جاسمين

رواية
چاسمين
أميرهاسامه
صاحبةالبطل الواحد
فتجدهم حيارى مضطربين ليسوا على يقين من أمرهم
البارت الثالث
فتحت بيري التلفزيون و قعدت قدامي عشان تضيع وقت و تلاقي حاجه تسليها بعد ما موبايلها وقع فضلت تقلب في القنوات لحد ما شافت اول حلقه في برنامج سهر بيبدأ.
بسرعه ابتسمت
بيري…ياروحي عليكي يا سهر زي القمر.
ركزت في الحقله وبدأت تتفرج.
سهر… مساء الخير عليكم جميعا و حشتوني جدا جدا طال الغياب و لكن اخيرا رجعنا اهلا بيكم في الموسم التاني من برنامجكم المفضل بدون تخد…..ير
اللي ييناقش ديما اهم و اغرب القضا……يا اللي بتحصل حوالينا
خلينا انهارده نبـ,ـعد شويه عن قضايا الشارع و الوطن العربي و الكلام في السياسه و نتكلم عن موضوع مهم مش كتير مننا بيهتم بيه وهو البيوت..
واللي بيحصل جوه البيوت احنا عارفين طبعا ان كل بيت مش بس في مصر في العالم كل بيت مقفول عليه الباب بتاعه و محدش فينا يعرف ايه اللي بيحصل جوه البيت ده.
يمكن في مشاكل اغلبنا بنتشارك فيها و مفيش بيت تقرببا بيكون خالي منها يعني ظروف المعيشه وغلاء الاسعار و روتين الحياه و مشاكل الحياه الزوجيه من خېانه لشك لنقار بين الزوجين طول الوقت للاعباء و المسؤوليات بتاعت الابناء
كل دي مشاكل محدش فينا ممكن يختلف عليها وكلنا بنواجهها بس ديما وراء كل باب حكايه زي ما بيقولوا في بيوت فيها مشاكل غريبه وجديده و مش منتشره بنسمع عنها لاول مره واحيانا من كتر ما هي غريبه بنتصدم و بنقول لا مستحيل تحصل و في بيوت فيها اسرار و مصايب و في بيوت فيها حكايات اغرب من الخيال خلينا انهارده نسمع منكم اغرب المشاكل اللي بنواجهها جوه بيتنا هنحاول نحلها مع بعض علي قد ما نقدر.
هنروح لاول فاصل اعلاني و نستقبل تليفوناتكم بعد الفاصل كونوا بالقرب
ابتسمت بيري و قامت بهدوء من مكانها راحت وقفت وراء الشباك سحبت الستاره شويه عشان تشوف لو في اي حد واقف مكانش في اي حاجه غريبه عربيات ماشيه وناس بتروح وتيجي شباب بتجري حوالين المكان و شباب راكبه عجل و بيمارسوا رياضتهم اليوميه.
قفلت الستاره زي ما كانت وراحت علي المطبخ جابت كوبايه مايه ورجعت تاني قعدت تستني البرنامج.
دقايق بسيطه ورجعت سهر مره تانيه.
سهر… رجعنا تاني معاكم و بفكركم ان موضوع انهارده هو المشاكل الغريبه اللي جوه بيوتنا و اللي احنا شايفين من وجهه نظرنا انها ملهاش حل و معانا اول اتصال تليفوني ونقول الو اهلا بيكي يا كاميليا.
كاميليا…استاذه سهر اهلا بحضرتك
سهر…اهلا بيكي انتي
كاميليا….منوره الشاشه
سهر…يا روحي ده نورك انتي
كاميليا…بجد كنا مفتقدينك جدا وطول الفتره اللي فاتت كنت بعيد وازيد في الحلقات القديمه
سهر…يا عمري تسلمي يارب اديني. رجعتلكم من تاني.
كاميليا….نورتي مكانك يا احلي سهر.
سهر….تسلميلي يارب ها يلا قولي ايه مشكلتك
كاميليا…. بصي هي مشكله تخص بنتي بس انا مش عارفه اذا كانت المشكله دي غريبه و لا هي مشكله عاديه و انا اللي مكبره الموضوع زي ما والدها بيقول.
سهر…شوفي من وجهه نظري الشخصيه ادام الحاجه دي لفتت نظرك لدرجة انك تشوفيها مشكله فا هي اكيد مشكله وانتي مش مكبره الموضوع ولا حاجه
كاميليا… هو ده اللي بحاول اقوله خصوصا ان انا عندي 3 ولاد و مكه ترتيبها التاني ابني الكبير عنده 13 سنه يعني انا مش حديثه الامومه
سهر…طيب ايه مشكلة مكه
كاميليا… مكه مش انطوائيه خالص بالعكس هي اجتماعيه جدا الناس كلها بتحبها ليها اصحاب كتير في المدرسه والتنارين والدروس زي ما بيقولوا كده بالبلدي تعرف طوب الارض
سهر…جميل جدا
كاميليا…. بس من فتره كده يعني من حوالي سنه كل ما بدخل علي مكه وهي قاعده لوحدها الاقيها بتتكلم مع نفسها
سهر…طيب وفين المشكله كلنا اوقات كتير بنتكلم مع نفسنا ومش بس بنكلم نفسنا لو مضايقين انا عن نفسي اوقات كتير بتكلم مع نفسي وانا في قمة سعادتي.
كاميليا…طبعا انا كمان طول الوقت بتكلم مع نفسي لو في حاجه مضيقاني لو في حاجه مفرحاني لو حاسه اني مضعوطه بتحصل عادي
سهر….طيب قوليلي يا كاميليا ايه اغرب حاجه في كلام مكه مع نفسها خلاكي تقفي و تقولي لا في حاجه غريبه يعني ايه اللي سمعتيه منها يخليكي تحسي بده.
كاميليا… هو ده بقي بصي اوقات كنت ادخل عليها والاقيها تتكلم مع نفسها تحكي حكايه و تتكلم وبعدين بدأت اسمها يعني مثلا تقول سيناريو كامل لحكايه او مشكله و ترد علي نفسها بمعني انها مثلا تتكلم بعصبيه و كأنها بتوجه كلامها لشخص وتستني شويه و تقوم بدور الشخص اللي اتسأل و ترد علي السؤال.
بردوا موقفتش هنا اوي عند النقطه دي و قولت عادي لكن انا بدأت استغرب من الكلام اللي هي بتقوله يعني الكلام نفسه يا سهر غريب بالنسبه لطفله عندها 10 سنين.
سهر…زي ايه يا كاميليا.
كاميليا….يعني مثلا في مره سمعتها بتتكلم عن الحجاب بتسأل المفروض الشخص اللي هيرد عليها واللي قايمه بدوره بردوا هو انتي مش ناويه تتحجبي فا سكتت وردت مش عارفه انا بفكر فا سالت تاني طيب وليه بتفكري يا تتحجبي يا متتحجبيش فا ردت بعد شويه و قالت لاني ديما بسال نفسي الحجاب ده صح ولا غلط وليه هو فرض علينا اصلا فا سكتت وقالت عشان ربنا قال كده انه حرام نمشي بشعرنا فا سكتت تاني والمفروض ان اللي بترد عليها ترد فقالت ولما ربنا قال كده ليه خلقنا بشعر ادام هنغطيه
بصي يا سهر انا عاره ان الاطفال احيانا بتسأل اسئله منطقيه و في اوقات احنا كا اباء من صدمة السرال مش بنعرف نرد
سهر…احنا نفسنا يا كميليا اوقات عقلنا بيخلينا نسال اسئله غير منطقيه
كاميليا…. كنت لسه هقولك احنا كمان اوقات لنفكر في اسئله غريبه بصي علي قد ما بستغرب كلامها علي قد ما بحاول اديها مبرر انها طفله و بتكتشف كل حاجه وعايزه تعرف وتتكلم في كل حاجه بس صدقيني انا كلامها مع نفسها مضايقني
مشكلتي لحد الوقت يا سهر مش في كل اللي قولته مشكلتي الحقيقيه ان من حوالي اربع شهور بالظبط بدأت اسمع مكه بتتكلم مع نفسها و بس يعني تسأل سؤال وتسكت بس لما ترجع تتكلم انتي من كلامها تفهمي ان كان في رد علي سؤالها.
