لقاء كارثي

لقاء كارثي
أميره أسامه
صاحبة البطل الواحد

~° البارت الخامس و العشرين°~
……………

وقف عشري بالعربيه قدام بيتها

عشري…..بهدوء ليله ليله حبيبي طبطب علي شعرها حبيبي

فتحت ليله عينها ورفعت راسها بهدوء

عشري….بإبتسامه يلا يا قلبي وصلنا

ليله….احممم بجد

عشري….اه والله بجد يلا قومي كده عشان تطلعي

ليله…..حاضر

حطت ايدها علي الباب عشان تفتح

عشري….بضحكه هاديه استني هنا

ليله…..ايه

عشري…… فوقي الاول كده واظبطي نفسك و بعدين انتي هتنزلي من غير الشوز بتاعتك

بصت علي رجلها كانت قالعه الهيلز

خدتها في ايدها و بصتلوا

ليله…..انزل

عشري…..بضحك انتي هتطلعي وانتي ماسكه الشوز في ايدك مش هتلبسيها

ليله…..لا مش هلبس رجلي بتوجعني

عشري….طيب استني انا هنزلك انتي مش دريانه بنفسك اصلاً

ليله…..ماشي

نزل عشري وراح فتحلها الباب نزلت بهدوء و هي الشوز بتاعتها في ايدها

عشري….بإبتسامه مش قد الكعب بتلبسوا ليه

ليله…..لا بلبسوا عادي يا رخم.بس رجلي وجعتني منه

عشري……بحب طيب يلا يا قلبي

دخلها لحد الاسانسير جوه.و بصلها

ليله….انت هتمشي

عشري….اه هروح يمكن الحق انام ساعه ولا حاجه بس هستناكي لحد ما تطلعي و تدخلي واطمن عليكي

ليله…..خليك شويه

عشري….بإبتسامه هاديه يلااااا بلاش جنان اطلعي

ليله…..عشان خاطري

عشري…..ايه مزهقتيش مني الساعه داخله علي سبعه و انا معاكي من ثمانيه

ليله…..لا مزهقتش

عشري…..طيب معلش يا عمري اطلعي وانا هفضل واقف لحد ما تقولي دخلت

ليله….طيب طلعني

عشري…..بنظره جميله يلا بقي بلاش دلع

ليله…..وحياتي

عشري…..بإبتسامه طيب لحظه امسكي باب الاسانسير ده هقفل العربيه وجاي

ليله….اوك

راح عشري قفل العربيه من علي مدخل الباب بالريموت و رجع ركب معاها الاسانسير و طلعوا علي فوق

عشري…..معاكي مفتاح ولا نوني هتصحي

ليله….لا نوني زمانها في سابع نومه

عشري…..طيب يلا طلعي المفتاح

طلعت ليله المفتاح من الشنطه ومدت ابدها بيه لعشري

ابتسم عشري وهو بيهز راسه شمال و يمين فتح الباب بهدوء و دخلها

عشري…..امسكي المفتاح يلا واقفلي ورايا

ليله…..طيب ادخل شويه

عشري….حبيبي انا طلعتك و سمعت كلامك.

ليله…..عشان خاطري خليك معايا حبه كمان

عشري….بحب باس راسها مش هينفع يا قلبي و اسمعي الكلام يلا عايزه حاجه

ليله…..بزعل لا

عشري…..بإبتسامه تجنن نفرد وشنا يلا اقفلي سلام

ليله….باي

نزل عشري بسرعه ركب عربيته و اتحرك

…………..

انتهي يوم اخر كابلز مع بدايه نهار يوم جديد.

صحي اغلبهم في وقت متأخر شويه علي الساعه 2 الظهر .

وصحيت نادين علي صوت تليفون من رقم غريب قامت بهدوء بصت علي الساعه وركزت مع الرقم عشان تحاول تعرف هي عارفه صاحبه ولا لا بس مكانتش عارفه مين ردت وهي من جواها في صوت بيقولها ده هادي.

نادين….ااا الووو

هادي…..لو قفلتي تاني يا نادين و حطيتي الرقم في البلوك متلومنيش علي اللي هعملوا

نادين…..انت عايز مني ايه يا هادي هو انت بتهددني

هادي…..اعتبريه تهديد لو حابه اما بقي عايز ايه فا لما اشوفك هتعرفي

نادين…بص يا هادي عشان انا احد الوقت مطوله بالي عليك

هادي……نادين انا

نادين….بغضب اااااااسمعني انت الاول اولاً اللي بيني و بينك انتهي و زي ما قولتلك قبل سفري بفتره و خليني اقولهالك صريحه كده عشان منلفش وندور علي بعض اوعي تفكر اني نهيت الموضوع عشان انت خيرتني بينك و بين صحابي هو اه لا انت ولا اي بني ادم علي وجه الارض يحط نفسه في مقارنه معاهم لان اللي بيني و بينهم كبير اوي و اي حد يفكر يحط نفسه في مقارنه معاهم اكيد هيطلع خسران بس تقدر تقول ان مش هو ده السبب الحقيقي اللي خلاني ابعد دي كانت الفرصه الاخيره يا هادي

هادي….لا يا نادين انتي بعدتي بعد الحوار ده

نادين….يا سيدي اعتبرني بعدت عشان الحوار ده و يشرفني اني ابعد عنك عشان الحوار ده

هادي…..نادين انتي عارفه اني كنت نضايق وانتي اللي اضطرتيني احطك في المقارنه دي لما لاقيتك مصممه و مش فارق معاكي

نادين…..صح مكانش فارق معايا عشان زي ما قولتلك انا كنت بعيده عنك اصلا قبل سفري بحوالي شهر لاني كنت زهقت و بعدين زعلان ليه الوقت انت مش كنت طول الوقت انت اللي بتهددني ببعدك عني طب انا بعدت يا هادي و من غير تهديد زعلان ليه عشان انا اللي سيبتك مش انت عشان مش انت اللي.كتبت النهايه و جايه اوي علي كرامتك

هادي…..انا مش عارف انتي متعصبه ليه بالشكل ده و ايه اللهجه الغريبه اللي بتتكلمي بيها دي انتي اتغيرتي اوي يا نادين مش انتي نادين اللي اعرفها اللي كانت بتقول حاضر و طيب و نعم مش بقولك صحابك هما سبب كل ده

نادين….لا مش هما يا هادي اينعم هما مكانوش بيطيقوك بس هما ملهمش ذنب نادين اللي كانت بتقول حاضر و طيب ونعم بردوا مكانتش عجباك و كنت طول الوقت حابب تفرض سيطرتك عليها لما كانت مطيعه و بتحاول ترضيك و ترضي غرورك كان عشان المركب تمشي و عشان كنت بحاول في علاقه فاشله من الاول بس قولت معلش مش هخسر حاجه الوقت لما اتمردت علي كل ده شابف اني اتغيرت و الغريبه ان انت اللي بتحاول معايا بذمتك مش حاجه تضحك مالك يا هادي ايه اللي غيرك مش انت بردوا هادي النرجسي التوكسيك اللي كان شايف نفسه ديماً عليا اللي كان ديناً يحاول يحسسني اني لوحدي و مليش اهل

مش انت اللي كنت ديماً تحاول تتجاهل كلامي و مشاعري و أحتياجي بتجري وراء واحده ملهاش اهل الوقت ليه يا هادي ايه احلويت في عينك لما رفضتك طلعت من النوعيه دي يا هادي اللي بتتعلق و تتمسك لما تترفض اسمعني كويس يا هادي دي اخر مره تحاول تتعرضلي و اخر مره تتصل عليا عشان لو اتكررت صدقني رد فعلي هيبقي اقوي بكتير مما تتوقع

هادي…..اااااه ده يبقي صح بقي يا نادين

نادين…..هو ايه اللي صح

هادي……اللي شوفته اصل انا مقولتلكيش انا شوفتك امبارح و انتي راجعه مع شاب علي رييس

بصت نادين بصدمه و سكتت

هادي…..والله انا لحد قبل ما اكلمك قولت عادي يمكن تعرفوا يمكن صديق يمكن ظهرلها حد من عيلتها بس انا استبعدت النقطه دي عشان انتي ملكيش اهل

حست نادين بوجع غريب من كلمته اللي كلها إهانه

هادي…..بس عموما انا الوقت فهمت القصه ما هو غريب بردوا ان نادين اللي انا اعرفها تصاحب وهي مصاحبه بس تقريباً كده طلعتي مصاحبه و مغفلاني و مش بس كده ده انتي كمان مش طيقاني و عشان مبن حتت عيل لا راح ولا جه يطلع مين ده اللي تفضليه علي هادي الراوي يا نادين انت اكيد مش في وعيك

نادين…..بغضب يطلع ارجل و احسن وانضف منك يا زباله وانا مش معاك اصلا و انت عارف كده كويس انت مكنتش في حياتي عشان اصاحب عليك انت بره حياتي من يوم ما عايرتني بغياب اهلي بس احنا فيها يا هادي بقولهالك تاني انا لا عايزه اعرفك ولا اشوف وشك و بقي في حياتي راجل بجد انت نفسك يا هادي يا راوي تتمني تمشي حتي من جنبه مش بس تتعرف عليه اخر انذار ليك لو فكرت مره تانيه تتعرضلي انا همشبها معاك قانوني

هادي……تمام مشيها قانوني اصل انا مش هسيبك يا نادين مش عشان هموت عليكي لا لا عشان لسه متخلقش اللي يتكلم مع هادي الراوي بالطريقه دي و لا اتخلقت لسه اللي تكون في حياة هادي الراوي و تسيبه من غير ما يسمحلها و اسمعي مني انا بقي اخر انذار لو انهارده الساعه 8 مشوفتكيش في المكان بتاعنا هتندمي و الراجل اللي انتي فرحانه بيه ده هحزنك عليه اصل انا نسيت اقولك من وقت ما نزلك وانا ماشي وراه مش بردوا هو ساكن في مدينه نصر عباس العقاد

نزلت دمعه سريعه من عين نادين

هادي……بابتسامه شر هستناكي يا قلبي الساعه 8 نعقل كده و نيجي في المعاد او قبل المعاد كمان اجي الاقيكي مستنياني لان لو وصلت وملقتكيش علي تسعه بالكتير تسمعي خبر مش هيبسطك سلام يا نودي .

قفل هادي و فضلت نادين قاعده علي السرير دموعها نازله و مصدومه مش عارفه تعمل ايه اول حد جه في بالها كانت ليله مسكت الموبايل بسرعه و اتصلت عليها.

ليله كانت لسه نايمه و نعيمه كانت نزلت علي المخزن عشان تكمل باقي الفرز و تصور اكبر عدد من الشغل عشان يتعرض علي البيدچ قبل موسم الشتاء.

اتصلت نادين علي ليله وهي منهاره و مش قادره تتحكم في اعصابها

ليله….بصوت نايم الوووو

نادين…بدموع ايوه يا ليله

سمعت ليله صوت نادين بتعيط قامت بسرعه قعدت علي السرير

ليله…..ايوه يا نادين انتي بتعيطي ولا عندك برد ولا ايه

نادين…..بدموع ليله ممكن تجيلي بسرعه

ليله…..ايه ده ايه ده في ايه انتي بتعيطي مالك يا نادين

نادين…..لما تيجي هقولك بس عشان خاطري متتأخريش

ليله…..بتوتر ااااا انا قمت قمت اهو وهلبس و دقايق وهكون عندك بس اهدي شويه و قوليلي في ايه بلاش ترعبيني والنبي

نادين…..انا في مصيبه يا ليله عشان خاطري تعالي

ليله….والله جايه جايه متخافيش طب بصي اقفلي واهدي و رهرجع اتصل بيكي وانا جيالك ماشي

نادين….ماشي ماشي

قفلت ليله معاها بسرعه و راحت جري علي الدولاب سحبت بنطلون و تيشرت و دخلت جري علي الحمام

اتصل بيها عشري وهي جوه مرتين و مردتش بعتلها رساله .

