لقاء كارثي

لقاء كارثي
أميره أسامه
صاحبة البطل الواحد

~° البارت الرابع و العشرين°~
……………

عند عشري و ليله كان وضعهم مستقر و الجو هادي و رومانسي و الاثنين في حالة من السعاده غير عاديه.

راحت ليله سندت علي صخره كبيره في قلب الصحراء و هي بتتفرج علي الناس و الجو البدوي اللي عاملينه اغاني رقص جو تاني خالص

النار في كل مكان و في جمال و في ناس بتركب بيتش باجي لكن كل واحد في حاله و كان فيه زي بوفيه مفتوح مليان فاكهه وعصاير و سلطات وحلو و علي الجنب التاني في شوي مكانتش مجرد رحلة سفاري عاديه ده كان تيم بينظم الرحلات دي و بيعمل الجو البدوي لكن بطرق مريحه اكتر و فيها كل حاجه.

قرب عشري منها وهو قميصه مفتوح و الاسود عليه يجنن و كان في ايده كاسين لكن فيهم عصير

عشري….مدلها ايده بهدوء حبيبي

ليله….بإبتسامه وده ايه ده بقي ؟

عشري…..بإبتسامه شقيه لا متقلقيش عصير و شرعي

ليله…..ماشي بس انا عايزه قهوه

عشري…..اشربي العصير الاول و هجيبلك قهوه الوقت كمان في شاي هيعجبك اوي بس ده بقي بعد الاكل

ليله…..بنظره دلع ماشي

عشري…..بردانه ولا ايه ؟

ليله….يعني شويه الجو برد

عشري…..تعالي نقعد في العربيه شويه؟

ليله….لا لا الجو هنا حلو و المنظر يجنن

عشري…..طيب استني لحظه

سابها وراح علي العربيه بتاعته جاب چاكت اسود جلد و قرب منها بهدوء مدلها ايده بالكاس بتاعه وشدها من علي الصخره شويه بقت واقفه قدامه

بصتلوا بابتسامه تجنن حط الجاكت علي ضهرها و ظبطه علي كتفها و غمزلها بحب

ليله…..بابتسامه شكلي عبيط مش كده

عشري…..شكلك قمر

مدت ايدها بالكاس بتاعه خدوا منها و طلع سيجاره و وقف جنبها من الناحيه التانيه

ليله….بس يعني الچاكت ده بيعمل ايه معاك كنت عامل حسابك ولا ايه

عشري….لا والله بس لما ببقي في الكافيه او واقف بره بليل الجو بيبقي برد اوي في زايد فا بيفضل معايا و عموما في توقيت الخريف ده بليل الجو بيبقي برد شويه فا لازم يكون معايا چاكت

ليله….ماشي يا سيدي بقولك ايه بقي عايزه واحده

عشري…..لا

ليله….وحياتي

عشري….قولت لا وبعدين ما نتلم بقي ما انا خليتك شربتي في العربيه و احنا جايين كذا مره

ليله…..طيب اخر واحده

عشري…لاااااا لما نمشي في ناس حوالينا

ليله….يا باااااي عليك

عشري….مااااااشي

ليله….انا مش عايزه العصير ده

عشري…..ولا انا هاتي اوديهم اجيبلك قهوه

ليله…..لا خلاص شويه كده

خد منها الكاس بتاعها والكاس بتاعه وراح حطهم وجاب شاي ليه ورجع حط الكوبايه علي الصخر اللي جنبه و وقف بصلها بحب

عشري…..ايه الحلاوه دي؟

ليله…..انت كمان شكلك حلو اوي و علي فكره بحب الاسود عليك

عشري….مبسوطه يا ليله ايه رأيك في المكان

ليله….يجنن بجد حلو اوي انا اول مره اشوفه اصلا و معرفش ان بيبقي في رحلات سفاري في السخنه

عشري….لا طبعاً في اكتر من رحله و بيبقي في الصبح بيعملوا سباقات بالبيتش باجي وبالعجل و في كمان سفاري بيطلعوا علي الجلاله يعني اجواء كده بس بصراحه انا بحب الجو ده اكتر يعني روقان موسيقي و نار و جمال و شوي و كل واحد في حاله غير منظر النجوم

ليله….دي لوحدها تجنن بجد بس هما يطليه حاطين الدي چي ده لما هما بيغنوا كده مع نفسهم

عشري….الوقت يشتغل

وفي نفس اللحظه الفرقه اللي كانت بترقص و بتغني و بيعملوا استعراض وي وقفزا شويه و شغلوا الدي چي

عشري…..بإبتسامه اي خدمه

ليله…..بأبتسامه هما سمعونا ولا ايه

عشري…..لا هما كل شويه الفرقه ترتاح و بيغيروا لبسهم فا بيشغلوا الاغاني

ليله…..طيب ايه مش ناوي تديني سيجاره بقي

عشري….قولت لا

ليله….ما تبطل رخامه بقي احنا بعيد اصلا عنهم و محدش شايف و بعدين هما يعرفونا

عشري…..هو انا عشان يعرفونا او لا بطلي هبل بقي متخلنيش اتحول عليكي

ليله….بإبتسامه دلع طب واحده

عشري…..بنظره تجنن غمزلها لا تعالي اديكي نغس زي بتاع دهب

ليله….بضحك و بترجع تقولي بتعملي فيا ايه

عشري…لا مش هقول تعالي

قامت ليله من علي الصخره اللي كانت سانده عليها ووقفت قدام عشري و سندت علي صدره بأيدها الأثنين ابتسم عشري بحط و مسك وسطها من جوه الچاكت بأيد واحده والتانيه كان ماسك بيها السيجاره

خد نفس طويل وقرب وشه من وشها و خرج الدخان بهدوء شديد في وشها غطاها بالكامل كأنها في عالم لوحدها حتي مرمشتش بعينها فتحت شفايفها بهدوء و سحبت الدخان و بصلتلوا بجرأه وتحدي و خرجت الدخان ببطئ وهي بتبصلوا

ليله…..بحبك

عشري….بضحك بص للسماء ااااااه

ضحكت ليله و سندت علي صدره

ورجعت رفعت وشها تاني وبصتلوا

قرب وشه منها اكتر ونفخ النفس التاني سحبت الدخان و أستنت شويه و نفخته بهدوء

عشري….بضحك الله يخربيت عقلك

ليله….بأبتسامه دلع ايه انت اللي جبتوا لنفسك كنت ادتني سيجاره و خلصت مني

عشري…..انتي من هنا ورايح مش هتشربيها غير كده اصلا

ليله…..يا سلام و فين الدماغ اللي هعرف اعملها

عشري…..بضحك مش مهم انتي تعملي دماغي المهم انا

ليله….بابتسامه مش بقولك بلطجي بس علي فكره انا كمان شكلي مبقتش اعمل دماغ غير بالطريقه دي

عشري….خدي بالك انا موتي هيبقي علي ايدك

ليله…..اه بس وانت عجوز زي ما اتفقنا

ابتسم عشري و رمي السيجاره و حط ايده التانيه في وسطها وضمها ليه اكتر

شالت ليله أبدها من علي صدره و مسكت الچاكت بأيدها الاثنين من الكتف

عشري…..بنظره تجنن بصلها في عينها بحبك و بحب العناد اللي فيكي و بحب نظره التحدي اللي جوه عينك بس بلاش تلعبي معايا لعبة مين الأقوى

ليله…..بإبتسامه ليه؟ خايف أخليك تخسر؟

عشري….ضحك وبص في عينيها بجرأة أنا مبخسرش بس معاكي كل مره بحس إني عايز أخسر وأسيبك تكسبي يمكن عشان كده قلبي متعلق بيكي بالشكل ده

سكتوا لحظة والهواء البارد خلاهم قربوا من بعض اكتر بصت ليله لعشري بنظرة فيها مزيج من تحدي وارتباك.

ليله…..إنت عارف إنك خطر عليا يا عشري

عشري…..بابتسامه استغراب انا خطر عليكي ليه

ليله… كل مره بقرب منك بحس إني ممكن أضيع.

قرب عشري أكتر باسها من جبهتها بوسه طويله و بعدين رجع بصلها و بصوت في بحه تجنن

عشري…..بس لازم تعرفي ان أنا الخطر اللي عمرك ما هتقدري تبعدي عنه وصدقيني أنا مستحيل أسيبك تضيعي مني

ليله….بإبتسامه مش اوي كده مشكلتك إنك واثق زيادة عن اللزوم

عشري….بإبتسامه تجنن ومشكلتك إنك بتحبي الثقة دي حتى لو مش هتعترفي بيها انتي ست ذكيه و عارفه كويس اوي انك أتمكنتي من قلبي

ليله……طيب ودي حاجه حلوه ولا وحشه

عشري…..اكيد حلوه ليله انا بعيش معاكي لحظات بيتهيألي عمري ما سكت وهو مبتسم و بيحاول يلاقي تعبير قوي

ليله….. بابتسامه هاديه عمرك ما إيه يا عشري؟

عشري…..قرب منها أكتر بصوت واطي بس ثابت عمري ما حسيت بالأمان بالشكل ده و عمري ما تخيلت اني اكون كده ليله انا طول عمري بحب أكون المسيطر في أي حاجه.

ليله…..بصت له بنظره فيها تحدي طب وده مش بيخوفك تحس إنك ضعيف قدامي؟

عشري….ضحك ضحكه هاديه و لمس خدها لو الضعف معناه إنك في حياتي يبقى أه أنا أضعف واحد في الدنيا دلوقتي.

ليله…..سكتت لحظه وهي بتحاول تخبي ارتباكها وبعدين بصتلوا بهدوء عارف يا عشري أنا ساعات بحس إني مش فاهمه إحساسي ناحيتك بس أكتر حاجه متأكده منها إنك بتخليني عايزه أكون معاك.

عشري…..مسك وسطها بإحكام ده كفاية عندي يا ليله. أنا مش طالب منك غير حاجه واحده لما أخاف او اغير عليكي بطريقتي متبعديش او تزعلي ولازم تعرفي اني مش ببقي قاصد انا كده ده طبعي بحس بنار بتاكل فيا

ليله…..بصت له بعمق بس يا عشري إحنا الاتنين بنحب بطريقه فيها نار كتير خايفه النار دي تحرقنا.

عشري…..قرب منها لحد ما بقي نفسه اقرب لنفسها وباتسم النار دي هتدفينا مش هتحرقنا طول ما انتي معايا.

ليله…..اتنهدت وغمضت عينيها للحظه وبصوت واطي قالت ما تخذلنيش يا عشري أنا مش هقدر ابعد عنك

عشري….بصوت كله حزم وحب أخذلك؟! ده أنا هحارب الدنيا كلها علشانك بس صدقيني يا ليله حبي ليكي اكبر بكتير من تخيلك

ابتسمت ليله و نامت علي صدره مسكها من وسطها بحب وحط دقنه علي راسها.

