مره اللي اتقدملي و اللي كان بيحبني و اللي كان عايز يرتبط بيا و كانوا صادقين علي فكره بس انا رفضت لأن مفيش مشاعر جوايا ناحيتهم

رشيد….بس جرح الراجل غير جرح الست يا ليله لما ترفضي راجل مش بتوجع زي ما ترفضي ست كنتي عيزاني أجراها ورفضها قدام الكل و تتوجع

ليله…..بغضب اه تتوجع و تتجرح و تتحرج قدام الكل بس انت تبقي قوي و تواجه متبقاش جبان و تهرب انا اسفه يا رشيد اني بتكلم معاك كده بس انا عندي كانت اتحرجت في نفس الوقت و هي لسه متعلقتش بيك ولا إعجابها اتحول لحب ولا انك تضحك عليها و تخبي مشاعرك الحقيقيه و تخليها تتعلق بيك اكتر و بعد كده تقولها أن مفيش مشاعر جواك ليها

رشيد…..ياليله انا مقدرتش اعمل كده اصلا ايمي فاجئتني زي ما انتوا اتفاجئتوا

ليله……طيب تمام انت صح و معاك حق و خليني اقول يا سيدي انك خوفت علي مشاعرها ليه بقي بعد اليوم ده كنت قريب منها ليه كنت بتهتم بيها ليه محاولتش تكون بعيد عنها و ليه محسستهاش انك مش مهتم ليه خلتها تحب كلامك و قربك ليه خلتها اتعلقت اكتر رشيد انت عارف انت عملت ايه و عارف انت بتقول ايه بجد

رشيد….عارف يا ليله و مستعد لتحمل نتيجه كل ده و معنديش مانع اني اتكلم مع ايمي

ليله……يا سلااااام بعد ايه يا رشيد اسفه يعني لما انت جرئ كده و حابب تقول اللي في قلبك ليه معملتش كده من الاول ؟ ليه مخدتش ايمي بعد القاعده دي علي جنب او حتي تاني يوم قولتلها كل ده بصراحه و قولتلها انك محبتش تحرجها بيتهيألي اللي اعرفه عن ايمي عشرة عمري انها ست متفهمه جداً كانت هتفهمك و تقدر موقفك وتحترمه و مكانتش هتزعل منك بس انت جاي الوقت تقول كده

رشيد…..غصب عني يمكن انا حاولت ادي نفسي فرصه وقولت اجرب بس محستش بأي حاجه يا ليله و يمكن انا عارف أن ايمي هتزعل بس اعمل ايه مفيش اي حاجه في أيدي ولا جوايا مشاعر ليها

ليله…..تجرب !!! هي المشاعر عندكم مجرد تجربه يا رشيد بجد انا اوقات مش بفهم دماغكم ولا بفهم بتفكروا ازاي الست مش تجربه يارشيد و لا تيست تدوق منه حته و يا يعجبك يا ميعجبكش مشاعر الست مش لعبه

رشيد….يعني لو كنت وجعتها قدام الكل لما اعترفت مكانش حد فيكم هيجي يقولي ليه كده و ليه تجرح مشاعرها

ليله….انا مليش علاقه بالباقي بس صدقني لو كنت عملت كده كنت هتلاقيني انا اول واحده في ضهرك و هقول ده راجل محترم و چنتل مقدرش يخبي مشاعره و لا يضحك عليها بس انت كده لعبت بيها يا رشيد يا اخي علي الاقل كنت فكرت شويه في المواقف اللي حصلت في حياتها من طليقها و خيانة ثقتها فيه

رشيد…..بس انا مخونتهاش يا ليله و معملتش زي طليقها

ليله…..هو مفهوم الخيانه عندك ايه يا رشيد انك تخونها مع ست تانيه انك تسرقها وهي مأمناك انك تفضح سر مفيش غيرك يعرفوا الخيانه مش الحجات دي بس يا رشيد انت خونت ثقتها في صراحتك خونت مشاعرها و لعبت بيها

رشيد…..بس صدقيني مكنتش حابب كل ده يحصل مكنتش قاصد و كان غصب عني بس انا اكيد هحاول اتكلم مع ايمي بطريقه متجرحهاش و اكيد هتفهمني بس لازم الاقي الوقت المناسب

ليله……انت فعلاً هتعمل كده يا رشيد بس للاسف مبقاش عندك وقت تستني فيه الوقت المناسب لاني مش هسمحلك تقعد ثانيه كمان مع ايمي و هي مصدقه أن في علاقه بينكم بمجرد ما هقوم هروح انادي عليها و اقولها رشيد عايزك و انت هتقولها كل ده لان ده لو محصلش انا هقولها

رشيد……هعمل كده يا ليله عشان خاطرك

ليله……لا يا رشيد مش عشان خاطري عشان خاطر ايمي

رشيد….بس خاطرك يفرق معايا اكتر يا ليله !!

ليله….باستفهام افندم !!! لا معلش مفهمتش

سلامه….بضحك ايوه علي دماغه بالكرسي

عسال….بضحك يا اخي اسكت بقي تعالوا ندخل شويه جوه نودي تعالي

نادين….بأبتسامه يارب تشوفهم و هما واقفين كده

عسال…..خلينا بعيد احنا ملناش دعوه بيهم يارب يتضربوا اقعدي

قعدوا الاثنين علي البار

عند ليله و رشيد.

رشيد…..مفهمتيس ايه ؟

ليله….مفهمتش الجميله يا رشيد يعني ايه خاطرك يفرق اكتر

رشيد…..احمممم طيب بصي يا ليله انا يمكن باين عليا متوتر و مش عارف اجمع كلمتين علي بعض بس انا اول مره اتحط في موقف زي اللي انا فيه ده الوقت بس انا هتكلم و هقول كل اللي جوايا و ياريت لو كلامي معجبكيش اعتبري نفسك مسمعتيش مني اي كلمه و بردوا انا هحل موضوع ايمي زي ما اتفقنا

ليله…..بتركيز غريب و بتوتر قدرت ببراعه تخفيه و تكون قويه قدامه و كأنها فهمت رشيد هيقولك ايه تمام يا رشيد و انا سمعاك اتفضل

أتوتر رشيد و كان عايز يضحك و في نفس الوقت اتقمصت الدور و مقلق من رد فعلها

رشيد…..ااااا ليله انا من اول ما شوفتك انتي و انا معجب بيكي

ابتسمت ليله ابتسامه سخريه و ربعت أيديها و فردت ضهرها و حطت رجل علي رجل بكل ثقه عين عشري كانت عليها من بعيد و مركز في كل حركه بتعملها لكن مكانش شايف غير ضهرها.

عشري….بهمس الهدوء الذي يسبق العاصفه

سكت رشيد و بصلها

رشيد….ايه اكمل

ليله….بأبتسامه اكيد كمل سمعاك ؟

رشيد….بصراحه يا ليله انا معجب بيكي انتي مش بايمي أتشديت ليكي من اول ما شوفتك و يمكن يوم عن يوم حسيت أن الاعجاب ده بيتطور معايا يعني طول الوقت عايز اشوفك عايز اسمعك انا عارف أن اللي بقوله ده غريب عليكي و جايز تكوني مصدومه

ليله…..بابتسامه مصدومه لا خالص كمل كمل

رشيد….لما ايمي قالت كده قدام الكل انا اتصدمت و مبقتش عارف اعمل ايه كنت في حيره بين اني اقولها اسف مش هقدر و بين اني كده مش هعرف اكون معاكي بس انا مش قادر و هقول لايمي كل حاجه بس انا عايزك تديني فرصه

ليله…..اممممم تمام و انا معنديش مانع

الكل هنا اتصدم حتي رشيد

ايمي…..بضحك نهار اسود و منيل

عشري…..خدوا ساتر عشان ليله شكلها هتتعصب بجد

ايمي….بضحك ايوه هتديله واحد سمير سمكره الوقت

رشيد…بابتسامه يعني انتي موافقه

ليله……سؤال بس طيب ايمي و عرفنا هنعمل معاها ايه طيب بالنسبه لعشري اخوك و صاحبك

رشيد…..بصي يا ليله عشري انا بحبه و اخويا زي ما بتقولي و افديه بعمري بس بيتهيألي قدام الست اللي احبها أحارب عشناها حتي لو اخويا ابن امي و ابويا و بعدين يعني انا عارف عشري كويس و طباعه الصعبه وكمان شايف انك مش مرتاحه

ليله…..دخلت جوايا

رشيد….يمكن و كمان باين بدأتوا مشاكل و خناقات و بعدين انتي بتقولي عشان لسه بنتعرف علي بعض بس انتي لو معايا و احنا لنتعرف علي بعض مش هعمل معاكي اي مشكله خالص

ليله…اممممم طيب و المطلوب

رشيد…..فرصه يا ليله

ليله…..و عشري هتقوله

رشيد…ااااا لا عشان اكيد هتتفهم غلط بس من رأيي يعني انتي اللي تبعدي او تعملي معاه اي مشكله او حتي تقوليه احنا مش هينفع نتفق و بعدها بفتره نعلن ارتباطنا

ليله……امممم خلصت

رشيد…..يعني بيتهيألي محتاج اسمعك

ليله…..معاك سيجاره

رشيد…..بابتسامه توتر اااا اه اه معايا اتفضلي

خدت منه علبه السجاير ولعت سيجاره و خدت نفس طويل

عشري….بغيظ و حيات امي يا ليله هنفخك

ايمي….بضحك بقولك ايه خليها تطلع غضبها في السيجاره احسن ما تفتحلي راس رشيد

عشري….بضحك وربنا لا تفتح انا دماغكم انتوا الثلاثه

بصت ليله لرشيد بعد ما خدت كام نفس و رمت السيجاره تحت رجلها داست عليها

ليله….ااااا احمممم كنت ديماً اسمع يا رشيد
أن الراجل من بعد الاربعين بشويه لحد السبعين بيبقي عبيط و اهبل و برياله و بيكون متصابي بس الشهاده لله انا اول مره اشوفه

رشيد…..تقصدي ايه

قامت ليله وقفت و بأديها طيرت التربيزه بعيد اتصدم رشيد و ابتسم

ايمي…..بضحك ادخلوا بسرعه قبل ما تشوفنا

بعدوا كلهم عن الباب و اتفرقوا وهما بيضحكوا

عشري….نهاااااار اسود

عسال….بضحك ايه بدأت ضرب ولا لا

نادين….انا عايزه اشوف

عسال….اقعدي هنا خليكي احسن الوقت هيبقي في حجات بتطير

رشيد….ليله في ايه ؟

ليله….بغضب و رحمه امي يا رشيد انا لولا أني محترمه سنك و كنت حطاك في مكان واضح أنه كان كبير عليك لا كنت مسخرتك و خليت منظرك زي الزفت بس انا لاخر لحظه هحاول امسك نفسي عليك