عشري…..صباح الفل يا حبيبي بتصل بيكي مش بتردي انتي لسه نايمه و لا صحيتي ولا نزلتي من غير ما تتصلي كالعاده طمنيني عليكي و كلميني .

خلصت ليله لبسها وخرجت جريت وهي بتقفل زرار البنطلون جريت جابت شراب و لبست الشوز و راجت تظبط شعرها بسرعه و حطت كاب علي راسها جريت خدت شنطتها و الموبايل و لمحت اتصال و رساله من عشري فتحت المسدچ وهي عماله تجري في الاوضه و تلم حاجتها.

و بعدين جريت علي بره و خدت في ايدها المفتاح نزلت بالاسانسير و راحت علي العربيه و هي بتتصل بعشري

ليله…..الووووو

عشري…..بإبتسامه صباح الفل فينك

ليله……معلش كنت في التويلت لما اتصلت يا عشري

عشري…..مال صوتك انتي بتنهجي كده ليه و بعدين انتي شكلك في الشارع

ليله…..انا لسه نازله حالا و لسه حتي مطلعتش بالعربيه

عشري…..في ايه يا ليله

ليله….اااااا مفيش

عشري…..ليلللللله

ليله…..ماهو انا معرفش عشان اقولك والله.نادين اتصلت بيا وهي منهاره و قالتلي عيزاكي بسرعه و بتقولي انا في مصيبه

عشري…..ايه مالها نادين؟

ليله….والله با عشري ما اعرف انا صحيت علي تليفونها ومن وقت ما سمعت صوتها مش قادره اتلم علي اعصابي.

عشري……طيب انا هجيلك

ليله….لا لا استني متجيش خليني اروح واشوفها مالها الاول و بعدين انا معرفش هي قايله لعسال و لا هي زعلانه معاه ولا ايه فا اعرف الاول و ياريت متعرفهوش

عشري……طيب روحي و عرفيني في ايه

ليله….حاضر

عشري….ليله متسبنيش علي اعصابي ماشي

ليله….حاضر والله هعرف الاول واكلمك

عشري….نعيمه معاكي

ليله…..لا نزلت علي الشغل من ساعه ونص

عشري….طيب سوقي براحه و طمنيني وخدي بالك من نفسك

ليله…..حاضر يا حبيبي سلام

عشري…..سلام.

طول ما هي بتكلم عشري كانت سايقه دقايق بسيطه ووصلت تحت البيت ركنت و نزلت بسرعه قفلت العربيه و طلعت جري علي فوق

طلعت المفتاح بتاع نادين و هي طالعه في الاسانسير لان نادين عامله لكل بنت فيهم نسخه.

وصلت قدام باب الشقه فتحت بسرعه ودخلت.

ليله…..نادددددددين نادددددين

خرجت نادين من اوضتها و هي بتعيط و اول ما شافت ليله انهارت

نادين…الحقيني يا ليله

ليله……لا بصي انا اعصابي مش متحمله قولي بسرعه في ايه

نادين……طيب هقولك بصي هادي امبارح كلمني.وانا مع ميدو من رقم تاني لاني عملاله حظر طلب يقابلني وقال كلام كتير كده المهم قفلت في وشه ورجعت عملت للرقم حظر بردوا ميدو حس ان في حاجه بس مقدرتش اقوله وعرفتوا ان الرقم غلط صحيت الصبح علي رقم غريب رديت لاقيته هو و انا سجلت ليه كل المكالمه اهي اسمعي.

خدت منها ليله الموبايل و فضلت تسمع المكالمه كلها.

ونادين بصالها وهي دموعها نازله

نادين…..اعمل ايه يا ليله اعمل ايه

ليله…..بغضب هادي الرواي مين هادي الرواي ده ده اخره شبشبين زي الصرصار

نادين……ده اتجنن يا ليله مشي وراء ميدو وعرف مكامه وانا مرعوبه يعمل حاجه

ليله….لو اتجنن يفوق و لا عامل فيها مجنون انا هعمل فيها مريضه نفسياً انتي بتعيطي عشان الزباله ده

نادين….انتي سامعه طريقته ولهجته يا ليله عامله ازاي ده بيهددني لو مروحتش الساعه 8 انه هيأذي ميدو

ليله…….ليه هو بلطجي و لا هي سايبه ياهبله ده لما كان بيشوفني كان بيبقي شويه شويه هيعملها علي نفسه انتي بتصدقي البوء ده يا هبله هو عارف انك بتصدقي ده اخره اصلاً

نادين…..طيب اعمل ايه انا مرعوبه بجد و بعدين ده مشي وراء ميدو بقولك وعرف مكانه يعني ناوي علي الشر

ليله…..لا شر ولا خير ده صرصار يتفعص برجلي انتي لا هتروحي ولا هتيجي و سيبي الحوار ده عليا انا هخلصوا

نادين…..هتعملي ايه طيب

ليله…..قولتلك سيبيه عليا انا بقي ملكيش دعوه المهم ميدو عارف اي حاجه

نادين…..بدموع لا ميعرفش حاجه انا واثقه انه امبارح شك في حاجه لحد ما وصلني هنا بيقولي مالك والمكالمه دي ليه ضايقتك بس مقولتش انا بصراحه محبتش ادخلوا في مشاكل مش بتاعته ولا هينفع اقولوا اللي حصل ده

ليله…..تمام سيبي الحوار ده عليا و انا هتصرف بس علي فكره ميدو ممكن يعرف لان عشري كان بيكلمني وانا نازله و عرفتوا ان انتي كنتي بتعيطي و في معاكي مشكله

نادين….لا لا لا اوعي تعرفيه حاجه بالله عليكي يا ليله هيقول لميدو و ممكن اصلا يزعل مني اني خبيت عليه مش.هيستوعب اني خوفت عليه ومحبتش ادخلوا في مشاكل

ليله…..طيب وفيها ايه لوقولنا يا نادين علي الاقل الحيوان ده لو شاف حد منهم مش هيفكر يتعرض ليكي تاني و عشان بعد جملته دي انك ملكيش اهل يفكر الف مره بعد كده قبل ما ينطقها ده لو طلع صوته اصلا

نادين……اخر همي يا ليله انه يحس ان في ورايا ضهر او لا عشان خاطري مش عايزه ميدو يعرف اي حاجه كملت بدموع لو انا غاليه عندك يا ليله متقوليش انا مش عابزه ميدو يزهق او بحس انه داخل معايا في علاقه فيها توتر انتي عارفه كويس دي مش شخصية ميدو اصلا

ليله…..بتأثر طيب اهدي اهدي خلاص خدتها في حضنها متخافيش حتي لو مفيش راجل هيقف للحيوان ده هو عارف كويس ان انا والبنات كفايه عليه وبالاخص انا هو مش بيطيقني اصلا و بيترعب مني

نادين….بعدت عنها طيب اعمل ايه الوقت

ليله….انتي عملتي بلوك علي الرقم ده

نادين….لا خوفت احسن يتصل ويلاقي البلوك يفكر اني مش هقابله و يتجنن وقتها

ليله…..تمام متعمليش بلوك و لو اتصل نيميه خالص وانا اللي هروح اقابله

نادين…..مش هسيبك تروحي لوحدك وهاجي معاكي

ليله…..لا متجيش انا كفايه عليه

نادين…..بقولك مش هسيبك تقابلي الحيوان ده لوحدك هو بيكرهك يا ليله بجد و انا مضمنش يعمل معاكي ايه

ليله….طيب يفكر بس يعمل اي حاجه هيبقي فتح علي نفسه طاقه جهنم

نادين….بردوا مش هسيبك

ليله…..ماشي تعالي بس متنطقيش

نادين…..طيب لو عشري اتصل هتقوليلوا ايه

ليله…امممم معرفش يا نادين المشكله اني مش هقدر اكدب و لو حاولت انا واثقه انه هيبان عليا

نادين……عشان خاطري يا ليله المرادي بس اقولك قوليله ان حصل مشكله بيني وبين ماما او بابا و كنت مضايقه و بعيط قوليله اي حاجه المهم ميدو ميعرفش ليله انا مش حابه اخسره

ليله…..بابتسامه هاديه طيب اهدي اهدي خلاص روحي يلا اغسلي وشك وهاتيلي مايه ريقي نشف و نزلت جري عشانك

قامت نادين جابتلها مايه و راحت غسلت وشها ورجعت

نادين…..حقك عليا بجد بس مفكرتش غير فيكي يا ليله

ليله….بطلي هبل انتي لو مكنتيش كلمتيني اصلا كنت بهدلتك

نادين…..طيب قوليلي تحبي تفكري ايه

ليله….لا ولا اي حاجه

نادين….لا طبعاً هتفطري و هعملك قهوه

ليله….طيب اعملي قهوه و لو عندك بسكوت مش عايزه اكل حاجه تقيله بس انتي كمان هتفطري

نادين…..ماشي

اتصل عشري في الوقت ده

ليله…..ده عشري

نادين….طيب ردي عليه اكيد قلق شوفيه احسن يتصل علي ميدو

ليله….بتوتر بقولك ايه انا مش هعرف اكدب

نادين…..ليله والنبي

ليله….بصي ردي انتي وكأني في التويلت و هو هيسألك ويطمن شوفي انتي هتقولي ايه بسرعه قبل ما يفصل

خدت نادين بسرعه و ليله كانت فتحت الخط

نادين…..الووو ايوه يا عشري انا نادين

عشري…..نادين ! ازيك يا نادين

نادين…..الحمد لله سوري رديت بدل ليله عشان هي في التويلت معلش بقي نزلتها بسرعه من البيت

عشري….في ايه يا نادين ايه اللي حصل انتي كويسه

نادين……اه انا بخير الحمد لله

عشري….امال في ايه ليله صوتها كان قلقان عليكي و قتلتلي انك بتعيطي و عيزاها تيجي بسرعه

نادين….انا بس يعني كنت في مشكله مع ماما و كنت متوتره شويه لان حصل شد بينا و كده يعني بس انا بخير

عشري…..يا شيخه حرام عليكي انتي و صاحبتك نشفتوا دمي والله العظيم

نادين….بإبتسامه حقك عليا والله انا معرفش انها هتقولك

عشري…..انا كنت بكلمها وصوتها مكانش طبيعي و عشان كده قالتلي المهم انتي بخير

نادين…..بخير والله

عشري…..طيب مش محتاجه اي حاجه انتي عارفه انا اخوكي يا نادين

نادين…..عارفه والله يا عشري انت كمان عارف انك غالي عندي اوي

عشري……طيب روقي كده و فكك من اي مشاكل و انا موجود جنبك اي حاجه تحتاجيها معاكي

نادين…..عارفه والله بس عشان خاطري اوعي تعرف ميدو حاجه يعني مش عيزاه يقلق او اخليه يسمع مشاكل مش بتاعته

عشري….انا مش هتكلم ومليش علاقه المهم انك بخير

نادين……شكراً بجد يا عشري لولي معاك اهي.

خدت ليله نفس بتوتر ملحوظ وارتباك

ليله….اااا ايوه يا حبيبي

عشري…..ينفع كده اعصابي اللي باظت دي

ليله….ااااا معلش بقي بس خير متقلقش

عشري……ماشي يا حبيبي انتي هتفضلي ولا هتمشي ولا ايه بالظبط

ليله…..ااااا يعني انا هفطر معاها بس لانب نزلت بسرعه و بعدين عندي مشوار شغل و ممكن ابقي اعدي عليها تاني لما اخلص اطمن انها كويسه

عشري….تمام يا قلبي خدي بالك من نفسك و منها لو محتاجين اي حاجه كلموني

ليله….اوك يا حبيبي يلا سلام

عشري…..سلام.