فضلوا ساكتين شويه و فجأه أشتغلت أغنيه بهاء سلطان
(تعالي أدلعك) بصوا علي الناس و هما بيرقصوا و مبسوطين و ابتسموا

و اندمجت ليله مع الاغنيه و نسيت نفسها و بدأ وسطها يهز بهدوء تحت ايد عشري.

عشري…..بابتسامه عض علي شفايفه أرحمي امي هحضر الشيطان و اللي يحصل يحصل

ضحكت ليله و سكتت اول ما انتبهت من كلامه انها اندمجت

عشري….انتي ايه حكايتك مع الرقص صحيح؟

ليله…..بحبه فيها حاجه دي كمان

عشري….لا يا ستي مفيهاش اهو علي الاقل ترقصيلي

ليله….بابتسامه و انا موافقه

عشري….طب ما نتجوز بقي بالله عليكي عشان انا جبت اخري

ليله….بضحك انت ما بتصدق

عشري….اه ما بصدق و بعدين اشوف بعيني و احكم إذا كنتي بتعرفي ترقصي ولا لا

ليله….بإبتسامه طب يلا تعالي نرقص معاهم واحكم بنفسك

قفشها من رقبتها وهو بيضحك اثبت يا وحش راحه فين

ليله….هرقصلك

عشري….انتي كده هترقصي للشعب نمسك العقل دي تطير فيها رقاب يا دقاقه

ليله…..بضحك الله مش انت اللي بتقول اشوف واحكم

عشري….اشوفك ترقصي لحد غيري يا ليله هيبقي يومك اسود

ليله…..الحق عليا كنت عايزه افرجك عشان تحكم

عشري….لا شكراً لما يتقفل علينا باب واحد ابقي ارقصي للصبح

ليله…بابتسامه ماشي انت الخسران

عشري….مش مهم المهم هكسب بعدين

الاغنيه خلصت و اشتغلت اغنيه تانيه بتاعت ( عبد الباسط حموده) الجو هادي خالص

ضحكت ليله وهي بترفع راسها للسماء

عشري…..بضحك هز راسه هتموتي مش واقفه علي بعضك

ليله….بضحك هما اللي بيشغلوا اغاني حلوه و بعدين الاغنيه جايه في وقتها

عشري……بنظره تجنن غمزلها طب ايه يلا

ليله…..بضحك ارقص

عشري…..اه يلا ارقصي

ليله……بإبتسامه طب يلا

عشري…..يلا ايه ارقصي هنا مش هناك و تحت الچاكت

ضحكت ليله ونامت علي صدره

ليله…..هو ايه اللي تحت الچاكت

عشري….والله ده اخرك معايا بعيد عن الناس و تحت الچاكت زباده امان و بعدين مش عيزاني احكم يلا هحكم

ليله…..بضحكه جميله لا خلاص شكلك فاهم الرقص غلط

عشري….ليه بس ده انا فاهمه صح جداً

ليله…..هو في حد بيرقص في مكانه

عشري….اه انتي عادي

ابتسمت ليله وهي باصه في عينه و بتسمع الاغنيه و بتغنيها بهدوء يادوب بتحرك شفايفها بطريقه تجنن و بتهز وسطها بهدوء يقتل تحت ايده و هو عينه عليها هتاكلها طول الوقت مبتسم عينه فيها لمعه تجنن شويه يرفع حاجبه و شويه يعض علي شفايفه ساب وسطها و رفع ايده مسك الچاكت مع كتفها بعده شويه بس فضل ماسكه ومخبيها و عينه عليها و علي جسمها و هي بترقص بهدوء

رجع حط الچاكت وهو بيضحك وسحبها من وسطها تاني و ضمها بحب

عشري…..بحبك يا ليله بحبك اوي

ليله….بحب رفعت راسها وبصتلوا و انا بموت فيك يا عشري

رفع ايده بهدوء و هو باصص علي ملامحها مشي ايده بهدوء علي خده و بعدين وقف بصباعه علي شفايفها

عشري…..مبسوطه

ليله……اوي

عشري….نفسك في ايه يا ليله يخليكي مبسوطه اكتر

ليله…..نفسي اكون ديماً معاك و جنبك

عشري…..مين قال انك هتبعدي او انا هسمح انك تبعدي ليله انتي بقيت ادمان بيتهيألي انا عديت معاكي مرحلة الحب

ليله……بإبتسامه رفعت وشها اكتر و بصتلوا هو في مرحله بعد الحب

عشري…..طبعاً العشق يا ليله وده شعور مختلف عن الحب بكتير

ليله…..عارف يا عشري اوقات بقول لنفسي تبقي مصيبه لو طلع اللي انا فيه ده حلم

عشري……بنظره تجنن لعينها ولشفايفها ما احنا في حلم يا ليله حلم جميل

ليله……بس انا مش عايزه أصحي منه و لو ده بجد حلم اتمني افضل نايمه طول عمري و مصحاش ابداً

عشري…..مش هنصحي منه و هنفضل نحلم

ليله كانت سانده علي صدره بأيدها بعدين بهدوء قربت ايدها من صدره و رفعت عينها تاني بصتلوا كان باصص علي شفايفها بطريقه جنونيه

ليله…..بإبتسامه عشري هو احنا لو اتجوزنا ممكن نزهق من بعض او يحصل بينا مشاكل

عشري…..مفيش لو عشان احنا هنتجوز و مهما حصل بينا من مشاكل هفضل احبك نفس الحب

ليله…..بصحكه تجنن يعني مش هتبقي راجل عجوز و رخم و بيتناقر طول الوقت

عشري…..لا مش هبقي كده

ليله…..طيب هتفضل مجنون و بلطجي و لا هتقلب معاك بروتين

عشري….كل متعرفيني اكتر هتعرفي ان جناني الوقت نقطه في بحر جنان حقيقي جوايا ليله انتي معايا هتعيشي كل يوم في جنان و حب و دلع يمكن يحصل بينا مشاكل او سوء تفاهم بس ده مش معناه اني هبعد عنك بس اللي عايزك تعرفيه ان انا مجنون بس وجودك في حياتي الفتره دي خلاني اتجننت اكتر و مستحيل يكون في بينا روتين لان لا دي شخصيتك و لا دي شخصيتي

ليله….عشري انت مبسوط معايا

عشري….مبسوووووط دي كلمه بسيطه اوي يا ليله علي اللي انا بعيشه معاكي

ليله…..بتحبني

عشري…..بعشقك

ليله….مش هيجي عليك وقت و تحس انك زهقان مني

عشري…..مستحيل انا طول الوقت بفكر فيكي حتي وانا مش معاكي نص عقلي معاكي و نص عقلي التاني في الشغل و حتي ده انتي مش سيباه انا عمري ما سيبت الشغل عشان اي حد انتي الشخص الوحيد اللي مستعد اسيب اي حاجه في ايدي مهما كانت مهمه عشان اجري عليه

ليله…..لما كنا في دهب قولتلي ان شكلي كده خدت مكان او اتنين يعني صاحبه و حبيبه لسه مخدتش مكان تالت

عشري……انتي خدتي روحي يا ليله النفس اللي بقيت اتنفسه بقيت مشاركاني فيه بقيت اشوفك صاحبتي و حبيبتي و امي و اهلي و بتمني اشوفك مراتي في اقرب وقت و ام ولادي بقيتي كل حياتي انا عمري ما تخيلت اني اقع وقعه زي دي يمكن اتمنيت احب و اعيش قصه حب تجنن بس عمري ما وصلت بتفكيري للي انا عايشه معاكي الوقت

ليله……هتفضل معايا

عشري…..مش هسيبك لحظه

ابتسمت ليله بحب و نظره تجنن

ليله…..انت مينفعش تبعد اصلا بعد اللي عملتوا في قلبي يا عشري انت لو بعدت انا هموت

عشري…..بنظره تقتل انا اللي هموت يا ليله لو مبقتيش ليا

ومن غير ما يحس و من غير ما يفكر او يتراجع او حتي يتحكم في نفسه نزل بهدوء علي وشها وقرب من شفايفها و خد بوسه لكن كانت سريعه مقدرش يطول او يتعمق هو حب يرضي مشاعره اللي كانت علي اخرها بس كمان خاف عليها منه

اتوترت ليله و ابتسمت بهدوء دقات قلبها كانت فظيعه مقدرتش تمنعه لانها كانت محتاجه قربه بجد و كانت اول مره ليها في حياتها حد.يكون قريب منها للدرجه دي

وشها كان احمر و في رعشه بسيطه في جسمها عدلت نفسها و ضمته اوي كأنها بتستخبي من عينه

عشري….بهدوء و هو حاسس انه مضايق من نفسه مقدرتش يا ليله مكنتش ناوي اعملها ابداً و حاولت كتير بس معرفتش

ليله….بإبتسامه هاديه و هي بتترعش عارفه و مش مضايقه

ابتسم عشري و رفع ايده علي دقنها رفع وشها وخلاها بصتلوا

عشري……بتترعشي ليه برد و لا خوف

ليله….ولا ده ولا ده

عشري…..امال فيكي ايه ؟

ليله…..يعني احساس غريب

عشري…..بنظره تجنن و صوت يقتل حاسه بأيه

ليله….يعني لو قولتلك هتصدقني

عشري….مصدقك من قبل ما تقولي

ليله…..دي اول مره حد يكون قريب مني كده و اول مره اجرب احساسها انت عارف اني كنت مرتبطه زمان و عمري ما عملت كده

عشري….بإبتسامه اشمعني انا يا ليله

ليله…..قولتلك من شويه انك خطر عليا يا عشري شكلي انا كمان عديت معاك مرحله الحب و مش بس دخلت في مرحله العشق انا روحت علي مكان ابعد

عشري……ايه هو

ليله…..يعني الجنان مثلاً حاسه اني نفسي اعمل معاك كل حاجه مش خايفه منك يا عشري بحس معاك بامان مش طبيعي اوقات بحس اني ضعيفه قدامك و مسلمه ليك و دي حاجه سعات بتخوفني

عشري……وانا عمري ما هخليكي تضعفي او تسلمي يا ليله عشان انا عمري ما هتخطي حدودي معاكي لان انتي بالنسبالي مش نزوه او علاقه عاديه بقضي معاها وقت بسيط ليله انا عايز منك كل حاجه بس وانتي مراتي و في بيتي عشان كده مستحيل اتخطي حدودي معاكي و علي قد يعني ما انا مبسوط باللي عملتوا الوقت علي قد ما انا مضايق لاني مكنتش ناوي اقرب و اعدي الحاجز ده مكنتش عايز اخليكي تخافي مني

ليله…..وانا مخفوتش منك يا عشري و انت عارف ده كويس

عشري…..عارف يا عمري انك مخوفتيش علي فكره انا كمان بعيش التجربه دي معاكي لاول مره يشهد عليا ربنا اني عمري ما لمست بنت او تخطيت حدودي و قربت و اني اعمل ده معاكي انتي مش معناه اني مش خايف عليكي بس اكيد انا حبيت ده معاكي انتي يا ليله و عمري ما حسيت اني عايز اي حاجه من اي بنت غيرك انتي يمكن انا حاولت كتير احط حاجز بينا يمكن حاولت اتلاشي خالص وجودي انا وانتي لوحدنا لان انا واثق اني ممكن اضعف و انا مش عايز كده