سابته ليله بكل غضب

رشيد….بابتسامه استني بس هقولك الله يخربيتك يا ليله و قعدتي قلبي جري وراها وهو بيضحك

دخلت ليله بغضب قدام الكل و هي بتنادي علي البنات

ليله…..ايمييييييي يا بنااااات

بصولها كلهم

ايمي……في ايه يا ليله

نعيمه….ايه دف في ايه؟

ليله…..قدامكم خمس دقايق تكونوا مجهزين شنطكم هنرجع حالا

ايمي….ايه ده ليه

سلمي…في ايه يا ليله ليه هنرجع

ليله….بغضب ياريت نسمع الكلام من غير كلام كتير عايزين تعرفوا ليه عشان لو فضلت ثانيه واحده هنا هرتكب في البني ادم ده جنايه

عشري…..بتمثيل في ايه ياليله حصل ايه

ايمي…..ليله رشيد عمل ايه؟ و ازاي تتكلمي كده عليه

ليله……طيب بصي الباشا حبيبتي معندوش مشاعر من ناحيتك تمام و اتحرجت يقولك كده قدام الكل عشان هو انسان اوي و انتي صعبتي عليه

ايه….بهمس نهار اسود

سلامه….بضحكه مكتومه دي قطر

ليله…..و مش بس كده بصت لعشري الباشا بيقولي أنه معجب بيا و عايزني اجي انا الي اقولك يا عشري أننا مش هينفع نكمل مع بعض لانه يا حرام مش هيقدر يواجهك و محتاج مني بس فرصه و شويه و نبقي نعلن ارتباطنا قدام الكل ابقي اختار صحابك كويس يا عشري عشان مش اي حد تقول عليه صاحب عمري بيطلع راجل وجدع و انتي ابقي استنضفي الناس اللي تدخل قلبك يا قلبي عشان انتي تستاهلي راجل بجد يكون جدع معاكي يلا يا بنات هنرجع الوقت حالا

رشيد….ايمي استني انتي هتصدقوها ولا ايه علي فكره ليله بتكدب سامعني يا عشري انت كمان اكيد مش هتصدقها و تكدبني انا هي اللي جات تتكلم معايا الوقت و قالتلي انها معجبه بيا

وقفت ليله وبصتلوا بصدمه و هي مبتسمه

ليله…..انت بتقول ايه ؟ انا اللي معجبه بيك هو انت بتكدبني انا ؟

حسان….بهمس و هو مبتسم لرشيد بقولك ايه قول أنه مقلب هتقلب جد

رشيد..اه مش ده اللي حصل ولا خايفه أنهم ميصدقوش كلامك

ليله…..بصوت عالي و عصبيه يا اخي أن شالله عنهم ما صدقوني الاتنين هو انت فاكر اني ممكن اقف ابررلهم اللي عارف ليله كويس هيصدقها انا مليش في الخيانه يا قذر اما انت بقي فا وديني ما هسيبك يا رشيد

رشيد….ايوه ايوه اعملي الشويتي دول ما هو كده الواحد لما يحس أنه هيتكشف بيعلب صوته

ليله…بابتسامه صدمه لا انا مش هعلب صوتي انا هعمل حاجه تانيه خالص دخلت ليله بكل غضب علي المطبخ و هي بجد مضايقه من طريقته واللي ضابقها اكتر سكوت عشري و ايمي مسكت ليله سكينه

نادين……بضحك و صدمه جريت ناحيتها ليله لا لا اسمعي

ليله….ابعددددددي

نط بسرعه عسال و شد نادين وراه خاف عليها

جري عشري هو كمان وهو مصدوم بيضحك

عشري….ليله اهدي اهدي مقلب

مسمعتش ليله من ضحكهم و صوتهم العالي و مكانتش شايفه قدامها

عسال…..لييييييييله ده مقلب مقلب العديد السكينه دي

فضل…..ليله يا مجنونه والمصحف مقلب

حسان……مقلب يا لولي والله

نعيمه….يا خربيتك سكينه

ايمي…..بضحك وحيات غلاوتك عندي مقلب

عشري….ليله مقلب مقلب يا قلبي

عسال….بغضب ابعدوا من هنا بقي انا قولت من الاول بلاش

بصتلهم ليله بصدمه و سابت السكينه لعسال و فضلت واقفه في مكانها تاخد نفسها بسرعه و عينها عليهم بصدمه و أيدها بتترعش جامد

عشري….بابتسامه حبيبي اهدي والله مقلب و اتعمل في كل البنات يعني مش انتي بس

عسال….ليله تشربي

بصت ليله علي أيدها اللي فردتها قدامها و بعدين قبضت كفها عشان تقلل الرعشه و هزت راسها بهدوء بلأ

عسال…..طيب تعالي اقعدي بره

عشري……انتي كويسه

هزت راسها بلأ لعشري

ايمي….بابتسامه لولي سوري بجد

عسال…..ممكن بس تبعدوا شويه خلوها تهدأ كده

ايه……بضحك انا قلبي وقف

سلمي….بضحك بصوا رشيد واقف فين

رشيد….بضحك من وراء الكنبه دي مجنونه والمصحف ليله انتي بجد كنتي هتضربيني بالسكينة

بصتلوا ليله و سكتت مكانتش قادره تتكلم

خرجت بره قعدت علي البار

عشري….راح وقف جنبها و مسك أيدها سحبت أيدها بسرعه منه بكل غضب

ليله…..ابعد عني

عشري……بضحك طب انا مالي والله العظيم قولت بلاش عشان عارف انك هتتعصبي

ايمي…..لولي متبقيش رخمه والله عملنا في كل البنات نفس المقلب

عشري…..بضحك طيب انتي متعصبه عليا ليا جوز الشياطين دول اللي فكروا في المقلب

ليله…..عشري بجد ابعد عني لو مش عايز أننا نزعل مع بعض

عسال….بابتسامه سيبها الوقت يا عشري

عشري…..طيب انا بس فهمك اني مليش علاقه

ليله……عشري هتزعل من لساني ابعد عني

عشري….بضحك لا مش هزعل قولي اللي انتي عايزاه

ليله…..اولاً انت معندكش دم بجد مش بهزر عشان مكانش ينفع مقلب زي ده يتعمل فيا و توافق عليه

عشري….بضحك والله ما وافقت قولتهم بلاش بس مرضيوش

ليله…..لو كان ليك مزاج توقف القرف ده كنت عملت كده و علي فكره بقي بجد المقلب ده وحش اوي اوي اوي

انا حاولت امسك نفسي علي قد ما اقدر و كل حته في جسمي بجد بتترعش و ده حصل لاني مسكت نفسي

رشيد….بضحك كده مسكتي نفسك امال لو مكنتيش مسكتي نفسك كنتي عملتي ايه

ليله….انا بس عايزه اعرف انت ايه اللي جرالك انت كمان ازاي تعمل كده ده انا كنت بحسك عاقل

رشيد…..بضحك البركه في ايمي

ايمي….علي فكره بقي انا قولت نص المقلب بس وهو انه يقولكم أنه مش موافق علي موضوع الارتباط بس هو اللي زود اخر جزء أنه معجب بيكم

ليله…..علي فكره انا اول جزء من القلب كنت مضايقه منه بس قولت تمام ايمي تعرف و خلاص بس لما قالي انا معجب بيكي واتكلم بالطريقه دي انا اتصدمت بجد و حسيت عن عقلي غاب و حاولت علي قد ما اقدر اكون محترمه معاك و معملش اي رد فعل و يمكن لو انت حد تاني يا رشيد انا كان موقفي هيكون غير كده

سلامه……بضحك غير كده ازاي ده انتي رفعتي عليه سكينه يا مفتريه

ليله….بابتسامه حطت أيدها علي وشها و خدت نفس طويل منكم لله بجد علي الموقف الزباله ده علي فكره انا اتعصبت بالشكل ده بعد ماهو قال إن انا اللي معجبه بيه و اني بكدب هنا حست اني مش شايفه خلاص قدامي و حسيت اني اتحملته كتير

اصلا بره كنت عايزه افتح دماغه بأي حاجه لما قولتله طيب و عشري صاحب عمرك قالي لا عادي لما حسيت أن لا ايمي و لا عشري فارقين معاه بجد اتعصبت اوي

قولت لا رشيد اتجنن بجد دخلت هنا بقي مش شايفه و بجد بجد انا كان ممكن اعمل حاجه في رشيد لولا انكم واقفين

ايه….بضحك حرمه سعرانه

ايمي….بضحك بس يا جزمه أصلاً كمان اللي عصبني اكتر موقف ايمي و رشيد فضلوا ساكتين يعني لا حد فيهم حاول حتي يتصدم من حقيقه رشيد ولا حد فيهم دافع عني

ايمي….بضحك بذمة امك انتي كنتي محتاجه حد يدافع عنك ده كلنا اتصدمنا و مكناش عارفين نقولك أنه مقلب

ليله…..لا مش محتاجه حد يدافع عني و اصلا قولتله أن شالله عنهم ما صدقوني لأن انا مش محتاجه اتكلم عن نفسي بس بجد بجد مقلب رخم و يوتر و إحساسه بشع فكرة اني افكر في رد فعل ايمي وجعني و كمان كلامه عن عشري ضايقني اوي لأن عارفه أن عشري بيحبكم اوي
و بجد اتصدمت فيك يا رشيد اوي

رشيد….بضحك يا بنتي كان مقلب سماح بقي

ليله…..مقلب اه بس رخم زيكم بالظبط

نعيمه….علي فكره اتعمل فينا كلنا

ليله……وانتي يا جزمه كنتي عارفه و جايه تقوليلي رشيد عايزك

ايه….بضحك انا اول واحده اتعمل فيا المقلب اصلا بس قفشت أنه مقلب من الاول

رشيد…..بضحك ايه مجرمه بجد مصدقتش و فضلت تضحك و ضحكت انا كمان و بوظت المقلب

ليله…..لا بس انت كنت جاد اوي يا رشيد و بجد صدقتك

رشيد….بضحك معاكي كنت جاد و دخلت في المود لأن ريأكشانات وشك خلتني ظبط الدور مع اني في حجات كده ابتسمت فيها وكنت هضحك خصوصا لما حدفتي التربيزه بس ايه لا مقدرتش