ققلت ليله الخط و هي بتتنهد

ليله….حرام عليكي يا شيخه كنا قولنا لعشري علي الاقل بدل ما انا بكدب عليه كده

نادين….انا اللي كدبت عليه مش انتي و بعدين انتي فاكره لو عشري عرف مش هيقول لميدو مستحيل طبعاً هيخاف ميدو يعرف بأي طريقه بعد كده و يزعل منه انه خبي حاجه زي دي

ليله….ربنا يستر ويعديها علي خير بقي لولا اني عايزه ادي الواطي ده درس مينساهوش في عمره كله مكنتش هروح اقابلوا ابداً من غير ما اقول لعشري

نادين…..انا مش عيزاكي تتخانقي او تعملي مشكله خلينا نتكلم معاه بسرعه و نمشي احسن عشري مجنون وكل شويه بينطلك

ليله…..ماهو ده اللي راعبني

نادين…..طيب هقولك عرفيني انا اقول ايه لهادي و هروح انا اقابلوا لوحدي

ليله….مستحيل طبعاً انتي عبيطه يا بت عيزاه يحس انه مشي اللي في دماغه عليكي

نادين….ماهو انا مش عايزه اعملك مشكله و في نفس الوقت انا عايزه اخلص من الحوار ده بجد

ليله….بقولك ايه هو احنا شاغلين دماغنا بيه ليه هاتي كده موبايلك

نادين…..هتعملي ايه هتكلميه ؟

ليله….هاتي بس

مدتلها نادين الموبايل

مسكت ليله الموبايل و عملت للرقم حظر

ليله…..انا عملت للرقم حظر واي رقم غريب يكلمك مترديش عشان ممكن يكون هو و لا انا هاقابلوا ولا انتي

نادين…..يعني ايه لا طبعاً هيعمل حاجه في ميدو

لياه….انتي عبيطه يا بت هادي اجبن بكتير من انه يعمل كده هو بس اتحرق لما عملتي ليه بلوك امبارح لتاني مره و جالك زي المجنون علي هنا ولما شافك نازله وميدو معاكي لعبها بذكاء بدل ما يستني انه يمشي ويجي يكلمك في وقتها لا هو عامل فيها العاشق الولهان راح وراء ميدو عشان واثق انه لما يعرفك.خط سيره انتي هتخافي و مستحيل نبقي تحت رحمه شخصيه زباله زي دي من الاخر مش هيقدر يعمل اي حاجه و هفكرك

نادين….طيب افرصي عمل يا ليله

ليله….والله ما هيقدر انتي مش بتثقي فيا ؟!

نادين…..اكيد بس خايفه يا ليله

ليله….يا بنتي ده اخره فاضي ميقدرش يعمل اي حاجه هو واثق انك هتخافي تتكلمي و عارف كمان انه لما يقولك كده هتسمعي كلامه و تنزلي تشوفيه بس لو ده محصلش هيعرف وقتها انك ولا فارق معاكي و بعدين لو روحتي يا نادين او نفذتي اللي هو عايزه يبقي مسكك من ايدك اللي بتوجعك و هيفهم ان ميدو غالي عندك و هيلعب عليكي في النقطه دي بس لو مروحتيش هيفهم انه ميهمكيش اوي و لا حتي فارق معاكي تهديده ومش هيقدر يمسكك من ايدك اللي بتوجعك فهمتي

نادين…..ربنا يستر

ليله…..خليكي واثقه فيا و متخافيش واوعي تردي علي اي رقم غريب

نادين….حاضر

ليله…..طيب ناويه تفطرينا ولا اروح الشغل و اخلص

نادين…..انتي هتمشي

ليله….انا هبقي جنبك هنا هروح بس ابص علي الشقه و اشوف الساكن الجديد ده ليه اي طلبات ولا لا و هروح اودي العربيه تتغسل و هجيلك انهارده مش عندي مشاوير كتير يعني ساعه و نص بالكتير وابقي عندك انتي مش نازله انهارده

نادين……لا انا الحيوان ده وترني اوي و خلاني معنديش نفس اعمل اي حاجه و اصلا مفيش عندي حاجه مهمه اعملها نوني راحت تصور الشغل

ليله…..خلاص هفطر معايا و ارجعلك تاني انا كمان فاضيه و علي الاقل اعرف عملتي ايه انتي و سي ميدو امبارح

نادين….بابتسامه كان يوم تحفه و عرفت انه اتفق معاكي

ليله…..بضحك ده الشباب كلهم تقريباً اتفقوا معايا و عشري كمان عملي مفجأه

نادين….بابتيامه بجد جالك

ليله….بضحك اه و روحنا غلي السخنه

نادين….بتهرجي

ليله…..اه والله

نادين…..لا انا هروح بسرعه وارجعلك

ليله…..بضحح ماشي بس مش هحكي غير لما اجي عشان متأخرش

نادين….لا يا حبيبتي مش هتمشي غير وانتي قيلالي اي حاجه

ليله…..طب اخلصي يلا اتعديتي من نوني و بقيتي حشريه

ضحكت نادين وراحت بسرعه علي المطبخ.

…………….

بعد ما عشري قفل مع ليله مشي بعيد شويه عن الكافيه وراح سند علي عربيته و ولع سيجاره وسرح شويه مع نفسه في لقائهم امبارح ابتسم من غير ما يحس و ضربات قلبوا زادت اتنهد بسعاده و هو بيفتكر كل لحظه مرت عليهم وهما مع بعض افتكرها وهي بتاخد منه نفس السيجاره افتكرها وهي بترقص بهدوء و بتغنيلوا افتكر نظرة عنيها اللي كلها لمعه سعادة تجنن افتكرها وهي في حضنه و هي بين ايديه ضعيفه رغم قوتها افتكر بوسته ليها اللي كانت في لحظه جنان افتكرها وهي نايمه وحاسه بأمان عشان هو جنبها افتكر دلعها عليه وهي مش عايزه تسيبه لحد اخر لحظه سرح اكتر و افتكر نظرتها ليه لما شافته مستنيها تحت البيت

افتكر كل لحظه عدت بينهم وهما في دهب ضحك غصب عنه وهو مش دريان مين هيشوفوا ومين لا لما افتكرها وهي بترسم علي وشه و بتجري منه و هو بيجري وراها افتكرها وهي في حضنه في المايه وهي بين ايديه و بتعيط عشان زعلها وهي بتقيس المايوهات عشان يختار واحد افتكر نظره خوفها منه لما لمحها وهي بتغير و الباب مفتوح

افتكر كلامه معاها كله كل ثانيه مرت بينهم من اول ما عرفها كانت شريط سريع بيغير ملامح عشري بين ابتسامه و ضحكه و تأثر و حب و خوف محسش بنفسه غير وهو فضل بينادي عليه وبيضحك

فضل……بأبتسامه اتجننت ولا ايه يا عشري

عشري…..بتقول ايه يا فضل

فضل…..صباح الفل هي الطياره لسه واصله ولا ايه

عشري…..عايز ايه انت

فضل……ولا حاجه ياعم بس شوفتك بتضحك و بتبتسم و عنال تاخد وتدي مع نفسك سلامة عقلك.جننتك ولا ايه ليله ؟

ابتسم عشري و ضربه علي راسه

عشري…..خليك في حالك

فضل…..ماشي ياعم هخليني في حالي بس انا عند رأيي هي جننتك ماهو اللي يخلع في لحظه كده ويطلع علي السخنه من غير اي ترتيب يبقي اتجنن

عشري…..طيب ما انت اتجننت انت كمان خليني ساكت

فضل….لا باعم متسكتش و انا عن نفسي معترف الدور والباقي عليك

عشري……ليه هو انا محتاج اعترف مش لاين عليا ولا ايه

فضل……لا باين عليك وجداً كمتن انت عارف يا عشري اني اول مره اشوفك مبسوط كده ورايق و مرتاح

عشري…..انا كمان ملاحظ ده حاسس اني طاير او في حلم جميل بجرب لاول مره في حياتي مشاعر مختلفه يمكن انا في ناس كتير في حياتي بحبها حب فظيع و مقدرش اتخيل حياتي من غيرهم امي ابويا اخواتي انت و الشباب وجودكم في حياتي و حبي ليكم انت اكيد واثق فيه بس حتي مشاعر الحب اللي بعيشها مع ليله مختلفه بجربها لاول مره خوفي عليكم مختلف عن خوفي عليها

انا بجرب مع ليله يا فضل مشاعر مختلفه.

فضل…..بابتسامه لا وبقيت شاعر كمان

عشري….البركه في ليله يا فضل

فضل…..طيب نظره الخوف والقلق اللي في عينك دي عشان موضوع مريم و لا عشان ايه بالظبط

عشري…..انا عمري في حياتي ما خوفت من اي حاجه يا فضل و انت عارف ده كويس بس حتي مشاعر الخوف المرادي مختلفه انا خايف يا فضل خايف اخسر ليله اوقات بقعد افكر لو ليله عرفت و مقدرتش تسامحني و بعدت عني هعمل ايه فضل انا حتي مشاعري في التوقع مخوفاني بجد لاني مش هقدر استحمل بعدها عني

فضل….طيب ما تخلص يا اخويا من الحوار ده بقي كفايه كده كل ما هتستني كل ما الوجع هيكون اكبر انت كنت من ضمن حساباتك في الموضوع ده عامل حساب علاقتنا مع البنات و بيتهيألي خلصت خلاص الكل عرف هو عايز ايه و الكل سستم حياته انا واعترفت لنعيمه وهي كمان اعترفتلي عسال معروف من الاول علاقته بنادين و حتي رشيد و امبارح سلامه وحسان طمنونا انهم بخير واوضاعهم زي الفل و اعترفوا و البنات كمان اعترفوا مستني ايه تاني يا عشري اخلص من الهم اللي طابق علي قلبك ده انا واثق انك لو خلصت هشوفك متغير اكتر ما انا شايفك الاول سعادتك و ضحكتك و حبك لليله كمان هيتغير هتبقي مرتاح اكتر

عشري……اكيد عشان كده انا قررت اتصل بمريم و هقابلها و هنهي الموضوع لاني بصراحه مش قادر استني ولا يوم بعد كده

فضل….طيب و مستني ايه اعنل كده انا صحيح كنت معاك في موضوع انك تصبر عشان الاصول واحترام الموقف اللي هما فيه بس كمان انا شايفك مش مرتاح يا عشري و بما ان كده كده هتخلص الموضوع مع مريم مفيش داعي تستني يعني مش هتفرق اذا كان فات اسبوع ولا اتنين و موضوع عمها ده فات عليه اهو حوالي تسع ايام من بعد ما رجعنا او عشره يعني خلصت يا عشري اتصل بيها و روح قابلها و خلص معاها الموضوع بهدوء و بإحترام.