ليله…..بإبتسامه رفعت حاجبها بتحدي لا متقلقش لو انت ضعفت انا مش هضعف و هفوقك

عشري…..هتضعفي يا ليله و انا واثق

بصتلوا ليله بإبتسامه توترت و سكتت

عشري…..هتضعفي و انا مستحسل اعمل كده كلمة انت خطر عليا كنتي حساها اوي و انتي بتقوليها و انا كمان حسيتها و عرفت قد ايه انتي حبتيني بعد الجمله دي

ليله…..طيب ممكن أسالك سؤال

عشري….اكيد

ليله…..بس متفهمنيش غلط

عشري…..عمري ما هفهمك غلط

ليله…..يعني هو اللي هقولوا ده مستحيل يحصل مني بس لو حصل يعني

عشري…..بإبتسامه هاديه ماشي قولي

ليله…..افرض انا قربت منك اوي و حسستك بأي طريقه اني مسلمه ليك هتعمل ايه و اوعي تقولي انك مش هتقرب اللي اعرفوا يعني ان الراجل

عشري…..قبل ما تكملي لا يا ليله مستحيل اولاً عشان انا مستحيل اذي بنت حتي لو كنت بحبها و بتحبني ثانياً انا عمري ما هقرب منك او من غيرك بطريقه تغضب ربنا ثالثا وده الاهم انا مش الراجل اللي عايز بس يرضي رغبته و الاهم كمان ان ده مش هدفي معاكي انا بحبك يا ليله و عايزك تكوني مراتي

ليله…..طيب ولو لاقتني بقرب منك هتعمل ايه

عشري……هبعدك يا ليله و هتصرف معاكي

ليله…..بضحكه جميله هتتصرف ازاي

عشري….بضحك قلمين كده يفوقوكي او حبايه منوم تخليكي تنامي لحد كا الاوضاع تستقر

ضحكت ليله و حطت ايدها علي وشها

عشري…..بإبتسامه جميله فضل مركز في عينها شويه هو انا ممكن اطلب منك طلب

ليله….اطلب يا عمري

عشري…..انا عايز اقابل اخوكي عايز اتجوزك في اسرع وقت يا ليله

بصتلوا ليله بإرتباك و هي مبتسمه

ليله….ااااا عشررري انا

عشري…..لحظه قبل ما تتكلمي بصي يا ليله خلينا متفقين ان اللي بيني و بينك.بقي اكبر بكتير من اللي احنا متخيلينوا يمكن الفتره كان بسيطه بس انا عن نفسي اللي عيشتوا معاكي في الفتره دي معشتوش في عمري كله انا طلبت من ده لما كنا في دهب و انتي قولتي نستني شويه و نعرف بعض اكتر و انا احترمت ده بس خلاص مش قادر يا ليله عايز اكون معاكي و بعدين يعني ابويا عايز يشوفك و يعرف مين اللي بهدلت ابنه كده

بصتلوا بصدمه

ليله…..انت اتكلمت في الموضوع يا عشري بجد

عشري…..ايه فكراني بتسلي بيكي ولا ايه طبعاً اتكلمت ابويا و اخواتي عرفوا

ليله…..طيب و مامتك

عشري…..بإبتسامه سمعت من ابويا كده بس لسه مقعدتش معاها اصلا من وقت ما رجعنا وانا مش عارف اقعد معاها خالص يادوب اشوفها اطلع ابص عليها كله في السريع حتي هي قالتلي مستنياك تفضي و تحكيلي

ليله…..يعني ايه ؟

عشري…..يعني خلاص يا قلبي انتي حطيتي رجلك علي باب قلبي ناقص بس تدخلي بكره باذن الله هتكلم مع امي و اتكلم معاهم تاني و انتي كمان لازم تتكلمي مع اخواتك عشان انا شايف انه كفايه كده ولا انتي مش عايزه ولا ايه حكابتك

ليله…..بإبتسامه توتر لا اكيد عايزه بس يعني.انا حسيت اني اتوترت لما قولت بباك عرف و عايز يشوفني

عشري…..بضحك هو راجل يوتر اصلا

ليله….ده بجد

عشري…..بإبتسامه لا والله ابويا و امي حد جميل و هتحبيهم اوي و اصلا مفيش يقدر يوترك طول ما انا جنبك المهم الوقت تفتحي الكلام معاهم واتمني تاخدي معاد منهم كمان عشان نيجي

ليله…..بإبتسامه تجنن ضمتوا من قلبها انا بحبك اوي

عشري…..وانا بحبك اكتر يا عمري

فضلوا ساكتين شويه..

ليله…..عشررررري

عشري….عيونه

ليله…..هو احنا ممكن نروح نقعد شويه

عشري…..طبعاً تعبتي ولا ايه

ليله…..الهيلز وجعلي رجلي

عشري….طيب يا عمري تعالي يلا واقفلي بأيدك الچاكت ده صدرك طالع

ليله….يا ابني بقي بلاش الفاظك دي

عشري…..بنظره شراسه الفاظ ايه ما حقيقي صدرك طالع بره و الحرق باين كمان

ليله…..بإبتسامه البركه فيك علمت عليا

عشري….ما عاش ولا كان اللي يعلم عليكي بس اهي حاجه تفتكريني بيها يعني سايبلك ذكري يعني

ابتسمت ليله بدلع ومسكت ايده وراحوا مع بعض قعدت هي و عشري في المكان المخصص زي مجلس عربي كبير قعدوا في مكان جانبي عشان ليله تعرف تقعد براحتها بالفستان القصير.

………….
عند سلمي و حسان.

رجعت سلمي و ركنت عربيتها قدام البيت حسان مرضيش ينزل من عربيته و كان وراها علي طول اول مانزلت وقفت وابتسمت بهدوء و هي بتقولوا باي ابتسم ورفع ايده قالها باي و بعدين شاورلها بعينه علي الباب بمعني اطلعي

هزت راسها بهدوء و دخلت علي طول فضل واقف شويه لحد ما لمحها بتفتح باب الاسانسير

طلع بهدوء بعربيته و مشي واحده واحده و استني كام ثانيه وبعتلها ڤويس

حسان….سلمي طلعتي ؟

شافت الرساله و اتصلت بيه علي طول

حسان….بإبتسامه مرضتش اتصل بيكي

سلمي….لا بابا لسه مجاش اصلا مفيش حد هنا خالص و ايه كمان مرجعتش

حسان….بإبتسامه ماشي المهم اقفلي عليكي كويس لحد ما يوصلوا

سلمي….حاضر هو انت هتروح علي طول

حسان…..اكيد هبعتلك مسدچ اول ما أوصل

سلمي….وانا هبقي اتصل عليك

حسان……ماشي يا حبيبي المهم قوليلي مبسوطه

سلمي….مبسوطه اوي

حسان…..كان نفسي الخروجه دي تبقي غير كده بس تتعوض

سلمي….بالعكس كان يجنن و احلي حاجه حصلت فيه المفجأه اللي عملتهالي في العياده بجد شكراً

حسان….انا اللي شكراً يا عمري علي اليوم المميز ده يمكن كنت حاسس انه هيبقي يوم حلو خصوصاً اني كنت هشوفك بس مكنتش اعرف انه هيبقي يوم حلو اوي بالشكل ده
و إن شاء الله اليوم ده هيتعوض بشكل و بطريقه احسن من دي بكتير لان لسه عندي كلام.كتير عايز اقوله و كلام كتير عايز اسمعوا

سلمي….وانا زي ما قولتلك هتكلم مع بابا ان شاء الله و هحكيلك اللي حصل

في اللحظه دي سمعت صوت مفتاح

سلمي…..حسان حسان هكلمك تاني في حد جه

حسان…..اوك يا حبيبي يلا باي

سلمي….باي

قفلت و بصت علي الباب و ابتسمت اول ما شافت والدها.

………..

عند نعيمه و فضل

وقفت نعيمه جنب فضل

فضل…..بصي هاتي ايدك في ايدي كده متخافيش

نعيمه……لا هيعضني يا فضل خليني كده من بعيد لبعيد

فضل…..هاتي متبقيش عبيطه علي فكره هو طيب اوي و بيحب الناس و بعدين هو كان هادي و انتي ركباه و كده يبقي حبك قربي منه بقي

نعيمه….يا سيدي انا مش عيزاه يحبني اصلا مش هشوفه تاني

فضل…..ليه مس عايزه تركبي تاني

نعيمه….لا اقصد يعني مش شرط يكون نفس الحصان

فضل….علي فكره انا مش بركب غيره وهو متعود عليا و منبن ما باجي اركب لازم اركب عليه هو

نعيمه…..ايه ده يعني مش بتغير

فضل….لا طبعاً

نعيمه….ايوه بس هو مش بتاعك يعني وارد ينساك

فضل….الخيل وفي عمره ما بينسي الناس اللي بيحبها

نعيمه….يعني لو حبني هيفضل فاكرني

فضل….طبعاً

نعيمه….ايوه بس انا خايفه منه انا بخاف من جسم الحيوانات و ملمسهم اوي

فضل…..ايوه بس انتي مسكتي ميلو كذا مره قدامي

نعيمه…..عشان اتعودت عليه و بعدين هو مع ايه بقالوا كتير

فضل….طيب يعني هتتعودي عليه متخافيش يلا بقي هاتي ايدك

مسكت ايد فضل و هي خايفه شويه

نعيمه…..انت قولت مش هيعض

فضل….والله ما هيعض لو مؤذي مش هخليكي تقربي منه او تركبي عليه حتي

قرب كفها من الحصان و فضل يمشي ايدها براحه علي راسه و هي مغمضه و مقشعره منه

فضل…..بضحك فتحي يا جبانه متخافيش

نعيمه……ملمسه مرعب بجد

فضل….لما تتعودي عليه زي ميلو هتحبيه صدقيني شوفتي اصلا طيب ازاي

نعيمه….بإبتسامه اه جميل و هادي بس كفتيه كده بقي

فضل…..بضحك ماشي يا ستي كفايه كده مسك ابدها وبعد بيها شويه

نعيمه…..ايه ده استني انت هتسيبه

فضل…..ماهو جنبنا اهو

نعيمه….ايوه بس انت سايبه ممكن يجري

فضل….لا مستحيل يجري و يسيبنا مش بقولك انه وفي عمره ما يسيب صاحبه و يرجع

نعيمه….طيب احنا رايحين فين الدنيا ضلمه

فضل…..ايه خايفه

نعيمه…..بصراحه اه مفيش نور ولا في اي حد و المكان فاضي احنا بعدنا اوي ما تيجي نرجع

فضل….هنرجع بس خليه يرتاح شويه حرام جري كتير

نعيمه…..طيب بس منبعدش خلينا هنا

فضل…..بإبتسامه ايه خايفه مني ؟

بصتلوا نعيمه بهدوء عكس التوتر اللي جواها واللي هو كان ملاحظه

نعيمه….ااااا لا يعني بس المكان ضلمه اوي و ممكن يكون في حشرات او ثعبان

فضل……متخافيش يلا تعالي

نعيمه…..اااا لا خلينا هنا كفايه كده

فضل…..اممممم خايفه من الحشرات ولا من الثعابين بصراحه كده

نعيمه…..بصراحه

فضل….اكيد

نعيمه….الاثنين

فضل…..بضحكه جميله بجد خايفه مني يا نوني

نعيمه…..يعني مش بالظبط بس

فضل….بس ايه مش واثقه فيا

نعيمه…..لا واثقه

فضل…..طيب يلا تعالي

مدلها ايده و فضل باصص عليها

نعيمه….بهدوء طيب مسكت ايده و مشيت معاه.