و نودي كمان مقدرتش عيطت و بهدلت الدنيا و اتوترت صعبت عليا بصراحه

ليله…..بضحك طيب وسلمي و نوني نوني اكيد روقتك هي كمان

رشيد…..طب والله بالعكس نوني انا بصراحه توقعت تقول حاجه كده ولا كده بس اتصدمت و كان باين عليها انها عايزه تقوم من قدامي بسرعه هي فضلت تسمعني و في الاخر ادتني بردوا كلمتين بس بأدب و سلمي بصراحه كانت مؤدبه اوي

ايمي….بضحك مفيش غيرك واطي

ليله…..لا مقدرش يا جماعه بجد الموقف ده لو حقيقي فا هو موقف صعب و يوجع انا بجد حسيت في الاخر اني مش سامعه رشيد خلاص اضايقت اوي و عايزه بقي اقولك يا سي يا رشيد كلمتين تحطهم حلقه في ودنك مش عشان ايمي صاحبتي واختي بس بجد انت محظوظ أوي أوي أن ايمي في حياتك و باذن الله لو بجد في بينكم نصيب و أن شاء الله هيبقي انت مش بس هتكون محظوظ بايمي لا انت كمان هتبقي محظوظ بعيلتها

ايمي……يا عمري والله هعيط

حضنتها ايمي بحب

رشيد…..طيب بمناسبه الكلمتين دول خليني اقول حاجه اولا في حقكم انتوا كلكم و في حق ايمي قرب من ايمي و وقف جنبها أولاً يا ايمي علي قد ما المقلب حقيقي كان رخم و قوي بس بجد احب اقولك من كل قلبي أن انتي محظوظه بوجود البنات دول في حياتك صدقيني هما نعمه كبيره في حياتك و اكيد انتي مش محتاجه اني اقولك كده بس بجد هما مكانوش طايقني و حسيت انهم غيرانين عليكي و موجوعين و مش مصدقين و بجد البنات بتحبك من قلبها بجد و يمكن انا كنت عارف أن ده مقلب بس نودي وجعتني اوي و هي بتبصلي وبتعيط و بتقولي حرام عليك ايمي متستاهلش منك كده بجد يا ايمي يا بختك بيهم بنات جدعه نضيفه بيتمنوا ليكي كل خير و بجد يا بنات انا بحبكم كلكم بدون استثناء و انا متشرف بجد بيكم و متشرف اني عرفتكم

ايمي…..دي حقيقه ربنا يخليهم ليا يارب

ليله……بضحك بعد ايه بقي الكلمتين الحلوين دول

رشيد……لا بجد كان لازم اقول كده بعد المقلب الرخم ده يمكن الكل كان بيراقبكم من بعيد بس انا الوحيد اللي كنت شايف ريأكشنات و شكم صدمه علي غضب علي وجع فا بجد ربنا يحفظكم و يخليكم لبعض

سلامه….طب سقفه حلوه بقي للبنات الجدعه دي

الكل سقف بسعاده و البنات ضحكوا كلهم ايمي و بعدين بعدوا شويه

رشيد…..نيجي بقي لايمي ضمها من كتفها لصدره انا كنت عارف أنه مقلب و هي كمان و الشباب بس انا حابب اتأسف و اعتذر ليها قدام الكل لو كنت قولت في حقها اي كلمه عشان المقلب يبان حقيقي

ايمي……بابتسامه لا طبعاً ما انا كنت شريكه معاك

رشيد….عارف بس مكناش متفقين علي الحوار و انا حبيت يكون مقنع بس قدام الكل يا ايمي انا مبسوط انك في حياتي مترددتش لحظه اني اوافق علي عرضك ليا قدام الكل لأن حتي لو مكانش ده حصل الشباب انا كنت متكلم معاهم و كنت أنا اللي هاخد الخطوه دي جرأتك مضايقتنيش بالعكس فرحتني اوي و أنا راجل بحب الست الجريئه القويه اللي فيها نفس صفاتك يا ايمي و من الاخر كده بحبك يا احلي ايمي في الدنيا

الشباب….ايووووووه بقي

ابتسمت ايمي و ضمته من وسطه باس راسها بحب

حسان……طيب انا بقي اللي مستغربه يا ليله انك قولتي يمكن قبل ما المقلب يتعمل فضلنا نخمن كده ردود أفعالكم كل واحد قال حاجه و بصراحه الكل كان خايف علي رشيد من رد فعلك بس قولنا أنه مستحيل تقولي ولا لايمي ولا لعشري الوحيد اللي قال هتقول هو عسال

ليله….بضحكه جميله و عسال كسب

عسال…..بابتسامه كنت واثق والله

ليله…..اشمعني

عسال…..عشان قولتي اكتر من مره في وسط كلامك انك مش بتحبي الكدب و الخيانه و قولت اكيد لو انتي فعلاً ده مبدأ عندك مش هتقدري تكدبي عليهم

ليله……براڤو يا عسال

حسان…..طيب بصراحه يا ليله مترددتيش لحظه او بمعني تاني مشوفتيش أن ده غلط

ليله……غلط اني اقول يعني ؟

حسان….يعني علي اعتبار أن حاجه زي دي ممكن تجرح ايمي و تعمل مشكله بين رشيد و عشري

ليله…..لا خالص كنت عارفه أن ده هيحصل بس مقدرش اخبي حاجه زي دي انا مقدرش اكدب يا حسان

فضل……بس في كدب يا ليله الواحد بيلجأ ليه لو ممكن يجيب من وراه مشاكل

ليله…..وايه هي المشاكل اللي ممكن تحصل يا فضل لو قولت الصراحه أن ايمي تتجرح مش مهم في مثل بيقول وجه ساعه ولا كل ساعه و انا لما أوجه صاحبتي و أفوقها في وقتها احسن بكتير من اني اخلي عليها حاجه و اكدب عليها و اخليها تعيش الوهم ده اكتر مقدرش يا فضل اسمع كل ده من رشيد و اسيبها علي عماها الصحاب اللي بجد مينفعش يسيبوا بعض متغفلين انا لو عملت كده مبقاش بحبها

فضل….بس تقريبا كل البنات مقالوش و ده مش معناه إنهم مش بيحبوها يعني سلمي راحت اتكلمت مع ايه و نوني اتكلمت مع حسان طبعا ايه قفشت الحوار و نودي ملحقتش تقول لاي حد بس بيتهيألي لو كان الموضوع جد مكانوش هيقولوا

ليله……اكيد بيحبوها طبعاً بس كل واحد فينا يا فضل ليه تفكير هما ممكن يدوروا علي أقل الحلول ضرر انا معرفش اروح اقول لحد و مطول في الموضوع لا انا بتكلم علي طول لأن انا احب ان ده يتعمل معايا حتي لو في موقف هيوجعني هيصدمني اعرفوا في وقتها احسن كتير ما اعرفه بعدين انا بقي بالنسبه لعشري لا طبعاً كان لازم يعرف حقيقه صاحبه يتصرف معاه ازاي دي بتاعته بس اكيد مش هقدر تسيبه علي عماه

حسان…..ليله موضوع الكدب ده عندك قوي كده ؟ يعني حصل معاكي أي موقف خلاكي تكرهي الكدب

ليله…..انا كدبت مره واحده في حياتي يا حسان و كنت وقتها صغيره كنت في أولي اعدادي تقريباً كانت المره الأولي و الاخيره واحده صاحبتي كانت بتكلم ولاد من المدرسه اللي قدامنا و قالتلي أن هي هتخرج معاه و مش هتحضر اليوم الدراسي و ادتني كتب و كشاكيل الدرس و اتفقنا نتقابل بعد المدرسه علي معاد الدرس المهم قولتلها تمام علي فكره كانت صاحبتي اوي و كنت بحبها جداً وكنا مع بعض من حضانه وهي كانت مؤدبه واهلها كويسين بس طبعا سن المراهقه ده معروف المهم خلص اليوم الدراسي ده و خرجت مش لقياها المدارس كلها اللي حوالينا خرجت و هي مرجعتش لمحت الولد اللي هي كانت بتكلمه ده فا قولت هروح علي الدرس وهي اكيد هتيجي و يمكن تكون سبقتني روحت ومجتش و انا روحت علي البيت قولت يمكن حصل اي حاجه و بكره ابقي اشوفها واعرف علي المغرب كده عرفنا أن الكل بيدور علي مياده بالمناسبه احنا كنا جيران المهم يعني فضلوا يدوروا عليها و يسألوا الكل لحد ما وصلوا ليا انا مكنتش فاهمه وصغيره خوفت قولتلهم مشوفتهاش و معرفش عنها حاجه و خدت الكتب بتاعتها خبيتها عشان امي متشوفهاش المهم يعني فات تاني يوم كمان و الدنيا مقلوبه الكل بيدور عليها و تاني يوم بعد اختفائها علي الساعه 11 لقوا مياده مرميه في مقلب زباله بس كانت لسه فيها الروح كانت بتنزف من كل مكان و اكتشفوا كمان انها اتعرضت للاغتصاب طبعاً حالتها كانت سيئه جداً

امي وقتها كانت بتنضف و شافت الكتب و سألتني و لما سألتني انا سكت و معرفتش اقولك ايه حاجه و امي كانت بتفهمني من عيني قالتلي لو منطقتيش هدبحك حكيتلها كل حاجه يومها انا كلت علقه في حياتي عمري ما هنساها انا كنت بموت في أيدها بجد خدتني من ايدي و روحنا لاهل البنت قولتهم اللي حصل و بعدين روحت النيابه و حكيت كل اللي حصل و جابوا الولد و الولد خاف واعترف أن ابن عمته الكبير شافهم مع بعض الصبح و خدوا هو وهي و خافوا منه راحوا معاه قال أنه ضربه جامد و قالوا لو قولت اي حاجه هقول لابوك وامك انك هربان من المدرسه قالوا امشي هتكلم مع مياده شويه و بعدين هوصلها طبعاً هو خاف و جري و فضلت مياده مع الولد حاسبها معاه 48 ساعه بيعتدي عليها و كاتم بوئها ومربطها

و قدروا يمسكوا الولد بس للاسف مياده اتوفت امي يومها قالتلي خوفتي و كدبتي و راح ضحية كدبك صاحبتك اللي لو كنتي قولتي الحقيقه من وقت ما بدأوا يدوروا عليها و يسألوا عنها كان احتمال كبير يلاقوها و يقدروا ينقذوها بس انتي كدبتي و خبيتي و ذنبها في رقبتك و من يومها و انا خدت عهد علي نفسي أن لو هموت فيها مش هكدب و لا يتحمل في حياتي شخص كداب يمكن انا كنت صغيره بس كان درس ليا و مكانش درس عادي
فكراها لحد انهارده و مقدرش انساها و لا انسي الدرس ده.