عشري…..هعمل كده و حالاً

فضل….بإبتسامه و انا واثق ان كل حاجه هتخلص و هتفوق يا خويا يلا هسيبك تكلمها و ابقي عرفني هتعمل ايه

عشري….بابتسامه ماشي يا فضل

سابه فضل ومسك عشري موبايله وأتصل علي مريم

مريم…..الوووو

عشري…..ازبك يا مريم

مريم…..بخير يا محمد الحمد لله انت عامل ايه

عشري…..الحمد لله بخير عامله ايه الوقت والجماعه عندك عاملين ايه

مريم…..الحمد لله علي كل حال يعني بنحاول نتقبل الوضع و نرضي بالامر الواقع و نقدر علي فراق عادل

عشري…..ربنا يرحمه يارب و يصبركم صحيح ابنه عامل ايه و مراته

مريم…..احسن كتير و مالك الحمد لله خرج من العنايه امبارح بليل و حالته مستقره

عشري……الحمد لله ربنا يتم شفاه علي خير اااا مريم انا كنت عايز اشوفك ضروري في موضوع لازم اتكلم معاكي فيه

مريم…..سكتت شويه و فكرت ان عشري هيتكلم معاها عن موضوع التأجيل بتاع الفرح اااا اوك يا محمد شوف عايز نتقابل امته وانا جاهزه

عشري……اي وقت يعني لو فاضيه انهارده مثلاً

مريم…..طيب انا كنت بلبس الوقت ونازله عشان اروح المستشفي اشوف مروه ومالك واطمن عليهم و مش هطول يعني فا لو تحب نتقابل بعد شويه تمام

عشري…..اه طبعاً تمام جداً طيب انتي هتخلصي كده امته من المستشفي

مريم…..انا هنزل الوقت و بالكتير يعني نص ساعه اطمن عليهم وامشي يعني قدامي قول ساعه مثلاً

عشري…..طيب كويس اوي يبقي انا عشر دقايق كده او ربع ساعه هتحرك و اقابلك في اي كافيه قريب من المستشفي

مريم…..تمام يا محمد لما توصل عرفني و انا هجيلك علي طول

عشري…..تمام يبقي مع بعض بقي علي الموبايل

مريم….اوك تمام

عشري….يلا سلام

مريم….سلام.

……………………

عند فضل.

فضل….مش سامعك يا نوني روحي في مكان في شبكه لو سمعاني

فضل معاها شوبه علي الخط و لما ملقاش اي صوت قفل دقيقتين بالظبط و اتصلت هي عليه

نعيمه….الوووو

فضل…..ايه ماما موبايلك في ايه؟

نعيمه…..دي الشبكه والله اصل انا في المخزن جوه و الشبكه فيه وحشه جداً

فضل…..طيب انتي كويسه

نعيمه….اه الحمد لله تمام انت عامل ايه

فضل….زي الفل و حشتيني

نعيمه…..بضحكه عبيطه وانت كمان

فضل….بضحك ايه يا عبيطه بتضحكي علي ايه

نعيمه…..بضحك يعني مش مستوعبه لسه التغيير ده

فضل…..ده علي اساس انك كنتي مستنيه تسمعي مني اني بحبك يعني ما انت عارف يا وحش اني هموت عليك من الاول

نعيمه…..بأبتسامه احراج اااا طيب ما نغير الموضوع بقي

فضل….الله ده الوحش بتاعي طاع بيتكسف و وشه بيحمر و بيعمل زي البنات وكده

نعيمه….بابتسامه فضل بطل رخامه بقي

فضل….ماشي يا ستي هبطل رخامه بس قوليلي وشك احمر ليه

نعيمه…..بضحك انت رخم بجد بقي

فضل…..بابتسامه طب وحشتيني والله من امبارح

نعيمه….وانت كمان اوي

فضل…..اتبسطتي

نعيمه…..اوي يعني كان يوم تحفه

فضل…..اتصالحنا يعني

نعيمه….اكيد

فضل…..طيب قوليلي عندك ايه انهارده

نعيمه…..امممم ولا حاجه هخلص اللي ورايا هنا و بعدين هروح اتغدي في اي كافيه واخلص الشغل علي البيدچ عشان هنا زي ما انت عارف مفيش شبكه

فضل…..هتروحي لوحدك

نعيمه….اه كلهم عندهم شغل

فضل….طيب ليه متروحيش البيت

نعيمه….عشان بعد ما هخلص شغل علي البيدچ هروح اشتري شويه حجات يعني نقصاني شوبينج يعني

فضل…..هو انتي مش بتاخدي من الحاجه اللي بتجيبوها

نعيمه…..باخد طبعاً بس في حجات محتجاها مش بتبقي موجوده اصل شي إن و البراندات اللي بنتعامل معاها اغلبها ترندات يعني حجات معينه اللي بتعجبنا فيه لكن في لبس خاص و موديلات بنشتريها عادي من بره

فضل…..طيب هتجيبها منين؟

نعيمه…..في مول في مدينتي في كام محل بحب اشتري منهم

فضل…..مدينتي دي اللي فيها ايمي وسلمي وايه

نعيمه…..اه

فضل….طيب ما تروحي لابمي في المطعم

نعيمه…..لو روحت هنقعد.نرغي لا هي هتعرف تشتغل ولا حتي انا

فضل…..ماشي يا ستي عموماً يعني احتمال تلاقيني في وشك

نعيمه….بابتسامه ده بجد

فضل….اه بجد مش عايزه تشوفيني ولا ايه

نعيمه…..لا طبعاً اكيد عايزه اشوفك بس لو هتيجي فعلا يبقي اتأخر شويه لحد.ما اكون خلصت شوبينج عشان متزهقش

فضل…..ازهق من ايه

نعيمه…..اصل انا باخد وقت في الاختيار و لما بعمل شوبينج بسرح فا هتزهق خليك اكون خلصت وبعدين نقعد شويه مع بعض نشرب حاجه في اي كافيه

فضل…..سيبها لظروفها اخلص بس اللي ورايا و هشوف هجيلك امته

نعيمه…..بسعاده ماشي يا سيدي اتفقنا

فضل……يلا يا قلبي روحي خلصي بسرعه و انا كمان هخلص عشان اجيلك

نعيمه…..اوك

فضل…..اول ما تبدأي تتحركي من مكامك عرفيني

نعيمه…..حاضر

فضل…….سلام يا ماما

نعيمه…..بسعاده سلام.

…………..

عند سلامه اتصل علي ايه بطمن عليها.

ايه…..بصوت كله طاقه الوووووو

سلامه….بضحك خرمتي ودني

ايه….بضحك عامل ايه

سلامه…..انتي عامله ايه طمنيني عليكي مناخيرك كويسه

ايه….اه متقلقش هي انهارده وجعاني شويه و عندي رشح و متبهدله ومش قادره امسكها بس تمام يعني

سلامه….الله يقرفك يعني هتقعديلنا بقرفك ده عشان مش هتعرفي تمسكي مناديل

ايه….بضحك و الله لو عاجبك بقي

سلامه…..يا سلام عاجبني طبعاً ده انا اجي اقعد جنبك بالمناديل

ايه…..بضحك لا مش لددرجادي بطل قرف

سلامه…..بابتسامه انا مش بقرف يا ستي

ايه….طيب قولي انت لسه صاحي يا كسلان بعتلك مسدچ لما اتصلت ومش رديت عشان اعرفك اني نزلت

سلامه……اه ما انا صحيت وشوفتها بس قولت افطر و اخد شاور والبس و لما انزل اكلمك

ايه….نهارك ازرق يعني انا كنت اخر مرحله

سلامه…..بضحك لا والله مش كده بس قولت عشان متأخرش و في نفس الوقت اعرف اكلمك براحتي

ايه……ليه خايف تتقفش ولا ايه

سلامه…..بضحك لا بس مصطفي اخويا عيل عامل زي الرادار و رخم و لو قفشني هطلع مسرح فا ليه وجع الدماغ هقوم اضربه و اقفش فيه و اسيبك ملطوعه علي الموبايل

ايه….ملطوعه لا وعلي ايه المهم انت رايح فين

سلامه…..يا بنتي انتي لسه صغيره علي التعاطي هتدمري صحتك انتي هبله يا ايه ما قولتلك رايح الشغل

ايه……انت بتزعق

سلامه….مين انا لا انا مبعرفش ازعق انا طيب

ايه….بضحك بتجيب وراء بسرعه انت

سلامه….بضحك لا وحياه ماما نظبط كده عشان محبش ابداً تشوفي الوش التاني

ايه…..ايه هتعمل ايه يعني انا مبخافش

سلامه…..انتي بتشوفي عشري من ورايا ولا ايه علمك البلطجه علي راي ليله

ايه…..بضحك لا متقلقش انا بلطجيه لوحدي

سلامه….عارف انا امي داعيه عليا

ايه….ايش فهمك انت بس دي مبتحبش غيرك و هرياك دعاء

سلامه…..بضحك يخربيت الثقه اللي هتوديكي في داهيه بقولك ايه صحيح انتي قولتيلي بكره هحكيلك اللي حصل

ايه…حصل في ايه

سلامه….لا هنستعبط امبارح يا ايه لما رجعتي

ايه…..بضحكه عبيطه اه صح انا حكيت لبابا كل حاجه و قالي عايز يبقي يشوفك كده بقي يا معلم اتدبست فيا رسمي

سلامه…..انا قولت بردوا امي داعيه عليا بتلبسبني فيكي يا بت

ايه…..اه يا حبيبي بدبسك مش خرجت معايا و ودتني الملاهي يبقي لازم تصلح غلطك

سلامه…..بضحك امال لو وديتك ديسكو هتدفن حي منك لله

ايه….بضحك معلش دي عادتنا و بعدين عملتلي عاهه في مناخيري و مش هلاقي حد يتجوزني

سلامه…..انا جيت جنبك انتي بتتلككي هو انا اللي خبطتك و بعدين تعالي هنا انا شامم ريحه حاجه وحشه انتي بتلبسيني

ايه…..استحموا بقي بلاش قرف

سلامه…..بضحك يابت هجيلك والله

ايه…..يا سلام تعالي الف مرحب انهارده عندي 3 كلاب احجام فيهم واحد غدنفر هيفرتكك

سلامه….بضحك المشكله ان اللي بتتكلم دي قد كفي انا هموت واشوفك بتتعاملي ازاي مع الاحجام دي

ايه…..لا متشغلش بالك انا قد الكف صحيح بس ربنا ما يوقعك في ايدي

سلامه…..يا وااااد انت يا جامد طب اخلصي دبستيني يا ايه

ايه….اه يا سلامه دبستك بصراحه اصل من الاخر كده هتجوزك حتي لو غصب عنك

سلامه…..بضحك عايزه تتجوزيني يا ايه

ايه….انت جاي في لعب ولا ايه يومك مش فايت

سلامخ…..بضحكه جميله لا يا ستي اتجوظك و خلاص علي الاقل انقذ البشريه منك

ايه…..يا سلام علي الوفاء بتضحي بنفسك عشان الشعب يعيش

سلامه….اخلصي بطلي هزار قالك ايه يعني

ايه…..ولا حاجه والله يعني كان بيسأل عادي و عايز يفهم في ايه بالظبط و انا اتكلمت معاه بصراحه و بس بعد كده قالي اكيد لازم اشوفه

سلامه….ماشي يا ستي وانا جاهز

ايه….هتعمل ايه الوقت

سلامه……بت النوع ده ايه ظروفه تلاتات ولا سبعات

ايه…..بضحك خلاص خلاص افتكرت

سلامه……الله يخربيت الشابو علي الايس اللي دمر شبابنا

ايه…..بضحك عندي زهايمر يا ابني اعذرني

سلامه……انا قولتها لبستك خلاص

ايه….انت تطول

سلامه….بابتسامه لا يا ستي مطولش علي فكره و حشتيني

ايه….اااااا طيب يا سلامه روح شوف اللي وراك بقي

سلامه…..بضحك طيب بحبك

ايه…..لا تسلم مش عايزه اي حاجه

سلامه….وحياة ماما وربنا يا ايه هاجي اجيبك من زمارة رقبتك انتي بتكبريلي يابت

ايه…..بضحك بقولك ايه انا لسه مش متعوده عليك رومانسي فا اهدي كده

سلامه….تبقي مصيبه لو مطلعتيش كمان رومانسيه.