كاميليا….اه تقصدي ان اسلوب الرد يبين ان كان حد رد عليها.
كاميليا….بالظبط زي ما اكون قاعده جنبك ومعايا تليفون انا بتكلم و انتي مش سامعه اللي بيكلمني بس اوقات بتفهمي الحوار اللي بتكلم فيه وبتخمني الرد من كلامي وردي علي اللي معايا في التليفون.
سهر….اه فهمتك وصلت طيب هل يا كاميليا انتي مثلا قبل الاربع شهور دول اتكلمتي مع مكه وعرفيتها انك بتسمعيها وهي بتتكلم وترد علي نفسها
كاميليا….اه حصل و كان قدام اخوها الكبير والمشكله انه فضل يضحك ويتريب عليها.
سهر…طيب يعني هي حاولت تخفي جزء من اللي بتعمله عشان حصل سهريه منها.
كاميليا…. هو باباها قالي كده فعلا بس كمان شوفت حاجه غريبه مكه كانت بتكتب الرد علي ورق في كشكول
—
مخبياه وسط كتب مدرستها لما شوفت اللي هي كتباه افتكرت الحوارات اللي كانت بتكتبها انا قعدت واتكلمت معاها لوحدنا عشان متضايقش وعشان لو حابه تقولي حاجه متتحرجش سالتها انتي نضايقه حد مزعلك ليه بتتكلمي مع نفسك طيب اتكلمي معايا مع بابا مع اخواتك او صحابك
قالتلي حاجه غريبه مش قادره اتخطاها يا سهر.
سهر….بهدوء قالتلك ان حد بيرد عليها
كاميليا….حصل عرفتي ازاي
سهر…بصي يا كامليا كل الاي قولتيه فوق عادي و هقولك انها طفله ومفيش مشكله السن ده كده انها تتكلم تحكي مع نفسها ترد تعمل حوارات و تخترع مشاكل تتكلم كلام اكبر من سنها لكن لما تعرفي من الطفل انه سامع صوت او حاسس ان في حد بيرد عليه هنا لازم في اقرب وقت تعملي زياره لدكتور نفسي
كاميليا….بمعني
سهر….بمعني ان كده دخلنا في جزء مش طبيعي و مينفعش نسكت عليه او نسال الناس اللي حوالينا لان محدش فينا هيفدك لازم استشاره طبيه
كاميليا….بصي هو احنا الحمد لله مفيش في البيت مشاكل غير اللي هو اقل من الطبيعي مفيش ضغوط مفيش اي حاجه تخليها تكون كده بالعكس بنخرج ونتفسح وبنشارك في انشطه كتير بتتمرن و شاطره جدا في الدراسه بابا مدلعها جدا لانها بنوته وحيده و طبعا انا لاني مش معايا بنات غيرها فا الحياه جميله
سهر….مش شرط يمكن عندها مشكله هي نفسها مش قادره تعبر عنها لازم استشاره طبيه عشان لو بدأت بهلوسه الموضوع ممكن يكبر وتوصل لفصام
كاميليا…. فهمتك يا سهر
سهر …متهمليش روحي واطمني واكيد اكيد هتلاقي حل لمشكلتها.
كاميليا….حييبتي يا سهر بجد شكرا ليكي اوي و معلش طولت عليكي.
سهر…لا خالص انتي نورتيني مع السلامه حبيبتي
كاميليا….الله يسلمك يا سهر باي
سهر… احممم طبعا زي ما اتعودنا هنرجع نناقش كل موضوع اتطرح في اخر جزء من الحلقه عشان نقدر نستقبل اكبر عدد اتصال وخلينا الوقت نقول الو
يا ناديه.
ردت عليها ست من صوتها واضح ان سنها كبير لكن طريقتها بطول انها راقيه جدا..
ناديه….الووو
سهر….ايوه يا ست الكل سمعاكي
ناديه…يا حبيبة قلبي منوره الدنيا كلها حمدالله علي سلامتك يا جميله.
سهر….بابتسامه ياروحي الله يسلمك يارب عامله ايه يا ست الكل
ناديه…بخير يا بنتي الحمد لله معلش بقي انا هطول عليكر شويه استحميليني.
سهر…دي الحلقه كلها فداكي.
ناديه….متحرمش من ذوقك يا بنتي بصي يا سهر انا عندي بنتين الصغيره في اخر سنه في الجامعه و الكبيره خلصت السنه اللي فاتت و مخطوبه لشاب محترم وابن حلال
سهر…جميل ربنا يتمملهم بخير
ناديه….انا مشكلتي يا سهر مع البنت الصغيره هي كمان بتحب شاب اكبر منها بسنه انا وبناتي صحاب وهما بيحكولي كل حاجه وهي اللي جات صارحتني بحبها
سهر….طيب جميل اوي فين بقي المشكله
ناديه… بصي انا ام يا سهر و أي ام في الدنيا مينفعش تشككي في احساسها تجاه ولادها ابدا
سهر…طبعا ده اكيد
ناديه….اول ما اتعرفت علي الولد ده كانت مبسوطه وباين عليها انها بتحبه اوي اتعرفت علي الولد يا سهر باين عليه انه ابن ناس جدا ومن عيله راقيه لما تشوفيه تحسي انه خجول وهادي و مش بيتكلم كلمتين علي بعض
قولت الحمد لله مكانش في اي مشكله اول كام شهر بعد ما عرفتني عليه بس بعد كده بدأت احس ان بنتي متغيره مش هي دي بنتي اسلوبها متغير طريقه تفكيرها متغيره حتي كلامها مع اختها متغيره
سهر…متغيره بمعني ايه طباعها يعني معاكم في البيت
ناديه….لا خالص بس افكارها يا سهر بقت غريبه و كلامها اغرب حتي اهتمامتها و الحجات اللي بتحبها اتغيرت طريقة لبسها المزيكا اللي بتحب تسمعها كل حاجه
سهر….طيب انا لحد الوقت مش فاهمه ممكن توضيح اكتر.
ناديه…يعني مثلا بنتي كانت عاشقه للألوان في لبسها الوقت اغلب لبسها بقي اسود او غامق كانت بتحب تسمع تامر حسني و حماقي و عمرو دياب و بتتبسط اوي لما حد فيهم يعمل حفله بتروح الوقت كل ده اتغير المزيكا اختلفت وراحت شويه مع الاتجاه الغربي بتسمع ناس غريبه زي الفرقه بتاعت bts و تراڤيل اسكوت بتروح مع اي موسيقي عاليه مهيبره والمشكله ان الناس دي كلنا او خلينا نقول اغلبنا عارفين انتمائتهم كويس اوي الغريب يا سهر انها مش بتسمع اي اغنيه ليهم دي في اغاني معينه معلقه معاهم و لما بدأت اشوف الاغاني دي و اجيب ترجمتها اټصدمت و هنا فهمت ان بنتي رايحه في طريق مفيش منه رجوع.
بقت تتكلم مع اختها في مواضيع خطيره علي سنه و غريبه علي مجتمعنا اتكلمت معاها كذا مره
بتسمعني و تحسي انها مهتمه جدا بنصايحي ليها بس زي ما تقولي كده بتاخدني علي قد عقلي و عملت حاجه لاول مره في حياتي اعملها مع ولادي مسكت موبايلها وهي نايمه و مش هكدب عليكي بدأت افتش فيه و هنا انا اټصدمت يا سهر.