فضل….قوليلي بقي مبسوطه

نعيمه…..جداً عشان اول مره اجرب حاجه زي دي

فضل…وقف وبصلها و مسك ايدها الاثنين طيب قوليلي بقي لسه زعلانه مني

نعيمه…..ااااا اه

فضل….بضحك بردوا طيب اعمل ايه تاني عشان اصالحك

نعيمه….توعدني متعملش كده تاني

فضل…..اوعدك بس انتي لازم تفهمي اني مش قاصد والله يا نوني كل الحكايه ان وقت الشغل بحب اكون مركز اكتر من الطبيعي انا حد بيحب شغلوا جداً و محبش ابداً ان يحصل مشكله في اي شغل او مكان انا ماسكه

نعيمه….بس انت بتحب العربيات اكتر

فضل…..انا بحب اي شغل انا مسؤول عنه صحيح انا بعشق العربيات و الشغل فيها بس كمان انا مش عامل في مكان انا صاحب مكان و قولتهالك قبل كده لو تفتكري لما كنا قاعدين علي السلم لما قولتلك اني بحب اشتغل بأيدي كمان و ان صاحب المكان الشاطر لازم يكون متقن في شغلوا عشان ينجح فا غصب عني وارد اكنسل عليكي لو في ايدي حاجه مهمه جايز معرفش حتي اكنسل المهم ان لو ده حصل تبقي عارفه كويس انه غصب عني و تفهمي النقطه دي كويس و تتأكدي اني لو كنسلت او مردتش ده مش تجاهل مني لاني مقدرس اعمل معاكي كده وانتي عارفه كويس
اتفقنا

نعيمه….حاضر بس ممكن اطلب منك طلب

فضل…..اكيد

نعيمه….لو حسيت في يوم انك مش عايز تتكلم او مش حابب تعرفني متسبنيش متعلقه و بفكر و انت من جواك مش حابب تكون موجود معايا

فضل….ليه بتقولي كده انتي عارفه كويس اوي اني عايز اكون معاكي

نعيمه…..مش عايزه اعيش نفس تجربه ماما يا فضل لاني لما فكرت شويه اني ممكن اعيش نفس الشعور مقدرتش لما حسيت ان شغلك واخد كل وقتك افتكرت بسرعه المشكله اللي موجوده ديما بين ماما وبابا خوفت

فضل…..بإبتسامه طيب قوليلي خوفتي ليه و ليه حطيتي نفسك مكان مامتك و حطتيني مكان بباكي

نعيمه…..ااااااا يعني لما عملت موقف الموبايل خوفت

فضل…..طيب ممكن أسألك سؤال و تردي بصراحه

نعيمه…..اكيد

فضل…..حاسه بأيه وانتي معايا ؟ او بمعني تاني شيفاني ازاي في حياتك

بصتلوا نعيمه و ابتسمت بهدوء و بعدين بعدت عينها

فضل…..انتي قولتي هتردي بصراحه

نعيمه….اااات يعني طيب قولي انت ازاي شايفني في حياتك

فضل…..بإبتسامه لا والله انا اللي سالت الاول هتسرقي سؤالي ولا ايه يلا جاوبي

نعيمه…..طيب عشان خاطري جاوب انت الاول و انا هجاوب بعدك

فضل….والله ابداً انا اللي سألت السؤال

نعيمه….بإبتسامة إحراج عشان خاطري

فضل….قوووولي

نعيمه…..اااا يعني احمممم حد مهم في حياتي

فضل….لأي درجه مهم

نعيمه….ااااا درجه كبيره

فضل…..طيب بلاش اي درجه خليني أسالك السؤال بطريقه تانيه انا في حياتك تصنيفي ايه

نعيمه…..ااااا لا مش هقول انت كده بتهرج و يلا هلينا نرجع

فضل….مسك دراعها و هو بيبصلها بنظره تموت و سط ضوء الامر قوووووولي

نعيمه……بتوتر رهيب من نظرته و قربه و عينه فضل

فضل…..قولي

نعيمه…..ااااا طيب انا بدرت خلينا نرجع.

فضل……لا مش هنرجع الوقت و يلا قولي

نعيمه…..بإبتسامه طيب انا بقولك اني بردت

فضل…..وماله ادفيكي

نعيمه…..بصدمه ابتسمت يعني ايه؟

فضل….بضحكه تجنن يعني ادفيكي لو بردانه مش عارفه ادفيكي ازاي

نعيمه…..بتوتر ابتسمت خليك مؤدب

فضل…..بضحك انا مش مؤدب و هتقولي و لا اخد الحصان و ارجع و اسيبك لوحدك

نعيمه…..اكيد مش هتعمل كده

فضل…..بنظره جميله اكيد طبعاً بس يلا قولي تصنيفي ايه في حياتك

نعيمه….قولتلك حد مهمه

فضل…..مش عايزه تقولي يعني

نعيمه……طيب ما انت كمان مش عايز تقول

فضل…..مش يمكن عايز اسمع منك الاول

نعيمه…..بإبتسامه هاديه وإحراج فظيع اااااا يعني اااا هي ملهاش مسمي او تصنيف بس بحب اشوفك بحب اكون معاك بحب قربك و وجودك وووو بحب

فضل….بإتسامه غمزلها طيب ما نزولها كاف و نخلص

نعيمه…..هي ايه

فضل….وبحبــــ ك

ابتسمت نعيمه و بعدت عينها عنه بسرعه

فضل……رفع حاجبه و ابتسم هاااااا صح ولا ايه

نعيمه…..اتنهدت تنهيده طويله و بصتلوا بهدوء و هزت راسها اااااا ابوه بحبك ارتحت

ابتسمت فضل بحب و شدها من ايدها بهدوء و ضمها لصدره و هو بيبوس راسها بوسه طووووووويله

فضل….بهدوء و انا كمان بحبك و مش عارف امته وازاي ده حصل بس كان باين عليا اكيد و لا ايه

هزت راسها بهدوء و هي في حضنه

بعدها بهدوء كان حاسس من كتر ما هي محروجه منه وشها بيطلع نار

فضل….بهدوء أسف لو زعلتك و اسف لو خليتك تخافي من غير ما اقصد انتي حد مهم بالنسبالي يا نوني حد بحبه و بحترمه و بحب وجوده و بحب المساحه الكبيره اللي قدرتي تاخديها في قلبي يعني اوعي ابداً ابداً تفتكري او تتخيلي اني ممكن اتجاهلك او ممكن شغلي مهما كان حبي ليه يخليني ابعد عنك و اوعي تفكري حتي لو بينك و بين نفسك اني هكون نسخه تانيه لوالدك هو طبعاً كامل الاحترام ليه بس ده طبعه انا راجل بيحب الحياه بحب اكون مبسوط انا والشخص اللي في حياتي عايز اعمل كل حاجه معاكي نتجنن نحب نتهور نضحك نهرز نجري نعمل حجات غير متوقعه في اوقات غير متوقعه نجرب بإختصار انا مش الراجل اللي يومه كله في شغل و اجازته راحه في البيت لاني مليش في قاعده البيت اصلاً

المهم اني لما اتشغل تبقب واثقه انه غصب عني و تبقي متأكده اني بخلص اللي في ايدي بسرعه عشان اكون معاكي سواء بقي بمكالمه بمقابله برساله فهمتي

نعيمه…..بإبتسامه تجنن فهمت

فضل….يعني مش هنزعل و نتقمص تاني زي العيال الصغيره

نعيمه…..بإبتسامه لا خلاص

فضل…..طيب بحبك

ضحكت ضحكه جميله

نعيمه….وانا كمان

فضل…..طيب يلا يا قلبي خلينا نرجع عشان الجو برد عليكي و كمان عايزين ناكل انا جعان

نعيمه….لحظه بس هو انا هطلع ازاي مفيش سلم او كرسي

فضل…..بضحكه جميله انتي لسه واخده بالك

نعيمه….بصدمه اه والله ايه هنعمل ايه

فضل…..بإبتسامه ولا حاجه هقولك تعالي

مسكها من ايدها وراح بيها علي الحصان

نعيمه…..ايوه و بعدين

فضل…..بإبتسامه قدامك حلين تختاري منهم

نعيمه….ايه هما

فضل…..يا اشيلك يا اشبكلك ايدي و تطلعي

نعيمه…..لا ده ولا ده طبعاً

فضل…..بضحك ليه

نعيمه…..اولاً مش هتقدر تشيلني ثانياً انا لابسه شوز هدوس علي ايدك ازاي كمان الحلين معناهم اني هطلع قبلك و انا مش هعمل كده

فضل….بضحك ما انا لو طلعت قبلك مش هعرف اطلعك

نعيمه….فضل انت بتستعبط طيب نزلتني ليه من الاول بقولك ايه انا همشي جنبك وخلاص بس متجريش

فضل……دي مسافه طويله

نعيمه…..مش اوي النور باين اهو من بعيد شويه

فضل….بيتهيألك انتي مخدتيش بالك احنا قعدنا قد ايه نجري

نعيمه…..طب ايه بجد هنعمل ايه

فضل…..انتي اتحطيتي قدام امر واقع ولازم تقبلي بيه

نعيمه……يعني ايه

ابتسم و غمزلها و بعدين حط ايده علي وسطها و مره واحده رفعها بكل قوته و هي بتصرخ قعدها علي حرف الحصان

فضل…..يلا ارفعي رجلك علي هناك

عدلت نفسها بسرعه وبصتلوا بخوف

نعيمه…..اطلع بسرعه هيجري

فضل…..متخافيش حط رجله و نط بسرعه وركب وراها

غمضت عينها بسرعه و هي بتحاول تتجنب شعورها بقربه

ابتسم فضل وقرب شويه من ودنها بكل تلقائيه رفعت كتفها و حست انها قشعرت

فضل…..بضحكه تجنن ايه عشان تحسي بيا لما بتلمسي رقبتي

نعيمه…..بضحكه هاديه فضل ابعد نفسك عن رقبتي عشان خاطري

فضل…..بإبتسامه حط ايده علي اللجام و بعدين ضم اللجاب بأيده الاثنين علي وسطها وضمها اوي

نعيمه……بصدمه و دقات قلب سريعه فضضضضل

فضل….ششششش حرك رجله بهدوء علي الحصان فا مشي الحصان براحه

نعيمه…..بتنهيده بتحاول بيها تظبط نفسها هو مش بيجري ليه

فضل…..بأبتسامه وهو ساند دقنه علي كتفها ومقرب منها مش بقولك حصان وفي و بيحب صاحبه مش عايز يضيع عليا اللحظه دي و يجري و يخليها تخلص بسرعه

نعيمه…..انت و الحصان بتاعك مش مؤدبين علي فكره

فضل…..بضحك عاجبك ولا لا

نعيمه…..بإبتسامه عاجبني بس خليه يجري شويه

فضل….الوقت عيزاه يجري عشان مزنوقه هااا

نعيمه….بضحكه جميله عشان خاطري

فضل…..لا انا مبسوط كده

نعيمه…..علي فكره انت بتستغل الزنقه اللي انا فيها دي

فضل…..اه انا راجل استغلالي

نعيمه…….طيب يجري شويه صغيره

فضل…..ماشي يا ستي عشان خاطرك انتي بس امسكي نفسك

نعيمه…..يلا

حرك فضل رجله بطريقه اسرع شويه بدأ الحصان يجري و هي مبسوطه جداً وحاسه انها طايره و بتعيش اجمل حلم اغلب البنات اتمنوا يعيشوا فيه فارس علي حصان ابيض و طاير بيها.