ايه…..بضحك لا عيب عليك انا رومانسيه جداً علي فكره

سلامه….بضحك انتي ايه

ايه…..بضحك طب والله رومانسيه

سلامه……اقطع دراعي و برهان انك كدابه ولا تعرفي حاجه عن الرومانسيه

ايه….حوش يا نزار يا قباني الرومانسيه اللي بتخر منك

سلامه…..بضحك انا بقول اقفل بقي عشان اسلوب الحوار بقي غير لائق

ايه…..بضحك صح.الغي رحلتك بقي

سلامه……بابتسامه جميله خدي بالك من نفسك شويه كده اوصل وابقي اكلمك تاني

ايه…..تمام انت كمان خد بالك من نفسك

سلامه….حاضر بحبك واخد بالك يا صاحبي

ايه….بضحك بحبك يا شقيق

سلامه…..بضحك لا سلام مش وقته جو التكاتك و المهرجانات ده باي

ايه….بضحك باي

……………

عند سلمي و حسان اتصل عليها

سلمي…..الوو

حسان…..مساء الخير يا دكتور

سلمي….بضحكة جميله مساء النور مين معايا

حسان….معاكي استاذ محمد كنت بكشف معاكي امبارح

سلمي….اممممم ممكن تفكرني بيك

حسان…..بابتسامه بس كده انا اللي كنت مساعد يجنن و كنت بمسحلك العرق و انتي بتكشفي عليا و كنت بساعدك و بسحب الكرسي افتكرتيني ولا افكرك اكتر

سلمي….بابتسامه لا كفايه كده افتكرت خير يا استاذ محمد ايه شكوتك

حسان…..مفيش شكوي بس يعني حضرتك يا دكتور كشفتي عليا و نسيتي تديني علاج و يعني كنت بفكر اني اعدي علي حضرتك تكتبيلي اي حاجه

سلمي…..امممممم لا هو واضح ان حضرتك اللي بتنسي يا استاذ محمد لاني قولتلك ان اسنانك سليمه و انك كويس و مش بتشتكي من اي حاجه و واضح كده انك بتدلع

حسان…..انا بدلع حرام عليكي ده انا هموت من الوجع

سلمي….بضحكه جميله صدقني انت بتدلع

حسان….طيب متعرفيش علاج للدلع

ضحكت سلمي و اتحرجت معرفتش ترد عليه

حسان….بابتسامه جميله هاا سكتي ليه

سلمي….لا معنديش

حسان…..بس انا سامع ان في علاج حلو اوي لحالتي دي

سلمي…..ايه هو بقي

حسان….اشوفك

سلمي…امممممم قول كده بقي ما قولتلك بتدلع

حسان……وحشتيني

سلمي….بإحراج و انت كمان

حسان……معرفتش اكلمك امبارح لما قولتي ان بابا جه و لما متصلتيش مبقتش فاهم انتي بتتكلمي معاه و لا نمتي

سلمي…..لا انا بعد ما قفلت معاك قعدت مع بابا و اتكلمنا شويه و ايه جات وبعدها تامر كمان وصل فا الوقت اتأخر و بصراحه اتحرجت اكلمك

حسان….طيب بصي مره تانيه لو قولتي اتحرجتي دي هنزعل من بعض عشان بعد كده تكلميني في اي وقت

سلمي…..ماهو يعني انا

حسان….عااااارف انك لسه مش واخده علي الوضع بس لازم تكلميني

سلمي…..هو انا كمان معرفش بتنام امته يعني في دهب كنت بتسهر عادي بس هنا معرفش

حسان……مش بنام بدري انا يا سلمي و حتي لو نمت اتصلي عادي

سلمي…..ماشي اتفقنا

حسان…..عرفيني بقي حصل ايه

سلمي…..لا ده حوار طويل

حسان…..مش بقولك يبقي الحل اني اشوفك

سلمي….بابتسامه انت بتتلكك يا حسان

حسان….بصراحه اه بس كمان بصراحه اكتر انا تقريباً منمتش كويس و كنت قلقان

سلمي…..ليه

حسان….يعني كنت عايز اعرف ايه اللي حصل بينكم قالك ايه قولتيلوا ايه و انطباعه كان ايه ورد فعله

سلمي…..بتمثيل اااا يعني بص هو مش حلو اوي بس اكيد هحاول تاني معاه

اتغيرت نبرة حسان

حسان……ليه مش حلو اعترض علي ايه بالظبط

سلمي…..احممم ااا تقريباً كل حاجه

حسان…..طيب انا عايز اشوفوا يا سلمي

سلمي….بابتسامه هاديه خبتها بسرعه هتقولوا ايه يا حسان هو اعترض اول حاجه علي السن و بعد لما عرف باقي التفاصيل قالي يمكن السن اللي اوافق عليه لكن انه كان متجوز و عنده بنت مستحيل

حسان…..لا ماهو مفيش حاجه اسمها مستحيل يعني علي الاقل نتكلم لازم تاخدي منه معاد في اقرب وقت يا سلمي حتي لو انهارده

سلمي…..انا بقول نستني فتره بلاش بسرعه كده هو لسه مضايق من امبارح

سكت حسان و سرح و حس انه مضايق بجد

سلمي……حسان مالك ساكت ليه

حسان…اااا مفيش بفكر

سلمي….طيب و بعدين هنعمل ايه شكلها بعني كده مش ظابطه صح

حسان……بعصبيه بسيطه هي ايه دي اللي مش ظابطه و مالك بتتكلمي علي ان الموضوع منتهي ليه

سلمي….لا مش كده بس يعني انا اللي سمعت كلامه وشوفت رياكشن وشه فا حاسه انه مش هيوافق حتي لو قابلتوا

حسان…..مفيش حاجه اسمها مش هيوافق و بعدين لازم يشوفني و يتعرف عليا و بتكلم معايا عشان يعترض

سلمي….بهدوء طيب هو انت ليه متعصب

حسان…..بتنهيده انا مش متعصب يا بابا انا تمام بس يعني

قاطعته سلمي بإبتسامه

سلمي….حسان انا اتكلمت مع بابا و مبدأياً كده هو معندوش اعتراض علي اي حاجه انا كنت بهزر معاك و علي فكره هو مستعد يشوفك

سكت حسان و سمعت صوت نفس طويل

سلمي…..بضحكة جميله انا قولت الحق نفسي قبل ما اتضرب اول مره اشوفك متعصب

حسان…..بابتسامه انتي عارفه انتي لو قدامي الوقت كنت عملت فيكي ايه

سلمي….بابتسامه بهزر والله انت اتعصبت ليه كده

حسان…..عشان انا قولتهالك امبارح يا سلمي في كل الاحوال انا مش هسيبك تضيعي من ايدي بس كمان اتمني انه يوافق او نتكلم بهدوء لاني مش حابب ادخل اي حرب من اي نوع معاه

سلمي…..بابتسامه لا متقلقش مفيش اي حرب و انا عرفتك ان انا و بابا علاقتنا جميله بجد وهو حد متفهم جداً

حسان…..طيب معترضش علي اي حاجه وبصراحه

سلمي….والله ابداً بس هو قالي افكر

حسان…..تفكري يعني معترض

سلمي…..خالص صدقني هو قالي السن و انه كان متجوز و حتي انه عنده بنت مش مشكله خالص بس هو قالي افكر لاني حكيتلوا ان علاقتك بمامت هنا كويسه فا قالي هتقدري تتحملي ان يكون في بينهم علاقه و وصال و مش هتغيري و الغيره دي تخرب حياتكم بعدين

حسان….وانتي رديتي عليه قولتي ايه

سلمي…..قولتلوا اني واثقه فيك و بحترم علاقتك بمامت هنا و اكيد مش هيحصل كده

حسان…..وانتي عارفه يا سلمي علاقتي بيها لازم تفضل كده و ده غصب عني مش بمزاجي و ده كله عشان خاطر هنا بس كمان في حاجه مهمه لازم تعرفيها يمكن مذكرتهاش قدامك قبل كده

سلمي….ايه هي

حسان…..علاقتي بمامت هنا اغلب الوقت بتبقي عن طريق جوزها يعني لو هاخد هنا بتكلم معاه و بطلب منه يعرف مامتها تجهزها لو هروح اخدها لازم يكون في البيت وهو اللي ينزلها لو في اي حاجه خاصه بالدراسه بالدكاتره بأي حاجه تخص هنا بيبقي عن طريق جوزها و لو اضطريت اتكلم معاها بيبقي عن طريق جوزها بتكلم معاه الاول وهو بيديهالي لو صادفت مثلا انهم يسافروا في الصيف بيتصل جوزها عليا يستاذني و بعدين يديني مامت هنا هي كمان بتستأذني يعني من الاخر حتي لو علاقتنا كويسه جداً انا مش بتخطي حدودي و ده مراعاةً لشعور الراجل اللي هي متجوزاه

و لما نتجوز يا سلمي و تبقي في بيتي هتشوفي ده بنفسك اتصالي بيها او اتصالها بيا بيكون في وجود جوزها فهمتي

سلمي….بإبتسامه جميله فهمت

حسان……طيب مصدقاني

سلمي…..مصدقاك يا حسان و واثقه فيك و عارفه ان بابا هيحبك اوي و هيرتاح جداً

حسان…..ودي اهم حاجه عندي انه يرتاح يا سلمي

سلمي….بابتسامه ماشي

حسان…..بإبتسامه طيب ايه هشوفوا امته

سلمي…اااا يعني معرفش براحتك

حسان….انا جاهز اي وقت شوفي هو ظروفه ايه و انا مستعد

سلمي….تمام هتكلم معاه واسألوا

حسان….براحه و ابتسامه تجنن و انا مستني المهم بقي مش هتكتبيلي علاج

سلمي…..بضحك مصمم انت

حسان…..جداً و بصراحه يعني انا حسيت كده انك كروتيني في الكشف

سلمي….بضحك لا ماهو اعمل حسابك لما هتيجي في اي وقت بعد كده هتبقي زياره وتنسي الكشف ده خالص

حسان…..مش مهم المهم اشوفك

سلمي…..هتجيب هنا انهارده

حسان…..اه هاخدها بس بليل شويه مش الوقت و لو فصل عندي سغل لحد بليل يبقي هاخدها بكره لان هنا بتنام بدري

سلمي….تمام

حسان….انتي فين صحيح

سلمي….انا في المطعم مستنيه ايمي تيجي و بعدين هقعد معاها شويه واروح علي العياده

حسان….هي اتأخرت كده ليه

سلمي…..معرفش قالتلي في مشوار بس زمانها جايه انت فين بقي

حسان…..انا في المعرض و مستني سلامه يوصل و هروح كده الكافيه اشوف العمال عشان عشري لسه قافل معايا و قالي احتمال ميقدرش يروح فا هروح انا

سلمي…..هو الكافيه ده فاضل عليه كتير و يفتح

حسان…..مش اوي يعني احنا شغالين فيه يعني ممكن شهر شهر ونص

سلمي…..بس ليه كتير كده

حسان…..مش كتير ولا حاجه الكافيه مساحته كبيره اوي حوالي الف متر

سلمي….ماشاء الله

حسان….محتاج شغل كتير وتجهيزات و سيوله لان كمان بنشطب في المعرض التاني فا الدنيا لسه بتظبط يعني

سلمي…..ان شاء الله تخلصوا علي خير

حسان….يارب يا حبيبي خلاص خلصي كده عندك و كلميني وانتي ماشيه

سلمي…..تمام خد بالك من نفسك

حسان…..بابتسامه ماشي يا حبيبي وانتي كمان مش عايزه حاجه

سلمي…..سلامتك

حسان…..باي يا بابا

سلمي…..بابتسامه باي

…………….