كانت كدبتي الأولي والاخيره لا عمري اقدر اكون سبب اذي لحد من صحابي بكدبه بيضا ولا اقدر اكون ثقتهم و لا عمري اتحمل الكدب و الخيانه عموماً

حسان…..بتأثر الله يرحمها يارب

رشيد….ربنا يرحمها

الشباب كلهم بصوا علي عشري اللي كان في دنيا تانيه

سلامه….ااااا طب بقول ايه انسوا بقي المقلب و الجو الكئيب ده خلونا نطلع من المود وانت يا عم حسان مش هتلاعبنا ولا ايه

حسان……بعد عينه عن عشري و ابتسم اه يلا لو جاهزين انا جاهز

سلامه….اه كلنا جاهزين يلا بينا

حسان……طيب يلا الكل يقعد هنا

فضل….ايه الورق اللي في ايدك ده هناعب جماد حيوان ولا ايه

حسان…..اقعد بس هفهمكم جماد حيوان ايه انت قديم اوي

فضل….بضحك طيب هات الجديد بتاعك يا عم حسان

كلهم راحوا قعدوا وحاول عشري يرجع زي ما كان

حسان… بصوا اللعب اللي هنلعبها دي بصراحه هنا بنتي اللي لعبتها معايا قبل كده و هيعجبوكم اوي و يمكن تكونوا عارفينهم الورق ده في عشر كلمات في كل ورقه كل اتنين هيكونوا مع بعض يعني معايا ست ورقات كل فريق هياخد ورقه

واحد من الفريق هيحط الهيد فون دي علي ودنه و نشغل الاغاني بصوت عالي و التاني يقول الكلام وطبعاً هي بتعمد علي قراءه الشفايف الفريق اللي هيعرف اكبر عدد كلمات هيبقي هو الفايز

ايه…..انا عرفتها طيب الجايزه ايه

حسان……الجايزه هتكون بكره طول اليوم طلباتهم أوامر من الكل

ايه….بضحك حلو ده

حسان…..أولاً البنات هما اللي هيختاروا شريكهم مع أن يعني واضح مين هيبقي مع مين ثانياً من شروط اللعبه ممنوع اي حد.يشرح بايده أو يغشش بأي شكل من الأشكال مفيش غير الشفايف بس

ايمي…..ماشي تمام

حسان…..و اي حد من الفرق التانيه هيغششهم لما يجي دورهم هيتخصم منهم درجه يعني لو فرضنا جاوبوا علي سبعه صح هنسيب منهم نقطه يبقوا سته

ليله….بضحك لا مش هنغشش اكيد

حسان…..بس كده يلا بقي البنات تختار هنبدأ من عند ايمي

ايمي…..بابتسامه رشيد اكيد

رشيد…بابتسامه قلبي

حسان…..سلمي

سلمي….بابتسامه اااا انت يا حسان

ابتسم حسان وراح علي نوني

نعيمه….بابتسامه فضل

فضل…..ايوه كده

نعيمه….بضحك هغيرك يا مغرور

فضل….بضحك لا خلاص

ايه…..سلامه اكيد

سلامه…..الشهره عايزه مني ايه

ايه…..بضحك مش اوي كده

نادين…..ميدو

ابتسم ميدو بهدوء

ليله……مفيش غير عشري مضطره اختاره

عشري….بابتسامه ماشي يا ستي خليها عليكي

حسان……بابتسامه طيب كده كل واحد عرف مين الفريق بتاعه الوقت بقي جه اختيار مين اللي يلبس الهيد فون و مين هيقول الكلام.

ايمي….انا هقول

ايه….وانا هقول

سلمي….امممم مش عارفه اااا طيب هسمع

نعيمه……هسمع

نادين……هسمع

ليله…..هقول

حسان…..طيب تمام بصوا بقي اللي هيسمع مش هيكتب الورق اللي هيقولك بس اللي هيكتب يعني عسال و فضل و انا هنكتب الكلام اللي البنات هتسمعه و هنشوف هيعرفوا ولا لا

و ليله و ايمي و ايه يجوا يكتبوا اللي الشباب هتسمعه حلو كده

ايمي…..حلو فهمت

راحوا الخمسه جنب حسان يكتبوا الورق

و فضلت نادين و سلمي و نعيمه و عشري و رشيد و سلامه قاعدين

بعد عشر دقائق من الضحك كتبوا الورق و كل فريق كان هيقولك الكلام الورقه بتاعته كانت في أيده.

حسان…..يلا جاهزين

الكل….جاهزين

حسان ….هفكركم تاني ممنوع نغشس بعض عشان نحافظ علي النقط ممنوع و احنا بنقول الكلام نشرح بأيدينا أو نشاور كمان لو كانت الكلمه صعبه روحوا التانيه بسرعه قبل الوقت ما يخلص

سلمي….ايه ده هو في وقت ؟

حسان……اه دقيقه بالظبط

سلمي…..بضحك لا قليل اوي

ليله….دقيقه بس

حسان….هي دقيقه و هنظبط التايمر كمان عشان يكون في حماس و سرعه و كمان ضحك

ليله…..ركز معايا انا اللي هقول

عشري…..بابتسامه ربنا يستر المهم وضحي الكلمه

حسان…..اه وضحوا الكلام لأن اللي هيسمع هيركز في حركة الشفايف

سلمي….طيب يلا نبدأ مين اول حد

ايمي……انا و رشيد خلينا نمشيها زي ما احنا قاعدين كده

حسان….طيب يلا تمام تعالي بقي انت كده يا رشيد حط الهيد فون و انتوا ركزوا معايا في عدد الكلمات اللي رشيد هيقولها.

فضل…..يلا هيخسروا أن شاء الله

ايمي….بعينك هنكسب و كلكم هتنفذوا اوأمرنا

حسان…..بابتسامه تعالي انت بقي كده يا بتاع الd.g عايزك تجيب اغنيه عاليه كده يندمجوا فيها واتأكد أن الصوت عالي عشان ميسمعوش

سلامه….يا سلام احلي خبط ورزع

رشيد….بضحك لا بقولك ايه مش للدرجادي مش ناقص صداع

سلامه…..استني عليا بس كده

و صل عسال الموبايل بتاعه بالهيد فون و جاب اغنيه انجليش عاليه اوي و حطها علي ودن رشيد

سلامه…..اول ما تقولوا جاهزين هشغل

حسان….ايه جاهزه يا ايمي

ايمي…..اه جاهزه

حسان…..مسك الموبايل بتاعه و جاب التايمر اول ما اقول ابدأ تبدأي علي طول معاكي دقيقه