……………..

في منزل سلمي احمد كان قاعد بيسمعها و ساكت

سلمي….انا مصدقه مشاعري يا بابا و انا مش صغيره و اقدر اميز كويس جداً إذا كانت مشاعري دي حب و لا مجرد إعجاب عابر انا عارفه ان حضرتك ممكن تشوفني اتسرعت مستعجله تشوف ان المده دي كانت بسيطه عشان احب بالسرعه دي واقولك اني حبيت شخص بس حضرتك عارف اني عمري ما كنت متسرعه و صدقني مهما كانت المده بالنسبه لحضرتك قصيره اوي عشان احكم علي مشاعري او عشان اربط قلبي بشخص فا هي بالنسبه ليا كبيره اوي مهما وصف لحضرتك المواقف والنقاشات اللي دارت بينا و الاسلوب و التفكير مش هقدر اختصرلك

احمد…..بصي يا سلمي انا عايز اقولك علي حاجه انا عمري في حياتي يا بنتي ما أديت للمده قيمه و لا عمري وثقت في جملة ان السنين هي اللي بتخليكي تعرفي معدن البني ادم بيبقوا صحاب و اهل و قرايب و متجوزين و يجي واحد فيهم يقع في مشكله و الكل يختفي و يقف يتفرج من بعيد و بتبقي عارفه ناس من فتره قصيره و تحسيهم جبل واقف في ضهرك و ممكن متبقيش عرفاهم كمان و يظهروا بس وقت المشكله و يقفوا جنبك لان اللي جواهم كبير وإنساني شافوكي في موقف صعب واقفه بطولك و قرروا يكونوا جنبك و بعدها كملوا معاكي الطريق و اللي كانوا معاكي من البدايه مبقوش موجودين فا فكرة المده و الوقت انا مقدرش احكم عليها و كمان انا واثق ان انتي مش صغيره و عارفه كويس اوي تميزي بين الشخص الصادق والكداب و الاهم من ده كله انتي عارفه انتي عايزه ايه

سلمي…..طيب حضرتك ايه رأيك في الموضوع عموماً

احمد…..قبل ما اقولك رأيي يا سلمي انا حابب اعرف رأيك انتي حاسه انك مرتاحه حاسه انك عايزه العلاقه دي تكمل

بصتلوا سلمي و ابتسمت ابتسامه بسيطه.

احمد……لا انا عايزك تردي عليا عايزك تنسي خالص اني ابوكي احنا الوقت اتنين صحاب بيتكلموا مع بعض يعني مفيش مجال لاكسوف والإحراج احنا بنتكلم في موضوع مهم حياه مستمره و مستقبل

سلمي…..ايوه يا بابا مرتاحه جداً و معنديش اي مشكله اني اكمل

احمد….طيب فرق السن بينك وبينه انتي قولتي انه عنده 41 سنه و انتي 32 يعني هو اكبر منك بتسع سنين شايفه الفرق ده ازاي

سلمي…..اولاً الفرق بينا مش واضح

احمد…..مش بالشكل يا سلمي انا بتكلم عن قدام شويه انا بالنسبالي فرق السن ده مجرد رقم زيه زي المده اللي تقدري بتعاشري فيها البني ادم

سلمي…..مش حاسه انها مشكله خالص و لا عمري فكرت في موضوع السن

احمد…..تمام فكرة انه كانت متجوز و حالياً منفصل

سلمي….بردوا بالنسبالي مش حاجه مهمه انا كمان ممكن اتجوز و انفصل و اجرب فرصتي مره تانيه

احمد….الجواز والانفصال مش عيب و انا عن نفسي بردوا معنديش مشكله بس هو عنده بنت يا سلمي و البنت دي وجودها هيخلي في وصال بينه وبين طليقته حتي لو هي اتجوزت وبقي ليها حياه تانيه و انتي قولتي علاقتهم كويسه ببعض سؤالي بقي هتقدري تتحملي ده

سلمي…..اكيد يا بابا يعني في النهايه البنت لازم تكون في وسطهم هما الاثنين ولازم تشوفهم بيتعاملوا مع بعض بكل احترام

احمد….اكيد و دي حاجه احترمه عليها بس واضح انك مفهمتيش سؤالي كويس و اتمني تفكري بهدوء قبل ما تردي انا بسأل عن قدرتك كا ست بتشوف جوزها بيتواصل مع طليقته هتقدري تكوني واعيه و عاقله و متفهمه ولا غصب عنك زي اي ست هتغيري

سلمي…..ااااا يعني يا بابا بيتهيألي حتي لو غيرت دي مش حاجه عيب والغيره شعوى طبيعي

احمد…..بس في الحاله دي مش هيكون شعور طبيعي لانهم مجبرين يا حبيبتي يتعاملوا مع بعض بس غيرتك وقتها هتسبب مشاكل مستمره بينك وبينه و حياتك هتتقلب و مش بعيد المشاكل توصل للانفصال

سلمي….لا لا اكيد مش للدرجادي حضرتك عارفني كويس انا مستحيل اغير بالشكل ده و بعدين مين قال اني هغير اصلا انا بس بقول لحضرتك ان الغيره مش عيب بس في وضع حسان و طليقته بيتهيألي اني مستحيل اغير لان هي متجوزه ده اولاً ثانياً حسان لو كان عايز يصلح اللي بينهم كان حاول بس هو اللي مكانش حابب و لا هي كمان

احمد…..طيب وليه واثقه كده مش يمكن مش كل حاجه بيقولها صادق فيها ليه مصدقاه اوي كده

سلمي…..مصدقاه لانه لما اتكلم عنها اتكلم عنها بكل تحترام مغلطتش فيها زي ما رجاله كتير بتعمل محاولش يبان قدامي ضحيه زي بردوا رجاله كتير بتعمل محاولش يستعطفني و يخليني احس انها كانت ظلماه او هي كانت حاطه بينهم حاجز بالعكس بيحترمها جداً و بيقدرها و مغلطش فيها ولا حتي غلطه واحده ولما سألتوا مين فيكم اللي كان غلطان قالي ولا انا ولا هي احنا متفقناش قالي انها ست محترمه و متربيه و بنت عيله و طباعها حلوه و لما حاولت اسال السؤال بشكل تاني قولتلوا طيب لو هنقول ان في حد فيكم كان سبب في ان العلاقه متكملش قالي ممكن اكون انا لاني مكنتش قادر احبها و مقدرتش الاقي فيها اللي انا عايزه و مش معني كلامي ده انها كانت حد وحش بالعكس كانت كويسه بس مقدرتش احبها و مقدرتش اخليها تحبني حياتنا كانت بارده و احترمته اكتر لما قرر ان الحل هو الانفصال ومع ذلك محبش هو اللي يطلب ده سابها هي اللي تطلب قالي عشان مهما كان هي ست والست بتتجرح لو الراجل قالها انه مش عايز يكمل

احمد…كل ده جميل والاجمل انك واثقه فيه و مصدقاه بصي يا سلمي انا كا اب ليكي عليا النصيحه لو هحكم عليه من كلامك فا بيتهيألي اي اب في الدنيا يتمنالك راجل زيه و اقولك كمان انه راجل محترم بس انا عشان حكم عليه يكون صح فا لازم انا اللي اشوفوا بنفسي دي حاجه الحاجه التانيه انا عمري ما هقف في طريقك ولا هعدل علي اختيارك الا لو كنت واثق انه غلط ميه في الميه و تعليقي الوحيد علي كل تفاصيل حياته اللي حكتيها هو انه علي وصال مع طليقته و لاني عارف الست بتفكر ازاي فا طبيعي لازم اللفت نظرك لان الغيره في الحاله دي ممكن تخرب علاقتكم ببعض

سلمي……طيب لو سألت حضرتك مبدأياً كده ايه رأيك في الموضوع عموماً موافق ولا لا

احمد…..لسه بدري علي اني اوافق او ارفض يا سلمي لازم اشوفوا لازم اتكلم معاه لازم افهم طبيعه علاقته بطليقته و جوزها انتي قولتي كمان ان علاقته بجوزها كويسه لازم اعرف موقف بنته بعد جوازك هيكون ازاي هتفضل مع مامتها و لا معاه لو معاه هتوافقي انتي ولا لأ و لو مع والدتها هيبقي في مشاكل و لا لا

سلمي…..هنا مع ماماها اصلا من البدايه و مس عايشه معاه بيشوفها علي طول و اوقات ممكن تبات معاه يوم او اتنين وده باتفاق بينهم بس اغلب الوقت مع مامتخا و جوز مامتها

احمد…حلو طيب لو فرضنا جابها بعد.جوازكم تقضي معاكم يومين زي ما بتقولي موقفك هيكون ازاي

سلمي…..حضرتك اللي بتسالني سؤال زي ده يا بابا اكيد مش هرفض و هعتبرها بنتي كمان

احمد…..انا عارف انك حنينه يا سلمي وعمري ما اقدر اشكك في انسانيتك بس دي هتبقي بنت طليقه جوزك

سلمي….حتي لو دي طفله يعني مقدرش اعمل اي مشكله او احرمها من بباها.