عند رشيد و ايمي

رشيد…..الوووو

ايمي…..ايوه يا حبيبي

رشيد….ايه يا ماما وصلتي ولا لسه

ايمي…..قربت هلاص ربع ساعه بالكتير و اوصل

رشيد…اتاخرتي ليه كده

ايمي….مفيش يا رشيد قولتلك كنت بحاول معاهم في المركز و قعدنا شويه و الطريق اصلا زحمه

رشيد…..بهدوء طيب يا حبيبي خلي بالك من نفسك و سوقي براحه

ايمي…..حاضر يا رشيد

رشيد….ايمي

ايمي…..نعم

رشيد…..انتي عارفه اني بحبك صح

ايمي….بابتسامه حزينه عارفه وانا كمان بحبك

رشيد….طيب ممكن بقي نفك شويه و ننسي كل الحجات الوحشه دي و نسيب كل حاجه في ايد ربنا

ايمي…..حاضر

رشيد….مش حاضر و تفضلي كده

ايمي….غصب عني صدقني

رشيد…عارف يا عمري و انا مش عايزك تضغطي علي نفسك عشان ترجعي زي الاول غصب عنك بس كمان لو الزعل هيرجع اي حاجه هقولك خليكي زعلانه صح ولا غلط

ايمي…..صح

رشيد….كمان في حاجه مهمه احنا لسه عندنا امل كبير احنا الاتنين كويسين و نقدر نجيب اطفال من غير اي تدخل طبي و الاهم ان لازم نفسيتك تبقي افضل عشان متأثرش عليكي انتي عارفه كويس ان الموضوع ده عايز هدوء وراحه و نفسيه عاليه و متفكريش كتير

ايمي….حاضر يا رشيد انا خلاص تمام والله اصلا مفيش اي حاجه في ايدي اعملها ولا لاقيه الفايل ولا عارفه الكود يعني برضايا او غصب عني لازم ارضي بالامر الواقع المهم سيبك بقي من النكد ده لاني عايزه انساه انت وحشتني

رشيد….بابتسامه اهو كده دي ايمي اللي اعرفها اقوي ست في الدنيا انتي كمان وحشتيني يا عمري بقولك ايه انا هخلص شغل و هعدي عليكي علي الساعه 8 كده و عرفي زوزو و حماده اني جاي معاكي

ايمي….بابتسامه بجد هتيجي البيت

رشيد….ااااه هاجي البيت في اعتراض و حشوني وعايز كمان اشوف اخرتها مع ابوكي لو مش هيسأل عني يحدد المعاد

ايمي…..بابتسامه وده بقي من ايه

رشيد….هو ايه اللي من ايه

ايمي…..بابتسامه يعني مستعجل علي الجواز وعشان ابقي معاك ولا بسبب اللي حصل عايز ترضيني

رشيد…..لا ارضيكي ايه و بتاع ايه اخر همي يا ماما انا مستعجل اشوف القمر ده في حضني مستعجل الحق اتدلع قبل ما عيالك يجوا وياخدوكي مني

ايمي….بابتسامه جميله يارب يا رشيد

رشيد…..يارب ايه يجوا ولا ياخدوكي مني

ايمي….الاثنين المهم يجوا

رشيد….لا بصي اسمعي يجوا تمام اهلا وسهلا بيهم و يوصلوا علي خير ان شاء الله بس ياخدوكي مني دي تطير فيها ارقاب انتي محدش هياخدك مني انتي بتاعتي انا يا ماما

ايمي….بضحك ايه هتغير منهم

رشيد….هو مش انا بحب العيال بس والله العظيم انا اعيل منهم واه هغير عليكي و جداً كمان و هتلاقيني بتقمص و ابقي راجل نكدي و مش هتصالح غير لما تسيبهم هما و تاخديني انا في حضنك

ايمي…..يجوا هما بس و اوعدك هتبقي ابني الكبير

رشيد…..بابتسامه تجنن و انتي هتبقي احلي واحن ام يا ايمي

ايمي….انت عارف انك احلي حاجه في حياتي حصلت من فتره كبيره

رشيد…..ده بجد

ايمي…..بجد

رشيد….طيب بتحبيني انا اكتر ولا العيال الرخمه اللي مجهزين نفسهم عشان يوصلوا

ايمي…..بضحك لا ده انت شكلك غيران بجد

رشيد…..علي فكره انا مش بهزر لو خدوكي مني هغير بجد

ايمي….محدش هياخدني منك يارب بس انت اللي متبعدش عني لما تشوفهم يا بتاع العيال

رشيد…امممم والله لو طلعت بنت و بالاخص شبهك موعدكيش احتمال كبير تاخدني منك

ايمي…..ااااااه طيب يبقي خلينا في الولد بقي عشان مغيرش انا

رشيد…و يقعد في حضنك و تبوسي فيه و ترضعيه والجو ده لا يا حبيبتي ممنوع

فضلت ايمي تضحك و قدر رشيد يغير مودها لتاني مره

رشيد…..بحبك يا ايمي

ايمي…..وانا بموت فيك

رشيد….مش هتأخر عليكي وانهارده مش همشي من عندكم غير وانا محدد كل حاجه

ايمي…..بسعاده ماشي يا عريس

رشيد….بحبك يا عروستي

ايمي…..بابتسامه انا وصلت يا قلبي

رشيد…..ماشي يلا ادخلي بقي وشويه و هكلمك

ايمي…..اوك باي

رشيد….باي يا عمري

………….

عدي الوقت و وصل عشري لاقرب كافيه من المستشفي و كلم مريم و كان مستنيها توصل مكانش قاعد علي بعضه رجله كانت بتتهز جامد بيشرب سجاير بفظاعه عايز المقابله دي تخلص بسرعه فضل قاعد حوالي عشرين دقيقه بعد ما اتصل عليها

و لمحها داخله عليه الكافيه من بعيد
قام وقف بابتسامه بسيطه كانت لابسه اسود ابتسمت بهدوء و قربت منه مدلها ايده عشري من بعيد

عشري…..ازيك يا مريم

مريم…..الحمد لله يا محمد انت اخبارك ايه

عشري….تمام اقعدي

مريم…..اسفه لو اتأخرت عليك بس مرضتش انزل و فضلت معاهم لحد ما تيجي

عشري…..لا ولا يهمك تشربي ايه

مريم…..ممكن قهوه او نسكافيه

عشري…..اللي انتي عيزاه

مريم…..خلاص هشرب قهوه زيك

شاور عشري للويتر قرب شاب منهم

الشاب….تحت امرك

عشري…..عايز واحد قهوه ساده وواحد بص لمريم

مريم….مظبوط

عشري…..يبقي ساده و مظبوط وامسك الفنجان ده بقي

خد الويتر الفنجان بتاع القهوه اللي كان طالبه عشري قبل ما تيجي و مشي بجيب الطلبات

مريم….انت بتشرب قهوه كتير اوي

عشري….احممم يعني مش للدرجه لما يكون محتاج افوق شويه بس
المهم طمنيني اخبار مالك ايه

مريم…..بصتلوا بنظره غريبه كانت حاسه انه مش طبيعي ااا بخير احسن كتير الدكتور بيقول انه هيفضل كام يوم لحد ما يتحسن اكتر و بعدين هيكتبلوا علي خروج

عشري….طيب و مامته

مريم…..هي كمان اتحسنت كتير الحمد لله بس طبعاً في صدمه و تحس انها تايهه او بمعني اصح كلنا لسه مش مستوعبين اللي حصل عادل وجعنا اوي ووجعني انا بالاخص هو مكانش عمي كان صاحبي

سكت ثواني وهو مركز في كلامها و حاسس ان المسؤوليه بتزيد عليه اكتر

عشري…..ربنا يرحمه و يصبركم انا اسف والله يا مريم لو طلبت اقابلك في الظروف دي

مريم….لا خالص بالعكس يمكن طلبك ده جه في وقته علي الاقل اخرج شويه من حالة الحزن دي البيت كئيب و كل حاجه كئيبه المهم انت كنت بتقول انك عايزني في حاجه مهمه.

عشري…..بتوتر بصلها و بعدين فضل عينه تروح وتيجي احمممم اه بصي انا عارف ان اللي هقولوا ده مش وقته خالص بس غصب عني يمكن انا حتي مش عارف ابدا الكلام ده منين بالظبط مش حابب اضايقك ولا حابب ازعلك او تفهميني غلط

مريم…..بابتسامه بيتهيالي كده انا عارفه انت هتكلمني في ايه

بصلها عشري بتركيز و صدمه بسيطه

عشري…..عارفه ؟!

مريم……بابتسامه هاديه اه يا محمد عارفه و عشان اسهلها عليك خليني انا اللي اتكلم انا عارفه يا محمد ان موضوع موت عمي ده لغبط كل حاجه يعني كان فاضل اسابيع بسيطه و نتجوز و طبعاً بعد اللي حصل ده كل حاجه باظت بس طبعاً انت ملكش ذنب يعني انت هلاص كنت مجهز نفسك و علي فكره بابا كان بيتكلم امبارح في الموضوع ده وقال لماما اننا هنستني بعد الاربعين او علي الاقل يتم شهرين و بعدين نتجوز في النهايه يعني انت كنت مجهز نفسك و مفيش داعي للتأجيل و اهو فات عشر ايام يعني معلش استحمل شويه و نكون كمان اطمنا علي مروه ومالك

بصلها عشري بصدمه وحش انها صعبت عليه الموضوع اكتر بعد ما طلعت فاهمه كل حاجه غلط سكت عشري وهو بيسمعها و عقله مكانش معاها خالص لكن قلبه كان بيقولوا قول عشان خاطر ليله واخلص

مريم…..انا عارفه انك مضايق بس بيتهيألي ده حل وسط

عشري…ااااا احممممم مريم انا

قرب منهم الويتر سكت عشري و اول ما حط كوباية المايه مسكها عشري بسرعه وشرب و رجع ولع سيجاره تانيه مشي الويتر و بصتلوا مريم بابتسامه

مريم…..هااا كنت بتقول ايه

عشري….اااا مريم انا عايزك تسمعيني و تحاولي تفهميني لان انتي واضح انك فاهمه الموضوع كله غلط

مريم….موضوع ايه اللي فهماه غلط؟

عشري…يعني ان انا جاي اكلمك عن الفرح و الجواز و كده

ابتسمت مريم بهدوء.

مريم….ايه كنت جاي تقولي انك مش هتصايق لو أجلنا عشان عادل يعني

عشري…..مريم اديني فرصه افهمك الموضوع مش كده خالص

مريم….بابتسامه طيب خلاص هسكت وقول انت

عشري…..اااا بصي هو فهمك للموضوع اصلا صعب الموضوع عليا اكتر

مريم…..بنظره قلقك مش فاهمه

عشري…..مريم بصي انتي حد جميل بنت بجد جميله و قلبك نضيف و كل حاجه فيكي حلوه

كانت بصاله بابتسامه هاديه

عشري…..يمكن يا مريم اوقات بيحصل في حياتنا حجات مش متوقعه حجات بتغيرنا و بتغير نظرتنا في كل حاجه بس هي دي الدنيا مريم انتي شخصيه جميله فيكي مميزات زي ما قولتلك تجذب اي راجل ليكي اي راجل يتشرف بوجودك في حياته و اللي هتبقي في حياته هيبقي بجد كسبان بس للاسف يا مريم الراجل ده مش انا

اختفت ابتسامتها تدريجياً و بصتلوا بصدمه وهي مش فاهمه

مريم….يعني ايه ؟

عشري…..اسف يا مريم مش هقدر اكمل انا قولتلك انتي اي راجل يتمناكي و تستاهلي حد يحبك من قلبه بجد بس انا مش قادر يمكن انا حاولت بس معرفتش

مريم….حاولت !! قد كده الموضوع كان تقيل عليك

عشري….مريم انا مس عايزك تفهميني غلط

مريم…..المشكله يا محمد اني كنت فهماك او حساك و طول الوقت شايفه انك بعيد عني و في بينا مسافه مرعبه يمكن انت عمرك ما عملت اي حاجه تزعلني و كنت حد كويس بس عمري ما حسيت معاك انك مبسوط اوقات كنت بقول لنفسي من البدايه مكانش في بينا قصه حب و مجرد جوازة صالونات بابا يعرف بباك و دي الحاجه الوحيده المفهومه في علاقتنا اللي ربطانا ببعض و كنت بقنع نفسي ان اكيد الدنيا هتتغير لما نبقي مع بعض