ايمي…..احممممم تمام ركز يا رشيد

رشيد….بضحك ربنا يستر

ايمي……يلا يا حسان ابدأ

حسان….يلا واحد اثنين بدأت

ايمي…..بسرعه عربيه

رشيد….باستغراب هاااا

ايمي….بضحك عربيه

رشيد….عربيه

ايمي….براڤو شاكوش شاكوووش

رشيد….فنكوش

ضحكوا كلهم و ايمي فطست من الضحك

ايمي….لا لا شاااااكووووش

رشيد…..رموش

فضلوا يضحكوا كلهم

رشيد….اللي بعده

ايمي……جريئه

رشيد…..تاني

ايمي…..جررررريئه

رشيد….بابتسامه جريئه

ايمي….براڤو مقلب مققققللللب

رشيد…بضحك مقلب

ايمي…..بسعاده شطور بحر بحر

رشيد…..بحبك

ايمي….بضحك لا لا بحر بحررررر

رشيد…بحر

ايمي…..براڤو سكر سككككر

رشيد…..اللي بعده مش عارف

ايمي……عصير فراوله

رشيد….بطريقه مضحكه هااااا

ضحكوا كلهم

ايمي…..بضحك عصيررررر

رشيد…..عصير

ايمي….ايوه ايوه صح فراوله

رشيد….فواكه عصير فواكه

ايمي….بضحك لا فاااارووووله

رشيد…عصير فراوله

ايمي….براڤو كعب عالي كعبببب عالي

رشيد…..قد حالي

ايمي….بضحك والله هموتك كعببببب عالي

الشباب كانوا فطسانين من الضحك

ايمي….طيب طماطم طمااااطم

رشيد….هاااا تاني

ايمي…..مركب مررررركب

رشيد….ميك اب

ايمي…..بضحك لا لا مررررركب

حسان…..بضحك عشر ثواني

ايمي…..شاكووووش شاكووووش

رشيد…..فنكوش

ايمي…..بضحك والله لا اكسر دماغك شاكووووش طيب طمااااطم

حسان….خلاص الوقت خلص شيل شيل

رشيد…..ايه كسبنا

ايمي….ده انت ليلتك سوده بقولك شاكوش

رشيد….بضحك مش عارف مش فاهمك والله

حسان….حد عد وراهم

سلمي….خمسه بس اللي صح

ايمي ….لا بيتهيألي مقالش ثلاثه بس يعني سبعه

رشيد…بضحك طيب حلو والله علي فكره صعبه اوي

نعيمه…..لا خمسه بس والله

رشيد….خمسه خمسه نشوف انتوا هتعملوا ايه

ايمي…..بضحك اقول عليك ايه

رشيد….بضحك والله صعبه و بعدين ايه الكلمات الصعبه دي

ايمي…..والله مش صعبه

حسان…..سلمي يلا تعالي انا هقول وانتي هتسمعي

سلمي….بابتسامه ماشي يلا بس قول بسرعه وراء بعض يعني

حسان….تمام يلا لما تبقي جاهزه قولي اوك

سلامه….البسي العيد فون يلا

سلمي….اااااه ده عالي اوي

سلامه….بضحك احسن ده المطلوب

حسان…..بعينه يلا

سلمي….اوك يلا

بدأ حسان التايمر

حسان…..سمك

سلمي…..اسمك

حسان…سسسسمممك

سلمي…..سمك

حسان….براڤوا معلقه

سلمي….معلقه

حسان…..كوبايه

سلمي…..هااا

حسان….بضحك كوووووباااايه

سلمي….كوبايه

حسان….براڤو موبايل مووووبااايل

سلمي…..موبايل

رشيد….بضحك شايفه الكلام السهل اقول عليكي ايه

ايمي….بضحك قال يعني كنت هتعرفوا

حسان…..إسعاف اسعاااااف

سلمي….اسفاف

ضحكوا كلهم

حسان….بضحك لا لا طيب كوره كوره

سلمي….كوره

حسان….براڤو كنبه

سلمي….لعبه

حسان….كنبه

سلمي….ااااا مش عارفه

حسان…..باب

سلمي…..كتاب

حسان…بااااب

سلمي….كباااب

سلامه…..جعانه سلمي

كلهم كانوا فطسانين من الضحك

حسان……مطر ممممطر

سلمي……بضحك مش فاهمه

حسان…..عصفووووره

سلمي….عصفوره

حسان….برافو بسرعه يلا كتتتتاااااب كتاااب

سلمي….كتاب

حسان….إسعاف

سلمي….بضحك مش عارفه

سلامه….بااااااس خلاص

شالت الهيد فون

حسان….بضحك إسعاف إسعاف

سلمي….بضحك والله ما فاهمه

حسان….وبقولك كتاب تقولي كباب

سلمي….بضحك مش سمعاها غير كده والله

حسان….جيبنا كام كده هي معرفتش كتاب و إسعاف و كنبه و مطر يعني سته

ايمي……فازوا علينا بواحد اعمل فيك ايه

رشيد….بضحك خسرنا كده يعني

ايمي…..اكيد لو محدش فيهم جاب اكتر يبقي هما اللي فازوا

سلامه….لا لا احنا اللي هنفوز انا وايه

ايه….بضحك انت عارف لو مركزتش معايا هقتلك يا سلامه

سلامه….عيب عليكي

فضل….بضحك بتاع الd.g هيركز مع الاغنيه اصلا

ايه….بضحك طب اياك

حسان….نوني يلا انتي و فضل

نعيمه….بابتسامه وضح الكلام عشان افهمك

فضل….بابتسامه ماشي

نعيمه….يلا انا جاهزه

حسان…..و انا جاهز ابدأ

فضل….بابتسامه مغرور

نعيمه…بضحك مغرررررررور

ابتسم فضل ابتسامه جميله و قالها صح بليده

فضل….دقاقه

عشري….بضحك اووويلي

فضل….بصلوا و ضحك و بعدين بصلها بسرعه بضحك دقاقه

نعيمه……ضحكت اوي دقاقه

فضل…براڤو مجنونه

نعيمه…مجنونه

ليله…كده ثلاثه

فضل…عيون جريئه

نعيمه….بضحك و صوت عالي شويه عيون جريئه

ايمي….يا قرده

فضل….بحماس براڤو يلا موزه

نعيمه…..هااا

فضل….بضحك مووووزه

نعيمه…بوسه

ضحكوا كلهم بصوت عالي

فضل….بضحك انا موافق عادي لا لا ممممووزه

نعيمه….بضحك موزه موزه

فضل…..براڤو بسرعه يلا هلا بيكي هلااااابيكي

نعيمه…..بحماس و ضحك هلا بيكي

فضل….بضحك ايوه في قلب فييي قلب

نعيمه…..بصدمه تضحكت اوي في قلب

فضل…..العرباوي

رفعت وشها لفوق و هي بتضحك و وشها احمر

فضل…..برقلها و بيضحك بسرعه

نعيمه….العرباوي

فضل….يلا اخر كلمه بسرعه تفاحه

نعيمه….ايه

فضل…..تفاحه

نعيمه…..اااااا تاني تاني

حسان…..اخر الثواني

فضل….تفااااحه

نعيمه…..بضحك و هي بتتنطت مش عارفه

حسان…استووووووب

قرب منها فضل و هو بيضحك

فضل…..يا شيخه حرام عليكي تفاحه

نعيمه……معرفتهاش والله طيب جاوبت قد ايه

فضل…..تسعه

ليله…..والله شاطره و فضل شاطر موضح كلامه

ايمي…..شايف يا سي رشيد

رشيد….بضحك منكم لله كل اللي هيجيب اكتر مننا انا هتروق بسببه

سلمي…..احنا سته اكتر منكم بواحد بس

سلامه…..أن شاء الله هنكسبهم قومي يا ايه يلا

ايه….براحه شويه علي نفسك انا اصلا مش مرتحالك

سلامه…..بضحك عيب عليكي دي لعبتي

ايه…..انت عارف اللعبه دي اصلا

سلامه….والله عارفها مني الشاذلي بتلاعبها للضيوف بتوعها في البرنامج

ضحكوا كلهم علي سلامه

ايه….لا ادام استاذه مني الشاذلي يبقي ربنا يستر

عسال…..معلش لحظه كده عشان ده عشان انا هظبط الهيد فون

سلامه….اخص تيجي منك انت

عسال…..ما عشان حافظك طول عمرك غشاش و اكتشفت بعد سنين اني كنت ديما البس الشايب عشان بيعلموا اخلص

ضحكوا كلهم علي عسال

سلامه….بضحك طب نفتح صفحه جديده

عسال…..ولا صفحه ولا ورقه البس يالاااا

سلامه…..ربنا علي المفتري

عسال……يلا ابدأ يا حسان

حسان…..تمام بدأت

ايه….بسرعه سلامه الكلب

سلامه….هو اللي سمعته ده بجد

ايه….بضحك اخللللص سلامه الكلب

سلامه…..رفع حاجبه سلامه الكلب

ايه…..بضحك براڤو

كلهم كانوا فطسانين من الضحك علي سلامه

ايه….فراوله

سلامه….كراويه

ايه…بضحك فراااااوله

سلامه….هي كراويه

حسان….بضحك غيري طيب

ايه….عفريت عفرررريت

سلامه…..كبريت

ايه….الله يخربيتك طيب لبن لبببن

سلامه…جبل جبل

ايه….جبل يقع علي راسك يا سلامه

سلامه….حمامه

ايه…..بضحك حمامه ايه

كلهم كانوا مدعين من الضحك و عسال واقف جنبه مش قادر يمسك نفسه و حسان ساند علي البار و بيضحك مش قادر

ايه…..ركز معايا

سلامه….اجي معاكي

ايه……يخربييييتيك لا لبن

سلامه…..ايه مش عارف اللي بعده طيب

ايه….برقوق

سلامه….كتكوت

ايه……بضحك يا ابني تعبت والله ارحمني برقوق

سلامه…..هسوق

فضل ….بطني وجعتني والله منك لله

عشري….المشكله أنه مقالش غير سلامه الكلب

ليله…..بضحك ااااا جنبي و الله دي ايه هتنفخه

ايه…..طب اسمع اغنيه

سلامه ….عربيه

ايه….بغضب العربيه دي اللي هدوئك بيها أن شاء الله اغنيييييييه

سلامه……بطانيه

ايه……طب اعمل ايه منك لله يا سلامه كريم تشيييز

سلامه…هاااااا رفع حاجبه

ايه….بضحك كريم تشيييز

سلامه…..بضحك لا دي حاجه عيب

بخ رشيد المايه من بوئه و كلهم فطسوا من الضحك

ايه……هقولك يا سلامه اخلص طيب كبريت عربيه

حسان……بضحك بااااس استوب

شال عسال الهيد فون و هو ميت من الضحك

ايه…..بغضب ناولوني السكينه اللي ليله مسكتها لرشيد كده و الله لا اخلص عليك يا سلامه

سلامه….يضحك ايه كام واحده غلط

ايه……نعم يا اخويا كام واحده ده انت مقولتش غير سلامه الكلب تصدق بالله ما هقول سولي دي تاني و هو هيفضل سلامه

حسان…..يا مفتري مفيش غير كلمه

عشري….بضحك لا بيقولك لعبتي

سلامه…..طب انتي في كلمه مش تمام قولتيها

ايه…..بضحك لا يا قليل الادب انا قولت كريم تشيييز

سلامه……طب بالذمه ده اسمه كلام ايه الكلمه دي اصلا ما عندك كلام سهل

ايمي…..اسكت بقي يعني انت عرفت السهل

بص سلامه لعسال

سلامه….عجبك انت كده كان هيجرا حاجه لو وطنيا الصوت و لا بعدنا الهيد فون شويه

عسال……بضحك عشان تعرف انك فاشل في كل اللعب يا غشاش وحلال فيك اللي هتعملوا ايه

سلامه….بضحك يويو

ايه….بضحك ابعد عني احسن افتح دماغك

سلامه….طب لا معلش انا عايز اشوف الورقه دي عشان كل الكلام كان غريب

ايه….اتفضل اهي

حسان…..بضحك يلا يا نودي قومي

سلامه…..لا وسعي كده مش وقت ورقه وربنا ما هسيبك انت و نودي يا عسال

عسال….بضحك تعالي مش مهم هنكسب و هتقوا العشر كلمات كلهم

سلامه…..لا والله واثق فيها اوي هنشوف

نادين…..بضحك مالك يا سلامه هااا

سلامه…..مش هتكسبوا يا نادين

نادين…..بضحك هنكسب بقي وايه رأيك لو كسبنا هسامح الكل الا انت بالذات عشان الغلبانه اللي كنت هتموتها دي

سلامه…..بضحك طيب هنشوف احنا علي الاقل جيبنا واحده انتي مش هتجيبي خالص

نادين….هنشوف

عسال….نودي سيبك منه و ركزي معايا اوك

نادين…اوك

حسان…..يلا يا نودي جاهزه

نادين…..عالي اوي

سلامه….احسن يلا

نادين…ابدأ

يصلها عسال بنظره جميله و كان هادي جداً و هو بيقول كل كلمه مش مستعجل خالص .

