لقاء كارثي
(لقاء كارثي) 24/25/26
لقاء كارثي
أميره أسامه
صاحبة البطل الواحد
~° البارت السادس و العشرين°~
……………
ققل ميدو مع نادين و دخل جوه لعشري كان واقف بيتكلم مع العمال اللي شغالين
قرب منه ميدو و وقق كام دقيقه لحد ما عشري يخلص كلامه
عسال…..عشري عايزك ثواني
عشري….حاضر لحظه
خلص عشري كلامه وراح قرب من ميدو
عشري…..ايه في ايه؟
ميدو….بقولك ايه يلا بينا هنروح لنادين و ليله الوقت
عشري….بقلق في حاجه حصلت ولا ايه؟
ميدو…..نادين مش كويسه يا عشري بتعيط و فيها حاجه انا مش قادر افهمها و مش هرتاح غير لو روحت وشوفتها بنفسي
عشري……طيب قولي ايه اللي حصل
عسال…..مفيش بكلمها عادي صوتها كان معيط سألتها انتي بتعيطي قالت لا لما ضغطت عليها انهارت و في وسط كلامها فهمت انها كلمت مامتها اخوها اللي رد وقالها ان مامتها في الاوضه و تقريباً كان بيتكلم معاها علي قد الكلام اتصلت بباها كنسل و اللي فهمته منها انها كلمتهم عشان تطمن يعني عايزه تحس انهم معاها و تسمع صوتهم بس تطمن ليه و فيها ايه معرفتش كانت هتقولي و الباب خبط قالتلي انها ليله.
عشري…..ليله لسه في الطريق قالتلي رايحه عليها عموماً يلا خلينا نروح
عسال….اه ياريت عشان انا مودي باظ بسببها تعالي بس نعرفهم اننا راجعين تاني عشان ميكسلوش خليهم يخلصوا شغل و نخلص
عشري…..طيب تمام.
راح عسال علي المهندس اللي واقف مع العمال اتكلم معاه ثواني كده و بعدين خرج هو و عشري
عشري…..هتيجي معايا ولا هتركب عربيتك
عسال…..انت راجع معايا تاني
عشري…..مش عارف بس ممكن لأ
عسال….خلاص هروح بعربيتي
عشري…..تمام يلا
راح عشري ركب عربيته و عسال ركب عربيته واتحركوا وراء بعض.
…………..
في منزل نادين
مسحت نادين دموعها بعد ما قفلت مع ميدو وراحت فتحت الباب و فجأه وقفت مصدومه اول ما لمحت هادي واقف قدامها علي الباب
هادي…..بنظره شر وابتسامه مش مفهومه ايه فاكره لما تعمليلي بلوك هتمنعيني اني اشوفك
بصتلوا بصدمه و قفلت الباب بس قبل ما تقفله حط هادي رجله
صرخت نادين وجريت علي جوه دخل هادي وراها بسرعه وقفل الباب
نادين…..انت عايز مني ايه
هادي….عايز اعلمك الادب و اعرفك ان هادي الرواي ميتعملش معاه كده
قرب منها عشان يمسكها جريت نادين باقصي سرعه عندها علي المطبخ و هو وراها سحبت سكينه بسرعه.
نادين….بدموع و ذعر مدت ايدها لقدام بالسكينه لو قربت مني هقتلك
هادي…..نزلي السكينه دي
نادين…..مش هنزلهاااااا بقولك لو قربت هقتلك
هادي…..وانا بقولك سيبي السكينه انا جاي اتكلم معاكي
نادين….مفيش بيني وبينك كلام اخرج من هنا حالاً
هادي……نادين اهدي انا مش جاي أذيكي انا جاي اتكلم معاكي وافهم انتي متغيره ليه
نادين…..وانا معنديش حاجه اقولها اكتر من اللي قولته انا بكرهك يا هادي فاهم بكرهك و هتمشي من هنا حالاً و مش عايزه اشوف وشك تاني
هادي…..انا مش ماشي غير لما تنزلي اللي في ايدك و نتكلم زي الناس
نادين….بصريخ بقولك امشييييييي
في لحظه قرب منها هادي بسرعه و مسك ايدها و هي بتصرخ و مش راضيه تسيب السكينه فضل يضربها علي ايدها بأيده التانيه السكينه وقعت منها غصب عنها مسكت في رف كبير عليه كاسات و مجات شدها بكل قوته الرف كله وقع علي الارض و الزجاج بهدل الدنيا
زقته نادين وجريت منه علي بره و راحت علي الباب كان سابقها و مسكها من شعرها و بأيده التانيه كتفها عشان تقف ضربته بكوعها في بطنه و جريت تاني جري وراها و وقعها علي الارض فضلت تضرب فيه بكل قوتها و زحفت بسرعه علي الارض مسكها تاني كانت حاسه انه هيموتها في ايده ضربها بالقلم بكل غل علي وشها اتعورت جنب شفايفها
فضلت تقاوم و تضرب فيه وزقته وقامت بسرعه تجري كانت عايزه تدخل علي البلكونه مسكها من شعرها بسرعه ولفها ليه بقي يضربها بالقلم علي وشها و هي تزق فيه و تحاول تضربه .
وصلت ليله و سمعت صوت نادين و صوت صريخ جريت تفتح الباب بسرعه.
في نفس اللحظه اللي بتفتح فيها الباب كان هادي بيزق نادين بكل قوته علي التربيزه اللي مليانه سمك
وقعت نادين فوق التربيزه و في لحظه التربيزه اتكسرت و المايه غرقت الدنيا و السمك بقي مالي الارض
ليله….بصريخ نادييييييييييين
فردت نادين ايدها وهي باصه للسقف مصدومه و مش بتنطق دموعها نازله
هادي واقف مصدوم وباصص عليها.
جريت ليله بأقصي سرعه و بكل قوتها ضربت هادي في مناخيره
مسك وشه بسرعه مسكت ليله ڤازه كانت محطوطه علي تربيزه جانبيه و قبل ما يرفع وشه كانت ضربته علي راسه وقع هادي من شدة الضربه و في الوقت ده ليله مكانتش في وعيها خوفها علي نادين خلاها مش قادره حتي تشوفها حصلها ايه و كل اللي كان هاممها انها متسيبش هادي سليم فضلت تضرب فيه برجلها بكل قوته و هو واقع مش دريان بالدنيا.
سابته وجريت علي الباب قفلته و راحت بسرعه علي اوضه نادين بقت عماله تبص حواليها زي المجنونه علي اي حاجه تربطه بيها عشان تبلغ الامن اللي في المكان و تتصل بالشرطه لمحت اسدال الصلاه بتاع نادين مسكته بسرعه و بكل قوته فصلت الطرحه من الاسدال نفسه و جريت علي بره قعدت قدامه علي ركبها بكل غل و هي بتتنفس بسرعه
ربطت ايده وراء ضهره ربطة قويه و جريت تاني دخلت الاوضه و فتحت الدولاب و خدت تيشرت من تيشرتات نادين قطعته خالص وجريت مره تانيه ربطت رجله وقفت بسرعه تبص عليه و هي بتنهج و عينها عليه بصدمه و عدم استيعاب راحت بسرعه علي التليفون الارضي اتصلت علي الامن.
الامن…..مساء الخير يا افندم.
ليله…..عايزه حد يجي بسرعه علي 707 الدور الثالث في واحد اتهجم علي صاحبتي من فضلك اطلب الشرطه بسرعه
الامن….حالا حالاً يا افندم
قفلت ليله و هي مش مستوعبه اللي بيحصل و لا لسه فاقت عشان تشوف نادين.
لمحت نادين بتحرك صوابعها بهدوء و بتحاول تقوم بصعوبه من كمية الزجاج اللي نايمه فوقها
جريت ليله عليها بسرعه
ليله…..نادين نادين انتي كويسه
بصتلها نادين برعب و هي مش بتنطق
قربت منها ليله بسرعه مسكت ايدها الاثنين
نادين….ااااه ااااه
ليله…..نادين فيكي حاجه حصلك حاجه رفعت ضهرها بهدوء و كانت لسه قاعده
نادين….بانهيار مسكت فيها كان هيموتني يا ليله كان هيموتني
ليله…..بدموع بس بس اهدي متخافيش انا معاكي قوليلي فيكي حاجه
نادين…..معرفش معرفش
ليله….طيب براحه قومي قومي خليني اشوف جسمك
فضلت تسحب فيها بهدوء
نادين…..ااااه اااااه
ليله….براحه ابعدي رجلك
قومتها من الارض و هي بتبعدها براحه كان عليها دم في دراعها من الناحيتين و رجلها كمان من وراء اتعورت بسبب الزجاج خدتها بعيد اكتر و فضلت تفتش فيها رغم شدة الوقعه اللي وقعتها علي التربيزه لكن ربنا سترها و محصلهاش غير جروح في جسمها من الزجاج الفستان اللي كانت لبساه كان ابيض و الدم في ضهرها كان في اماكن كتير بقع كتير
ليله كانت هتتجنن و عماله تلف حواليها و تفتش فيها وتشيل من عليها الزجاج اللي غارز في الفستان و كانت غرقانه مايه
قعدتها علي الكرسي وهي بتفتش في راسها بهيستريا في نفس اللحظه سمعت تخبيط علي الباب جامد
جريت ليله فتحت كان الامن موجود و معاهم ظابط و مساعد كانوا قريبن من المكان بعربيه الشرطه واول ما الامن اتصل عليهم كانوا موجودين فوراً لمحت ليله ظابط هي تعرفوا كويس
ليله….حسين باشا الحقنا
الظابط….انسه ليله ايه ده في ايه ايه اللي حصل؟
ليله….وهي بتتنفس بسرعه الحيوان ده هجم علي نادين دخلت عليه وهو بيحدفها علي التربيزه ضربته ضربته و انا اللي ربطته كده
بص الظابط بسرعه علي الفوضي اللي كانت حاصله وراح المساعد والامن بسرعه يبصوا عليه كان عايش وفيه الروح واول ما حركوا بدأ يفوق
قرب الظابط بسرعه من نادين
الظابط…..انتي كويسه فيكي حاجه؟
بصتلوا نادين وهي بتعيط
ليله…..من فضلك لازم نعمل محضر كان هيموتها سحبت نادين من علي الكرسي و لفتها للظابط لمح ضهرخا واللي حاصل فيها بصدمه
ليله….وقعها علي التربيزه و زي ما حضرتك شايف انا معرفش هي حصلها ايه بالظبط
الظابط…..بص لنادين هو دخل ازاي
نادين….بدموع الباب خبط روحت افتح كنت فكراه ليله لاقيته هو قفلت الباب زقني و جري ورايا وقفل الباب كان هيموتني
الظابط….طيب اهدي اهدي هتقدري تنزلي
ليله…..اه اه انا هسندها.
راحت بسرعه خدت شنطتها وجابت موبايل نادين و رجعت لنادين
شاور الظابط للامن والمساعد اللي معاه و نزلوا بيه علي تحت نزلت ليله وراهم وهي ماسكه نادين
نادين….بصوت ضعيف ليله الفستان غرقان همشي ازاي كده
ليله بصت عليها المايه اللي كانت مغرقاها لما اختلطت بالدم اللي في دهرها بقعه الدم وسعت بقت علي جنبها كمان و بتقرب علي الفستان من قدام.