سهر….بدأت تفهم لكن سابتها تكمل شوفتي ايه
ناديه….شوفت الشات اللي بينها وبين الشاب اللي بتحبه اتفاقتهم الغريبه كلامهم ومعتقادتهم شوفت انه مسيطر علي عقل بنتي جدا لاقيته باعت كام لينك ليها علي الفيس بوك و كنت اول مره اعرف الحساب بتاعه دخلت وشوف كمية البيدچات الغريبه اللي هو مشترك فيها الڤديوهات اللي موجوده عنده حتي الناس اللي ضايفهم كلهم شكلهم يقبض نفس استايل لبس بنتي اللي بقت تلبسه نفس الموسيقي وتقريبا نفس الكلام الغريب اللي بتقوله هما كمان بيقولوا و لفت نظري صور و رموز بنتي حطاهم خلفيه علي موبايلها و علي حالة الواتس
لاقيته كمان مدخلها في جروبات سريه مع ناس تشبههم بيتكلموا عن يوم معين هيتجمعوا فيه و اليوم ده هيبقي بداية حياة جديده و انهم ينسوا حياتهم القديمه خالص بكل الناس اللي فيها و يعتبروا نفسهم بيتولدوا من اليوم دهانا قلبي وقتها اتقبض يا سهر مبقتش بعمل حاجه غير اني بعيط و مڼهاره ومش عارفه اتصرف انا لحد الوقت محصلش بيني وبينها مواجهه بس انا بنتي بتضيع مني ومش عارفه اتصرف ازاي يا سهر
سهر…اولا بطلي عياط و قوليلي يا ست الكل هي من امته بالظبط و بدأت تتغير كده
ناديه….يعني من حوالي سبع شهور بس في البدايه مكنتش مهتمه بلبسها وبكل الحجات دي مكدبش عليكي بس انا ام و قلبي كان مش متطمن و بدأت اركز معاها اكتر من حوالي ثلاث شهور و عرفت كل الحجات دي من حوالي اسبوعين بس
سهر….انتي عارفه بنتك رايحه في انهي طريق صح ولا لسه مش فاهمه
ناديه….المصېبه اني فاهمه يا سهر و مش قادره استوعب و لا اصدق حاسه اني في كابوس
ومش عارفه اعمل ايه اكلم مين ابدأ منين مش عايزه بنتي تضيع مني يا سهر.
سهر….انا قولت في بدايه الحلقه ان البيوت فيها مصايب مقفوله عليها و الحقيقه ان مشكلتك متخيلتش انها تتفتح في حلقه معايا دي كارثه انا كل اللي اقدر انصحك بيه حاليا انك تقربي منها علي قد ما تقدري تتكلمي معاها كتير تحاولي تشاركيها في كل حاجه بتعملها تحاولي تشغلي وقتها عشان علي قد ما تقدر متتواصلش
—
مع الشاب ده كتير يعني علي قد ما تقدري ضيقي وقتها عليها من غير ما تحسسيها پخنقه و لا تحسسيها انك قاصده ده و الاهم من كل ده تلجأي معاها لطريق الدين لازم حد عنده خبره وقادر انه يستوعب المشكله بتاعتها و يقدر يسيطر علي عقلها بسرعه انتي بتقولي انها اتغيرت من كام شهر يعني بنتك تتلحق والاهم انها لسه معاكي وفي حضنك الحقيها في اسرع وقت قبل ما تصحي من النوم تلاقيها اختفت الناس دي مسيطره علي العالم علي شعوب ورؤساء الناس دي هي اللي بتحرك العالم اوعي تفكري ان رؤساء الدول بحكوماتهم هما اللي ماسكين بلادنا لا خالص الناس دي هي اللي بتحرك كل حاجه بكلمه منهم هي اللي مسيطره و متحكمه فهماني
ناديه…فهماكي
سهر…اتحركي بسرعه وانا هاخد رقمك واتابع معاكي شخصيا و هنشوف ابه اللي هيحصل
ناديه…مش عارفه اشكرك ازاي انا ارتحت اوي لما اتكلمت معاكي
سهر…انا تحت امرك طبعا قضيتك مع بنتك هي قضيتنا كلنا و ان شاء الله هتقدري انا واثقه.
ناديه…يارب ادعيلي يا سهر انا طولت عليكي اوي معلش
سهر…تحت امرك في اي وقت اكيد هتواصل معاكي.
ناديه…ان شاء الله مع السلامه
سهر…مع السلامه.
خدت سهر نفس طويل و بصت للشاشه
سهر…خلوا بالكم من ولادكم وركزوا معاهم اعرفوا اهتمامتهم و الحاجه اللي بيتابعوها احنا بقينا واقفين فوق الڼار اللي هيغفل عن ولاده لحظه هيخسرهم للأبد من بداية ما الطفل يمسك موبايل لحد سن المراهقه التأثير علي عقول الاعمار دي تأثير قوي خدوا بالكم من الكارتون اللي الولاد بيتفرجوا عليه خدوا بالكم من الموسيقي اللي بيسمعوها خدوا بالكم من طريقه لبسهم و انضمامهم للفرق العالميه اللي انتشرت اوي
بصفتك ام وبصفتك اب اوعوا تفكروا ان مسؤوليتكم تجاه ولادكم في الزمن ده هي اكل وشرب ولبس و فسح وتحقيق امنيات واحلام و تعليم و تمارين لا خالص. دوركم مش بيخلص لو كل ده حققتوا انتوا دوركم اكبر من كده بكتير دوركم تربوا صح تركزوا مع ولادكم تقربوا منهم تتكلموا معاهم تعرفوا بيكلموا مين بيصاحبوا مين قريبين من مين و لازم تعرفوا حاجه مهمه اوي اكتر حد ولادكم ديما هيجبوا سيرته في اي كلام حتي لو مفيش داعي لذكره تعرفوا ان الشخص ده مسيطر علي عقل ولادكم دوروا وراء اي حد ولادكم ديما يتكلموا عليه بمناسبه و من غير مناسبه و انا قريب هعمل حلقه كامله عن الموضوع ده ربنا يحفظ اولادكم جميعا و يبعد عننا العقائد و الافكار اللي بقت عامله زي السړطان اللي بيتفشي في مجتماعتنا من غير ما نحس.
اشوفكم علي خير كونوا بالقرب.
………..
خلصت حلقة سهر ابتسمت بيري و فضلت تحول في التلفزيون بملل مكانتش لاقيه حاجه تتفرج عليها جابت فيلم وقعدت قدامه
صحيت سهر من النوم علي صوت موبايلها بصت علي الموبايل لمحت اسم ملك.
سهر…الووو ايوه يا ملوكه صباح الخير.
ملك…بقلق صباح الخير يا سهر
فوقي كده عشان عيزاكي ضروري.
سهر…في ايه يا ملك مالك
ملك…انتي كلمتي مريم او بيري
سهر…لا انا كنت نايمه صحيت علي تليفونك في حاجه ولا ايه
ملك…انا لسه قافله مع مريم بيري مرجعتش من امبارح
قامت سهر من علي السرير بلهفه ايه يعني ايه مرجعتش
ملك….مريم اتصلت عليا ولسه قافله معايا الوقت كانت بتسألني عن بيري لو اعرف عنها حاجه فكراها عندي او عندك و احنا مخبيين و عايزه تطمن عليها
سهر….لا والله مش عندي انا قولتلك من امبارح موبايلها مقفول خلصت الحلقه واول ما روحت قولت اكلمها واعرف عملت ايه في الحفله.
ملك…انا كمان مكنتش مركزه امبارح خالص و لا حتي علقت في انها مشيت وسابتنا
سهر…طيب مريم مقالتلكيش اي حاجه خالص.
ملك…ما انا هقولك قالتلي طبعا خالد راح عندهم بليل و كان قالب الدنيا و بيدور عليها و قالب عليها الدنيا و كمان راسه مفتوحه قال ان بيري ضړبته
سهر…يا نهار اسود انتي بتقولي ايه عمل فيها ايه الحيوان ده عشان تعمل فيه كده.