عسال……بحبك

ابتسمت نادين ابتسامه واسعه و اتحرجت

نادين…..بحبك

عسال….بابتسامه جميله بموت فيكي

ضحكت نادين و حطت أيدها علي وشها

عسال….بحب يلا

نادين….بموت فيكي

عسال…..مختلفه

نادين….بابتسامه تجنن و لمعه في عينها جميله مختلفه

عسال….شوكولاته

نادين….شوكولاته

البنات بتشجيع براااااڤو

عسال…..ضفيره ضفييييره

نادين…..ضفيره

عسال….بسعاده هز راسه تويتي تويتييي

نادين….بحماس اطفال تويتي

عسال…..بطاطس

نادين….بضحك بطاطس

عسال….براڤو بيبسي بيبسي

نادين….بحماس بيبسي

عسال…..متوتره متوتره

نادين…..بضحكه عاليه متوتره

عسال….بضحك هز راسه يلا اخر كلمه انا بعشقك

نادين……بحماس انا بعشقك

الكل براڤوووووووو

قرب منها عسال قدام الكل وضمها بحب

عسال….براڤو يا عمري

سلامه….بغيظ لا معلش ابعد كده عنها و تعالي كده لامو أخذه

عسال…..بضحك متكلمهاش كده بدل ما اقتلك

سلامه…..والله انا اللي هقتلك انت وهي العيد فون مكانتش شغاله

نادين….بضحك إذا كان الموبايل في ايدك و انت اللي مشغل الاغنيه

سلامه….يبقي غششك الكلام

نادين….بضحك والله أبداً

عسال …والله ما قولتلها اي حاجه

سلمي….بضحك سلامه مش مقتنع أن ممكن حد يكسب

ايه…..صفي نيتك شويه و اعترف انك فاشل في اللعبه

سلامه…..لا معلش عملتوها ازاي دي

عسال…..يا اخي انت مالك و تصدق بقي يا سلامه هنسامح الكل زي ما نودي قالت حتي ايه اللي كانت في فريقك و هروقك

سلامه…لا ده ظلم ده

حسان….بضحك ليله و عشري يلا

ليله…..سؤال معلش هو لو يعني اتعادلنا و لو اني شاكه في عشري هو كمان هيحصل ايه

عشري…..طب تصدقي لو عرفت الكلام هقوله غلط عشان شاكه في عشري دي

حسان….بضحك لو اتعادلتوا انا اكتب لكل واحد فيكم كلمتين و نشوف مين هيقولهم بس الوقت هيكون أقل طبعاً

ليله….اوك تمام يلا انا جاهزه ركز معايا يا عشري

عشري…..يلا جاهز ابدأ

حسان…بدأت يا ليله

ليله……بلطجي

عشري….بضحك بلطجي

ليله…..متشرد

عشري…..متشرد

ليله….بضحك براڤو مسجل خطر

عشري….بسرعه مسجل خطر

سلامه….شوف يا اخي الدم بيحن

ليله….قليل الادب

عشري….بضحك ده انا هنفخك قليل الادب

ضحكوا كلهم و ضحكت ليله جامد

ليله……سجاير

عشري….سجاير

ليله…..فسفور فسفوووور

رشيد و ايمي و نعيمه و فضل ضحكوا جامد

عشري….بضحك فسفور

ليله…براڤو فسيخ فسييييخ

عشري….بضحك الله يقرفك فسيخ

ليله….بضحك براڤو قهوه عربي

عشري…..تاني

ليله….قهوه عربي

عشري…..قهوه عربي

ليله…..براڤو مقلب مقللللب

عشري….مقلب مقلب

ليله…اخر كلمه يلا بسرعه دهب دهب

عشري…..ايه

ليله….بضحك دهب

عشري……غيرها غيرها بسرعه

ليله…..دي اخر واحده يلا دهب

عشري….غيرها

ليله….بضحك والله اخر كلمه

عشري…..طب عيدي تاني

حسان….يلا بسرعه

ليله….دددددهببب ددددهبببب

عشري…..دهب دهب صح

ليله….صرخت و فضلت تتنطتت ايوه صح
جريت عليه و هي فرحانه ضمها عشري و هو مبسوط

عشري…..ايه يا سلامه

سلامه….بص لفوق

ايه….لا سيبه سيبه خالص هو مش معانا علي الكوب ابو واحد

ضحكوا كلهم علي ايه

سلامه….بضحك ايه ابو واحد دي ما تلمي نفسك

ايه…..اسكت عشان انا مش طيقاك

سلامه….تصدقي بالله لو لبستي انتي الهيد فون ما هتعرفي ولا كلمه

ايه….يا عم اسكت بقي

حسان….عسال انت اللي هتسمع نودي اللي هتقول

عسال….اوك يلا

حسان…..وانت يا عشري اللي بتقول امسك ي كده يا نودي انتي الأولي عشان عشري ميغشش ليله

عشري….لا والله مش هغششها

حسان…..ماشي بس خليهم هما يبدأوا

لبس عسال الهيد فون و خدت نادين الورقه بصت علي الكلمتين و بعدين بصت لحسان بابتسامه احراج

حسان….بضحك ايه مليش دعوه

نادين….بضحك ماشي يا حسان ليك علي فكره

حسان…..عسال يلا

سلامه…مش سامع مش سامع ابدأوا

نادين….يلا ابدأ بحبك اوي

عسال….بابتسامه بحبك اوي

نادين……بموت فيك

عسال….بضحك بموت فيك

عشري……لا انتوا بتهرجوا سهلين دول

حسان….والله انتوا كمان سهلين يلا البسي يا ليله كده وانت خد الورق

عشري….بابتسامه طيب تمام

حسان….ابدا

عشري….مجنونه

ليله….بضحك مجنووووونه

عشري…..صح يلا عصبيه

ليله….عربيه

عشري…لا لا عصبيه

ليله….دي اكله ولا ايه

عشري…بضحك الله يخربيتك يا حسان مش هتعرفها دي

حسان….تاني يلا معاك عشر ثواني

عشري….عصبيه عصبيه

ليله….عربيه

عشري….لا لا عصبيه

ليله……معرفش هي عربيه

حسان….خلااااص

ليله…..انت بتقول ايه

عشري….عصبيه يا ليله عصبيه

ليله….معرفتش

عشري….بذمتك دي كلمه

حسان….بضحك يعني قالت عليك بلطجي و متشرد و مسجل خطر قولت ارجع حقك بمجنونه و عصبيه

ليله….بضحك بقي كده يا حسان ماشي

حسان….وبكده نعلن فوز الاستاذ عسال و الانسه القمر نودي

كلهم سقفوا ليهم و راحوا قعدوا مع بعض

عسال….بقول ايه يا حسان المفروض نبدأ من أمته بقي

حسان….هو انا قولت من بكره بس علي فكره ينفع من انهارده عشان سلامه يستاهل

عسال….بضحك قوم يالاااا هات مائه و شوف نودي عايزه ايه واي حد ليه طلب يقول لسلامه

سلامه……لا بقولك ايه دي شغله القهوجيه اللي جنبك

ضربه فضل علي راسه

فضل….ما نحط لساننا في بوئنا بقي يا فاشل يا ابو واحد

عشري…..قوم يالا هات الطفايه و اعملي شاي

سلامه….ماشي حقكم مش هتساعديني يا قلبي

ايه….اساعدك في عينك قوم اعملي اندومي عشان اهدي اعصابي

نعيمه….بضحك و انا كمان يا سلامه عايزه اندومي

سلامه….بضحك و غيظ تصدقوا بالله انتوا يومكم اسود معايا بس الصبر

فضل….بهمس ونعيمه نوني بلاش اندومي

نعيمه….جعانه

فضل…..معدتك هتتعب تاني كلي اي حاجه تانيه اخف شويه

نعيمه…..امممم خلاص مش عايزه

فضل….طب خلاص كلي بس مش كتير

نعيمه….كل معايا طيب

فضل….بابتسامه مش بحبه

نعيمه…..شويه عشان خاطري

فضل…..ماشي يا ستي عشان خاطرك

ايمي….قهوه مظبوط و كوبايه مايه و تكون ساقعه

رشيد….وانا كمان زي ايمي و اطلع هات الشاحن من فوق

سلامه…..خد بالك انت وهي انتوا أقل ناس فيهم بعديها يعني بلاش نشوف نفسنا

ايمي……جيبنا خمسه يا ابو واحد

سلامه….بضحك منك لله يا ايه اخلص من سلامه الكلب يطلعلي ابو واحد

ايه…احسن تستاهل يا فاشل

حسان….بضحك ابسط يا عم معاك ثلاث اسامي اهو بقولك ايه عايزه نسكافيه

سلمي….وانا كمان

نادين…..بابتسامه سلامه سلامه

سلامه….بغيظ افندم يا نودي هانم

نادين…..عايزه شوكولاته و بيبسي

سلامه….طيب ما تحمرلك بطاطس بالمره

نادين…..اممممم طيب بلاش شوكولاته بيبسي وبطاطس

سلامه……انتي بتعملي اوردر دي مصدقت

عسال….بضحك اتكلم مع نودي عدل يا فاشل يا ابو واحد

سلامه…..بضحك والمصحف هاين عليا احدفكم بحاجه و اجري

ضحكوا كلهم عليه

عشري…..بضحك يلا يالاااااا اخلص

سلامه….ماشي يا شيخ العرب معلش بس هتعبكم تاني معايا كل واحد فيكم يمليني الاورد بتاعه عشان اكتبه

فضل…..بضحك شكلك حبيت دور القهوجي والله لايق عليكي

سلامه….طب اخلص يا ظريف منك ليه

كلهم قالوا طلباتهم و كتب سلامه وراهم وراح بسرعه علي المطبخ يعملها.

عشري…..بهمس بقي انا بلطجي و متشرد و مسجل خطر

ليله….بابتسامه دلع اه

عشري….خدي هنا صحيح انا نسيت ايه بقي اللي حصل بره مع رشيد ده

ليله…..حصل ايه

عشري…..انتي خدتي سيجاره هااااا

ليله….بغيظ لا بقولك ايه انت متتكلمش معايا و لعن في السيجاره بدل ما أوله في صاحبك و بعدين تستاهل مش كنت معاهم عليا

عشري….بضحك طب والله قولتلهم بلاش

ليله….بس عملوا فيا في الاخر يبقي اتحمل رد فعلي بقي واياك تتكلم معايا نص كلمه

عشري…..طب ياعم براحه شويه علينا

ليله…..خد بالك انتوا مبتجوش غير بالعين الحمراء

عشري….بضحك لا وحيات ماما منسوقش فيها ها أنا هعديها بس عشان كنتي متعصبه بس لو اتكررت تاني

ليله….رفعت حاجبها خير هتعمل ايه ؟ هتطول لسانك

عشري….بابتسامه جميله لا مقدرش انا وعدتك اتحكم في اعصابي

ليله…..تمام بس خد بالك يا عشري اللي حصل ده هيبقي اول واخر مره

عشري…..بضحك مسك رقبتها انتي بتهدييني يا ليله

ليله….بضحك اه بهددك

عشري……هتعمل ايه وحش

ليله…..هبعدك عنك

عشري…اووووب اووووب و جالك قلبك تقولها

ليله….بضحك اه جالي قلب عشان تتعود تلم لسانك و تبقي مؤدب

عشري….طب بصي بقي عشان متجننش عليكي انا وعدتك و انا لما بوعد بوفي و حتي يا ليله لو عصبتيني مش هتهز قدامك و لا هعمل اي حاجه تزعلك بس و حيات امي كلمه هبعد عنك دي لو اتقالت تاني لا هخطفك و احطك في مكان محدش يعرفوا عشان بالذوق بالعافيه انتي مش هتبعدي عني