ليله….معلش لازم تروحي كده عشان المحضر وعشان نثبت حاله
نزلوا تحت وركبوا عربيه الشرطه
ليله…..لو سمحت يا حسين باشا انا هاجي وراك بالعربيه
الظابط……تمام خليكم ورايا
المكان كان في قلق بسيط الحارس كان واقف و الجيران اللي في الدور الاول و الثاني
طلعت عربيه الشرطه و طلعت وراهم ليله ونادين جنبها سانده و مش معاها دموعها نازله وبس حطت نادين ايدها علي رقبتها كانت حاسه ان نفسها بيروح وبدأ صوت نفسها يعلي شويه
ليله….بخوف بصتلها نادين متخافيش انا جنبك هااا انا جنبك اهدي
نادين….هاااااا ليله
ليله…..نادين اهدي والنبي انا معاكي هاتي ايدك غمضي عينك و اتنفسي براحه هااا اتنفسي اهدي و متفكريش في اي حاجه
مسكت ليله موبايلها و بعتت ڤويس علي الجروب الخاص بيها هي و البنات كانت محتاجه حد معاها و كانت خايفه نادين تتعب منها.
ليله……بنات اللي فيكم يشوف الرساله يجيلي علي قسم التجمع نعيمه انتي او ايمي حد فيكم يجيلي علي هناك الحيوان اللي اسمه هادي اتهجم علي نادين في الشقه واحنا في طريقنا للقسم وراء عربية الشرطه نادين تعبانه حد يجيلي انا مش هعرف اتكلم معاكم اللي هيقدر يجي يروح علي هناك بسرعه.
قفلت الواتس و سابت الموبايل و رجعت مسكت ايد نادين
ليله……نادين انتي كويسه
هزت نادين راسها بتعب و قبضت علي ايد ليله
اول حد لمح الرساله كانت ايه بمجرد ما سمعت الڤويس وقفت بسرعه بصدمه اتصلت علي سلمي بس مردتش فهمت ان معاها كشف جريت بسرعه علي جوه غيرت هدومها و خرجت جري علي بره سابت المكان للشاب اللي شغال معاها و طلبت اوبر و وقفت تستناه وهي لسه بتحاول مع سلمي قفلت واتصل علي ايمي .
ايمي كانت خرجت من المطعم مع رشيد و رايحين علي البيت عندها كل واحد فيهم كان راكب عربيته ردت ايمي اول ما شافت رقمها.
ايمي…..اهلا يا ست ايه
ايه…..ايمي شوفتي رساله ليله ولا لا
ايمي…..بقلق لا رساله ايه في حاجه حصلت
ايه…….بخوف ايوه بتقول ان هي رايحه علي قسم التجمع و ان هادي اتجم علي نادين
ايمي….ايييييييييه
ايه…..والله العظيم انا لسه سامعه الڤويس و خرجت جري من المحل بتصل بسلمي مش بترد و ليله عايزه حد يروحلها وبتقول نادين تعبانه
ايمي…..طب اقفلي اقفلب هشوفك هناك
ايه…..طيب اسمعي متعرفيش نعيمه فين
ايمي…..لا مكلمتهاش انهارده
ايه…..طيب اكلمها ولا بلاش
ايمي…..لا كلميها طبعاً هو انتي في الطريق
ايه…..انا واقفه قدام المحل مستنيه اوبر انتي عارفه العربيه مش بروح بيها المحل
ايمي….طيب كنسلي الرحله انا دقايق وابقي قدامك انا لسه خارجه من المحل
ايه…..طيب اوك يلا سلام
قفلت ايمي و اتصلت بسرعه علي رشيد
رشيد…..ايه يا حبيبي انا وراكي
ايمي…..رشيد احنا مش هنروح علي البيت
رشيد….مال صوتك في حاجه ولا ايه
ايمي….اه ليله بعتت علي الشات بتاعي انا والبنات بتقول انها رايحه قسم التجمع و عابزه حد يروحلها
رشيد…..انتي بتقولي ايه وقسم ايه انا مش فاهم
ايمي…..هفهمك لما نروح بس هعدي اخدي خليك ورايا او اقولك لو عايز تمشي
رشيد…..بمقاطعه امشي فين انتي عبيطه يلا انا وراكي.
ايمي…..اوك
رشيد….ايمي استني عشري يعرف
ايمي…..والله ما عارفه يا رشيد ايه مقالتليش بس بتقول ان نادين تعبانه معاها و عايزه حد يكون معاهم
رشيد…..هي نادين كمان معاها طب اقفل اقفلي
قفل رشيد معاها وهو ماشي وراها واتصل علي عشري يجس نبضه كده
عشري……ايوه يا رشيد
رشيد…..ايه الاخبار فينك كده؟
عشري…..كنت عند عسال في المعرض التاني و رايحين علي ليله و نادين في بيت نادين
رشيد……طيب كويس انك عارف انا رايح انا و ايمي قدامي اهي بالعربيه هناخد بس ايه في طريقنا و نطلع علي قسم التجمع
عشري…..باستغراب قسم التجمع مش فاهم ؟
رشيد…..يا ابني ما هما مش في البيت ايمي لسه قيلالي راحوا علي القسم.
عشري…..لا لا استني براحه كده انا مش فاهم حاجه
رشيد…..يعني هو انا اللي فاهم انا كنت رايح مع ايمي علي بيتهم و طالع وراها بالعربيه ايمي كلمتني قالتلي هنروح علي قسم التجمع عشان ليله بعتت ڤويس علي الشات اللي فيه البنات قالتلهم انها رايحه علي قسم التجمع و نادين تعبانه
عشري…..تعبانه تروح القسم
رشيد…..باستغراب من عشري هو انتوا كنتوا رايحين ليه اصلا
عشري….رايحين عادي عسال قال ان نادين نفسيتها تعبانه و من بدري اصلا ليله عندها و قالت حصل مسكله بينا و بين اهلها تقريبا
رشيد…..ااااااه يعني انت متعرفش حاجه
عشري…..بعصبيه اعرف ايه يا ابني ما تنطق انت عارف ايه
رشيد….والمصحف ما اعرف اللي حصل قولته بس مش فاهم قسم ايه و رايحين ليه
عشري…..طب اقفل اقفل انا رايح علي هناك
قفل عشري بسرعه واتصل علي ليله اول ما رن بصت ليله و مرضيتش ترد عشان ميعرفش اي حاجه اتصل كذا مره بس كانت وصلت قدام القسم كنسلت و حطت الموبايل في جيبها و نزلت نادين وراحت وراهم.
اتصل عشري علي عسال
عسال…..ايه يا عشري
عشري…..عسال ليله او نادين كلموك
عسال…..بقلق لا ليه في ايه
عشري…..طب اطلع علي قسم التجمع كمل كمل
عسال……قسم ايه واكمل ايه في ايه يا عشري
عشري…..معرفش رشيد اللي كلمني كان مع ايمي و قال ان ليله بعتت فويس علي الشات بتاع البنات قالتلهم حد يجيلي علي قسم التجمع و انها عايزه حد يكون معاها عشان نادبن تعبانه
عسال…..انت بتقول ايه
عشري…..انا بتصل بليله مش بترد اطلع علي القسم وهما جاين ورانا
عسال……طيب اقفل اقفل هتصل علي نادين
عشري…..طيب سلام.
الاتنين ساقوا باقصي سرعه عندهم
ايمي خدت ايه و طلعت جري و وراهم رشيد..
عند نعيمه و فضل.
فضل……بقلق طيب براحه هتقعي
نعيمه….بسرعه والنبي يا فضل
فضل…..طيب اسمعي اركبي معايا.و نبقي نيجي ناخد عربيتك متسوقيش وانتي كده.
نعيمه….متقلقش انا تمام يلا بس خليك ورايا
فضل….طيب فهميني مين هادي ده و ايه حكايته
نعيمه……ده اللي كانت نادين مرتبطه بيه معرفش ولا فاهمه ايه اللي حصل عشان بعمل كده خلينا بس نروح
فضل….طيب طيب يلا بسرعه
جريوا هنا كمان كل واحد ركب عربيته و طلعوا علي قسم التجمع.
اما عند سلمي خلصت الكشف اللي في ايدها و مسكت الموبايل تشوف لو حسان باعتلها حاجه لاقيته متصل عليها مره و عشان الموبايل صامت وهي بتشتغل مردتش و لمحت كمان رساله في الشات بتاعهم من ليله فتحتوا وهي مبتسمه و تخيلت لاحظه ان ليله كالعاده بتشتمهم عشان مختفين و فجاه ملامحها اتغيرت وقفت بسرعه ونادت علي البنت اللي بتشتغل معاها و طلبت منها تلغي اي حجز و تعتذر من المرضي و تقولهم ان حصل ظرف طارئ ولازم تمشي
راحت بسرعه قلعت البالطوا بتاعها و هي بتتصل علي حسان و بتلم حاجتها في نفس الوقت فتحت الباب و خرجت جري من العياده قدام المرضي و سابت البنات اللي معاها بيعتذروا و نزلت جري
حسان…..ايه يا حبيبي مردتيش قولت معاكي كشف
سلمي…..حسان انا نازله حالا ورايحه علي قسم التجمع
حسان…..ايييييه في ايه يا سلمي انتي كويسه
سلمي….اه انا كويسه بس ليله و نادين فيهم حاجه و راحوا هناك انا مش فاهمه اوي بس هروحلهم
حسان….طيب انتي فين
سلمي….انا رايحه علي العربيه اهو
حسان…..طيب اقفلي انا جاي وراكي
سلمي…..لا خليك انت عشان هتروح تجيب هنا هبقي اطمنك
حسان……اقفلي يا سلمي بقولك انا جاي سلام سلام.
سلمي…..باي.
………………
في القسم
نادين و ليله كانوا قاعدين في مكتب الظابط بيكتبوا المحضر و هادي كان بره في مكتب تاني.