احمد…..تمام يا سلمي يمكن ردك علي كل سؤال سالته كنت واثق منه بس كام لازم اسألك و نتناقش بصوت عالي عشان لو في نصيب بينكم نبقي تخطينا و تجاوزنا اي مشاكل ممكن تحصل و متجيش تلوميني و تقوليلي منصحتنيش ليه

سلمي…..وانا واثقه يا بابا ان حضرتك لما تشوفوا و تتكلم معاه هتفهم اللي جوايا اكتر

احمد…..اشمعني هو يا سلمي

سلمي…..معرفش بس يمكن حسيت انه اقرب ليا حسيت انه شبهك مش في الملامح في الشخصيه عشان علاقته بطليقته و بنته و جوز طليقته عشان مش اي راجل بيتصرف بالشكل ده حجات كتير خلتني انجذبت ليه لفت نظري في اكتر من موقف

احمد…..بإبتسامه طيب مش غريبه ان انتي تخرجي معاه في نفس اليوم اللي اختك تخرج مع شاب من صحابه اللي كانوا معاكم ايه متفقين مثلاً ايه كمان في حاجه بينها وبين الشاب ده

ابتسمت سلمي بهدوء

احمد….بإبتسامه جميله بصلها من فوق نظارته قولي قولي اعترفي

سلمي….بضحكه جميله انا مليش دعوه هي تحكيلك

احمد…..مين قال انها مش هتحكي هي تقدر تخبي عليا بس انتي اختها الكبيره و اكيد ليكي نظره ولازم تخافي عليها

سلمي….متقلقش يا بابا ايه ميتخافش عليها و كمان سلامه شاب محترم جداً

احمد……يعني في حاجه ؟ اصل هقولك علي حاجه كمان انهارده عرفت من عمك محمد و من زوزو ان ايمي كمان في موضوع معاها فا بصراحه مبقتش فاهم

سلمي….بإبتسامه بص انا هقولك علي حاجه يمكن بعيده شويه عن سؤالك بس اكيد حضرتك هتفهمني الشباب كلهم مش بس حسان او سلامه بالنسبالي كا شخصيه و رجوله وجدعنه هما كانوا زي الحلم بالنسبه لينا كل واحده فينا شافت في كل شاب اللي بتفتقده شافت فيه حلمها شباب بتفكير و باسلوب و احترام مش موجود الوقت

احمد….بنظره جميله اااااه ده واضح بقي ان كلكم اتعلقتوا مش انتي و ايه بس

سلمي…..هتصدقني لو قولت لحضرتك اني بدأت احس ان اللي حصل ده كله مكانش مجرد صدفه و ان ربنا كان ليه حكمه في ده

احمد…..كل حد حصل معاه موقف في الفتره دي اكيد مكانتش صدفه وارد يكون ربنا رايد انكم تتقابلوا زي ما رايد ان غيركم يخسر شغلوا و غيركم يتهد بيته و غيركم ربنا يكتبلوا عمر جديد زي ما جمعكم بحكمته فرق ناس تانيه بردوا بحكمته مصدقك يا سلمي عشان مفيش صدف في اقدار و في حكم و في رسايل بتوصل عن طريق موقف عن طريقه كارثه عن طريق اي حاجه عموماً يا سلمي انتي واختك بثق فيكم جداً فوق ما تتخيلي ربنا عالم انا تعبت في تربيتكم قد ايه و عالم انا ازاي راعيته في كل تصرف و انا بربيكم وواثق انه مش هيخذلني ولا هيأذيني فيكم بصي يا حبيبتي انا مبدأياً اتمني افرح بيكي انتي واختك و اتمني اشوفكم مع رجاله تصونكم و تحافظ عليكم و تقدركم يعني معنديش اي مانع لاي شخص يدخل من الباب و هو ناوي يحطكم في قلبه.

فتحت ايه بالمفتاح في الوقت ده

ايه…..بابتسامه شقيه حمودي والله العظيم اسفه لو اتأخرت بس بص عامله حادثه

احمد….بقلق ايه ده فيكي ايه؟

سلمي…..انتي مال مناخيرك ؟

ايه….اهدوا اهدوا انا زي الفل حادثه بسيطه في العربيات بتاعت الملاهي حد خبطني خبطه جامده ومكنتش ماسكه دماغي خبطت في الدركسيون و مناخيري اتخبطت جامد و نزفت

احمد…..استني انا لابس خلينا نروح نطمن عليكي

ايه….لا لا ملوش اي لازمه انا تمام والله بخير بص اهي اهي شايف بحركها وزي الفل

سلمي….يا بنتي احسن تكون مناخيرك اتكسرت ولا حاجه

ايه….يعني هي لو اتكسرت انتي كمان هبقي عاديه يعني هي بتوجعني شويه بس تمام يعني

احمد…..طب ما نطمن احسن

ايه…..با حبيبي والمصحف كويس اروح اشم فلفل اسود عشان اعطسلك و تتأكد انها شغاله

احمد…رفع حاجبه والاستاذ اللي كان معاكي عمل ايه بقي

بصتلوا ايع بابتيامه احراج و بصت لسلمي لقيتها بتضحك بهدوء

ايه….اااااا سلامه لا هو يعني كان مصمم نروح المستشفي و كده بس قولتلوا اني زي الفل

احمد….وايه حكايه سي سلامه ده كمان زي سي حسان بردوا

ايه….بضحك بصت لسلمي حسان ماله حسان

احمد….يابت بلاش تعمليهم عليا اختك اعترفت بكل حاجه الوقت

ايه…..بصدمه ااااا بص هو انا لحد قبل ما اكلمك مكانش في اي حاجه

احمد….بضحكه بسيطه ايه و بعد فسحة الملاهي بقي فيه

ايه…..ااااا بص يا حمودي في الواقع

احمد….ايوه ماله الواقع

ايه…..بضحك شكلك كده داخل علي جوازتين و شويه وهتبقي جد و من الاخر كده ضاعت فرصتك في الجواز تقعد بقي تربي عيالنا نصحتك كتير وقولتلك اجيبلك عروسه بس انت رفضت اتحمل بقي نتيجة رفضك

احمد….انتي هتاخديني بكلمتين يابت اقعدي هنا احكيلي

ايه…..ااااطب احكيلك ايه و انتي قولتي ايه يا مصيبه

سلمي….بضحك انا والاه قولت الجزء اللي يخصني و لما سألني عنك قولتلوا تحكيلك هي

احمد…..ايه عابزه تعرفي قالت ايه عشان تقولي زيها

ايه…..بإبتسامه جميله قعدت جنبه وباسته من خده لا يا سيدي انا هقولك اللي عندي من غير ما اسمع سلمي انت عارف اني مش بكدب عليك

احمد….عارف يلا سامعك مالوا سي سلامه ده كمان وايه حكايته

ايه…..اااا يعني شخص طيب و حنين و محترم وووو

احمد…..هو بالنسبالك ايه اختصري

ايه…..بضحكه احراج بصراحه

احمد….بصراحه

ايه……حبيته يا بابا و هو كمان قالي انه بيحبني

سلمي….بسعاده بجد قالك

احمد….ومالك فرحانه كده ليه هو يطول

ايه…..لا بص هفهمك يمكن انا اللي حسيت من البدايه بمشاعر و قولت للبنات بس كنت ديماً حاسه انه بيتعامل معايا علي اني اخته الصغيره و من يوم ما رجعنا مسألش خالص قولت بس يعني رجع لحياته و مفكرش فيا بنفس الطريقه اللي انا فكرت فيه بيها كنت مخنوقه جداً

سلمي….بص يا بابا انا هفهمك سلامه نسخه ايه في الهزار و الضحك و الدم الخفيف راجل جداً بس مرح و بيحب الضحك و ابه كانت اقرب حد ليه يعني هزار و ضحك مقالب في الكل فا اللي كان يشوفهم يقول صحاب اخوات بس احنا كنا واثقين ان مشاعر سلامه مش كده الا ايه

احمد…..ااااه عشان كده كنتب مكتئبه و الوقت راجعه مبسوطه

ايه….لانه اعترف و انا مكنتش متوقعه بصراحه

احمد….عنده قد ايه ؟

ايه…..35

احمد…..طيب وايه ظروفه يعني كان مرتبط اوي اي حاجه

ايه…..لا

احمد…..و انتي حاسه بأيه يعني واثقه فيه ولا بيتسلي

ايه…..لا طبعاً واثقه فيه جداً

احمد….عرف ان انتي كان مكتوب كتابك

ايه…..اه عرف كل حاجه عني و يمكن ابن خالته نفس ظروفي بالظبط

احمد….يعني ايه

ايه…..يعني مامته وبباه اتوفوا وهو صغير خالته اللي هي مامت سلامه خدتوا تربيه بس جوزها رفض عسان ظروفهم و سلامه ليه اخ واخت غيره يعني كانوا هيبقوا اربعه.بس لما رفض مامته مقدرتش تسيبه و انفصلت وربتهم كلهم وهما صغيرين

احمد…..انفصلت عشان تربي ابن اختها

ايه…..اه

احمد…..طيب و والده راح فين و ايه علاقته بيه ؟

ايه…..علاقتهم كويسه بيشوفوا و بيسأل عنه و بيتهيألي الفضل في تربيتهم هي مامتهم بجد

احمد…..حلو طب ايه عايزين نتعرف علي استاذ سلامه كمان

ايه…..بجد

احمد….طبعاً بجد ولا هو بيتسلي

ايه….لا والله ابداً هخليه يشوفك طبعاً

احمد….ماشي يا ست ايه اما نشوف اخرها معاكم

ابتسموا البنات وحضنوا احمد و هو حضنهم بحب.

……………
عند نادين و عسال
بعد ما اتعشوا رجعها تاني تحت البيت كان باين عليها وهما بياكلوا ان فيها جاجه و مش بتحاول تظهر لس معرفتش تخبي سألها ميدو اكتر من مره بس كانت بتبتسم و تقول مفيس و بتتهرب بس كان واثق ان المكالمه دي وراها حاجه هي اللي ضايقتها بالشكل ده

نزلت نادين من الرييس و هي بتبص حواليها و بتتأكد ان هادي مش موجود.

ركن عسال ونزل هو كنان و بصلها

عسال…..ايه مش هتقوليلي مالك بردوا

نادين…..ليه مصمم ان فيا حاجه انا قولتلك مفيش

عسال….مصمم عشان من بعد المكالمه اللي جاتلك وانتي مش طبيعيه يا نادين

نادين….وانا قولتلك الرقم غلط

عسال….بإبتسامه ماشي يا حبيبي و انا هصدقك بس اتمني لو حبيتي تقولي اي حاجه متتردديش لحظه و افتكري ديماً ان انا موجود ماشي يا حبيبي

نادين….بإبتسامه هاديه اكيد انت هتروح

عسال…..اه هروح علي طول

نادين…طيب تحب تطلع شويه فوق تشرب اي حاجه

عسال….بإبتسامه هاديه لا يا عمري اطلعي ارتاحي يلا وانا اول ما اوصل هكلمك علي طول اوك

نادين…..اوك

عسال….يلا اطلعي وانا مستنيكي تقولي انك دخلتي

نادين…..طيب مش عايز حاجه

عسال….سلامتك يا حبيبي

سلمت عليه وخدت شنطتها من العربيه بتاعتها وطلعت علي فوق استني ميدو شويه احد ما طلعت و كلمتوا.

نادين…..الووو

عسال…..دخلتي

نادين….ايوه دخلت

عسال….طيب يلا اقفلي عليكي كويس

نادين….قفلت خلاص متقلقش

عسال….اوك يا حبيبي.

نادين….سوق براحه وخد بالك من نفسك

عسال…..حاضر يلا باي

نادين….باي.

…………….