ليله….بابتسامه هتخطفني بجد

عشري….بابتسامه جميله غمزلها ايه عايزه تتخطفي

ليله….امممم يعني علي حسب هتخطفني فين بالظبط

عشري……لا دي بتاعتي بقي بس هاخدك في مكان فاضي مفيهوش حد شوفتي كلنا هنا اتحبسنا ازاي انا بقي هحبسك بس انا وانتي بس

ليله…..وبعدين

عشري….وبعدين ايه

ليله….اااا يعني هتعمل ايه لما تخطفني

عشري….بضحك لا دي سيبها عليا بقي هعملك الادب يا ليله و هخليكي متنطقيش بعد كده كلمة هبعد عنك دي

ليله….يا سلام طيب افرض انا عايزه ابعد عنك و انت مضايقني

عشري…لا يا قلبي ده اوبشن مش موجود احنا ناكل في بعض نعمل زي القطط نتناقر لكن نبعد دي مستحيل مش بمزاجك اصلا

ليله……وافرض بعدت عنك و اختفيت

عشري….بصلها ثواني ابتسم و سرح ممكن يجرالي فيها حاجه يا ليله و مش بهزر علي فكره

ليله……بنظره جميله ده بجد

عشري…..بجد والله

ليله…..ليه بتحبني اوي كده

عشري…..انتي شايفه ايه

ليله….امممم صراحه

عشري….بصراحه

ليله…..اوقات بيبص في عينك بحس أن مفيش غيري و بحس انك بجد بتحبني و اوقات تانيه بحس اني خايفه

عشري…..خايفه مني

ليله….لا مش منك بس معرفش في نظره كده عندك بتخليني احس اني مش متطمنه

عشري…..بس انا بحبك يا ليله بجد

ليله…..وانا كمان بحبك

عشري….عايزك بس تعرفي حاجه واحده انا عمري في حياتي ما هكون سبب خوفك أو قلقك انا بحبك يا ليله و ده مش سهل عليا لاني عمري ما حبيت بالشكل ده و مش سهل علي اي راجل أنه يوصل للحب في وقت بسيط بالشكل ده اقولك علي حاجه و تصدقيني

ليله….بابتسامه قول

عشري…..انا حامل هم الرجوع يا ليله فوق ما تتخيلي مش قادر اصدق اني كلها بعد بكره و اصحي ملاقيكش في نفس البيت و لا نفكر سوا و نقعد سوا و نقضي كل ثانيه في اليوم و احنا مع بعض

ليله…..بس تقدر تعمل كده انا نرجع علي فكره في النهايه زي ما بنسيب بعض هنا علي النوم هنروح كل واحد فينا علي بيته

عشري…..لو عليا أنا عايز اعمل كده اكيد بس متنسيش أن حياتنا اصلا قبل ما نشوف بعض كانت مختلفه بيت تاني و حياه تانيه و شغل و عيله يمكن كل دول وحشوني اوي بس صدقيني عارف أن اللغبطه دي و رجوعنا لحياتنا القديمه هيخلوني احس انك وحشاني اكتر منهم كلهم

ليله…..بس لازم في حجات مينفعش نهرب منها اكيد بس كمان اكيد هشوفك

عشري…..لا ده اكيد مش بمزاجك و لا بمزاجي .

ايه….بقولكم ايه بصوا كده علي تليفوناتكم كم انا عملت جروب لينا كلنا عشان خلاص قربنا نرجع و نبقي نتكلم فيه و نهزر و كده يعني

ايمي…..موبايلي فوق يا مجنونه

رشيد….طب والله جدعه كنت بفكر في الموضوع ده

فضل……بس هيتقفل قريب خدي بالك من رغي سلامه

ايه…..نبقي نعمله يموت مش قصه

سلامه….من المطبخ ميوت وعلي ايه انا هاجي اعمل مغادره الوقت و ابقوا شوفوا الجروب من غيري هيبقي عامل زي الصحراء

حسان…..منقدرش يا سلامه ده انت الفاكهه بتاعتنا

سلامه….بلاش كدب بقي ده انت رايح جهنم بصاروخ

ضحكوا كلهم علي سلامه اللي واقف مش طابق نفسه

سلامه….طب ايه محدش فيكم ناوي يجي ياخد معايا اي حاجه

عسال….لا مش موافق انت اللي هتحيب كله يلا بسرعه

سلامه…..ربنا علي المفتري

بعد حوالي ساعه البنات كانوا واقفين مع بعض في المطبخ بيظبطوا الدنيا و عاملين يتكلموا و يضحكوا و الشباب كمان كانوا قاعدين مع بعض بيتكلموا في الشغل و في اكتر من موضوع.

ليله…..بنات بنات بقولكم ايه

نعيمه….ايه

ليله……بصراحه كده انا عايزه اجيب حقي و حقكم و عايزه ارد لهم المقلب

نادين….بضحك و الله كنت بفكر في كده بسبب العياط اللي عيطته

ايمي…..بضحك اكيد مش هتدخل عليهم و هيقفشونا

ليله….لو حطيتي لسانك في بوئك انتي محدش يعرف و ايامي تفتني متنسيش انك اتفقتي علينا معاهم يا جزمه

ايمي….بضحك لا والله مش هفتن بس هتعملوا ايه

ليله…..معرفش مفيش حاجه في بالي فكروا معايا عايزين حاجه مقنعه

سلمي….بيتهيألي اي مقلب الوقت هيتقفش بسهوله

نادين….بضحك بقول ايه نخليه انتقام مش مقلب

ليله….يعني ايه ؟

نادين….بضحك يعني نستني يناموا و نبهدل وشهم مثلا بالميك اب

ليله….بضحك ده البلطجي ينفخني

ايمي…..طب والله حلو انا موافقه

ليله…..وانا كمان و الله ما هسيب حقي بس انا مش عارفه نومهم خفيف و لا ايه

نادين….بضحك ميدو ديماً يقول إن نومه خفيف و دي مشكله

سلمي……لا لا بلاش انا لو اتقفشت خفتن عليكم

ايه……هو انتي علي طول تعترفي من اول قلمبقولكم ايه حلو المقلب ده احنا نخفق أيدينا علي قد ما نقدر

سلمي…..ايوه بس هما لو دخلوا الاوض هنفتح عليهم ازاي لا لا مش حلوه

ليله…..لا انا مش هعرف اعمل كده اكيد الشباب بيناموا براحتهم و مش هتبقي حلوه احنا نقعد هنا نشغل فيلم ولا اي حاجه لحد ما الكل ينام و نقوم نلعب في وشهم البخت و نطلع بسرعه علي فوق نقفل علي نفسنا الاوض

ايمي…..بضحك لو صحيوا هنتنفخ والله

ليله…..والله اللي عندهم يعملوا بقي هما اللي بدأوا و لو عليا يا جزمه كنتي عملت فيكي انتي كمان عشان تشغلي دماغك اوي

نعيمه….والله يا ايمي لو فتنتي علينا لا هنعمل فيكي مقلب اكبر

ايمي….بضحك خلاص قولت مش هقول

سلامه كان واقف عند الحمام و اول ما سمع كلمه مقلب ركز معاهم اوي و بعدين جري علي الشباب

سلامه…..بقول ايه تعالوا بره بسرعه عايزكم ثواني

رشيد…في ايه

حسان….اكيد مصيبه مش شايفه بيتوشوش ازاي

سلامه….أخلصوا كأننا خارجين بره شويه

عشري…..طيب يلا

خرجوا واحد وراء التاني و بعدوا شويه عن الباب و فضلوا باصين عليه عشان لو حد من البنات خرج

عسال….في ايه

سلامه….بضحك البنات عايزين يعملوا فيكم مقلب ليله مش عايزه تسيب تارها

عشري….بضحك حلوووو عرفت ايه بقي المقلب

سلامه…..بضحك ليله ملاقتش فكره بس نودي السوسته الي بنقول عليها هاديه و طيبه هي اللي فكرت قاتلهم ننتقم منهم و اتفقت معاهم أنهم يشغلوا فيلم و لما ننام في مكاننا يبوظوا وشنا بالميك اب بتاعهم و بعدين يجروا علي فوق يقفلوا عليهم الباب

عشري…..بضحك ده يوم ازرق علي الكل

عسال…..بضحك نودي اللي قالت كده ماشي يا نودي

حسان….بقولكم ايه تسمعوا مني

عشري….ايه

حسان….خليهم ياخدوا حقهم

فضل….بضحك لا يا شيخ

رشيد….بضحك صراحه انا مع حسان هما صعبوا عليا والله خليهم يحسوا أنهم انتقموا مننا

عشري….بضحك انا موافق بس اول ما يخلصوا نقفشهم تمام

عسال….بضحك انا مع عشري خليهم يلعبوا في وشنا و يخرجوا شحنة الانتقام براحتهم بس قبل ما يجروا علي اوضهم نمسكهم

فضل….بضحك إذا كان كده موافق

سلامه….بضحك ايديكم معايا بقي في صحة الشر و الشيطنه

ضحكوا كلهم و حطوا ايدهم فوق بعض

عشري….بقول ايه تعالوا يلا ندخل واحد وراء التاني كده و بعدين نبدأ هنجيب فيلم و شويه كده و واحد وراء التاني يعمل نفسه نايم

سلامه….بقول ايه بلاش ضحك أو اي ريأكشن يحسسهم أننا صاحين

رشيد…..يارب بس محدش فيهم يقول حاجه تضحك

فضل…لا لا محدش يضحك خالص

حسان…..اه سيبوهم براحتهم و بعدين نقوم عليهم

رشيد….طيب يلا خلونا ندخل عشان ميحسوش

عند البنات..

ايه……هما راحوا فين

ايمي…..تلاقيهم بيشربوا سجاير بره

سلمي……صوتهم بره فعلا بيضحكوا

ليله…..المهم خلاص اتفقنا اقفلوا بقي علي الكلام عشان محدش يسمع

نادين…..ماشي بس اسمعوا اول ما يناموا نقوم براحه اوي عشان محدش يحس و نطلع براحه نجيب الميك اب

ايه….بضحك وديني يا سلامه لا هلعب في وشك البخت عشان تبقي تخسرنا اوي

نعيمه…..بس بس عشان جايين

ايمي…..طيب يلا خلينا نخرج.

دخلوا الشباب و شويه و البنات خرجوا واحده وراء التانيه و قعدوا معاهم.