حسين…..نهدأ بقي كده و عايز افهم الحوار من الاول بس قبل ما نغتح المحضر انتي كويسه فيكي اي حاجه
نادين…..بتعب كويسه
ليله…..هي الزجاج اللي وقعت عليه عورها بس الحمد لله مفيش جروح قويه
حسين…..عموما هنكتب المحضر الاول و بعدين هنحولها للمستشفي تثبت حاله
ليله….تمام
حسين….ايه اللي حصل بقي وايه علاقتك بهادي ده
نادين…..انا كنت مرتبطه بيه بس من اكتر من شهر يعتبر سيبنا بعض
حسين….يعني ايه يعتبر سيبنا بعض
نادين…..مكنتش مرتاحه معاه فا قررت ابعد بس قولت يعني اديلوا اخر فرصه و للاسف مقدرتش و بعدت خالص و عملت علي رقمه بلوك و امبارح اتصل بيا من رقم غريب و عرفت صوته علي طول فضل يتكلم معايا و قالي عايز اشوفك ولازم نتكلم و حجات كتير كده رفضت و قولتله اني مش هشوفه ولا بتصل بيا تاني واللي بينا انتهي من زمان و انا مش حابه اكمل قفلت في وشه لما بدأ يعلي صوته
حسين……انتي كنتي فين لما كلمك
نادين….انا كنت خارجه و كان معايا حد يعني شخص قريب مني
ليله….لحظه يا نادين حسين باشا الشخص اللي كان مع نادين ده حبيبها و تقدر تقول ان هما قريب هيرتبطوا ببعض المشكله ان هي بعد ما قفلت مع هادي راحلها عند البيت و لما شافهم استني لحد ما طلعت و مشي وراه
حسين…..وراء مين نادين ولا اللي معاها
ليله….لا اللي معاها
حسين….يعني بمعني أصح هو اضايق عشان شافها مع حد غيره
ليله…..لا معلش لحظه لان واضح ان نادين مقدرتش تفهمك حسين باشا نادين مكانتش مع الشخصين مع بعض ولا هي بعيده عنه من اكتر من شهر زي ما قالت نادين بعيده عنه بقالها فتره يعني في بينهم تليفونات وكل حاجه بس انا و صحابنا حذرناها منه كتير هو شخص استغلالي و كان ديماً مدمر نفسيتها بيكرهني جداً لان انا اللي كنت بقف في وشه علي طول فا نادين كامت بتديله فرص بس في نفس الوقت هي مش عيزته خلاص و تعبت منه يعني الموقف بينهم كان في توتر و مكانتش علاقه حقيقيه و حتي لما شافها مضايقش زي ما حضرتك متخيل عشان ييحبها هو اضايق لانه مش هو اللي ساب نادين و في ڤويس هي سجلتوا ليه بيثبت كلامي ده بيهدد فيها و يقولها اوعي تكوني فكراني بحبك انا هادي الرواي و مش انتي اللي تسبيني و كلام من ده كتير و هددها ان هي لو مقابلتهوش انهارده و ده كان من تالت رقم اللي هي سجلت عليه قالها هأذي ميدو
حسين….ميدو ده الشخص اللي هي كانت معاه
نادين…..ايوه هو لما كلمني الصبح قالي انه شافني وهو بيوصلني تحت البيت وراح وراه وقالي علي عنوانه عشان اصدق انه راح وراه و هددني لو منزلتش الساعه ثمانيه شوفته هيأذيه وقتها انا قولت لليله و هي قالتلي هتعملي بلوك ومش هتروحي هو بيخوفك مش اكتر فا غالباً لما حاول يتصل ولقاني عملت بلوك للمره الثالثه جالي
ليله…..اهو يا حسين باشا ده الڤويس
فتحت ليله الڤويس تسمعوا للظابط بعد ما خلص
حسين….بصي هو التسجيل ده مش هيعمل حاجه بس يعني كل حاجه بقت مفهومه بالنسبالي المهم انتي عرفتي ازاي انه عندها
ليله….انا بعد ما هدتها شويه قولتلها هعمل كام مشوار و ارجعلك فا خلصت و رجعت لمحت عربيته تحت البيت حسيت وقتها ان في خطر علي نادين جريت علي فوق وانا وصحابنا معانا نسخ من المفاتيح بتاعت شقتها لان نادين قاعده لوحدها واوقات بتتعب من نفسها وكده يعني من وقت الحادثه اللي حصلت في شقتها القديمه لو حضرتك فاكر
حسين…..اه طيب لما هما معاهم المفاتيح فتحتي ليه من غير ما تعرفي مين اللي بره
نادين…..قبلها بدقايق بالظبط انا كنت بكلم ليله و بشوفها فين قالتلي انها جايه خلاص و حضرتك عارف هي كانت في شقه من بتوعنا يعني المسافه مش بعيده و بعدين وقتها كنت منهاره و كل ما الساعه ثمانيه تقرب اخاف فا مكنتش مركزه قولت اكيد ليله وصلت و نسيت حوار المفتاح فتحت عادي يعني لاقيته قدامي بيقولي فاكره لما تعلميلي بلوك مش هعرف اجيلك يعني حاولت اقفل الباب صده برجله جريت جري ورايا وقفل الباب مسكني زقيته وجريت علي المطبج مسكت سكينه ووانا بحاول ادافع عن نفسي مكنتش هضربه اكيد بس كنت عايزه اخليه يخاف عشان يخرج مسكني بسرعه فضل يضرب في ايدي رفعت ايدها قدامها كان عليها كدمه زرقاء كبيره كملت كلامها شدني وهو قاصد يرميني علي الارض حاولت امسك في رف في المبطخ بكل قوتي شدني الرف كله وقع زي ما حضرتك شوفت في المطبخ بعدين جريت علي بره كنت عايزه افتح الباب لحقني بعدت عنه ودخلت علي جوه كنت عايزه اجري علي البلكونه عشان اصرخ واي حد يسمعني بردوا كان اسرع مني فضل يضرب فيا علي وشي حسيت للحظه انه عايز يخليني افقد الوعي قاومته كتير و بعدين رفعني وحدفني علي التربيزه في نفس الوقت اللي ليله فتحت فيه و جريت عليه.
حسين…..ليله انتي عرفتي ازاي عربيته يعني اقصد ايه اللي خلاكي تشكي انها بتاعته كنتي عارفه انه ممكن يعمل حاجه زي دي ويجي لنادين
ليله….لا خالص انا مفكرتش اصلا في كده زي ما قولت لحضرتك هو جبان و اضعف من انه يعمل كده و كنت متخيله ان كلامه ده مجرد تهديد بس لنادين و معرفش انه مجنون بجد بس لما وصلت انا عرفت عربيته بسهوله لان هادي حاطت استيكر كبير علي الزجاج بتاع العربيه من وراء عليه اسمه يعني عربيته مميزه و انا شوفتها اكتر من مره فا عرفتها بسهوله اول ما شوفتها جريت و انا مرعوبه و لما قربت من الشقه سمعت صوت صريخ فتحت و لمحته و هو بيرميها محستش بنفسي جريت عليه ضربته في وشه مسك مناخيره بسرعه كنت انا اسرع منه ضربته علي راسه بڤازه و ربطته عشان لما تيجوا ميهربش و طبعاً عملت كده لان لو كنت استنيت لحظه كان ممكن بعمل فيا انا كمان كده و يهرب.
وصل الشباب والبنات كلهم جري علي جوه معادا سلمي اللي كانت ابعد شويه في المسافه عنهم حظ نادين و ليله كان كويس لان اغلبهم كانوا في نفس المحيط حواليهم يعني ابعد حد عنهم كان بينه وبينهم تلت ساعه و هما جوا مع الظابط خدوا وقت حوالي نص ساعه.
دخل رشيد عليهم يجري هو وايمي و ايه.
رشيد….عشري عشري
عشري…..تعالي يا رشيد
رشيد….ايه الاخبار عرفتوا اي حاجه ؟
عشري…..العسكري بيقول جوه بيعملوا محضر و مش فاهم اي حاجه
ايمي…..طيب انتوا شوفتوهم
عشري…..لا ايمي انا عايز افهم في ايه بالظبط ليله قالتلك ايه
ايمي…..والله يا عشري انا عرفت من ايه اصلا ليله بعتت رساله علي الشات بتاعنا و طلبت مننا حد يلحقها علي هنا و قالت ان نادين تعبانه و خايفه تتعب اكتر منها
عسال……بقلق واضح تعبانه ازاي يعني وايه لزوم القسم في الموضوع و محضر لمين
حسان….ايوه محضر ليه يا ايمي
ايمي….طيب اهدي ياعسال انا هفهمكم بصوا ده الفويس اللي ليله بعتتوا سمعتهم ايمي الڤويس
عسال…..بصدمه اتهجم عليها ازاي و مين ده
عشري….مين هادي يا ايمي
ايمي…..ده اللي كانت مرتبطه بيه هي سابته من فتره و كانت عامله ليه بلوك علي الموبايل بتاعه بس مش فاهمه حصل ايه عشان يتجرأ و يروحلخا علي بيتها
عسال….لا لحظه يعني هي سيباه و حاظره رقمه و راحلها البيت ازاي يعني
ايمي…..ما انا بقولك يا ميدو معرفش ايه اللي جد في الحوار اصلا امبارح غالباً كلنا خرجنا مع بعض و مكلمتهاش و قبلها بيوم انا كنت معاهم و سيرته مجاتش اصلا ولا نادين قالت انه عملها حاجه فا انا مش فاهمه اي حاجه ليله ونادين اكيد اللي فاهمين
عسال……نعيمه طيب انتي قاعده مع ليله في البيت مقالتلكيش اي حاجه
نعيمه…..خالص والله زي ما ايمي قالت امبارح كل اتنين فينا خرجوا مع بعض و قبلها انا والبنات بردوا كنا مع بعض سيرة هادي دي مافتحتش واصلا مش بتتفتح لان المفروض انها سابته من فتره و عملتلوا بلوك و ليله مقالتش اي حاجه
عشري….كده واضحه يا عسال يبقي الرقم اللي جالها امبارح كان فيه وراه حاجه
عسال….انا متأكد اصلا ان الرقم ده سبب اللي حاصل
ايه….رقم ايه؟
ايمي…..انت عارف حاجه!
عسال….امبارح جالها اتصال من رقم غربب قالتلي اكيد شغل بعدت شويه خدت كام دقيقه و بعدين قالتلي الرقم غلط بس مكانتش طبيعيه خالص و الطبيعي لو الرقم غلط المكالمه مش هتاخد اكتر من ثواني بس نادين و هي بتتكلم من بعيد كان باين علي ريأكشن جسمها انها بتتخانق او متعصبه روحنا كلنا ولحد ما رجعتها بسألها في ايه بتقول مفيش عشري بيقول انه كام بيكلم ليله انهارده كانت نازله مستعجلخ وبتقولوا هروح لنادين عشان كلمتها وهي بتعيط و بتقولها انا في مصيبه بعدها بشويه اتصل تانب عشري و ردت نادين وقالتله انها بخير و كان في بس مشكله مع باباها ومامتها و قبل شوبه كلمت نادين كامت بتعيط جامد و كامت غريبه.مفهمتش منها اي
ايمي…..امها وابوها ايه دي علاقتها بيهم ازيكم الله يسلمكم و اغلب الوقت هي اللي بتتصل هما فين وفين لما يفتكروها مشاكل بينهم ازاي
عسال…..ده اللي حصل
عشري…..وغريب ان نادين ترد اصلا علي موبايل ليله قتلتلي انها في الحمام بس لما خلصت مع نادين و كلمت ليله كان باين عليها التوتر
ايمي…..يبقي الحيوان ده هو اللي وراء الاتصال و ادام ليله مردتش عليك في الاول يبقي محبتش تكدب انا عارفه ليله كويس كان هيبان عليها
عشري….بعصبيه و تكدب ليه اصلا هي مش مضطره تكدب الحوار يخص نادين تحكيلي وانا هتصرف
نعيمه…..اهدي يا عشري لو الحوار زي ما ايمي بتقول يمكن نادين اللي كلبت منها متعرفكش عشان عسال ميعرفش منك
عسال…..ليه هو انا المفروض معرفش ان في حد بيضايقها
نعيمه…..اكيد لا يا عسال احنا بنقول بمكن بس لو ده اللي حاصل جايز محبتش تدخلك في موضوع يخص هادي بالذات جايز اتحرجت منك هنعرف اكيد
حسان…..طيب هما بيعملوا ايه كل ده
عشري…..بيقول بيكتبوا المحضر و اكيد بيسمع منهم حاولت ادخل مرضيش قالي لما يخلص معاهم هيبلغوا
رشيد…..خير ان شاء الله طيب هو محدش يعرف ايه اللي حصل بينهم اصلا و اللي اسموا هادي ده اتمسك ولا جري
عشري…..مش عارف بس لا اتمسك تقريباً بس معرفش ليله و نادين فيهم ايه كمل بعصبيه ما حد يشوف
الظابط ده عشان نفهم
حسان….اهددددددي اهدي خالص مبنفعش اي عصبيه هنا علي الاقل عشان ليله ونادين ده ممكن يضرهم محدش فينا فاهم الموضوع لسه
ايمي….اه والنبي يا عشري اهدي الله يخليك خلينا نفهم الاول هو عموماً ليله صوتها كان اه قلقان بس واضح انها بخير
عشري….تطلع بس هي كمان ونهارها مش فايت
نعيمه….عشري والنبي براحه عليها محدش فينا بعرف اللي حصل معاهم و لا كانوا حاسين بأيه بلاش تضغط عليها الوقت نفهم بس
فضل…..عشري هدي الدنيا خلينا نفهم.