ملك….اللي فهمته من مريم انه قال انه شافها بتتكلم مع حمزه و شكلها حنت ليه فا هو كان غيران عليها حاول يتكلم معاها ويعرفها انه بيحبها وانه غيران عليها الكلام معجبش بيري شدوا شويه في الكلام و بعدين ضړبته علي راسه و مشيت.
سهر….لا طبعا مستحيل في حاجه غلط دي بيري مش طايقه حمزه و لا طايقه سيرته بعد اللي عمله معاها.
ملك…ما هو ده اللي انا مستغرباه ومش قادره اصدقه بصراحه امبارح بيري اول ما شافت حمزه كانت علي اخرها و هاين عليها تخفيه من الدنيا كلها و انا قولتلها سيبك منه و متركزيش معاه عشان يومك ميتقفلش فا مستحيل اصدق انها حنت ليه والكلام العبيط ده.
سهر….بالظبط خالد بيكدب اكيد في حاجه تانيه هو مخبيها انا الشخصيه دي عمري ما صدقتها
ملك…في حاجه كمان
سهر…حاجه ايه تاني
ملك….مريم بتقول ان بعد ما خالد مشي هي مكانتش مركزه فا نامت هي و مازن من التعب بس لما صحيوا من شويه سمعت مامتها بتتكلم مع باباها وعرفت من كلامهم ان بيري اتصلت عليهم عشان تطمنهم عليها و تحكيلهم اللي حصل معاها و طبعا طنط فاتن مصدقتهاش و اتهمتها انها كدابه وبتقول كده عشان تلاقي حجه تخلص بيها من خالد بأي طريقه.
سهر….طيب وعرفت بيري قالتلهم ايه
ملك…اه قالتلهم انها كانت تعبانه وحاسه انها دايخه و ان خالد استغل تعبها و حاول يقرب منها فا ضړبته علي راسه و جريت لقت في وشها حمزه فكرته هيساعدها مسك فيها بالعافيه قامت ضړبته هو كمان وهربت و طبعا لما طنط فاتن اتكلمت معاها بالاسلوب ده خاڤت وقالتلها انها مش هترجع الا لو خالد خرج من حياتهم خالص.
سهر…شوفتي قولتلك انه كداب واكيد وراه مصېبه و طبعا اللي بيري قالته هو الحقيقه انا عارفه بيري كويس مستحيل تكدب.
ملك….طيب قوليلي هنعمل ايه الوقت انا هتجنن ومش عارفه اوصل لبيري لان موبايلها وقع وهي بتجري و خالد لقاه.
سهر ..يا نهار اسود انا مش عارفه دماغي واقفه ياتري بيري فين اكيد خاڤت تيجي عندي او عندك عشان عارفه ان خالد و اهلها هيدورا عليها عندنا.
ملك…بالظبط اذا كانت خاڤت تروح علي بيتها
سهر….واكيد كمان الحاله اللي كنتي فيها امبارح انتي و مريم ومازن وامجد مش صدفه ده مش بعيد يكون شربكم حاجه عشان يقدر يستفرد بيها.
ملك….لما مريم حكيتلي دي اول حاجه جات في بالي انتي عارفه ان محدش فينا ليه في الشرب و الكلام ده حتي امجد ومازن مش جوهم و زي ما انتي بتقولي مش صدفه و اكيد كمان بيري اتحطلها حاجه لان اللي فهمته انها كانت تعبانه ودايخه
سهر….تبقي مصېبه لو عمل فيها حاجه والله اشرب من دمه
ملك…اكيد لا لو كان ده حصل بيري كانت قالتلهم هي قالت انها ضر….بتهم وهر…بت يعني معملش معاها حاجه ودي اكتر حاجه مطمناني.
سهر….انا هوريه الحيوان ده وديني لا هروحله وافرج عليه الدنيا.
ملك…سهر بلاش جنان انا وانتي عارفين خالد كويس لو هيعمل حساب لبابي
—
عشان الشغل بينهم و العلاقه اللي بين بباه وبابي مش هيعملك انتي خالص هو اصلا حاطتك في دماغه
سهر…يتحرق بجاز خليه يحطني اكتر مش فارقه.
ملك…سهر لازم نفكر بهدوء خالد مؤ……..ذي ومستبيع و مش بيهمه اي حاجه لو مش عشانك عشان طنط امل اهدي و خلينا نفكر في طريقه نوصل بيها لبيري
سهر….انتي عارفه اني مش بيهمني اي حاجه و لو هو شايف انه فوق القانون فا انا معنديش حاجه اخسرها بس المهم الوقت زي ما قولتي ازاي هنوصل لبيري وهي مش معاها تليفون
ملك…مش عارفه انا اكتر حاجه مطمناني الوقت انها بخير و حاسه انها في امان.
سهر…امان ازاي بس يا ملك وهي مش معانا ولا نعرف عنها حاجه ملك انتي عارفه كويس اوي انكم مش مجرد صحاب انتوا حته مني اخواتي اللي ربنا عوضني بيهم بعد مۏت سالي اختي الله يرحمها انتوا كنتوا بالنسبالي انتوا التلاته اخواتي الصغيرين
سالي راحت مني يا ملك و معنديش استعداد اخسر حد فيكم تاني لاني مش هتحمل ده.
ملك…الله يرحمها بعد الشړ عليكي متقلقيش احنا بخير وبيري هتبقي بخير ان شاء الله تكلمنا او تحاول توصلنا.
سهر….هتكلمنا ازاي هي حافظه رقمها عشان تحفظ ارقامنا ده كويس اوي انها افتكرت رقم اهلها وطمنتهم و بعدين لازم تعرفي انها مش هتوصلنا هي عارفه كويس ان خالد اكيد مخلي رجالته حوالينا كلنا عشان لو جات لواحده فينا.
ملك…طيب والعمل هنعمل ايه
سهر….مش عارفه انا لسه مش قادره افكر خليني كده افوق و اشوف المهم اني اكيد مش هفضل قاعده وحاطه ايدي علي خدي
ملك…طيب فوقي كده و كلميني و لو فاضيه ممكن نتقابل و نفكر سوا.
سهر…طيب شويه و هكلمك و نشوف هنعمل ايه
ملك….سهر عشان خاطري بلاش اي تصرف مچنون خلينا نتقابل الاول.
سهر…ماشي يا ملك متقلقيش يلا شويه وهكلمك باي.
ملك…باي يا روحي.
…………
وصل فريد وبلال قدام الصاله ركن عربيته و بص لبلال اللي كان مكشر و مش طايق نفسه.
فريد…انت هتفضل قالب وشك كده
بلال…ما انا لو اتكلمت هتزعل
فريد…و دي اول مره لا اتكلم
بلال…انا بس نفسي افهم حاجه انت بتدور علي المصاېب وتحط نفسك فيها ليه هو انت ناقص يا فريد بجد مش كفايه القلق اللي انت عايش فيه مش كفايه القلق اللي انا عايش فيه عشانك
فريد…ومين جاب سيرة القلق بس والمصاېب و بعدين يا سيدي لو انت حاسس انك عايش في قلق بسببي قولتهالك كتير وهقولهالك تاني ابعد عني يا بلال انا سكتي كلها ضلمه ارجع لاهلك سافر و خليك معاهم و وسطهم حياتي خطړ عليك
بلال….اولا انا قولت عايش في قلق عشانك مش بسببك ودي تفرق كتير يا صاحبي و لو علي كلامك في اني ابعد عنك دي مش هتحصل الا علي چثتي انا معاك للمۏت يا فريد وانت عارف كده كويس.
فريد…ماشي يا سيدي ايه مشكلتك انت الوقت انا حكيتلك الحكايه وقولتلك علي اللي حصل يعني انا لا دورت علي مشاكل ولا رميت روحي في مصېبه كل الحكايه اني ساعدت البنت و اتأكدت بنفسي انها صادقه ومش بتكدب خاصتا بعد ما سمعت مكالمتها مع ابوها وامها البنت محتاجه حد يكون جنبها و بعدين حتي لو كانت طلعت فعلا سارقه زي ما قال و عامله مصېبه انت عارف كويس اني مكتتش هسلمها ليه و لرجالته و كنت هسلمها بنفسي للشرطه عشان احنا دولة قانون مش بلطجه.