بس واضح يا محمد انك مقرر من البدايه و واخد القرار

عشري…..مريم يمكن معاكي حق جوازنا من البدايه كان عشان نرضي اهلنا انا وافقت لان مفيش اي حد في حياتي و شوفتك بنت محترمه بنت عيله فيكي صفات حلوه قولت ليه لا يمكن تكون هي دي اللي انا مستنيها بس معرفتش يا مريم و كان معايا حق من البدايه لما رفضت الجواز عشان مفيش حب انا حاولت صدقيني اني اغير تفكيري بس معرفتش انا مش عايزك تزعلي مني انا حبيت اتكلم معاكي بصراحه لان لان العلاقه اللي بتتبني من غير اساس و هو (الحب) مش هتكون ناجحه لا عيلتي ولا عيلتك ولا العلاقه اللي بتربطهم هتخلي في حب يتولد بينا انا قلبي مش هنا يا مريم وده مش عيب فيكي و لا تقصير منك و لا حتي مني بس غصب عني مفيش جوايا ليكي غير الاحترام وبس انما حب مش عارف يا مريم

مريم…..وانا مستحيل اتعلق بمكان مش مرغوبه فيه يا محمد و مستحيل اغصبك علي حاجه انت مش قادر عليها

عشري…..بابتسامه بسيطه مريم مش عايزك تزعلي مني لا ده الوقت المناسب ولا المكان المناسب بس غصب عني كمان محبتش اكمل و اخدعك واحاول مع نفسي و انا واثق من البدايه ان اي محاوله هعملها هتبقي فاشله و هتأذيكي و توجعك اكتر ما هتأذيني و توجعني

مريم….بهدوء ابتسمت تمام يا محمدو انا بحترم صراحتك دي

عشري….يعني مش زعلانه

مريم…..لا يا محمد مش زعلانه قولتلك مش هقدر اعلق نفسي بمكان مش مرغوبه فيه ولا هقدر اكون مع شخص مش حابب وجودي

عشري….تمام يا مريم عموما انا و ابويا هنتكلم بكره مع عمي عشان ننهي الموضوع بالاصول زي ما بدأنا بالاصول بس انا حبيت اتكلم معاكي الاول

مريم…..تمام بس هو انا ممكن اسألك سؤال يعني اعتبر انه فضول مش اكتر و لو مش حابب تجاوب خلاص

عشري….اكيد اسألي

مريم…..في حد تاني

عشري….بتنهيده بصي يا مريم انا حالياً مش حابب اتكام في اي حاجه شخصيه القاعده دي كانت عشانك انتي عشان اوضحلك اللي انا عايز اقوله

مريم….بأبتسامه يبقي انا صح واضح انه فيه و واضح كمان انك واخد قرار حاسم عموماً ربنا يوفقك

عشري…..بابتسامه شكراً يا مريم

مريم…..بتوتر و ارتباك و خنقه فظيعه ابتسمت عشان تداري كل ده طيب انا هقوم بقي عشان متأخرش

عشري…..معاكي العربيه

مريم….اااا اه اه معايا يلا انا هقوم

عشري…قام وقف مدلها ايده شكراً يا مريم انك فهمتيني

مريم…..احمممم العفو يلا سلام

عشري…..سلام

خرجت مريم بسرعه من المكان قعد عشري وهو بيخرج من جواه نفس طويل و كأن في حمل من جواه خرج منه رفع ايده للويتر عشان الشيك.

خرجت مريم ركبت عربيتها وطلعت مشيت لاخر الشارع و ركنت و حطت راسها علي الدركسيون وفضلت تعيط عياط هستيري دقايق و مسحت دموعها وخدت نفسها و بعدين بصت للفراغ بصه مكانتش تطمن خالص و دورت العربيه و طلعت…

……………

خرج عشري و هو مبسوط اتصل علي عسال.

عسال…..حبيبي

عشري…..هو في ايه ياعم عسال بتختفي انت

عسال……ليه بس ما انا كنت معاكم اول امبارح

عشري….لازم نتقابل يعني عشان جنابك تسأل

عسال…..مانا متمرمط بين المعرضين اعمل ايه طيب

عشري…..بقولك ايه هتخلص امته كده

عسال…..يعني لسه علي اخر النهار في حاجه ولا ايه

عشري…..اولاً عايز اشوفك بليل انت والشباب

عسال……زايد لا بعيد ما تيجوا انتوا طيب مدينة نصر انا فاصل

عشري…..مش مهم عادي هنشوف الشباب و نتفق و نتقابل اصل بصراحه يعني قابلت مريم و خلصت الحوار

عسال….بسعاده بتتكلم جد

عشري….اه والله العظيم

عسال…..طيب حلو اوي وواضح انك مستعجل كنان و مقدرتش تتستني اكتر

عشري…..فوق ما تتخيل عموما لما شوفكم بليل هحكيلكم

عسال….ماشي ده بالنسبه لاولاً ايه ظروف ثانياً معاك

عشري…..بص الساعه الوقت سته علي سبعه ونص كده هقابلك انت في الاول

عسال…..اشمعني

عشري…..هقولك بس كأني مقولتلكش

عسال…..خير يارب

عشري…..كنت بكلم ليله علي الساعه أتنين كده و لاقيت صوتها مش مظبوط كانها بتجري و في مشكله

عسال…..وبعدين

عشري…..المهم يعني اللي فهمته منها ان نادين هي اللي صحتها من النوم و كانت بتعيط و بتقولها تعالي بسرعه تنا في مصيبه

عسال….قلبوا اتقبض انت بتقول ايه

عشري….اهدددددي خليني اكمل قولت ليله طيب روحي و عرفيني في ايه قالتلي طيب متقولش لعسال عشان انا معرفش نادين قالتله حاجه ولا لا و لا هما اصلا زعلانين قولتلها روحي و عرفيني طيب المهم راحت وغابت شويه كلمتها نادين هي اللي ردت عليا وليله كانت في الحمام اطمنت عليها يعني و اللي فهمته منها ان في مشكله او حوار حصل بينها وبين امها

عسال…..حوار ايه يعني ؟

عشري….هو انا مسالتش و لا فهمت بس ممكن يكون كلمتها شدوا مع بعض لاي سبب يمكن حكيتلها عليك
حصل حاجه صدقني مفهمتش و محبتش اسال عشان مبقاش فضولي في النهايه دي حاجه شخصيه و هي مقالتش غير كده وبس

عسال…..بس انا كلمتها مقالتش اي حاجه هي اه كان باين علي صوتها بس سألتها وقالت انها تمام بس امبارح حصل موقف كده يعني استغربتوا شويه و حسيت ان في مشكله مع نادين

عشري…..موقف ايه؟

عسال…..انا كان معايا الرييس وخدتها وخرجنا خلتها سابت شنطتها كان معاها بس الموبايل حطيتوا في شنطتي عشان تعرف تمسك و ميقعش منها و بعد كده وقفنا شويه و قبل ما نروح ناكل جالها تليفون طلعت الموبايل كان رقم مش متسجل قالتلي اكيد شغل بعدت شويه وردت سيبتها براحتها طولت شويه و لما خلصت ملامحها مكانتش طبيعيه لما سألتها قالت الرقم غلط استغربت اكتر يعني لو الرقم غلط مش هتطول كده بس نادين مكانتش طبيعيه انا واثق من احساسي و من امبارح وانا هتجنن

عشري….مش طبيعيه ازاي؟

عسال….يعني كانت خايفه متوتره جداً ملامحها قبل وبعد المكالمه اتبدلت تماماً طول الوقت و احنا بناكل مش معايا حتي لما وصلتها كان باين انها قلقانه

عشري….طيب ما يمكن فعلا مامتها وقالتلها حاجه تضايقها

عسال……رقم مصري يا عشري 012

عشري…..امممم طيب بصي يا صاحبي انا طلبت اقابلك.عشان نرزحلهم انا وانت عرفت من ليله انها هتخلص مشوار وترجعلها تاني قالتلي عشان كانت مضايقه و مش هتنزل الشغل و هفضل معاها فا قولت يعني نروح مع بعض نفاجئهم و منها انت تبقي مع نادين في الموقف اللي مزعلها ده وتحس انك جنبها بس بصراحه بعد كلامك ده انا مش متطمن

عسال…..ازاي

عشري….مش عارف بس حسيت ان ليله كمان مش طبيعيه بعد ما هلصت مع نادين كانت بتقفل في الكلام بسرعه و كأنها عيزاني اقفل عشان مسألهاش في اي حاجه وبيني وبينك مش حاسس اني مقتنع اوي بكلام نادين اصل هتقول لليله ليه انا في مصيبه يعني لو فرضنا شدت مع امها في اي حاجه ايه المصيبه في الشد اللي هيحصل بينهم و هي اصلا قالت ان علاقتهم ببعض شبه معدومه يعني مفيش بينهم حوار البنت و امها ولا ايه

عسال……لا انت صح انا من امبارح وانا مش مرتاح و حاسس ان نادين فيها حاجه خوفها مكانش طبيعي

عشري….طب ايه نستني ليله تروحلها ونروح

عسال….اكيد اعرف ليله هتكون هناك امته و كلمني

عشري…..طيب بص انت في انهي معرص الجديد ولا القديم

عسال….لا انا في الجديد

عشري…..خلاص انا هجيلك الوقت علي طول و بعدين نبقي نروح من عندك

عسال…..تمام يلا مستنيك

عشري…..سلام.

عسال…..سلام.

……………..

عند نعيمه وصلت المول و اشترت شويه حجات و فضلت تلف علي باقي المحلات.

اتصل بيها فضل.

نعيمه……هو انا عايزه افهم حاجه انت جاي علي جمل

فضل……بابتسامه والله ما في غيرك جمل يا قمر انت

نعيمه….بضحك بطل معاكسه انت عارف بقي عقابك ايه؟

فضل…..ايه يا بطل

نعيمه…..بابتسامه هروح اكل ايس كريم ومش هعرفك انا فين بالظبط و تدخل تلف عليا المحلات كلها

فضل…..ليه بس كده الفرهده دي انا وصلت خلاص بركن بس وداخل

نعيمه…..بردوا مش هعرفك مكاني

فضل…..هتاكل ايس كريم من غيري يا وحش

نعيمه….بضحك اه وانت اقعد لف شويه حلوين

فضل…..بابتسامه وهو بيقفل الباب وماله اللف عليك يا قمر

نعيمه….ماشي لما نشوف هتلاقيني بسرعه ولا لا

فضل….بابتسامه هجيبك يا قمر

نعيمه…..بضحكه جميله باي

فضل…..باي

راحت نعيمه علي محل الايس كريم اللي قدامها اختارت و قعدت علي التربيزه

وطلع فضل في الوقت ده علي المول كان كبير جداً قرب من شاب بيشتغل في الامن

فضل…..مساء الفل يا صاحبي

الامن…..مساء الفل

فضل….بقولك ايه في هنا محلات ايس كريم

الامن…..اه الدور الاول و الدور الاخير اللي في الاول هتلاقيه بعد السلم الكهربائي ده علي طول علي شمالك و اللي في الدور الاخير هتلاقي مجمع كافيهات و مطاعم و هو هناك

فضل….بابتسامه تسلم يا صاحبي يومك جميل

الامن…..بابتسامه تسلم

طلع فضل علي الدور الاول لمح المحل بتاع الايس كريم كان صغير مش فيه اي قاعده عباره عن ركن صغير كده بص حوالين المكان يشوفها يمكن طلبت و قاعده بعيد ملقاش اي اثر ليها فا طلع علي طول علي فوق.

في الوقت ده كانت نعيمه قاعده وحواليها الشنط بتاعتها و قدامها في كاس فيه الايس كريم و بتاكل منه و هي ماسكه الموبايل.