سلامه…..لعسال وانت اهدي ادام جوه لسه يبقي بقت تمام و مش تعبانه هي اكيد اتوترت
قربت سلمي منهم بسرعه وهي جايه تجري
سلمي…..ايمي في ايه ؟
ايمي…..اهدي
حسان….براحه متخافيش خير
في الداخل…
حسين…..تمام يا ليله انتوا هتخرجوا الوقت بره خليه بس يدخلي و هشوف كلامه قبل ما اقفل المحضر وهنادي عليكم تاني
ليله…..تمام يا حسين باشا يلا يا نادين قومي مسك حسين التليفون ورن علي المكتب التاني قالهم يجيبوا هادي.
قربت ليله من الباب فتحته و خرجت لمحتهم كلهم قدامها تجاهلت نظرات عشري و هي قلبها بيدق جامد و مدت ايدها لنادين تخرجها
ايمي….اهم خرجوا خرجوا
اول ما لمحوا نادين و الفستان بتاعها الابيض اللي كله دم و دراعها ورجلها لحد الكوتش اللي ناشف الدم عليهم الكل اتصدم و اتلهي فيها حتي عشري البنات كلهم شهقوا شهقه خرجت من قلبهم و جريوا عليها
ايمي…..ايه ده ايه المنظر ده
سلمي…..ايه الدم ده
ليله…….بااااس باس انتي وهي مفيهاش اي حاجه و زي الفل قدامكم اهي
عشري……بصدمه عمل فيكم ايه ؟نادين ماااالها
ليله…..عشري اهدي هي زي الفل كل اللي فيها ده من الزجاج متخافش ملمسهاش ولا جه جنبها
عين نادين كانت علي عسال كانت بتبصلوا بطرف عينها عايزه تعرف رد فعله و عايزه تعيط بس كانت متوتر
هو كان واقف باصصلها بيجز علي سنانه بقوه رهيبه لدرجه ان فكه كان بيتحرك و عروقه بارزه
بصت نعيمه علي هادي و هو خارج من بعيد من المكتب وجاي عليهم
نعيمه…..بغضب اهو يا حيواااااان
خرجت من وسطهم عشان تعدي وتجري عليه كان عسال سابقها
قفشه هادي لزقوا في الحيطه وفضل يضرب فيه بكل غضب في وشه جريوا عليه الشباب بسرعه
سلامه….بغضب ميدووووو ابعد ابعد بقولك
عسال….وووووسع
سلامه….زقه بغضب في صدره هتودي نفسك في داهيه يا غبي
نعيمه كانت بتحاول تقفشه فضل حاول يشد نعيمه
فضل….بغضب ابعدددددي
نعيمه…..يا حيوااااان هقتلك يا هادي
خرج الظابط بسرعه علي الصوت فضل يزعق بصوت قوي عشان يسيبوا بعض
حسين…..للعسكري شاور علي هادي دخلوا جووووووه
وانتوا ايه اللي بتعملوا ده و فاكر نفسك فين
رشيد….باشا باشا بنعتذر عن اللي حصل معلش بس اعذرنا
ليله….بهمس للظابط احنا اسفين معلش بس منظر نادين خوفهم
حسين…..هز راسه لليله بهدوء وبص للكل بصوت عالي انا مش عايز صوت هنا و مش عايز اللمه دي ابعدوا من هنا
نادين كانت واقفه قريب من عسال وسلامه بتعيط ومرعوبه
سلامه…..بنبرة غضب هاديه هددغ عضمك لو قربت منه تاني
عسال…..وديني ما هسيبه
سلامه….خلااااااااص قولت كمل بهدوء مش هنسيبه بس نطلع من هنا هتودي نفسك في داهيه وبعدين كفايه بص نادين عامله ازاي ياغبي بصلها عسال و هو بيتنفس بسرعه و قرب منها مسكها من ايدها وخدها تقعد علي الكرسي و ضم راسها وهو واقف و هي منهاره
ليله…..عسال عشان خاطري مش وقته اهدي
عسال…..لو معرفتش يا ليله عنوان الواد ده هجيبه بنفسي تمااااام
ليله….طب اهدي الوقت بصت لنعيمه بغضب وانتي لو قربتي منه تاني ولا عملتي حاجه هديكي ميت جزمه علي وشك
نعيمه…..بيستفرد بيها الواااااطي
فضل…..بغضب مسكها من دراعها خلااااص قولنا
ليله…..بصي عشان انا روحي هنا لو لسانك متحطش في بوئك همشيكي من هنا تمااااام
سلمي…..نعيمه نعيمه اسكتي شويه
عشري….بغضب بص لليله انا عايز افهم اللي حصل
ليله….بهدوء طيب اهدي و هفهمك كل حاجه بس لما نمشي من هنا
عشري……بغضب هفهم هناااااا
رشيد…..بهدوء يا عشري
عسال….لما كلمتك الصبح ياليله كان بخصوص الحوار ده مش كده؟
عشري…..بغضب ماهي باينه انت هيدخل عليك موضوع اهلها بعد كل ده كانوا بيكدبوا طبعاً
ليله…..يا عشري اهدي من فضلك.
عشري…..كدبتي ليه يا ليله معرفتناش ليه اللي بيحصل معاكم
ليله….انا مكدبتش يا عشري انا مردتش عليك و خليتها هي اللي ترد لاني محبتش اكدب عليك
عشري…..بعصبيه و هو بيبصلها بنظره رعبتها لا يا شيخه بريئه انتي كده انطقيييييي ايه اللي حصل بدل وديني يا ليله ما هعمل حساب للمكان ده وزب ما تيجي تيجي هدخل اخد.روحوا
فضل…..يا عشررررري براحه عليهم مش وقته
حسان…..هنفهم اكيد يا عشري بس اهدي مش عايزين قلق و حوار ملوش لازمه
ايمي….هو احنا في ايه ولا ايه يا عشري خلينا نطمن علي نادين طيب الاول
سلامه…..طيب زجاج ايه اللي عورها كده يا ليله ؟
ليله….بنظره توتر بصت لنادين و عينها كانت علي عسال خايفه تحكي يتعصب اكتر ووقتها ممكن يتعملوا محضر و رجعت بصت لعشري خافت من غضبه يا جماعه من فضلكم اهدوا شويه نادين بخير و زي الفل اهي هحكيلكم كل حاجه لما نمشي
عشري…..بغضب ايه هو سر يعني ولا ايه متخلنيش اروح اطلع…………..
حسان….يااااااا عشري
رشيد….عشررري عشررري خمسه عقل بقي امسك لسانك يا تخرج بره شويه
ليله…..يا عشري اهدي بالله عليك هحكيلك والله بس انت شايف عسال عامل ازاي عايزني يعني اتكلم يروح هو متعصب تاني و يعمل فيه مصيبه ويروح هو في داهيه ما تهدأ
عشري…..ما كده او كده الواد ده مش هيتساب
عسال…..ليله انتي مش شايفه منظرها ايه الدم ده وايه اللي في ايدها ده و ايه العلامات اللي علي وشها دي ده مد ايده عليهااااااااا
سلامه…..ميدوووووووو اهدي
ليله……والنبي يا عسال اسكت يا عشري بالله عليك اهدي عشان هو يهدي
رشيد….عشري لو نطقت تاني هتغابي عليك ليله معاها حق اسكت عشان عسال
عشري….ماشي هسكت هسكت خالص بس بعدها محدش يلومني بقي
بعد عنهم كام خطوه وولع سيجاره.
سكتوا كلهم البنات كان باين عليهم الصدمه و خايفين علي نادين
في الداخل.
فضل الظابط يتكلم معاه شوبه و بعدين طلب من العسكري يجيب نادين و ليله تاني
راح العسكري عليهم
العسكري…..استاذه ليله واستاذه نادين
عشري….خير
العسكري…..الباشا عايزهم جوه
عشري…..تعالوا يلا
العسكري…..الباشا عايزهم لوحدهم
عشري….لوحدهم ازاي يعني والحيوان ده جوه
ليله…..عشري مش هيحصل حاجه خلبنا نخلص
رشيد…..الظابط جوه هيعمل ايه يعني سيبهم يدخلوا
عسال….بهدوء تعالي يا حبيبي
نادين….بدموع من غير ما تبصلوا خليك هنا انا كويسه
عسال….مش هسيبك تدخلي والزباله ده جوه حتي لو هتحبس
نادين….بدموع عشان خاطري يا ميدو ريحني خليني اخلص انا عايزه امشي
ليله….سيبها يا ميدو معايا متخافش عليها انا داخله معاها
خدتها منه وراحوا علي المكتب و هما راحوا بهدوء وراها.
دخلوا جوه كان هادي واقف مسكت نادين في ايد ليله بخوف.
اما ليله فكانت بتبص لهادي بغضب
حسين……تعالي يا نادين اقعدي ارتاحي
قعدت نادين قدام الظابط شاور لليله كمان تقعد.
حسين……نادين هادي بيقول انكم بتكدبوا و ان ليله هي اللي بدأت
ليله….بصتلوا بغضب مين دي اللي بتكدب ؟
حسين….ليله مش عايز صوت كفايه اللي حصل بره خلي نادين تجاوب
نادين….بدموع انا مش بكدب هو اللي بيكدب انا حكيت لحضرتك اللي حصل و عشان تتأكد اكتر في كاميرات في الشارع و قدام مدخل البيت و حتي قدام باب شقتي من بره في كاميرا يعني حضرتك تقدر تشوف بنفسك وتتأكد إن هو اللي جه الاول و هو اللي زق الباب لما حاولت اقفل ودخل و قفل وراه وجري عليا و ليله جات بعديه و غير التسجيل اللي هو مهددني بيه
حسين…..ها يا هادي نشوف الكاميرات ونعرف مين الصادق و مين الكداب ايه رأيك ؟
بص هادي بتوتر لحسين
حسين….انا من رأيي تتكلم بصراحه وتقولي اللي حصل و ليه روحت و ليه عملت كل ده خد بالك يا هادي الحجات اللي زياد باشا لقاها في جيبك دي شاور علي المكتب
ثلاث شرايط برشام غير الحشيش و السلاح الابيض يعني دول لوحدهم قضيه تانيه
بصت ليله بصدمه هي و نادين
حسين…..تخيل بقي ضيفنا عليهم كمان كام قضيه كده حلوين يعني تهديد و أبتزاز أقتحام منزل محاولة قتل ده غير اللي كنت ناوي تعملوا
هادي…..بتوتر يا باشا انا معملتش حاجه ولت كنت ناوي اعنل حاجه صدقني كل الحكايه انا كنت عايز اتكلم مع نادين بهدوء مش اكتر
حسين….ايوه بس هي قالت انك هددتها و معاها تسجيل كمان وانا سمعته بنفسي بص يا هادي انت كده كده هتفضل معانا لحد ما تتعرض علي النيابه بكره بس انا محتاج اقفل المحضر ده
هادي….ياباشا لا لحظه نيابة ايه بس الموضوع بسيط هيخلص بينا يعني
ليله…..هو انت فاكر انها هتخلص بالتصالح انت عبيط
حسين…..ليله قولتلك متتكلميش
هادي…..انتي اطلعي منها عشان انتي السبب في كل ده
حسين….خليك معااااايا و ملكش دعوه بأي حد
هادي…..يا باشا افهمني ليله هي السبب في كل ده هي السبب في اي مشكله بيني و بين نادين وهي اللي كانت ديماً تسخنها عليا و طول الوقت عايزه علاقتنا تبوظ بأي طريقه
حسبن….وده مش موضوعنااااا
هادي….صدقني يا باشا هو ده الموضوع لو ليله مش موجوده مكانش كل ده حصل
ليله…..انا لو مش موجوده كان زمانك مموتها
هادي……باشا الموضوع صدقني بسيط انا لا اتهجمت ولا كنت قاصد اذي نادين صدقني انا كنت بحاول اخليها تقف وتسمعني
نادين….بدموع كدااااب
حسين…..عموماً النيابه بقي هتبقي هي الفيصل بينكم
هادي….يا باشا مفيش داعي للنيابه احنا هنتصالح وهتعهد لحضرتك اني مش هقرب منها و لو علي الحاجه اللي معايا صدقني دي من واحد صاحبي مفكر انه بيوجب معايا انما انا والله ما بشرب
حسين…..يوجب معاك وهو عارف انك مش بتشرب و خليني معاك للاخر الكميه دي مش تعاطي يا هادي
هادي…..ياباشا خد الحاجه ارميها انا مش عايزها و صدقني انا مش بشرب أرجوك يا باشا خلينا نلم الدنيا في النهايه انا وليله بنزعل وبنرجع
ليله…..انت عبيط يلاااا ولا تحت تأثير الهباب ده انت فاكر انها هترجعلك او تتصالح معاك
حسين…..لييييله
هادي…..تمام لو مش هتتصالح انا عايز اعمل محضر انا كمان يا باشا و هتهم ليله فيه بالتعدي عليا و حضرتك شايفني قدامك اهو يعني مش بتبل عليها .