عند ايمي و رشيد

بعد ما خلصوا اكل قام رشيد و مشي بيها فضل يلف شويه بالعربيه بعد ما طلبت منه انه يفضل ماشي

وقف رشيد علي جنب طلعها المقطم و نزلها المنظر من فوق كان يجنن و تقريباً شابفين مصر كلها و المكان كان رايق مش فيه ناس كتير وقفت ايمي تبص بهدوء و هي ساكته

رشيد….ها يا قلبي بيتهيألي المكان هنا مناسب مش ناوبه تتكلمي بقي

بصتلوا ايمي بهدوء عينها كانت مليانه دموع

رشيد….ايمي.انا بدأت اقلق بجد انا اول مره اشوفك كده

ايمي….بدوع ووجع رشيد انا تعبانه اوي

رشيد…طيب من ايه و ايه العياط ده كله اهدي بس عشان خاطري مسك ايدها و قرب منها ايمي عرفيني فيكي ايه

ايمي…..بانهيار فظيع انا اقصد اااا جالي مكالمه

رشيد….لا لا احظه اهدي و بطلي عياط عشان اقدر افهمك

ايمي….حاضر حاضر

رشيد…..شششششش اهدي خالص و خدي نفسك مسح دموعها وقعدها علي الرصيف بتاع الكورنيش و رجع مسك ايدها يلا بهدوء كده عشان افهم

ايمي….حاضر ااا اول امبارح جالي مكالمه من بنك تجميد البويضات اللب قولتلك عنه ده عباره عن مركز طبي بيتم حفظ البويضات فيه يعني

رشيد….تمام وبعدين

ايمي…..طلبوا مني اني اجيب الفايل بتاعي عشان يتم تطابق العينات بتاعتي بالاكواد اللي عندهم.

رشيد…..طيب وده ليه يحصل مش هما المفروض عارفين كل عينه بتاعت مين

ايمي…..لا هي العبنات بيكون عليها اكواد والاكواد دي بيبقي في منها نسخه معايا مكتوبه في الفايل بتاعي واللي عرفتوا لما سالت ليه دي اول مره تحصل اكتشفت ان من بعد اللي حصل في الجو و الكارثه دي حصل زي ماس كهربائي حرق كل الحاجه الخاصه بالبيانات و بالاجهزه بتاعت الكبيوتر اللي بيبقي متسجل عليها كل حاجه

رشيد….يعني ايه العينات راحت

ايمي….لا لا العينات كانت في مكان تاني الحريقه اللي حصلت دي كانت في الجزء الخاص بالاوراق والبيانات والاجهزه اللي متسجل عليها كل حاجه

رشيد….طيب كويس فين المشكله

ايمي….المشكله ان العينات مبقتش معروف بتاعت مين او بمعني اصح اللي عارف الاكواد بتاعته هو بس الي واثق في العينه

رشيد….تمام بردوا فين المشكله انتي قولتي ان بيبقي.معاكي نسخه من الفايل و فيها الاكواد يعني بسهوله تعرفي العينات بتاعتك

ايمي….بدموع هزت راسه بلأ وهي منهاره مبقاش في يا رشيد

رشيد…اهددددددي اهدي براحه مفيش حاجه تستاهل الحاله اللي انتي فيها دي

ايمي…..لا في يا رشيد انا في مصيبه بجد

رشيد….طيب فهميني يا قلبي فين المشكله و يعني ايه مبقاش فيه

ايمي…..لما قالولي كده فضلت امبارح ادور ملاقتش الفايل و طبعاً كنت نازله مع البنات فا قولت اكيد.هلاقيه بس انزل و لما ارجع ادور براحتي طبعاً مودي كان زي الزفت حاولت اني اكون طبيعيه علي قد ما اقدر واحاول اهدي و مبينش اي حاجه و قولت يمكن حطيتوا في اي مكان وناسيه ولما ارجع اشوف هو فين من امبارح يا رشيد قلبت البيت حرفياً لحد ما الصبح طلع الفايل ملهوش وجود انا منمتش مفيش حاجه في البيت في مكانها حسيت اني بنهار قولت طيب اروح المطعم شويه عشان اهدي و ارجع ادور تاني و بعدين انت جيت وخرجنا

رشيد….طيب انتي دورتي في شقتك ولا في البيت كله

ايمي….هو كان في شقتي

رشيد….طيب مين بيدخل عندك الشقه او مين بينضفها

ايمي…..زوزو و اخواتي و بابا عادي يعني بيطلعوا عندي ديماً الا لو هنقعد تحت و التنضيف انا و زوزو و امنيه بننضف البيت عادي.

رشيد….طيب مفيش حد بيتجيبوا ينضف البيت

ايمي…..لا زوزو مش بتوافق و بتحب هي تعمل كل حاجه بنفسها حتي في شقتي بتطلع هي عشان عارفه اني ببقي مشغوله ديماً بتنضف و بتغير الفرش كده يعني

رشيد…..طيب حلو ما نسأل زوزو مش يمكن هي لاقته و شالته في مكان

ايمي…..سألتها قولتلها لو كانت لقت اي ورق و هي بتنضف قالتلي لا و قالتلي حتي لو لاقيت ورق مستحيل ارميه سألتني كمان لما لقت الشقه مش علي بعضها طيب ورق ايه معرفتش اقولها حاجه لانها متعرفش اصلا قولتلها ورق خاص بالشغل واصلا كان واضح عليها انها متعرفش اي حاجه

رشيد….طيب وامنيه ؟

ايمي….كانت معانا وقالتلي والله نا شوفت اي حاجه

رشيد…..طيب انتي مش فاكره الاكواد دي

ايمي…..بدموع خالص يا رشيد المشكله انب اتصلت بيهم تاني الصبح و قولتلهم لو الفايل ضايع ابه العمل اكيد في حل

قالولي لازم يكون الفايل موجود لانهم في مشكله كبيره ولازم كل حد ليه عينه يبقي معاه فايل و اكواد تتطابق مع الاكواد اللي مكتوبه علي العينات لان البينات نفسها كانت علي اجهزه كمبيوتر واتحرقت كلها

رشيد…..طيب العينات دي بيبقي مكتوب عليها اكواد بس يعني مفيش اسم

ايمي….للاسف لا الاسم و البينات اللي هي خاصه بتاريخ سحب كل عينه و عدد البويضات اللي اتسحبت و رقم البطاقه و كل حاجه متسجله علي الاجهزه اللي مكتوب علي العينات بس الكود و ده لازم يكون معايا

رشيد…..طيب انتي اخر مره شوفتي فيها الفايل ده كانت امته

ايمي…..بدموع مش عارفه يا رشيد بيتهيألي من فتره كبيره يعني انا في العادي كنت سيباه في الدولاب و مش باجي جنبه لاني مش بحتاجه

رشيد…..بس لازم يكون في حل عندهم علي الاقل دول كده يروحوا في ستين داهيه يعني انتي لو رفعتي عليهم قضيه او هددتيهم بكده هيتصرفوا

ايمي….اذيتهم هتفيدني بأيه

رشيد…مقولتش تأذيهم ده مجرد تهديد اكيد هيتصرفوا

ايمي….مش هستفاد.حاجه افرض خافوا من الفضيحه وادوني اي عينه عشان اسكت هبقي كسبت ايه اخد عينه مش عينتي و بعدين ده مس اهمال منهم دي مجرد حادثه بسبب اللي حصل و الكل اتضر مش هما بس

رشيد…طيب ما يمكن لو اتصلوا بأي حد.ليه عينه و كل الناس قدمت الفايلات دي و اتعرفوا علي الاكواد يفضل العينه بتاعتك

ايمي…..هما قالولي كده بس افرض في حد غيري حصل معاه نفس النوقف و مكانوش عارفين الاكواد

رشيد….مستحيل يا ايمي لان دي حاجه مهمه محدش فيهم هيضيعها.

ايمي….انا كمان كنت مستحيل اضيعها و مش عارفه ازاي ضاعت

رشيد…طيب ممكن تهدي

ايمي….اهدي ازاي رشثد انا حاسه ان هيجرالي حاجه و بجد اسفه انا مكنتش عايزه اتكلم معاك في حاجه زي دي

رشيد…..بطلي عبط لو مش هتتكلمي معايا هتتكلمي مع مين بصي يا ايمي انا عايزك تهدي خالص و تنسي كل ده و حالياً احنا مفيس في ايدنا غير اننا نستني

ايمي…..وافرض معرفناش نوصل لاي حاجه

رشيد….يبقي في ستين داهيه.

ايمي….يعني ايه؟

رشيد….يعني لو عليا مش فارق معايا

ايمي….بس هو اكيد فارق معايا يا رشيد و انا لما قولتلك علي الموضوع ده عرفتك اني بقولك عشان انا عندي امل اكون ام و عسان لو الموضوع مش في دماغك من البدايه منقربش

رشيد…..عارف يا ايمي و انا مش بقول ان موضوع الولاد مش فارق انا بتكلم عن العينات

ايمي…..ماهو لو العينات مش موجوده مش هبقي ام رشيد انا قولتلك اني مش هزعل لو ربنا مكتبش ليا اكون ام انا مؤمنه وبرضي باي جاجه ربنا بيكتبها كملت بدموع و انهيار بس العينات دي انا تعبت فيها اوي والله العظيم تعب جسدي ونفسي و محدش كان يعرف اي حاجه كنت بعاني لوحدي يمكن وجودها معايا بردوا ميخلنيش ام بس علي الاقل لما احاول و تفشل يبقي حاولت لكن مضيعش ده بايدي

متبقاش العينات موجوده وانا مش عارفه الاقيها

رشيد….طيب ممكن نهدي و نتكلم كلام كبير شويه ممكن

ايمي…..ممكن

رشيد…..بإبتسامه جميله انا عارف انك جريئه بس الكلام اللي هقولوا ده ممكن يكون في إحراج فا مش عابزك تفهميني غلط ده مجرد نقاش علمي خصوصاً ان في حجات انا معرفهاش في موضوع تجميد البويضات ده

ايمي……بدموع اوك قول

رشيد….اولاً قبل ما اسالك عايز اتكلم معاكي في حاجه تانيه انا فارق معايا اني اجيب اطفال و قولتلك اني عمري ما هقول سني كبر و ليه اجيب اطفال الوقت بالعكس لما كنت متجوز يا ايمي ربنا وحده اللي يعلم اني مقصرتش مع طليقتي دكاتره و تحاليل تجرب هنا وتجرب هنا ومفيش دكتور مراحتش ليه و عمري ما حسستها ان مفيش امل لانها ست وده حقها بس حالتها كانت مختلفه هي مكانتش بتجيب ولاد اصلا وكان عندها مشاكل تمنعها حتي بعد ما عملت كذا عمليه يعني كا محاوله يمكن تقدر بعدها تجيب اطفال بس ربنا مأردتش و معاكي يا ايمي انا مستعد اكرر نفس التجربه و مش هزهق

ايمي….مين قالك مش هتزهق انت بتعيش نفس التحربه للمره التانيه

رشيد…..ده حقك عليا مش هزهق يا ايمي بس اللي انا عايز اقوله ان حالتك مختلفه انتي قولتي ايمي ان الدكاتره قبل سحب العينات قالوا انك تقدري صح