بلال…. ماهو ده اللي هيجنني عشان عارف دماغك كويس.
فريد…طب لما انت عارف دماغي كويس بترغي كتير ليه و مصدعني وقالب خلقتك
بلال…عشان خاېف عليك يا صاحبي انت حمل مصېبه جديده في حياتك كلامك بيقول ان الواد ده واصل و اكيد مش هيسكت ومش بعيد يحطك في دماغه عشان طريقتك معاه.
فريد….يبقي دخل الڼار برجليه يا صاحبي هو انت مش عارفني ولا ايه زي ما حياتي كلها مخاطر يا بلال انا كمان خطړ علي اي حد يفكر يقرب مني روق كده و عايزك تهدأ و تشيل البنت من دماغك اعتبرها ضيفه لحد ما نوصلها بأيدنا لبر الامان وقتها اوعدك يا سيدي ان حكايتها معايا هتخلص بمجرد ما تمشي
وترجع لأهلها تمام قولي بقي مش ناوي تفطرني انا جعان
بلال….بنظره ڠضب ما انا حضرتلك الفطار و سيبته للاموره
فريد…بابتسامه بسيطه اااه قول كده بقي انت عامل كل ده ومش طايق البنت عشان مقدرتش تمارس عليا سلطتك بتاعت كل يوم و تفطرني بالعافيه.
بلال….صراحه اه و عيني في الاكل كمان مين دي عشان تاخد فطارك منك
فريد…بابتسامه عارف يا بلال بتفكرني بالام اللي بتغصب علي ابنها كل يوم يفطر قبل ما يروح مدرسته انا مش عارف بصراحه انا مستحملك علي ايه
بلال…بحب مستحملني عشان عارف اني بحبك و بخاف عليك اه انا يمكن اصغر منك بسنه بس في اوقات كده بحس انك مسؤول مني رغم اني بحس ان انت اللي مسؤول عني و عن اي حد قريب منك الا اني في النقطه دي بالذات مبقدرش اتحكم في نفسي عشان عارف ان انت اخر حاجه ممكن تفكر فيها نفسك يا فريد.
فريد…بحب ربنا يخليك ليا يا بلال انا عارف ومتأكد من حبك ليا زي ما انا عارف انك متأكد من حبي ليك احنا مش عشرة يوم احنا عشرة سنين يا صاحبي يمكن كمان الواد ياسر اه هو معرفة اربع سنين بس وقفته معايا الثلاث سنين اللي فاتوا بعد الحاډثه قربتني منه و عرفتني انه جدع وبيحبني من قلبه.
بلال…ياسر جدع وابن حلال
فريد..ااااه بس ده ميمنعش اني افكرك انه ميعرفش حرف عن اللي حصل لانه ميفرقش عنك كتير و هيصدعني لو عرف حكاية البنت انت عارف انه موسوس وبيقلق بسرعه
بلاا….من ناحيتي مش هتكلم بس افرض طب عليك في البيت في اي لحظه.
فريد…سيبها عليا انا هتصرف و هحلها بطريقتي و مش هخليه يلاحظ اي حاجه و بعدين هو عمره ما جالي من غير ما يعرفني ولو حصل واتقابل معاك و انت جاي عندي حاول انت تسيطر علي الموقف و متخليهوش يجي
بلال….تمام يا فريد يلا خلينا ندخل نشوف شغلنا بس الاول افطرك.
ابتسم فريد وهو راسه بقلة حيله ودخلوا مع بعض علي الصاله.
نزلت ملك بعد ما قفات مع سهر عشان تفطر مع اهلها
والدها كان قاعد هو و والدتها و امجد.
ملك….صباحي الخير يا بابي.
رأفت…صباح الفل يا عيون بابي.
ملك…صباح الخير يا مامي
هناء….صباح النور يا روحي يلا اقعدي عشان تفطري
ملك…حاضر
قعدت ملك جنب والدتها و قدام امجد وبدأت تفطر بس كان باين عليها التوتر.
هناء….يلا ياروحي افطري كويس و يكون في علمك مش هتقومي من غير ما تخلصي طبقك ده كله انتي اليومين دول مش عجباني وحاسه انك خاسه.
ملك …انا خاسه فين ده طب ياريت وبعدين بقي يا ست مامي مش هتبطلي تعامليني علي اني لسه بيبي
هناء…لا طبعا مش هبطل و وفضل اعاملك علي انك بيبي انتي و امجد لحد ما تكبروا و تتجوزوا و تخلفوا كمان هو انا ليا غيركم في الدنيا لو مش ههتم
—
بيكم اهتم بمين بس.
رأفت…بابتسامه بيا و لا انا خلاص بقيت علي الرف.
ضحكوا كلهم.
هنا…انت عمرك ما هتبقي علي الرف وبعدين هنغير ولا ايه ما انا بهتم بيك بردوا ولا هتنكر
رأفت….بحب لا يا ستي مقدرش انكر بصراحه.
ملك…ربنا يخليكم لينا
امجد….ملك صحيح عرفتي حاجه عن بيري من سهر
ملك….بنبرة حزن لا يا امجد للاسف سهر متعرفش اي حاجه عنها انا اللي صحتها اصلا من النوم.
هناء….بيري !! مالها بيري.
ملك….يعني يا مامي حصل كده امبارح موقف و بيري مرجعتش البيت ولا حد يعرف عنها حاجه.
هناء…يعني ايه مرجعتش و موقف ايه اللي حصل
رأفت….موقف ايه يا ملك حصل معاكم حاجه في العيد ميلاد
ملك…لا محصلش حاجه معانا بس شكل كده خالد عمل حاجه مع بيري مريم قالتلي انه راح بليل عندهم وكانت راسه مفتوحه وبهدل الدنيا وبيقول ان بيري اللي عملت فيه كده بسبب كلامه وغيرته من حمزه بس بيري كلمت طنط فاتن وانكل سعيد عشان تطمنهم عليها و كدبته طبعا وقالت انه حاول يعني يقرب منها فا ضړبته وهربت و ضړبت حمزه كمان عشان حاول يمسكها و يحجزها في الڤيلا
هناء….ده اټجنن ده ولا ايه
ملك…هو اصلا مچنون يا مامي
رأفت….طيب و هو هيكدب ليه خالد اللي اعرفه انه بيحبها ميتهياليش انه ممكن بعمل حاجه زي دي الحفله فيها ناس وانتوا كنتوا معاها ازاي هيعمل كده و يمكن تكون بيري هي اللي بتكدب اللي اعرفه يعني انها مش بتحبه وبتحب حمزه
ملك….مستحيل با بابي بيري تكدب هي اه مش بتطيقه و انكل سعيد وطنط فاتن هنا اللي غاصبينها عليه بس بيري مستحيل تتبل عليه وتتهمه بتهمه زي دي
هناء….المشكله اني مستغربه خالد في نقطه يا رأفت ازاي يخلي حمزه قريب منه بالشكل ده و هو عارف انهم كانوا مرتبطين يعني لو هو عايزها تحبه وتحس بيه كان لازم يخلي حمزه بعيد عنهم انما بصراحه اللي هو عامله ده تشتيت لبيري عمرها ما هتحبه طول نا هي شايفه حمزه قريب منه وملازمه في كل خطواته
ملك….بالظبط يا مامي كمان خالد هو اللي عرض علي حمزه يشتغل معاه و هو اللي اجبره انه يسيب بيري.
رأفت….خالد شكاك بطبعه و اكيد وجود. حمزه وقربه منه ليه هدف عشان يفضل عينه عليه وعليها بس انا اشك يا ملك في انه يجبره انه يسيب بيري محدش بيجبر حد علي حاجه الا لو حمزه كان الكلام علي هواه و مش بيحب بيري اصلا
ماجد…ومين قال انه بيحبها حمزه بني ادم متسلق و وصولي و كل اللي يهمه مصلحته شاف ان بيري مش هي السلمه اللي هتوصله لاحلامه فقرر يخطيها و يوصل لخالد و من رأيي يعني مش خالد هو اللي وصل لحمزه حمزه هو اللي وصل لخالد.