قامت ليله بغضب و وقفت قدامه.
ليله……اه ضربتك وهضربك و هقل منك يا زبااااااله ومعترفه و لو هدخل فيك السجن يا هادي شرف ليا اني ابقي معلمه علي واحد زيك
حسين….خبط علي المكتب بعنف ليللللله ليللللله صوتك ميطللللعش
في الخارج سمعوا صوت الظابط وهو بيزعق عشري اتجنن و هو سامع صوت الظابط بيعلي علي ليله
عشري…..ده مين ده كمااااان
مسكوا رشيد بسرعه قبل ما يتحرك
عشري…..وسع يا رشيييييد
نعيمه…..عشري عشري اهدا حسين باشا عارفنا كويس و في بينا معرفه من اول ما سكنا هنا و بيتعامل معانا بره في شغل يعني علاقته بينا كويسه هو مش بيزعق لليله اكيد والله بس ليله صوتها عالي و اكيد بيحاول يسكتها
ايمي….عشري ده ظابط محترم وجدع جداً فعلاً يعني متقلقش و علي فكره هو لو مش مع ليله و نادين مكانش عدي الضرب والصوت العالي اللي حصل ده ابداً
فضل…..هو انت ممكن تقف ساكت بقي ولا نخرج بره احسن
خرج من عشري نفس كله غضب وراح بعيد شويه عنهم
في الداخل.
حسين…..ليله مش عايز صوت تاني وانت يا هادي عايز تعمل محضر اتفضل مش هقولك لا حقك بس يكون في علمك النيابه بكره لو امرت بتفريغ الكاميرات هتروح في داهيه و هيتثبت عليك كل اللي اتكتب في المحضر و ليله مش هتاخد فيك ساعه واحده
ليله….بتحدي وانا موافقه يا باشا افتحلوا محضر يمكن يهدي و الكاميرات بينا يا عم الدكر
حسين……بغضب ليله انا صابر عليكي و عارف انك مش في وعيك انا خلصت معاكي و كتبتلك المحضر يعني مش محتاجك تاني يا تخرجي بره يا تسكتي
ليله….تمام يا باشا سكت
حسين…..بص لهادي ها نفتح المحضر و لا هتحكي اللي حصل
هادي…..تمام يا باشا هحكي بس يا باشا انا كده هلبس القانون مبياخدش بالنوايا
حسين….ماهو فعلاً مبياخدش بالنوايا بس لو قولت اللي عندك بكل صراحه لما تقف قدام النيابه و يبصوا علي المحضر و يشوفوا اقولك يمكن يقتنعوا لو عايز تسكت او تكدب براحتك بس متنساش ان في عليك دليل يعني كده او كده هيبان مين صادق و مين كداب و وقتها هتلبس بجد يا هادي
هادي….تمام انا فعلاً روحت يا باشا بس صدقني روحت عشان اتكلم معاها نادين كانت بتتهرب مني و كانت عايز اتكلم معاها بأي طريقه لما قفلت الباب انا فتحتوا بسرعه عشان انا مش رايح يتقفل الباب في وشي انا رايح اتكلم معاها ولما جريت ناحية البلكونه جريت وراها قبل ما تعمل صوت مكنتش عايز أذيها بس هي بدأت تضرب و تصرخ وقتها حسيت اني هلبس مصيبه حاولت اهديها و لما مديت ايدي عليها والله عشان تسكت جريت مسكت السكينه خلتها سابتها و كل حاجه عملتها مكانتش مقصوده والله
حسين…..لما هددتك بالسكينه ممشتش ليه عشان تثبت حسن نيتك انك فعلاً مش جاي تأذيها
هادي….عشان كنت مصمم اتكلم معاها يا باشا كنت عايز افهمها اني مش جاي اعمل اي حاجه و حتي تهديدي ليها بالواد اللي معاه كان مجرد تهديد يا باشا انا لو ناوي اعمل مصيبه كنت استنيت زي ما قولتلها الساعه 8 تيجي و كنت روحت عملت فيه اي حاجه بس ده اكبر دليل اني مش ناوي علي الاذي انا بس كنت بحاول اخليها تنزل وبعدين كنت هاقبلها في كافيه عادي يعني قدام الدنيا بحالها
ليله…..انت بجح و غريب
حسين…..يا ليييييله
ليله…..ياباشا ما انا مش قادره اسكت بقي اللي هو بيقولوا ده عايز يفهم حضرتك هو قد ايه بيحبها وهو بنفسه قايل في التسجيل انه مش بيحبها و ان مش هي اللي تسيبه
هادي…..كنت مضايق و بخرج اي كلام اضايقها بيه
حسين….عندك حاجه تاني عابز تقولها ؟
هادي….معنديش يا باشا بس صدقنس انا مكنتش رايح اذيها انا بس كنت عايز اتكلم معاها و عايز نرجع تاني لبعض و عشان اثبت حسن موقفي للاخر مش هعمل محضر في ليله عشان انا فعلاً عملت كل ده بس زي ما قولت لحضرتك عملت كده عشان بس الاقي سبب يخليني اشوف نادين واتكلم معاها
حسين……نادين عندك اي كلام تاني حابه تضيفيه ؟
نادين….لا معنديش
حسين…..ليله ؟
ليله…..لا يا افندم بس عايزه تحويل لنادين للمستشفي يثبت التعدي عليها
بصلها هادي بغضب و هو بيجز علي سنانه.
بصتلوا ليله بابتسامه ست قويه بميت راجل
ليله…..متبصليش كده و متفكرش ان الكلمتين الحلوين اللي في الاخر دول هيخلوني اسيبك يا هادي اه هنثبت حاله و هناخد تقرير من المستشفي بحالتها و بفكرك تاني لفت صباعها جنب راسها فكر تاني لو عايز تعمل فيا محضر ولا لو عايز انت كمان تثبت حاله حقك عشان تعرف اني بت جدعه و مش باكل حقوق حد مش هتلوي دراعي يا هادي عشان كده كده مش هاخد فيك ساعه لما نفرغ الكاميرات
هادي كان عايز يولع فيها وفي نفسه وفي المكتب بصلها بغضب و سكت.
حسين…..يا عسكررررري
دخل العسكري بسرعه
حسين……خدوا علي الحجز عشان يتعرض بكره علي النيابه
مشي معاه هادي وهو عينه بغضب علي ليله وهي بصاله ومبتسمه
هادي…..باشا باشا لحظه انا محتاج اعمل تليفون بيتهيألي ده حقي
حسين….خدوا الاول علي زياد باشا هليه يعمل التليفون اللي عايزه وينزل الحجز
العسكري…..تمام يا افندم.
خرج هادي قدامهم وقف عسال بكل غضب حط رشيد ايده بسرعه علي كتف عسال ورجعوا تاني علي الحيطه
رشيد….متتحركش
عسال…..بصوت عالي ادعي انك متخرجش عشان لو خرجت مش هسيبك
مشي هادي مع العسكري علي المكتب التاني من غير ما يرد.
في الداخل….
حسين…..بابتسامة غيظ لليله انتيييييي ربنا ما يوقع حد تحت ايدك خدي بالك انا عديتها ليكي عشان انتي غاليه عندي و بستجدعك و بحبك انتي و نادين
ليله….بابتسامه إحراج جميله حقك عليا يا باشا اسفه والله بس حرق دمي
حسين…..وانتي متتوصيش يا ليله و لسانك طول كده
ليله….بضحكه هاديه حقك عليا ياباشا بس هو في ناس كده بتستضعف اي بنت عايشه بطولها و بيفكروا انها عشان لوحدها هتبقي ضعيفه وهيقدروا عليها و صدقني لو محاولتش تبان انها اقوي منهم بياكلوها
حسين…..بابتسامه بس في قانون يا ليله
ليله…..صح و القانون علي راسي بس صدقني يا باشا القانون بيرجع الحقوق مبيرجعش كرامه و الست لو راجل حاول يستقوي عليها مش هترتاح اوي لو اتحبس والقانون جابلها حقها راحة الست بجد لما تحط راسها علي مخدتها و هي عارفه انها معلمه علي اللي استعرض رجولته عليها
حسين….بضحكه جميله و انا سيبتك يا ليله تقولي كل اللي عندك عشان عارف انك خوفتي علي نادين و ارتاحي يا نادين صاحبتك علمت عليه
ابتسمت نادين بهدوء
ليله…..بضحكه جميله طيب ايه نروح و لا تسيبني انزل اكمل عليه في الحجز
حسين….بضحك لا وعلي ايه روحي بس هتعدي الاول علي المستشفي تسألي علي دكتور عماد نور الدين و تديلوا الورقه دي
كتب حسين ورقه ومدلها ايده هو هيعمل اللازم وبكره تكونوا في النيابه
ليله…..بأبتسامه تصدق بالله
حسين….بابتسامه لا إله إلا الله
ليله…..لو مترقتش بسرعه وبقيت لواء يبقي الداخليه خسرانه
حسين…..بضحك تصدقي انتي بالله انتوا بنات بميت راجل و دعواتك معانا يا ليله عشان ابقي لواء
ليله….بابتسامه هتبقي يا باشا متقلقش يلا نمشي احنا بقي
حسين….امشي و شدي ودن الشباب اللي بره و المجرمه التالته بتاعتكم
ليله….بضحك نعيمه حاضر
حسين…..سلام يا نادين
نادين…..بابتسامه سلام
فتحت ليله الباب وخرجت هي ونادين قربوا منهم بسرعه و مسك عسال ايد نادين
رشيد….ايه اللي حصل
ليله…..خلاص هنمشي بس الاول هنطلع علي المستشفي اللي هنا عشان نعمل اثبات حاله و بكره هو هيتعرض علي النيابه و اكيد احنا كمان هنروح
عشري….يعني انتوا هتمشوا صح ؟
ليله….ايوه هنمشي وبكره هنرجع
حسان….طيب يلا يا جماعه خلونا نمشي من هنا ونروح نطمن علي نادين الاول
نادين…..ليله
عسال……عايزه ايه يا ورحي
نادين….عابزه ليله
عسال…..ليله نادين عيزاكي
قربت منهم ليله وكلهم وقفوا تاني
ليله……نعم
نادين…..خلينا نروح يا ليله مش عايزه اروح المستشفي
ليله….مش هينفع طبعاً يا نودي لازم نعمل اثبات حاله يا قلبي
نادين….الفستان بايظ خالص
ليله….مش مهم لازم تروحي كده
عسال…..مش هنطول يا عمري هنمشي علي طول
حسان….نادين لازم تروحي بنفس حالتك دي عشان ده احسن ليكي
عسال….يلا يا حبيبي يلا انا معاكي
خرجوا كلهم وسبق عشري بسرعه علي عربيته خرج منه چاكت بتاعه وراح علي نادين وعسال
عشري…..نادين حطي ده عليكي
مسك عسال الچاكت و حطوا علي كتفها وركبها.