ايمي…..بدموع صح

رشيد…..نبطل عياط ونهدي و نتكلم بهدوء ماشي

ايمي….حاضر

رشيد…..حلو كده احنا اول مشكله مش موجوده تاني مشكله اوعي تفتكري يا ايمي اننا لما نتجوز انا كنت هوافق تعملي عملية الحقن دي قبل ما نجرب

ايمي….يعني ايه؟

رشيد….اللي عرفتوا ان هي عمليه متعبه عشان نلجأ ليها يا ايمي و اعرضك لتعبها يبقي هيحصل بعد ما نكون حاولنا و معرفناش يعني باختصار و بدون إحراج انا كنت هحاول معاكي علي الاقل اول كام شهر و بعد كده انتي حره في قرارك

تاني حاجه عايز اسألك سؤال هو محرج شويه بس لازم اسأله ممكن

بصتلوا ايمي بتوتر وإحراج من كلامه ورغم انها جريئه بس كانت مكسوفه و عامله زي الطفله وهو بيتكلم معاها

ايمي…..بهدوء اوك أسأل

رشيد…..ااااا يعني هي البريود منتظمه

بصتلوا ايمي بتوتر فظيع و نزلت عينها لتحت وهزت راسها بهدوء

رشيد…..يعني مفيش اي لغبطه مواعبدها مظبوطه

ايمي هزت راسها بلا وهي مش بصاله

رشيد….حبيبي انا عارف اني بسأل اسأله محرجه و عارف ان حتي لو انتي حريئه الموضوع محرج بس مينفعش تتحرجي مني انا عايزك تردي عليا

ايمي…..ااااا بص يا رشيد انا اللي مخلبني مضايقه بجد ان موضوع البويضات ده كان هينفعني حتي لو يعني مبقتش بتيجي

رشيد….مش فاهم

ايمي….ااااا يعني

رشيد….حبيبي اهدي كده انا بجد مش فاهم قولتلك انا جاهل بأمور كتير في الموضوع ده فهميني براحه

ايمي…..يعني اقدر اعمل حقن حتي لو مبقتش موجوده

رشيد…..تقصدي البريود؟!

ايمي…..بإحراج ايوه

رشيد….طيب وده ازاي يعني متأكده انا كل معلوماتب عن الموضوع ده ان البريود مرتبطه بالحمل

ايمي…..بس في تلقيح البويضات لا يعني انا سالت في الموضوع ده ويمكن ده اللي خلاني اتشجع اعملها لما عرفت ان البريود لو مبقتش تيجي ينفع تلقيح البويضات

رشيد….ده ازاي ؟

ايمي….عشان باختصار لما هي بتبطل تيجي المكان المسؤول عن افراز البويضات مش بيفرز تاني بس لو انا عامله تجميد للبويضات اقدر اعمل حقن لان الرحم نفسه بيبقي قابل لاستقبال البيبي

رشيد….يعني وجودها بيساعد بس علي افراز البويضات لكن الرحم ملهوش علاقه بانقطاعها صح كده

ايمي….بدموع صح بس خلاص

رشيد….اهدددددي مفيش خلاص.. انتي قولتي ان البرويد مواعيدها مظبوطه و مفيش اي حاجه غريبه صح

ايمي….ايوه

رشيد…..طيب انا عايز افهم بقي ايه اللي انتي عملاه ده كله ليه واصله لاحاله دي وفاقده الامل

ايمي…..عشان لو مقدرتش يا رشيد كان هيبقي معايا امل تاني اتمسك بيه

رشيد….الامل ديماً موجود ياعمري اولاً قولتلك هنستني نشوف الناس اللي ليهم عينات هيعملوا ايه جايز كمان الفتره دي يلاقوا اي حاجه تعرفهم العينه بتاعتك انتي كمان بهدوء هترجعي تدوري براحه يمكن تلاقيها و يمكن وانتي بتدوري بقلق معرفتيس تدوري صح ثالثاً و ده الاهم لو كل ده محصلش احنا لسه عندنا قولتلك يا ايمي حتي لو كل حاجه زي ما كانت انا مكنتش هوافق علي التلقيح من الاول غير لما احاول معاكي

بصت ايمي لتحت بإحراج رفع رشيد وشها وبصلها

رشيد…..بإبتسامه غمزلها ايه مش واثقه في امكانياتي ولا ايه

ابتسمت ايمي غصب عنها وهي مكسوفه

ايمي…..خليك مؤدب

رشيد….بضحكه جميله ما انا مؤدب انا بتكلم كلام علمي و بعدين لو انتي مش واثقه فيا انا واثق في نفسي و حيات زوزو ما هسيبك ولا هرحمك

ضحكت من وسط دموعها وبعدت عينها عنه بسرعه

رشيد…..بابتسامه لا بقولك ايه مش لايق عليكي الكسوف

ايمي…..رشييييييد

رشيد…بابتسامه تجنن قلب رشيد ايمي انا اتعودت اشوفك قويه و جريئه و محبش ابداً اشوفك في الحاله دي

ايمي….غصب عني والله نزلت دموعها تاني رشيد انا كنت بدور علي الفايل زي المجنونه كنت حاسه اني بدور علي ابني او بنتي مش مجرد فايل او كود

رشيد….بحب وتأثر عارف و الله عارف و حاسس بيكي بس والله العظيم كل حاجه هتتحل و بعدين ده في مصلحتي علي فكره هيخليكي تحددي بسرعه معاد جوازنا

ايمي….بابتسامه اسكت بقي

رشيد….بابتسامه لا مش هسكت انا عايز اعمل فيها دكتور واحاول بنفسي

ايمي….بضحك بطل قلة ادب بقي

رشيد…..بضحك طب قوليلي عابزه بنت ولا ولد

ايمي……بضحك الاثنين

رشيد…..بس كده عيوني

ايمي…..رشيد هو يعني لو محصلش هتعمل ايه ؟

رشيد….ولا حاجه انا عايزك انتي يا ايمي قبل ما اعرفك كنت عامل حسابي اني حتي لو اتجوزت مش هفكر في الموضوع جه لوحده الحمد لاه مجاش مش حابب اعيش نفس التجربه مش عايز حياتي تقف عشان حاجه ربنا مش رايدها و انا بقولهالك من الوقت يا ايمي هنحاول و هنعمل مل اللي نقدر عليه بس لو ربنا مأرادش حباتنا هتكمل

ايمي…..هتكمل يا رشيد لان انا هرضب باي حاجه ربنا يكتبها انا زعلي بس علي تعبي و محاولتي اللي ضيعتها من ايدي

رشيد….مضاعتش ولا حاجه ابتسم و غمزلها انتي لسه تمام و انا تمام جدااااا هحاول معاكي و عندي ثقه في ربنا كبيره ان الموضوع هيكمل و من غير اي تدخل غير طبيعي

ايمي…..يعني ايه غير طبيعي اللب كان هيحصل ده بويضات بتاعتي عادي.جداً

رشيد….بابتسامه تجنن بس بتدخل طبي لكن معايا مش هيبقي تدخل طبي هيبقي تدخل كله دلع وحب

ايمي…..بضحك انت مصمم بقي ممكن تبطل قلة ادب

رشيد….بابتسامه والله بحبك و اوعي اوعي اشوفك في الحاله دي تاني ابداً و في اقرب وقت هنكون مع بعض بس ابوكي يخلصني و يسأل عني انا تعبت

ايمي….بابتسامه ريح نفسك محدش فيهم هيسأل اتحرك انت و متتلككش

رشيد….بضحك لا والله يعني انا اللي معطل الدنيا طب وحياة امك الاسبوع ده هنكون متفقين و محددين و قريب هتبقي في بيتي و هنحاول

ابتسمت ايمي بإحراج ونامت علي كتفه ضمها رشيد بحب و هو بيضحك وباس راسها

رشيد…..بحبك يا احلي حاجه حصلت في حياتي من وقت طويل

ايمي….انا كمان بحبك اوي و شكراً انك قدرت تخليني اهدي شويه كنت خايفه الموضوع يقلقك

رشيد….يقلقني لو اخر همي او لو هو ده بس اللي انا عايزه منك ايمي انا بحب الاطفال و اتمنيت كتير اكون اب و كان ممكن اتجوز عادي بس انا معملتش كده لاني عايز احب و حبيتك و عايزك انتي اولاً ثانياً لو الاطفال رزقنا من الدنيا يبقي يا الف مرحب برزق ربنا بعتوا لينا محصلش يبقي بحمد ربنا علي رزقي بيكي انتي و راضي و مقتنع و مبسوط ومش عايز غيرك وامنيتي الوحيده لو محصلش انتي كمان تبقي عيزاني انا

ايمي…..انت عارف كويس ان انت اللي فارق معايا و عارف كنان انه لو محصلش حياتنا عمرها ما هتدمر ولا هبوظها بأيدي هكون راضيه لان واثقه انك مش هتضايق ودي اهم حاجه عندي

رشيد….انا عايزك انتي يا ايمي والرزق اللي يجي بعدك خير مجاش يبقي الف حمد وشكر ليه علي نعمته

ايمي…..بحبك يا رشيد

رشيد….وانا بموت فيكي يا قلب رشيد مش عايز اشوف دموعك تاني

ايمي…..بابتسامه حاضر

ابتسم رشيد وبعد شويه قاموا عشان يوصلها بعد ما اتأكد انها بقت افضل كتير

……………

رجعت نعيمه بعد ما قضت وقت جميل مع فضل و كانت طايره من السعاده.

اما ليله فا فضلوا هناك لحد ما بدأ النهار يظهر و بعد كده اتحركوا بالعربيه .

عشري….حبيبي نامي شويه

ليله…..تعرف اني اول مره احس اني عندي نوم وانا علي طريق

عشري…..ما اكيد مش انا معاكي

ليله….بابتسامه ده حقيقي طول ما انت جنبي بحس بالامان و حتي الطريق اللي عمري ما عرفت انام فيه حاسه اني لو غمضت هنام

عشري…..طب يلا اسندي ونامي شويه داس علي زرار جنبه

ليله…..ايه ده

رجعت لوراء شويه بالكرسي

عشري…..بحب يلا حطي الجاكت عليكي و غمضي

ليله….هنام واسيبك لوحدك

عشري…..ما انتي جنبي اهو يلا ارتاحي شويه اقفلك الشباك شويه الجو برد عليكي

ليله….شويه صغيره

قفل عشري الشباك و طبطب علي راسها بحب

عشري…..غمضي يلا

ابتسمت ليله و غمضت وهي وشها ناحيته بعد حوالي ربع ساعه كانت نامت لاول مره في حياتها علي طريق سفر

طول الطريق كل شويه عشري يبصلها بحب و يكمل طريقه الجاكت يرفعه عليها يطلع الشباك شويه كمان عشان الهواء

لحد ما وصل تحت بيتها وهي نايمه في سابع نومه

وللحديث بقيه…..