هناء….طيب خلينا في المهم بيري فين الوقت
ملك…محدش فينا يعرف عنها حاجه انا اتكلمت مع سهر و اتفقت معاها نتكلم و نشوف هنوصلها ازاي خصوصا ان سهر كانت علي اخرها و مصممه تروح لخالد و تبهدله و تعرف عمل ايه في بيري.
رأفت…ملك بخوص سهر انا نبهتك كتير و قولتلك اني مش مبسوط بقربك منها البنت دي حوارتها كتير و مشاكلها اكتر و مش هيجي من وراها غير ۏجع الدماغ.
ملك…ليه بتقول كده يا بابي سهر دي اختي اينعم انا وسالي اختها الله يرحمها وبيري كنا صحاب بس بعد ما سالي ماټت قربنا منها وقربت مننا وهي حد محترم بتحبنا من قلبها وپتخاف علينا حضرتك مشوفتش هي قد ايه هتتجنن عشان بيري و اكيد انا واثقه اني لو كنت مكان بيري كانت هتعمل عشاني نفس اللي هي عملاه عشان بيري.
رافت….انا مش بشكك في حبها ليكم بس بعرفك ان سهر مش هيجي من وراها غير ۏجع الدماغ وعرفت بطريقتي ان الدنيا مقلوبه عليها من انبارح بسبب اول حلقه ليها
ملك…ليه انا مشوفتش الحلقه هي اتكلمت في حاجه يعني
رأفت…. بتخبط يا ملك و بتقرب لمواضيع مينفعش تقرب منها عموما ده مش موضوعنا بس كلامك كمان علي انها تروح لخالد في حد ذاته مش حلو
سهر…هي عايزه تعرف ايه اللي حصل و تطمن علي بيري مش اكتر يا بابي.
هناء….بابي ميقصدش يا ملك هو بس مش عايزك تكوني في الصوره عشان علاقته بانكل مهيب مش حابب انك تدخلي في حاجه زي في النهايه انتي صاحبتها و اي حاجه هتعملها انتي كمان رجلك هتتجاب فيها
ملك….و لو فرضنا ده ايه علاقه شغل بابي باللي هالد عمله مش معني انه شغال هو وانكل معيب مع بابي ان ده يديه الحق انه يتعامل مع بيري او سهر بالطريقه دي.
رافت…ملللك انا مش عايز اعيد كلامي اخرجي خالص بره الموضوع ده و اي حاجه تخص خالد ابعدي عنها خلي العلاقه اللي بيننا وبينهم حلوه
امجد…ملك عمرها ما هتتصرف تصرف غلط يا بابي بس متنساش ان بيري صاحبتها وزي اختنا بالظبط و عي وسهر بصراحه محدش شاف منهم غير كل خير و بعدين صراحه خالد مزودها شويه مع بيري والبنت علي اخرها.
رافت…ملناش دعوه يا امجد احنا مش هنشتغل محاميين عن الناس خاصتا ان ابوها وامها موافقين و راضين باللي بيحصل و عايزين بيري لخالد بأي شكل عشان مصالحهم الشخصيه فا مش هنتدخل احنا بقي و نضر مصلحتنا عشان حاجه زي دي.
ملك…تمام يا بابي انا عموما كل اللي يهمني اني اطمن علي بيري حضرتك عارف انها ملهاش غيري انا وسهر واهلها وهي الوقت محدش يعرف عنها حاجه ولازم حضرتك تكون واثق فيا انا مش هعمل اي حاجه تضر حضرتك بعد اذنكم.
هناء…علي فين يا ملك مكملتيش فطارك.
ملك…شبعت يا مامي بعد اذنكم
رأفت….بهدوء هناء تتكلمي مع ملك انتي عارفه اني مش بحب اقسي عليها فهميها كويس ان سكة سهر مش هتنفع مع سكتنا انا سايبها براحتها و لو علي علاقه صحاب وخروج تمام انما اكتر من كده مش هينفع.
امجد…هو ليه حضرتك قلقان من سهر دي بنت جدعه علي فكره
رأفت…عشان عنيده وجريئه ولسانها طويل و بتخبط في ناس تقيله في البلد و اللي زي دي مش بيجي من وراها غير المصاېب مش هنكر اني واثق من حبها ليكم بس كمان قربها منكم بالشكل ده ممكن يأذينا كلنا فهم اختك وياريت انت كمان تبقي فاهم الكلام ده قبل منها
بصله امجد و سكت و معلقش علي كلامه ولا اقتنع بيه بس محبش يدخل معاه في جدال.
من داخل الڤيلا الخاصه بخالد
و والده مهيب الباز
كانوا قاعدين في الجنينه بيفطروا مع بعض و بيتكلموا في الشغل.
مهيب…مش عايز اي غلطه او تجاوز يا خالد انت عارف كويس الشغل اللي جاي ده انا مستنيه من فتره طويله.
خالد…متقلقش يا باشا انا ديما جاهز و مفيش اي تجاوزات او اي حاجه اطمن
مهيب… تمام يا خالد صحيح مقولتليش ايه اللي عامل في راسك كده قولتلي اتخبطت في ايه
خالد….ااا ابدا كنت في الحمام الفوطه وقعت مني وبرفع راسي اتخبطت في الحوض بس خبطه جامده شويه
مهيب….ابقي
—
خلي بالك المهم طمني عملتوا ايه امبارح في الحفله اتبسطتوا.
خالد بتوتر بسيط و ارتباك
خالد…ااا اه كله تمام
مهيب…في ايه مالك حصل حاجه
خالد…لا خالص يا باشا هيحصل ايه العيد ميلاد كان حلو وبيري اتبسطت و اليوم عدي
مهيب…طيب كويس عايزك بقي تشد حيلك شويه يا بطل عايز افرح بيك انت وبيري عايز ابقي جد يا خالد
خالد…ان شاء الله يا باشا قريب اوي هفرحك
مهيب…طيب قولي هي عامله ايه معاك
خالد…يعني تمام عادي
مهيب…يعني ايه عادي
خالد…انت عارف ان بيري خجوله و اكيد محتاجه وقت بس اقدر تقول ان كل حاجه بينا تمام
مهيب….خير ان شاء الله و انا كمان هتكلم مع سعيد عشان يحاول يخلص الموضوع ده بسرعه و نفرح بيكم
خالد…ان شاء الله يا باشا.
رن موبايل خالد في الوقت ده أستأذن من والده وراح بعيد يرد علي حمزه.
خالد…ايوه يا حمزه في اخبار ولا ايه
حمزه….للأسف لحد الوقت لأ فص ملح وداب ملهاش اي اثر
خالد…پغضب بسيط يعني ايه ملهاش اثر ايه اختفت ولا اتبخرت يا حمزه.
خالد…يا باشا الرجاله من امبارح محاوطين المكان من بعيد و مأمنين مداخل ومخارج كل شارع في المكان اللي اختفت فيه ومحدش مأثر انا متابعهم بنفسي
خالد…وانا قولتلك امبارح منمشيش ونقلب عاليها واطيها ونفتش في كل بيت
حمزه…مكانش ينفع يا باشا صدقني انت شوفت بنفسك الناس هناك كلها كانت رافضه واللي اسمه فريد ده سخنهم اكتر و الوضع كان ممكن يسوء و حد فيهم يبلغ و قتها كانت هتبقي مشكله والكلام كان هيوصل للباشا.