حسان…..انتوا كلكم معاكم العربيات بتاعتكم
ايمي…..اه ايه بس اللي خدتها من المحل
سلامه…..تعالي معايا يا ايه يلا
ايه….حاضر
طلعوا كلهم العربيات بتاعتهم وراحوا علي المستشفي كانت قريبه جدا من القسم ركنوا و نزلت ليله بسرعه وراء عسال و نادين و دخلت سألت عن اسم الدكتور و قابلتوا و اديته الورقه
الدكتور…..تمام ممكن تيجي معايا
بصت نادين لليله و عسال بخوف
عسال…..متخافيش انا معاكي
ليله…..يلا تعالي متخافيش
الدكتور….طيب واحد بس اللي يجي معاها
ليله….انا معاها يلا يا نودي
عسال….انا واقفلك هنا
هزت نادين راسها ودخلت مع ليله و الدكتور وكلهم وقفوا بره
الدكتور….بهدوء اتفضلي هناك مع الممرضه هتساعدك هتقلعي هدومك ولما تبقي جاهزه نادي عليا
بصت نادين لليله بخوف
ليله…..ايه متخافيش يلا اجي معاكي
الدكتور….لو عايزه تساعديها روحي معاها طبعاً
ليله….يلا تعالي
خدتها ليله وراء المكان بتاع الكشف
ومعاهم الممرضه
نادين…..ليله انا ازاي هقلع انا مش لابسه غير الفستان
ليله…..نادين هو لازم يكشف عليكي يا قلبي و بعدين ده دكتور يعني
الممرضه….بهدوء متخافيش انا هحط عليكي ملايه
ليله….هي مش هتنام الجروح كلها في ضهرها ودراعتها
الممرضه….تمام هنحط الملايه علي رجلك و هغطيكي من قدام الدكتور مش هيبص غير علي ضهرك متتكسفيش
نادين….بدموع حاضر
ليله…..بحزن عشان خاطري متعيطيش انا هفضل معاكي يلا اقعدي كده و انا هسحب الفستان بهدوء
خدت منها الچاكت وقعدت علي السرير رفعت الفستان شويه الاول وبعدين قلعتوا وهي ضامه نفسها و بتعيط و بتحاول تخبي نفسها
بصت ليله علي ضهرها بصدمه كان مليان جروح و فيهم جرح كان واصح شويه و معرفتش ده هيحتاج يتخيط ولا لأ
الممرضه بإبتسامه هاديه متعيطيش اهي الملايه بصي هحطها علي رجلك وهلفها علي اخر ضهرك
قربت ليله منها وضمت راسها
ليله…..اهو متبصيش بقي خالص علي الدكتور
الممرضه….هنادي للدكتور ماشي
ليله….تمام
راحت نادت للدكتور قرب الدكتور وهو بيلبس الجلفزات بص علي ضهرها وهو بيضيق بين حواجبه و اول جرح قرب صوابعه منه اللي ليله خدت بالها منه
نادين…..ااااااه
الدكتور…..معلش معلش بسيطه متقلقيش فضل يبص علي كل الجروح في ضهرها ودراعها من الناحيتين كانت كلها جروح بالطول لكن مش عميقه طلب من الممرضه المطهرات و كان في ايده ورق بيكتب فيه كل ما يكشف عليها
ليله….دكتور انا مش عارفه راسها فبها حاجه ولا لا ياريت لو حضرتك تطمني
الدكتور…..حاضر متقلقيش طيب هو انا محتاجك تقفي
رفعت نادين راسها بسرعه لايمي
الدكتور….عايز اشوف رجلك لو فيها جروح
نادين…لا لا مفيش
ليله……معلش يا نودي خليه يطمن
رفعت نادين الملايه من علي رجلها وحطتها علي ضهرها قومي اقفي
قامت نادين وقفت نزل شويه الدكتور رفع الملايه عن رجلها
مسكت نادين في هدوم ليله وهي بتعيط
الدكتور….قام وقف اقعدي خلاص خلصت وقف يكتب تاني
رجعت ليله الملايه تاني علي وسطها برجلها و كانت مخبياها بجسمها من قدام.
قربت الممرضه من الدكتور بعربيه عجل صغيره عليها كل المطهرات و الاسعافات الاوليه.
قرب منها الدكتور بهدوء قالها حاجه بصوت واطي هزت الممرضه راسها ومشيت
بصت ليله للدكتور و هزت راسها بمعني في ايه
شاورلها الدكتور علي الجرح اللي في ضهرها و عملها حركه بأيده بمعني محتاجه خياطه
غمضت ليله عينها ورفعت راسها لفوق
الدكتور…..اسمك ايه قولتي
ليله….اسمها نادين
الدكتور….طيب يا نادين عايزك توطي شويه عشان اطمن ان راسك مفيهاش اي حاجه
نادين….حاضر
الدكتور….قوليلي حاسه بصداع او حاسه انك دايخه عايزه تنامي
نادين….ااا صداع بسيط
ليله…..هو احنا ممكن نعملها اشعه افضل عشان نطمن يا دكتور
الدكتور…..اكيد طبعاً بس خليني اشوفها الاول قوليلي يا نادين لما وقعتي وقعتي علي راسك؟
نادين….ااا انا مش فاكره اوي بس يعني اول ما حسيت اني لمست التربيزه كنت سانده بكوعي الاتنين راسي مخبطتش في الزجاج بيتهيألي
عين الدكتور كانت علي كوعها من الدراعين وفعلها كان فيهم اكتر جرح
الدكتور….تمام مبدأياً الحمد لله مفيش اي جرح في الراس و مش هنحتاج اشعات هي بخير
ليله….الحمد لله
الدكتور…..طيب بصي يا نادين هنطهر الجروح فا ممكن تحسي بوجع بسيط من المطهر
ليله….متخافيش ده مطهر عادي جداً عشان نطمن ان مفيش حاجه داخله في جلدك
نادين….بدموع طيب ممكن براحه
الدكتور….بابتسامه هاديه طبعاً مش عايزك تخافي ده موضوع بسيط وبعدين هتبقي تعمليه كمان في البيت لو يعني هتعرفوا
ليله….اكيد انا معاها اصلاً
الدكتور….طيب كويس جداً كمان هكتبلك علي كريم مضاد حيوي هنطهر الجروح ببيتادين و بعدين نحط الكريم نستني عليه شويه و بعدين نلبس عادي
ليله…..مش هيتغطي يا دكتور
الدكتور…..في جروح مش محتاجه يعني زي خرابيش لكن اللي في كوعها و الجزء ده هنحط عليه شاش طبي و بلاستر
ليله….تمام
قرب الدكتور المقص بقطنه فيها مطهر وبدا ينضف الجروح رفعت ضهرها بصدمه
الدكتور….متخافيش هو بارد شويه انا مش بعمل حاجه
ليله….ياريت لو في مسكن كمان يا دكتور
الدكتور….اكيد طبعاً هكتبلها كل حاجه بس اخلص
فضل الدكتور يطهر كل الجروح اللي في ضهرها.وقفها تاني وهي هتموت من الاحراج وطهر رجلها و بعد كده بدأت يطهر كوعها كانت بتتألم اكتر و كل ما تفرده يشد عليها
الدكتور….معلش استحملي شويه و عايزك تفردي دراعك ديماً متفضليش تانيه ايدك لان لما تيجي تحاولي تفرديها هتوجعك والجرح هيشد
نادين…..حاضر
خلص كوعها الاول ولف عليه الشاش و حط البلاستر مسك كوعها التاني و بدأ يعمل فيه هو كمان كده بعد ماخلص بص للممرض و قرب منها وشوشها.
الدكتور…..ااا معلش عايزك ترفعي شعرها شويه اكتر او هاتيه علي الجنب
ليله….تمام بصت ليله علي الحقنه و هي مضيقه عينها.
مسك الدكتور المقص بالقطن و نضف حوالين الجرح اتألمت بصوت مسموع شويه
ليله…..معلش معلش استحملي
مسك الدكتور بنج رش بعد ما طهر حوالين الجرح و بدأ يرش اتنفض ضهرها من برودة البنج
الدكتور….خلاص قربنا
نادين….بدموع خلاص بقي دي بتوجعني
ليله….ابتسمت ونزلت دموعها بهدوء بتزجعك ايه بس دي حاجه بسيطه وبعدين استحملتي كل ده مش قادره تتحملي دي
الدكتور…..لا لا هي قويه جداً كمان
كان بيتكلم وهو بيجهز الخيط و ليله حاسه ان جسمها سايب من قبل ما يقرب منها.
رجع رش تاني عليها اتنفضت تاني
قرب المقص و القطن وبدأ ينضف بهدوء الجرح من جوه مش حوالبه عشان قبل ما يخيط لو في اي بواقي زجاج صغيره تطلع.
الدكتور…..ها حاسه باي حاجه
نادين….بدموع لا بسيط اوي
الدكتور…..طيب كويس انا رشيتلك بنج علي فكره عشان اقدر انضف الجرح
نادين…..بهدوء و خوف طفولي حاضر
شاور الدكتور للممرضه علي حقنه البنج قربتها منه بصت ليله بصدمه و خدت نفس طويل و هي بتغمض عينها
الدكتور…..بصي يا نادين ممكن يعني اوجعك حاجه بسيطه بس مش عايزك تتحركي
نادين….حاولت تبص للدكتور مسكت ليله راسها هتعمل ايه
الدكتور….مفيش بنضف الجرح اكتر عشان لو في اي حاجه تطلع في المطهر عموما مش هتحسي اوي بس لو حسيتي شويه متتحركيش
نادين…..بخوف حاضر بس بسرعه
الدكتور…..ده بسرعه خالص مش هاخد وقت يلا اثبتي بقي عشان تقومي
نادين….حاضر.
في الوقت ده كلهم كانوا بره اغلبهم ساكتين و اللي بيتكلم فيهم بيهمس
عسال وعشري كانوا واقفين جنب الغرفه و عسال واقف هيتجنن عليها.