ايمي…..انتوا روحوا فين

رشيد…..كنا واقفين بره شويه علي فكره الجو حلو و تقريباً كده بكره هيبقي حلو اوي هتروحوا البحر و لا نوني مش هتقدر

نعيمه….لا لا نروح انا بقيت كويسه خالص

سلمي….خلينا نروح بكره اخر يوم

ليله…..صحيح احنا هنمشي أمته

عشري….براحتكم لا بكره بعد الفجر أو نستني بعد بكره كده علي العصر مثلا شوفوا اللي يعجبكم

ايمي…..خلينا بعد العصر عشان بكره لو نزلنا المايه محدش فينا هيبقي قادر يسوق و مش هتبقي نايمين يعني بكره نجهز حاجتنا كلها و نصحي براحتنا نظبط نفسنا وبعدين بعد العصر كده نتحرك

رشيد…..لا لحظه تسوقي ايه انتي هتركبي معايا

حسان…..انا رأيي كده لسه العربيات محدش عارف هتقف منكم ولا ايه الدنيا

ايمي….ليه مش استاذ فضل عمل فيها مهندس وصلحهم

فضل….سيبك منه العربيات زي الفل بس يعني لو حابين نوزع نفسنا علي العربيات خليكي مع رشيد

عشري…..ليله كمان هتركب معايا

ليله…..بابتسامه طيب وعربيتي مين يسوقها

عشري….اي حد من الشباب

ليله….بضحك يبقي فضل بما أنه بيحب العربيات هيحافظ عليها

فضل….بضحك ماشي يا ستي نوني هتركب معايا

نعيمه….بابتسامه يا سلام و لو باظت مننا نقعد في الشارع

فضل…..بضحك لا مش هتبوظ و بعدين ما انا هقعد في الشارع زيك

عشري….كده كده احنا هنمشي مع بعض علي الطريق

نعيمه….خلاص يبقي انا وفضل في عربيه ليله

عشري…..و عسال و نودي هيجوا معانا

حسان….انا ممكن اركب عربيه ايمي عادي

ايمي…..يا سلام تنور العربيه طبعاً خد معاك بقي سلمي تسليك في الطريق

ابتسمت سلمي و بصتلها

حسان…..اكيد بس قوليلي بتنامي في الطريق

سلمي…..لا خالص مش بعرف اصلا

ايمي……هتفضل صاحبه متقلقش الجزمه دي اللي كانت بتاخد كلبها في حضنها و تنام

سلامه…..طب ايه خلصتوا التوزيعات و انا والغلبانه دي اتنسينا ولا عشان خسرانين

رشيد….بضحك لا يا سيدي هنخليها علينا و انت اللي تختار يا تركوا معانا انا وايمي أو حسان وسلمي أو فضل و نعيمه

ليله…..ولا ممكن تركب هي وطلابها في عربيتي

ايه….بضحك اخص عليكي اسيبهم يعني

ليله…..والله ما يحصل

ايمي….و انا كنت مستجملتكي بالعافيه واحنا جاين لاستاذ ميلو الوقت بقوا اتنين ميلو و سلامه

سلامه…الله ينعل ابو سلامه علي اليوم الاسود اللي جه في سلامه

ضحكوا كلهم علي عصبيه سلامه اللي تضحك

رشيد…..بضحك بقولك ايه سيبك من عربيه ليله و ايمي خليكي معايا العربيه كبيره و هتبقوا براحتكم

ايه….والله مش بحبك من فراغ انا شايفين يا اندال بكره ارجع لعربيتي حبيبتي و مش هعبركم

ليله….احسن واحنا مش عايزينك تعبرينا اصلا هرتاح منك

ايه……لا والله علي الله بس موحشكوش من اول يوم

سلمي….بضحك لا مش هتوحشي اي حد فينا وانا عن نفسي مضطره اتحملك للاسف

ايه…..بكره ارجع لشغلي و كلابي و مش هعبركم و ابقي اشوف بقي مين اول واحد فيكم كلكم هوحشه

سلامه…لا لا سلمي معاها حق محدش هيعبرك ده احنا ما هنصدق يا شيخه

ايه…..انا اللي ما اصدق خصوصا مرتاح منك انت و بقولك ايه مش عايزه اعرفك تاني لما نرجع القاهره

سلامه…..يا شيخه احسن ده انتي صداع و زنانه ده انا ما هصدق امشي من وشك

رشيد….بضحك يويو سيبك منهم أنا هسأل عليكي و هجيلك كمان

ايه……قلبي والله انت

عسال….بابتسامه همس لنادين مالك يا عمري مصدعه و لا ايه

نادين…..لا مش مصدعه بس في رمل كتير في شعري

عسال…..رمل اكيد لما كنتي بتلعبي معاهم

نادين….ايوه بس انا نضفته و كان مليان اصلا بس لسه فيه

عسال….طيب براحه عشان مجرحش راسك

نادين…..هو اصلا عورني تقريباً

عسال…..هاتي ضهرك كده

لفت نادين ضهرها فك عسال التوكه و فضل يحرك أيده بهدوء

سلامه….بضحك لا حول ولا قوة الا بالله سبحانه الخالق القرده و بنتها انت بتفليها

عسال…..بضحك تصدق بالله والله هقوم اضربك

ليله….بضحك انت بتعمل ايه صحيح

عسال…..فيها رمل كتير و راسها متعوره

ليله….لسه فيكي تاني انا عايزه اعرف انتي كنتي نايمه علي الرمل ولا ايه

نادين….لا والله بس لما كنا نلعب في الرمل بعض كان مضايقني و كل شويه ارفعه و ايدي كان فيها رمل كتير

ايمي…..مش هيطلع غير بالسشوار يا نودي طيريه بالهواء

نعيمه……اصلا هو من كتر ما ضايقها فضلت تهرش كتير و عورت نفسها

سلامه……عارفه انتي عايزه ايه ؟

نادين….بضحك لا مش عايزه اعرف منك حاجه

سلامه…..بضحك والله مش بهزر فاكره الغاليه بتاعت زمان اللي كانوا بيطلعوا بيها الحشرات دي

نادين….بضحك الله يقرفك

ايمي…..بضحك طب والله عنده حق السنون بتاعها ضيقه و هتنزل الرمل

عشري…..يا شيخه حرام عليكي انتي وهي دي هتعورها اكتر

ليله…..ايوه هي اصلا عورت راسها خالص

عسال….بكره لو نزلتي المايه ابعدي خالص عن الرمل بقي

سلامه….مش معاكي بونيه

نادين….بضحك لا مش معايا يا سلامه بطلت سباحه

سلامه….بضحك طب علي فكره بتكلم جد هو البدنيه للسباحه بس

نادين….لا مش معايا ومش بحبه

سلامه….يا ستي احسن يارب بكره شعرك يتملي رمل اكتر اقولك انا هغرقك بالرمل

عسال….بابتسامه طيب جرب و اعملها

سلامه…..هتشوف و الله بكره لا انتقم منكم كلكم و هغرفكم بالرمل

ايمي….بضحك والله سلامه ده مسخره عامل زي العيل الصغير الرخم

حسان….طب بقولكم ايه خمسه هدوء كده و خلونا نتفرج علي فيلم عشان شويه كده و ننام و نصحي بدري ناخد اليوم من أوله بكره اخر يوم

فضل….اه شغلولنا فيلم حلو كده

ابتسموا البنات ابتسامه شر و طبعاً الشباب كانوا ملاحظين و فاهمين

فضل سلامه يقلب

سلامه…..باس حلو الفيلم الرعب ده

ايه…..ما بلاش رعب هي ناقصه

سلامه….ايه بتخافي يا خوافه

نادين….بابتسامه ممكن يا سلامه بلاش رعب

سلامه….بضحك انتي تسكتي خالص ده انا مش طايقك انتي و عسال

عسال….بضحك سيبك منه ده عبيط و الفيلم اعبط منه

عشري……انت يا عم الرغاي اهدي النور ده بقي شويه

سلامه….بس كده يا راعي الغنم هخليهالك سينما الوقت

حدفوا عشري بزجاجه الميه و هو بيضحك

عشري….ابو رخامتك يا جدع

قعدوا كلهم جنب بعض و بدأوا يعملوا نفسهم مندمجين مع الفيلم

البنات بتلعب عليهم و هما بيلعبوا علي البنات

رجع رشيد راسه لوراء اول واحد و غمز لعشري

ابتسم عشري و هز رأسه بهدوء و شويه و هو كمان عمل زيه

و بدأ الشباب هما كمان واحد وراء التاني يعملوا نفسهم نايمين بصت ليله علي عشري بابتسامه و بعدين بصت للبنات بهدوء و ابتسموا كلهم

و بدأوا يعملوا بعض بالاشاره

ايمي……استنوا شويه كمان

ليله……يروحوا في النوم اكتر

فضلوا مستنين عشر دقايق

قامت ليله اول واحده من جنب عشري و وقفت بعيد تشاورلهم واحده و راء التانيه عشان يقوموا

قاموا البنات كلهم بهدوء و وقفوا جنب بعض فطسانين من الضحك

نادين….انا خايفه ميدو هيصحي

ليله…لا لا براحه و اللي يرسم يخف أيده عشان الباقي ميصحاش

سلمي….طيب بقولكم ايه واحده واحده ترسم

نعيمه…..لا كلنا مع بعض عشان لو حد صحي هيصحي الباقي

ايمي….طيب يلا بلاش رغي خلينا نطلع نجيب الميك اب

ليله….بضحك لا بقولك ايه مش لدرجه ميك اب هو روچ و نرسم وشهم بيه

ايمي…..طيب يلا بسرعه

طلعوا البنات جري علي فوق و هما بيحاولوا ميعملوش صوت

قام الشباب بسرعه و هما بيضحكوا بصوت واطي

فضل…..بقول ايه محدش يضحك أو يعمل صوت

عشري…..ده هنفخك يا ليله

رشيد….ناموا زي ما كنتوا يلا

رجعوا تاني الشباب بسرعه عملوا نفسهم نايمين

دقايق و نزلوا البنات يتسحبوا علي السلم و هما فطسانين من الضحك

ليله…..يلا كل واحده فيكم تروح بسرعه قدامهم و براحه ماشي

سلمي….بضحك انا خايفه

نعيمه…..بضحك و انا كمان بصي احنا ترسم و نجري علي فوق ولو حد فيهم صحي و اتقفشنا نجري علي بره اتفقنا

سلمي…..بضحك ربنا يستر

ايمي….يلا أخلصوا

ايه……ده انا هلعب في وشك البخت يا سلامه استني عليا

قربوا البنات وكل بنت فيهم و قفت قدام شاب نادين رجع وراء الكنبه عشان لو حست أن عسال صحي تستخبي تحت بسرعه عشان نومه خفيف

ادتهم ليله الاشاره و هي بتضحك و بدأوا كلهم يرسموا بالروچ علي وشهم

و للحديث بقيه…