خالد… طيب قولي جبتلي اي احبار عن اللي اسمه فريد ده
حمزه…لسه يا باشا
خالد…پغضب هو ايه اللي لسه امال انت بتعمل ايه يا حمزه
حمزه…يا باشا اللي اسمه فريد ده مش موضوعنا احنا موضوعنا هو بيري
خالد….لا موضوعنا انا اللي احدد مش انت مش هو اللي فتح صدره واتجرأ و وقف قدامي يبقي حلال عليه اني احطه في دماغي.
حمزه…هيحصل يا باشا بس خلينا الاول نلاقي بيري مش عايز اشتت الرجاله بينه وبينها خلينا الاول نعرف اي حاجه عنها وبعدين نبقي نفضي لفريد ده.
خالد…طيب قولي بعت رجاله قدام بيت سهر وملك
حمزه….بعت عند بيت سهر بس يا باشا لاني واثق ان بيري مستحيل تروح بيت ملك لانها عارفه كويس علاقتكم برأفت باشا واكيد ممكن يقول قدامكم انها موجوده عندهم فا مش هتروح لكن سهر هي اللي ممكن تروح عندها.
خالد…تمام با حمزه المهم عايزك تركز و تفتح عنيك كويس عايز علي بليل اسمع اي خبر عن بيري مفهوم
حمزه….مفهوم يا باشا هرجعلك تاني باخبار كويسه .
خالد….تمام سلام انت الوقت.
قفل خالد وسمع صوت جاب من البوابه بص لمح سهر واقفه مع الامن و داخله عليه.
مشي عليها بسرعه قبل ما تقرب و مهيب يسمعهم لكن هي كانت اسرع منه وقربت اكتر.
خالد…بابتسامه بسيطه سهر ايه المفجأه الحلوه دي
سهر….بيري فين يا خالد
خالد….طيب قولي صباح الخير او حتي تعالي اقعدي.
سهر…انا مش جايه اتضايف يا خالد بيري فين
مهيب….قرب عليهم في الوقت ده ازيك يا سهر
سهر…اهلا بيك يا انكل
مهيب….تعالي واقفه ليه
سهر…لا معلش مستعجله شويه انا بس جايه اسأل خالد سؤال وماشيه علي طول
مهيب…سؤال ايه
خالد….مفيش يا باشا روح انت و انا هتكلم مع سهر واجي
سهر….ليه هو انكل ميعرفش اللي حصل
بصلها خالد پغضب وهو بيجز علي سنانه
مهيب…..هو ايه اللي حصل ما تفهموني
خالد…قولتلك يا باشا مفيش روح انت ده موضوع بسيط بيني وبين سهر
سهر…. لا انا نفيش بيني وبينك اي مواضيع انا بس جايه أسألك عن بيري
مهيب….تسألي خالد عن بيري ليه هي بيري فين
خالد…هو انتي ممكن تسكتي شويه و خلينا نتكلم بعدين.
مهيب…لحظه يا خالد في ايه يا سهر
سهر…في ان بيري مختفيه من امبارح ومحدش يعرف عنها حاجه و اللي عنده الكلام كله هو خالد ابن حضرتك بيري فين يا خالد وعملت فيها ايه
خالد….هعمل فيها ايه يعني ما تروحي تشوفيها فين وأساليها بنفسك جابه هنا ليه.
مهيب….خالد هيعمل ايه في بيري يا سهر ما تاخدي بالك من كلامك
سهر…والله لو حضرتك مش مصدقني ممكن تسأل خالد او حتي ممكن تعرف منه ايه حكايه الچرح اللي في راسه ده.
مهيب…باستغراب بص لخالد هتتكلم انت ولا اعرف بطريقتي
خالد…مفيش يا باشا كل الحكايه اننا شدينا امبارح مع بعض بسبب طريقتها مع حمزه يعني كانت واقفه بتتكلم معاه بتضحك و مبسوطه فا انا طبيعي اغير عليها فا اتعصـ,ـبت شويه فا هي كمان اتعصـ,ـبت الموضوع اتطور شويه فا ااا
مهيب…ايه هي اللي ضر….بتك كده اټجننت ولا ايه
سهر….لا يا انكل متجننتش ولا حاجه وكل اللي خالد قاله ده كدب
خالد…هو انتي ممكن تسكتي شويه عشان مفقدش اعصابي.
سهر….تفقد اعصابك خد بالك انا محترمه بس انكل مهيـ,ـب بس يؤسفني اني اقولك يا انكل مهيب انه كداب صحيح بيري هي اللي ضړبته علي راسه بس مش عشان اللي قاله ده خالد اټهجم علي بيري و هي دافت عن نفسها و كان موقف حمزه حارس ليه علي باب المكتب عشان يعرف يستفرد بيها براحته و لما حمزه مسكها ضړبته هو كمان و جريت و طبعا مروحتش علي البيت و لا حد يعرف عنها حاجه و انا بصراحه شاكه ان خالد وراء اختفائها.
مهيب….ايه الكلام ده يا خالد اللي بتقوله ده صح.
خالد…كدابه محصلش اصلا سهر مكانتش موجوده عندك دليل علي الكلام ده.
سهر….بيري اتصلت امبارح تطمنهم عليها في البيت وقالتلهم اللي حصل وهي مستحيل تكدب
خالد… لا كدابه و مش هو ده اللي حصل و لو مش مصدقاني ادخلي دوري عليها بنفسك يمكن اكون مخبيها ولا حاجه
سهر….تمام يا خالد عموما لو بيري مظهرتش لحد بليل انا هتصرف.
مهيب….سهر لاحظي اني كل ده ساكت انتي جايه تهددي ابني قدامي.
سهر…لا يا انكل العفو انا مش بهدده انا بتكلم جد بيري دي اختي مش صاحبتي و اكيد انا مش هعرف ان كل ده حاصل معاها و هقف اتفرج و بعدين بدل ما حضرتك تزعل من كلامي اسأل ابن حضرتك واتكلم معاه
عموما انا همشي الوقت يا خالد بس كلامنا مخلصش
سابتهم سهر ومشيت بص مهيب علي خالد پغضب.
مهيب…قولتلي بقي ان دماغك اتعورت في الحوض هاا
خالد…يا باشا انا محبتش اوجع دماغك مش اكتر بس صدقني اللي بتقوله الغبـ,ـيه سهر محصلش الحكايه مش كده خالص
مهيب…وانا مش مصدقك يا خالد عارف ليه عشان انت غبي
خالد….انا يا باشا
مهيب…اه انت بدل ما تقرب البنت منك بتخو….فها بتتهجم عليها وسط الناس يا خالد مش عارف تكسبها بالسياسه بتكسبها بالڠـ,ـصب ايه مش عايز تتعلم ابدا بيري عملتلك جنان في دماغك خلاص مبقتش قادر تسيطر علي افعالك
خالد….يا باشا انت عارف اني عايز بيري بأي شكل و انا خلاص مبقتش قادر استني اكتر من كده عملت معاها كل اللي اقدر عليه وهي رفضاني مفيش حاجه في ايدي اعملها غير اني اكسرها واخليها توافق عليا ڠصب عنها
مهيب…يا ابني افهم مفيش ست في الدنيا بتيجي بالڠصب انت كده بتخو….فها منك بدل ما تطمنها وبعدين يعني تروح تعملها حفله و
—
عيد ميلاد كبير و تفرحها و بعدين تخو….فها منك انت عملت زي اللي جاب تورتايه و رش عليها تراب
خالد…معرفش بقي و بعدين انا كنت شارب ومش في وعيي ورفضها ليا جنني اكتر
مهيب…ابن مهيب الباز ميترفضش انا ليا تصرف تاني مع ابوها و لازم يحط حد للمهزله اللي بنته بتعملها معاك دي والا هو عارف قلبتي كويس
خالد…علي فكره هو ميعرفش اي حاجه كل اللي يعرفه اني اضايقت من كلامها وقربها من حمزه
مهيب….ولو عرف الحقيقه ده ميديش الحق لبنته انها تتعامل معاك كده هي ناسيه انت ابن مين
خالد….بغرور طيب هتعمل ايه يا باشا
مهيب….ملكش دعوه انت بقي انا هتصرف خليني كده الم وراك انت تغلط وانا اصلح غلطك
خالد….هو انا ليا غيرك يا باشا
مهيب…اه كل عقلي بكلمتين كالعاده يكون في علمك مش هعدي كدبك عليا بس اخلص الاول من موضوع بيري.