قرب الدكتور الحقنه من ضهرها و بص لليله و شاورلها بأيدها تمسك كتفها كويس وبص للمرضه قربت منه و حطت ايدها علي اخر راسها بتحكم و بمجرد ما حط الحقنه في ضهرها صرخت صوت هز المكان
ايمي……نااااادين
بصوا كلهم لبعض و في لحظه فتح عسال الاوضه و دخل علي جوه و عشري وراه
عسال…..نادين
جري علي صوتها بسرعه
ليله….بدموع تعالي اقف انا مش هقدر
خرجت ليله بسرعه وقربت من عشري بعدته بأيدها
ليله….اخرج نادين قالعه الفستان
عشري….بصدمه من الصوت هي مالها
ليله…..بتخيط جرح
عشري بصلها وهز راسه وخرج فضلت ليله واقف و نادين لسه بتصرخ و قافشه في ميدو و مش مركزه اصلاً من الوجع
عسال…..اهدي ياعمري خلاص خلاص عينه كانت علي ضهرها وهي ماسكه فيه وعمال يجز علي سنانه و يضغط بفكه ضم راسها اوي
الدكتور…..خلاص خلاص خلصت
قربت ليله من بره بهدوء و هي بتبص من وراء الحاجز
عسال…..خليكي بعيد يا ليله
الدكتور…..معلش اتحملي انا محبتش اقولك ان في جرح محتاج خياطه عشان متخافيش بس خلاص خدتي البنج ومش هتحسي بحاجه كلها كان غرزه بسيطه
نادين كانت دموعها نازله و قافشه لكل قوتها في ميدو
عسال…..متخافيش مش كبير الجرح هنخلص علي طول
نادين…..بدموع رفعت راسها لميدو روحني يا ميدو والنبي مس عايزه اخيط حاجه انا تعبت
عسال….بنظره وجع ضم راسها وحط ايده التانيه علي خدها هنروح والله هنروح هنخلص بس ونمشي اهدي
بدأ الدكتور يخيط الجرح من الداخل رجعت صرخت جامد و ميدو بيغمض عينه بغضب
الدكتور…..امسكها كويس مش عايزها تتحرك
مسكها ميدو و بص للدكتور
عسال…..طيب ممكن تزود البنج هي حاسه
الدكتور…..هي حاسه عشان بخيط الداخلي لو زودت بردوا هتحس انا خلاص هخلص بسرعه اهدي متخافيش
فضل الدكتور يخيط و بعدين بدأ يخيط من بره مكانتش حاسه اوي وكانت تعبت بجد و بدأت تحس ان جسمها كله منمل وراسها تقيله
عدلت راسها بالجنب علي عسال وغمضت عينها
عسال…..نادين فتحي عينك؟
مردتش عليه فتحت عرنها بهدوء و رجعت غمضت
عسال….نادين انتي كويسه
نادين….بصوت هادي عايزه انام
الدكتور….متقلقش هي بخير ده طبيعي بقولك ايه يا نادين حاسه باي حاجه
نادين….لا عايزه انام بس
الدكتور…..بس كده هنخلص و تروحي و تنامي كمان بس قوليلي بقي اسمك حلو معناه ايه؟
كان بيحاول يتكلم معاها و يخليها تركز معاه و كان بيشتغل وهو بيكلمها
نادين….مس عارفه
الدكتور….بإبتسامه في حد في الدنيا ميعرفش معني اسمه
نادين…..بهدوء وهي مغمضه عينها الامل
الدكتور…..الامل طيب حلو ما اتتي طلعتي عارفه اهو
مسح ميدو علي وشها بهدوء كانت عرقانه
عسال…..هي ممكن تسخن يا دكتور انا حاسس انها دافيه و بعدين عرقانه
الدكتور…..ممكن بس هي الوقت لو دافيه و عرقانه عشان خايفه عشان المجهود اللي عملتوا بس تهدأ و هتبقي افضل واهو خلاص يا ستي خلصنا
عسال……نادين يلا يا حبيبي ارفعي راسك خلصنا خلاص
خرج الدكتور بره عشان يكتب باقي التقرير و يكتبلها العلاج سحبت الممرضه العربيه وخرجت هي كمان
قربت منهم ليله و باست راس نادين
ليله….نودي انتي كويسه يا قلبي
بصتلها نادين وفتحت عينها
نادين…..بدموع عايزه اروح يا ليله
ليله….هنروح يا عمري يلا ألبسك الاول
عسال…..استني اساعدك عشان الجرح
مسكت نادين الملايه بأيدها تداري جسمها من قدام
مسك ميدو بسرعه طرف الملايه ولفوا عليها زي الفوطه
حطت لياه راسها في الفستان و خرجت شعرها رفعت ابدها براحه كانت بتتألم
عسال….براحه يا ليله براحه
ليله….انا مش عارفه خايفه اوجعها
عسال….امسكي الملايه انتي
مسك ايدها بهدوء دخلها و بعدين مسك التانبه و بص لليله
عسال…..ليله هنزل الفستان واحده واحده وانتي اسحبي براحه الملايه علي تحت
ليله…..تمام خلي بالك بس من ضهرها
عسال….متخافيش فضل يسحب الفستان بهدوء عليها وبعدين مسك ايدها اقفي يا حبيبي يلا
مسكت ايده ووقفت سحبت ليله الفستان وبعدين سحبت الملايه حطتها علي السرير
عسال…..هاتي الچاكت حطيه عليها
ليله…..ماشي
خرجوا من جوه و فضل ميدو ماسك فيها بقوه
الدكتور….ده التقرير و دي روشته العلاج تمام هتعنلي في الجروح المكشوفه زي ما قولتلك تطهر ثلاث مرات في اليوم و تحطي الكريم و تفضل شويه من غير لبس هتعملي كده في كوعها من الناحيتين بردوا و زي ما قولت متفضلش رفعاهم او تنياهم عشان ميشدوش عليها و هتتعب وهي بتفردهم الجرح اللي في ضهرها بعد بكره تغير عليه مطهر بس و بعدين يتغطي بشاش طبي و بلاستر بس كده
عسال….تغير في البيت عادي علي الجرح ولا تيجي هنا؟
الدكتور….يعني يفضل اول مره تغير خليني اشوفها و بعد كده لو هتعرفوا تغيروا عادي مش هتقدروا تيجي
عسال….تمام يا دكتور شكراً لحضرتك
الدكتور…..العفو الف سلامه عليكي
ليله…..ميرسي يا دكتور الله يسلمك بعد اذنك
عسال….حبيبي قادره تمشي
ناديم بصتلوا بحزن كبير و هي عينها طول الوقت فيها دموع
نادين….ميدو انا عايزه أروح البيت
عسال….مانا احنا هنروح يا حبيبي
فتحت ليله الباب و خرجت
ايمي…..ايه يا قلبي انتي كويس
بصت نادين لايمي و هي دموعها نازله و هزت راسها بلأ
ايمي….خلاص خلاص ضمتها
عسال….ايمي براحه عشان ضهرها متخيط
سلمي…..طيب خلينا نمشي متوقفوهاش بقي
رشيد….حط ايده علي راسها اهدي يا نودي خلاص كله تمام
قرب سلامه من عسال و اتكلم معاه بنبره هاديه
سلامه…..ميدو حساب المستشفي تحت و لا مع الدكتور
عسال…..اوووف انا نسيت أتلخمت في نادين امسك كده المحفظه و أدخل معلش أسال الدكتور
سلامه….بنظره لوم شيل يالااا بطل هبل
سابه ودخل تاني للدكتور دقيقه وخرج و سبقهم بسرعه ونزل علي تحت
نزلوا وركبوا عربياتهم فتح عسال الباب لنادين و مسك ايدها
عسال…..براحه براحه
حسان…..خليها تمسك فيك بس هي اللي تقعد عشان متتخبطش
عسال…..ماشي اقعدي بهدوء
حسان….بيتهيألي الكرسي عايز يرجع شويه
عسال….نرجعلك الكرسي ؟
نادين….بدموع مش عارفه
حسان…..هرجعه شويه و ريحي
نادين….مش هعرف اسند ضهري
عسال…..خلاص سيبها تقعد براحتها عشان الجرح
حسان…..طيب تمام
قفل عسال الباب و راح ركب و حسان ركب و طلعوا وراهم
مكانتش عارفه تقعد و لا تسند علي التابلوه بأيدها حطت راسها بس و غمضت
عسال….سحب من أيد الكرسي اللي وراه مخدة صغيره اللي بتتحط علي الرقبه حبيبي حبيبي ارفعي راسك
نادين……هاااا
عسال…..ارفعي يا عمري راسك التابلوه ناشف عليكي
رفعت راسها بهدوء حطلها المخده و نامت طبطب علي خدها بحب و كمل سواقه وهو من جواه بيغلي.
بعد حوالي عشر دقايق كانوا تحت بيت نادين نزلوا كلهم
رشيد….الف سلامه عليكي يا نودي
نادين….الله يسلمك يارشيد
رشيد….انتوا هتروحوا النيابه امته
ليله….انا هتكلم مع حسين باشا وهعرف امته بالظبط هيبعتوا الحيوان ده و هروح
ايمي….انت مش طالع ولا ايه
رشيد….لا خليها تطلع ترتاح بقي
حسان…..خلينا نطمن عليها بكره تكون احسن
ايمي….طيب اطلعوا شويه و بعدين بقالنا كتير متقابلناش كلنا
شاورت ليله بعينها لحسان ورشيد و كانها بتستنجد بيهم و هي عينها علي عشري
ليله…..اطلعوا شوبه معانا وبعدين ابقوا روحوا ختمت كلامها و هي بتشاورلهم بعينها علي عشري
ايمي…..يلا تعالوا شويه
رشيد….طيب تمام
في وسط ما هما واقفين بيتكلموا سمعوا صوت تكسير جنبهم بصوا كلهم لمحوا نعيمه ماسكه حجر في ايدها و كسرت عربيه
فضل……نعيييييمه
ليله…..امسكوها بسرعه المجنونه دي
رشيد…..نعيمه نعيمه مش هبنفع كده
نعيمه….لفضل سيبني اكسرهالوا الحيوان ده
فضل…..خلااااص قولنا
بص سلامه بسرعه علي عسال حس انه هيتجنن هو كمان لما فهم ان دي عربيه هادي
سلامه…..اثبببببت لو اتحركت هتزعل
حسان….ايه هنتجنن انت التاني بطلوا هبل ناسين ان في كاميرات يلا اطلعوااا
ليله….يلا يلا خلوها تطلع و ترتاح
سبقتهم ليله علي جوه و دخلوا وراها كلهم رشيد وحسان وقفولهم و دخلوهم كلهم و بعدين دخلوا علي الاسانسير
عسال…..خدي يا ليله نادين و شوفب مبن هيركب معاكي من البنات هنسبق احنا علي السلم
ليله…..طيب هي في الدور الثالث
عسال….بهدوء عارف يلا اطلعوا
طلع الشباب علي فوق و معاهم أيه و نعيمه و ركبت ليله وايمي و سلمي و نادين
نزل الاسانسير نزلوها بهدوء طلعت ليله المفتاح كان الشباب طلعوا
فتحت الباب و دخلت و بداوا كلهم يدخلوا وراها بمجرد ما نادين دخلت و لمحت التربيزه و السمك كله واقع و ميت فضلت باصه عليه وهي دموعها نازله.
وقف الكل مصدوم البنات و الشباب
بص عسال علي التربيزه و البهدله اللي حاصله في البيت و بص علي نادين اللي دموعها نازله قرب منها وضم راسها قدام الكل
نادين…كلهم ماتوا
فضل….ايه ده ؟ هو في ايه
عشري دخل وهو بيلف بهدوء في الشقه و مصدوم من اللي حاصل
خدها عسال بهدوء و قعدها علي اقرب كرسي
عسال……بنظره مكانتش تتفسر كلها غضب مكتوم حبيبي انا دقايق و هرجعلك
نادين…..بدموع مسكت ايده رايح فين
عسال…..جاي بسرعه
سحب ايده منها كان واقف قريب منها فضل.
نادين…..بدموع فضل فضل الحق ميدو و النبي شوف رايح فين
بص فضل علي عسال كان فتح الباب جري وراه هو وسلامه بسرعه
فضل……انت رايح فين
عسال….بهدوء سيبني يا فضل
سلامه…..يسيبك ليه ادخل جوه
عسال….مش عايز اعلي صوتي عشان ميحصلش شوشره اكتر من كده سيبوني بقولكم
مسكوه الاتنين غصب عنه وخرج رشيد و حسان دخلوا بالعافيه و قفلوا الباب
عسال…..يا جدعااااان يا جدعان سيبوني بقولكم
رشيد……عسااااال هو انت فاكر لما تنزل تدغدغ عرببته هتبقي تمام انت كده هتروح في داهيه
عسال….محدش ليه دعووووه
رشيد…..بغضب و صوت عالي ولاااااااااااا مسمعش صوتك هو خلاص مقبوض عليه الوقت يعني هيتحاسب اي غلطه ليك هتترمي معاه
عسال……وانا موافق علي الاقل اخد روحوا بأيدي
سلامه….انت فيك ايه ايه اللي جراااالك
عسال…..بغضب انتوا مجانييييين مش شايفين المنظر انا شايفها غرقانه في دمها و مكنتش مستوعب ايه اللي حصل فيها ابن الكااااالب كسر عليها التربيزه و بتقولولي اهدي
ليله……ميدو ميدو عشان خاطري اهدي والنبي خلاص هو الوقت محبوس و اطمن المحضر اللي اتكتب فيه زي الزفت يعني والله مش هيطلع منها ده غير الحجات اللي لقوها في جيبه يعني رايح في داهيه.
نعيمه……هو انتوا بتهدوا ليه ماهو عنده حق ده الحيوان ده كان هيموتها
ليله….اسكتييييييييي اسكتييييي فضل سكت نعيمه عشان مش وقتها
فضل……بنظره غضب بسيطه لو مسكتيش هاخدك من ايدك اروحك انتي فاهمه الجو مش حمل تسخين خالص
بصتلوا نعيمه و سكتت وهي مش طايقه نفسها
ايمي…..اهدوا كده و صلوا علي النبي و خلونا بس نشيل الزجاج اللي مبهدل الدنيا ده و بعدين نقعد بهدوء نتكلم
سلمي…..بحزن ايوه و حد يشيل السمك ده عشان مات كله
حسان…..هاتوا طيب اي حاجه نلم فيها و ابعدوا انتوا عن الزجاج ده عشان هتتعوروا
ايمي….انا هشيل براحه بس حد يشيل السمك انا هخاف امسكوا
سلمي….وانا كمان خايفه منه
ايه….ابعدوا ابعدوا انا هشيله
قربت منهم ايه و هي معاها كيس بلاستيك و فضلت تشبل السمك و سلامه و حسان يشيلوا معاها
رشيد و فضل وايمي كانوا بيلموا الزجاج كله و نعيمه ماسكه مقشه بتجيب الزجاج اللي اتنطر في كل مكان
عسال كان قاعد علي حرف الكرسي و ضامم نادين في حضنه
عشري كان واقف بيغلي و عامل زي القنبله الموقوته اللي مستنيه تنفجر
اما ليله فكانت بتلم البهدله اللي حصلت في المطبخ
سلامه….ليله في حاجه نلم عليها الزجاج
ليله…..لحظه الم بس اللي هنا وهديك
سلامه….بهدوء ايه كل ده
ليله….اااااه
سلامه…استني استني انا هلم
بص عشري بسرعه عليها و بص علي ايدها ورجع بص قدامه و هو بينفخ دخان سيجارته بغضب.
فضل…..الخشب بتاع التربيزه ده كمان اتكسر
حسان….هاتوا هنا علي جنب الوقت
رشيد….ايه حاسبي انتي و ايمي تحت رجليكم في زجاج
ايمي….متخافش هات بس الكيس ده وانتي يا نعيمه اسحبي السجاده دي
نعيمه…..حاضر سحبتخا شويه دي تقيله اوي
فضل….وسعي وسعي هاتي بس حاجه نشفي المايه اللي تحتها دي
كلهم كانوا بيساعدوا بعض معادا عسال و عشري اللي جواهم غضب فظيع
ايمي…..بهمس نعيمه نعيمه امسحي هنا في دم
نعيمه…..بهدوء طيب طيب
خلصت ليله و سلامه المطبخ
ليله….الرف ده مش مكسور صح
سلامه….لا بس هو المسمار اللي كان شايله اتكسر سيبيه هنا علي جنب و هبقي انا اجي بكره اعملوا المهم اتأكدي ان مفيش زجاج خالص
ليله…..خلاص مفيش
نص ساعه بالظبط و رجع المكان نضيف مفيش زجاج ولا تكسير و اثار المايه و الدم وكله راح.
ايمي….انتي اتعورتي
ليله…..اه الزجاج كان كتير في المطبخ
ايمي…..طيب اضغطي عليه عشان الدم يقف
ليله…..بسيطه بسيطه حد فيكم يشرب حاجه يا جماعه
رشيد….ولا اي حاجه تعالي اقعدي ارتاحي
ايه….انا هروح اعمل عرفوني عايزين قهوه ولا ساي ولا عصير
رشيد…طيب انا قهوه مظبوط
حسان….وانا زي رشيد يا ايه
ايه…..مظبوط دي يعني سكر قد ايه
سلامه….استني انا هاجي اعملها
ايه…..طيب وانت يا عشري
عشري….قهوه ساده يا ايه
عسال……طيب ليله عايز حد فيكم ياخد نادين يغير هدومها دي
ليله….اااااه انا ازاي نسيت تعالي يا نودي يلا
عسال…..حد فيكم يساعد ليله عشان مش هتعرف لوحدها
ايمي…..يلا تعالي سلمي اجري بسرعه طلعيلها غيار
سلمي….حاضر
سلامه…..صحيح انا جبت العلاج بس نسيته في العربيه هنزل اجيبه الوقت
ايه….لا لا انا جيبته علي التربيزه هناك
سلامه….طيب تمام شوف بقي يا عسال المواعيد عشان لو في حاجه تاخدها الوقت
رشيد…..بس تاكل الاول اكيد مكلتش
دخلوا البنات مع نادين جوه طلعت سلمي بسرعه غيار و خدتها ايمي و ليله علي الحمام قلعوها بهدوء
ايمي…بتأثر يا ابن الكلب
ليله…..اهدي هي زي الفل متخوفيهاش هي خوافه لوحدها
نادين….بحزن ظهري باظ صح
ايمي…..بحزن لا يا قلبي كل ده هيروح متخافيش
ليله….هيروح يا نودي حتي الخياطه تجميل يعني مش هتبان متخافيش
قعدت ايمي علي الهواء كده قلعتها الكوتش والشراب
ايمي…..ليله هو الدكتور قالك المايه عادي
ليله…..اااا تصدقي نسيت اسألوا بس بيتهيألي غلط علي الجرح بصي احنا خلينا في الامان ننضف بس كده الظاهر يعني رجلها وشها
نادين….انا عايزه اخد شاور قرفانه من نفسي خالص و حاسه ان ريحتي دم
ليله…..بنظره حزن مش هينفع يا قلبي بيتهيألي علي الاقل انهارده لحد ما نسأل الدكتور بصي انا هنضفك خالص متقلقيش بس مش هنيجي عند كوعك والجرح اللي وراء
نادين….طيب شعري
ايمي…..هنغسل شعرك عادي يلا دفي بس المايه شويه و هاتي الشاور
وقفوا البنات يساعدوها دخلت سلمي بصت عليها مقدرتش تشوفها كده خرجت تاني و شوبه ودخلتلهم نعيمه غضبها من هادي زاد لما شافت الجروح اللي في ضهرها
نعيمه….وسعي يا ايمي شويه انا هغسلها شعرها
ايمي….طيب انا تعالي انا هروح اشيل اللبس بتاعها ده
ليله……الفستان ده حطيه في كيس وارميه خالص مش عيزاها تشوفوا تاني
نادين……ارميه اه مش عيزاه
ايمي….حاضر يا قلبي
في الخارج الكل كان قاعد وفي جو من الهدوء البسيط ايه وسلامه كانوا في المطبخ بيعملوا قهوه
خرجت ايه القهوه اللي خلصت لحسان و رشيد و فضل
البنات جوه لبسوا نادين و وقفت نعيمه سرحتها بهدوء
ليله…..ايه يا نودي حاسه انك احسن الوقت
نادين….اه كتير ريحة الدم بشعه
ايمي…..بابتسامه جميله غمزتلها انتي هتصيعي علينا ريحتك وحشه علي طول
نادين….بابتسامه لا بتكدبي انا ريحتي حلوه
سلمي…..طبعاً قوليلها مس شايفه البرفات قد ايه
نادين…..لومي انتي كده اتاخرتي
سلمي….لا متقلقيش كلمت بابا و عرفتوا انك تعبتي وروحتي المستشفي و احنا معاكي
ليله….طيب وانتي يا ايمي زوزو عرفت
ايمي….قولتلها اه ان في مشكله بسيطه مع ليله و نادين
نعيمه….طيب يلا نخرج ولا ايه
ليله…..صراحه انا مرعوبه اخرج عشري علي اخره
نعيمه…..واضح بس تستاهلي
ايمي….اه تستاهل عشان تخبي علينا بعد كده
ليله….بقولك ايه انتي وهي انا مش ناقصه تقطيم انا لا هبيت ولا اتهببت اصلا الحوار كله بدأ الساعه اتنين لما كلمتني نادين و سيبتها و كملت مشاويري رجعتلها علي سته و من سته لحد عشره اهو واحنا في حوارات وانتوا معايا يعني الباقي كله عرفتوا من وقت ما حصل
سلمي…..بس احنا لسه معرفناش اللي حصل هو ازاي جه هنا اصلا
ليله…..الله يحرقه مطرح ماهو قاعد
نعيمه….طيب يلا خلينا نخرج
ايمي….اه تعالوا مش عايزين نسيبهم لوحدهم
خرجوا كلهم و خرجت نادين في ايد نعيمه
لمحها عسال ابتسم بهدوء و مدلها ايده
عسال….تعالي يا حبيبي اقعدي قوليلي كويسه
نادين….الحمد لله
رشيد….بابتسامه أيه الحلاوه دي يا ست نودي
ايمي….بابتسامه ايه رأيك نضفت صح
رشيد….لا هي زي القمر من الاول
نادين…بجد شكراً ليكم و تعبتكم معايا و بجد اسفه انكم جيتوا لاول مره ولاقيتوا البيت متبهدل كده
رشيد…..بطلي عبط شكراً ايه دي و بعدين ماله البيت شويه تكسير بسيط يعني مش مهم بس بصراحه ماشاء الله بيتك حلو
حسان…..مفيش بينا شكر يا نادين احنا اخواتك و صحابك و بعدين احنا بقينا اهل ولا ايه
نادين….بابتسامه هاديه اكيد يا حسان لولا و جودكم اصلا انتوا البنات مكانش هيبقي في حد في حياتي اصلاً ربنا نا يحرمني منك ابداً
خرجت ليله من المطبخ كانت بتجيب لنادين عصير و مايه عشان تاخد العلاج
عسال…..هي كلت يا ليله
ليله…..احنا فطرنا سوا بس مكلناش من وقتها
عسال….طيب يبقي تاكل الاول
نادين….انا مش جعانه اصلا يعني كلنا من ثلاث ساعات مش بعيد اوي يعني
فضل……لو مضاد هيبقي تقيل عليكي
ليله….لا ده مسكن المضاد لما تاكل
عسال….طيب يا حبيبي شوفي عايزه تاكلي ايه و هطلب الوقت
نادين….لا لا مش عايزه لما اجوع هاكل اي حاجه
عسال…..طيب فكري و انا شويه هطلب المهم اشربي العصير الوقت
عشري…..بهدوء طيب خلصتوا خلاص.
بصولوا كلهم و بصت عليه ليله بتوتر بسيط
عشري…..يعني لو خلصتوا بيتهيألي المفروض نفهم بقي اللي حصل ولا ايه ؟
حسان…..طيب بقول ايه ما نأجل الكلام لحد بكره يكونوا ارتاحوا اكتر
عشري….مفيش كلام هيتأجل الحوار اللي حاصل ده كان المفروض نعرفوا من بدري و لا أيه يا ليله.
ليله….تمام يا عشري هحكيلك
عشري….وانا سامع منك و من نادين
بصتلوا نادين و سكتت
وللحديث بقيه……