خالد…صدقني انا محبتش اوجع دماغك مش اكتر عموما حصل خير مش هتتكرر تاني.
مهيب….لما نشوف يا خالد اخرتها معاك يلا انا خارج و انت متتاخرش
خالد…حاضر جاي وراك علي طول
سابه مهيب ومشي وقف خالد هيتجنن من اللي سهر عملته و غضبه كان عاميه اتصل علي سعيد
سعيد….الوو ايوه يا خالد
خالد….في اخبار عن بيري
سعيد….مفيش اي اخبار عنها
خالد…هو ابه اللي مفيش اخبار عنها انت هتعملهن عليا مش بيري بردوا كلمتكم و طمنتكم عليها.
سعيد…بارتباك ااا بيري
خالد…اه بيري سهر لسه ماشيه من هنا و جايه تتهمني اني مخبي بيري و قالتلي انها اتصلت بيكم بتكدب عليا يا سعيد يا صاوي.
سعيد….كدب ايه بس يا خالد هي صحيح كلمتنا بس مقالتش والله هي فين.
فاتن…هات يا سعيد التليفون
خدت فاتن منه التليفون و كلمت خالد.
فاتن….ايوه يا خالد يا حبيبي
فاتن…جوزك بيكدب عليا و مخبي عني ان بيري اتصلت عليكم
فاتن…هو مش بيكدب يا خالد بيري صحيح كلمتنا بعد ما انت مشيت بس و الله ما قالت هي فين.
خالد…يعني ايه هتكون فين هي ليها غيركم انتوا وسهر وملك
فاتن….و الله ما اعرف فين مقالتش و علي فكره انا طلعت فيها و بهدلتها علي اللي عملته معاك حتي أسال سعيد وقولتلهل ترجع وتصلح اللي هببته بس هي عانده ومش راضيه ترجع.
خالد….يعني ايه نش راضيه ترجع انا هقلب عليها الدنيا ولو مستخبيه فين هجيبها
فاتن…انا عيزاك بس تهدأ يا خالد انا في حاجه كده في دماغي لو نفذناها صح بيري هترجع علي طول
خالد….حاجه ايه دي بقي ان شاء الله
فاتن….بيري اكيد هتتصل تاني انا اتعصبت وقسيت عليها وده مجابش نتيجيه لما تتصل هحاول اكون هاديه معاها واساسيها لحد ما ترجع هي واضح انها كانت خاېفه جدا و انا لازم اطمنها ترجع بس وهحسسها ان كل حاجه خلصت خلاص وبعدها نتفق علي كتب كتابكم علي طول ايه رأيك
خالد…وافرضي متكلمتش
فاتن….هتتكلم يا خالد يعني هتختفي يوم اتنين تلاته اكيد مش هتختفي العمر كله واكيد هترجع المهم بس منبقاش كلنا عليها و نحسسها اننا بنضغك عليها ونخـ,ـوفها بص انا عيزاك تيجي يا خالد تشرب معلنا القهوه ونتكلم ايه رايك
خالد…تمام هشوف
فاتن…لا مش هتشوف هتيجي ونتكلم ونتفق خلينا بقي نخلص من الموضوع ده ونفرح بيكم
خالد…خلاص هخلص شغل وكام مشوار وهعدي عليكم بليل
فاتن….تمام هستناك روق بقي انت كده و متشلش هم
خالد….سلام
فاتن…سلام.
قفلت فاتن و بصت لسعيد پغضب
فاتن…بيري مش هتجيبها البر يا سعيد و عابزه تد…مر حياتنا كلها بغبائها
سعيد…البت شكلها خاڤت يا فاتن و انا بصراحه مش مصدق كلام خالد و شكله عمل فيها زي ما بيري قالت فعلا و اكيد خۏفها منه
فاتن….و انا واثقه ان ده اللي حصل بس ده ميمنعش ان خالد بيحبها و بيحاول يوصلها بأي طريقه حتي لو كانت غلط بيري مش مقدره النعمه اللي هي فيها خالد بيعمل المستحيل عشان يوصلها وهي مش شايفه منه غير الۏحش وبس مع اني يعني مش شايفه انه بيعمل اي حاجه وحشه فيها
سعيد…المهم الوقت يا فاتن مش عايزك تخو…..فيها ولا تطلعي فيها زي عادتك خليها تطمن عشان ترجع اعملي زي ما قولتي لخالد
فاتن….بس هي تتكلم تاني الاول انا عارفه ليه خالد محبش مريم كان زماننا مش في ۏجع القلب ده.
سعيد….خالد بيحب بيري من زمان و بيعتبر مريم اخته الصغيره هو اختار بيري
فاتن….ده من سو..ء حظنا احنا عشان تطلع عنينا بالشكل ده
سعيد….عموما اعملي زي ما قولتلك و لو اتكلمت عندي تاني هحاول اقولها متقلقش وترجع
فاتن….ماشي يا سعيد لما نشوف اخرتها مع بيري هانم.
…………..
في كافيه هادئ.
مريم….يا لهوي يا سهر انتي جر…يئه اوي
ملك…بردوا عملتي اللي في دماغك يا سهر مش قولتلك لما اجيلك نتكلم ونشوف هنعمل ايه
سهر….مقدرتش يا ملك اقعد حاطه ايدي علي خدي
ملك….يعني هو مرواحك لخالد عمل حاجه يا سهر غير انه هيحطك في دماغه اكتر
سهر….و انتي فاكره اني ممكن اخاڤ منه
مريم….ملك معاها حق يا سهر خالد بعد اللي عمله مع بيري ده ملهوش امان
سهر…بقولك ايه انتي وهي انا مش ناقصه تقطيم انا كان في كلمتين في زوري للزفت ده وكان لازم اخرجهم
ملك…و ارتاحتي ابوس ايدك بقي بلاش تسرع
مريم…طيب الوقت هنوصل لبيري ازاي انا هتجنن عليها من امبارح
سهر….عشان تبقي تسكري انتي وهي و جوز الخيل اخواتكم وتعملوا دماغ
مريم….نسكر احنا نسكر
ملك ..بضحك شكلها كده يا مريم العصير كان فا حاجه انا متأكده
مريم….حاجه ايه كان طعمه عادي علي فكره و لو كان في كحول كان طعمه اتغير
سهر….اعرفي بقي حطلكم ايه البني ادم ده انا اتوقع منه اي حاجه و من رأيي تروحوا تكشفوا او تعملوا تحليل تعرفوا شربكم ايه ده ميتضمنش.
ملك….خلينا في المهم كنت عايزه اقولك حاجه
سهر…قولي
ملك….شكل كده الدنيا مقلوبه عليكي من امبارح بسبب الحلقه انا مشوفتهاش بس كنت سامعه بابي بيتكلم.
سهر….هي مقلوبه بس يا بنتي انا ترند من اول ساعه في بدايه الحلقه مع اني يعني مش شايفه اني قولت او عملت حاجه
ملك….عموما خلي بالك يا سهر من اي حاجه بتقوليها
سهر….ربنا يستر
……..
بعد مرور كام ساعه دخل بلال علي فريد في الصاله.
بلال…ايه الاخبار كله تمام
فريد…تمام باخد بريك شويه وهقوم اكمل.
بلال…طيب صحيح كلمتها
فريد….هي مين
بلال….هو ايه اللي هي مين البنت اللي عندك في البيت نسيتها ولا ايه
فريد…يا خبر تصدق نسيتها خالص حتي هي كمان مكلمتتيش
بلال… طيب ما تكلمها كده واطمن ان محدش خبط عليها او في اي قلق
فريد….لحظه هكلمها
وللحديث بقيه……..