وصل فضل علي الدور الاخير سأل تاني الشباب اللي بتشتغل في المول كانوا بيشاورا علي المكان من بعيد

لحد ما لمح مجمع الكافيهات و المطاعم قرب اكتر و هو بيبص حوليه لمح علامه مجسم لمحل الايس كريم علي شكل ايس كريم و فيه الوان منوره ابتسم بهدوء و راح عليه لمحها قاعده بضهرها ضحك وهو بيهز راسه

فضل….اديني قفشتك اهو يا هبله

قرب منها اكتر سحب كرسي و هي مش شيفاه وقعد جنبها بطريقه ملها شقاوه

فضل……ياااااه ده طلع بعيد اوي بس مش كنت تستناني يا قمر.

نعيمه….بصدمه وهي بتضحك انت لاقتني بسرعه ازاي

فضل…..عشان الهبله قالتلي انها هتاكل ايس كريم يعني بسهوله اجيبك بص علي الايس كريم و بص علي ايدها اللي كانت ماسكه بيها المعلقه و بدأت تسيح قرب بسرعه من المعلقه ومسك ايدها كل منها الايس كريم

نعيمه…..بضحك حلو

فضل……انت احلي يا قمر بس هو بطعم ايه

نعيمه….ايه مش عارف الطعم

فضل….بضحك لا والله بس هو حلو يعني بقولك ايه هاتي بقي الكاس ده و اطلبي لنفسك

نعيمه…..ايه ده ايه هات كده ده بتاعي

فضل…..عارف وانا هاخده

نعيمه…..بضحك ايه الرخامه دي ما تجيب لنفسك

فضل…..لا بقي انا رخم وهاخد ده

ضحكت نعيمه و مسكت الكاس

نعيمه…..مفيش ايس كريم مس اتأهرت عليا

فضل…..الطريق وحش والله هاتي بقي متبقيش رخمه

ابتسمت نعيمه وخدت بالمعلقه وقربتها منه كلها و هو بيغمزلها

فضل…..ايه يا بت الحلاوه دي

ابتسمت نعيمه و حطت ضهر المعلقه علي مناخيره و حطتلوا ايس كريم

ابتسم فضل و بص بعينه علي مناخيره بطريقه مضحكه و بصلها وهو رافع حاجبه

ضحكت نعيمه و مسحتها بالمنديل

نعيمه…..اتفضل يا سيدي كل

فضل…..طيب بقولك ايه برخم عليكي انا بصراحه مليش اوي في الايس كريم انا عايز قهوه

نعيمه….يادي القهوه انت مش بتتعب بجد مفيس قهوه في ايس كريم

فضل…..عشان خاطري والله مصدع

نعيمه…..انت كلت طيب ؟

فضل…..انا والله ما كلت غير امبارح وانا معاكي صحيت الصبح شربت قهوه و نزلت علي الكافيه وعشان مبقاش كداب يعني الشباب كانوا بيعملوا فروت سلاط في الكافيه كلت ربع تفاحه

نعيمه…..ربع تفاحه من امبارح لا شاطر ما ليك حق تصدع

فصل…..والله خايفه عليا و صعبان عليكي اكليني

نعيمه….بابتسامه بس كده قولي عايز تاكل ايه

فضل…..هتاكلي معايا ؟

نعيمه…..امممم ماشي هو يعني انا فطرت الصبح نسكافيه و ساندوتش بس اللف جوعني

فضل….باااااس يبقي تأكلينا و تكسبي ثواب

نعينه…..بابتسامه حطت ايدها علي التربيزه و سندت راسهاعلي كفها وهي قريبه منه طيب قولي نفسك تاكل ايه

فضل….بصلها بنظره شقيه و هو هياكلها بعينه وقرب منها اكتر اكلك انت يا بطل

نعيمه….بضحك قولنا خليك مؤدب

فضل…..ماشي يا ستي هخليني مؤدب و من الاخر كده انا هاكل اللي انتي هتقولي عليه

نعيمه….في مكان هنا بيعمل شاورما تجنن تاكل

فضل…..اكل جداً ماشي شاورما بس خليكي جدعه بقي و شربيني قهوه الاول

نعيمه….لا لما تاكل

فضل….هسربها بسرعه لحد.ما تاكلي الايس كريم

نعيمه….انت بتتلكك بالايس كريم مش هاكله خلاص يلا نقوم ناكل

فضل….لا استني انا مش مستعجل انا قاعد معاكي كلي الايس كريم مش كان نفسك فيه

نعيمه…..طيب عشان خاطري كل معايا شوف عايز طعم ايه وانا هروح يا سيدي اجيبلك عارفه انك كسلان

فضل…..طيب بصي انا لما يكون مصدع و باكل حلو بصدع اكتر يعني لو مس هتشربيني قهوه يبقي هقعد معاكي لحد ما تخلصي وبعدين نروح ناكل

نعيمه…..طيب كل معايا حتي

فضل…..يابت قولتلك مصدع يلا كلي هيسيح

نعيمه….بابتسامه خدت معلقه تاني وقربتها منه

ابتسم فضل و كلها منها

وبعدها هي كلت من نفس المعلقه

طلع سيجاره ولعها وخدت نفس و بعدين قرب منها

فضل……مقولتليس بقي ايه الحلاوه دي فستان اسود و كاب و كوتشي ابيض ايه القمر ده

نعيمه….بابتسامه انا اصلا قمر

فضل…..لا هي دي حاجه مفروغ منها بس انهارده انتي احلي شويه بطل شويتين

نعيمه….اممممم انت عايز تضرب صح

فضل…..بابتسامه وحشتيني

نعيمه….وانت كمان علي فكره حلو عليك اللون الازرق

فضل…..بغمزه بجد

نعيمه….بجد

فضل……طب قوليلي الشنط دي فيها ايه بالظبط

نعيمه….فيها لبس

فضل…..بضحكه شقيه لبس ازاي يعني بره ولا جوه

نعيمه….بضحك احترم نفسك و متدخلش في حاجه البنات

فضل…..طيب ترضهالي يعني ادخل فؤ حاجه الرجاله ما لازم اتدخل في حاجه البنات

نعيمه…..اه وانت بتاع بنات

فضل…..كنت بس ربنا تاب عليا وبقيت بتاع نوني و بس

نعيمه….ماشي هنشوف

فضل….بضحك ياريت نشوف انا هموت واعرف الشنط دي فيها ايه

ضحكت نعيمه و قعدوا شويه

نعيمه….يلا بينا

فضل…..طيب كملي

نعيمه….لا خلاص ساح ومش عايزه

فضل….طيب حاسبتي

نعيمه…..لا هنادي عليه هو هيجيب الحساب

رفع فضل ايده للشاب اللي واقف و شاورله بايده علي الحساب و قام وقف طلع محفظته

نعيمه…..ااااا علي فكره انا اللي طلبت الايس كريم ده

بصلها بنظره سريعه و بعدين بص علي المحفظه فتحها بص في الشيك حط الفلوس وبصلها

نعيمه…..طيل علي فكره بقي انا اللي عزماك علي الاكل

فضل…..بنظره طويله ماشيه مع سوسو ولا ايه

نعيمه….بضحك لا ماشيه مع فضل المغرور بقولك ايه انا اللي عزماك والله ومش عشان اي حاجه بس ليا مزاج اكلك علي زوقي واعزمك وامشي الصداع

فضل…..طب قومي يا هبله عشان العرق البدوي ميظهرش وانكد عليكي

نعيمه…..طيب مش واكله ابقي كل وحاسب انت

فضل….يابت اخلصي الصداع هيفرتك دماغي اقولك ابقي اعزميني علي قهوه

نعيمه….بابتسامه طيب شيل

فضل….بابتسامه بس كده اهو علي الاقل اتفرج

نعيمه….بضحك اياك تتفرج يا سافل

راحوا بعض طلبوا الاكل حاسب فضل وراحوا قعدوا شويه و الاكل جالهم كلوا و قاموا يتمشوا لمح فضل مكان بيعمل قهوه دخل عليه طلب قهوته

فضل…..تشربي ايه

نعيمه….لا مش عايزه انا مش قادره خلاص بس علي فكره انت قولتلي انا اجيب القهوه

مسكها فضل من كفها اوي و تجاهل كلامها و حاسب وخرجوا

نعيمه….علي فكره بقي انا مش هصدقك تاني و علي فكره بقي انت لو عملت الفرق ده بينا و عملت بقي اللي هو انا راجل وانا اللي لازم ادفع مش هخرج معاك تاني

فضل…..رفع حاجبه عنك ما خرجتي

نعيمه…..بضحك ايه ده طيب امسك فيا شويه

فضل……والله عقلك خربان بصلها بنظره تجنن تخيّري يا بنت تمدي يدك في جيبك ورجّال قبالك

نعيمه….بابتسامه جميله لا استني انت اتحولت ليه انا بهفمك بصعوبه وانت بتتكلم عادي هفهمك و انت بدوي

فضل…..بابتسامه و بتفهميني بصعوبه ليه بقي ان شاء الله

نعيمه……بابتسامه عشان بتتكلم بسرعه في العادي

فضل…..امممم ماشي يا ستي يلا قدامي هتروحي فين تاني

نعيمه….خلينا ننزل الدور اللي تحت عشان هشوف حاجه

فضل…..قدامي يا بطل

ابتسمت نعيمه بدلع و مياعه و مشيت قدامه وراحوا علي السلالم المتحركه و هو واقف وراها

دخلت نعيمه علي المحل اللي كانت عيزاه كان محل من براند كبير رجالي و حريمي كان ماشي وراها يتفرج و لمح فستان شبه اللي هي لبساه بالظبط بس لونه ازرق نفس لون التيشرت بتاعه

رجعت نعبمه وبصتلوا باستغراب

نعيمه….خير ان شاء الله واقف تتفرج علي لبس البنات ليه يا قليل الادب

فضل….خدي بس هنا بلاش جنان بقولك ايه مش الفستان ده زي اللي انتي لبساه

كان فستان نص كم ضيق في زراير من قدام و من الجانبين فتحتين لحد الركبه

نعيمه…..بابتسامه مركز انت اوي اه يا سيدي هو انا كنت جايبه ده من هنا اصلا

فضل…..طيب وليه مجبتيش التزرق ده لونه حلو اوي

نعيمه…..معرفش بعني وقتها عجبني الاسود

ساب فضل الشنط من ابده ومسك الفستان

فضل…..وانا عاجبني ده

نعيمه….بضحك ايه هتلبسوا

بصلها بغضب مصطع فا ضحكت وهي بتبعد عنه خطوه

نعيمه…..متتحولش بهزر بهزر

فضل…..طيب يلا ادخلي قيسي ده

نعيمه…..اقيسه ليه مش عيزاه

فضل…..بس انا عايزه و اقولك استني اخليهم الاول يشيلوا البتاعه دي و افضلي بيه عشان نبقي لابسين زي بعض

نعيمه…..بابتسامه جميله افضل بأيه يا مجنون

فضل….اخلصي يلا عجبني والله و هتلبسيه

نعيمه…..يا سلام عجبك اوي كده

فضل….بابتسامه و نظره تجنن عجبني اوي مش بقولك بطل بس بقولك ايه اللون ده هيجنن عليكي

نعيمه….بضحكة إحراج انت مالك انهارده

فضل…..بصي سيبيني الوقت واسمعي الكلام يلا روحي شوفيه الاول انتي وش كد قياسك

نعيمه……يعني ايه تقصد مقاسي بقولك متتحولش

فضل….بابتسامه اه اه مقاسك قد ايه
او الفستان اللي انتي لبساه ده مقاسه ايه

نعيمه…..ااااا لا مش فاكره والله بس مكتوب في الضهر

فضل….طيب لفي خليني اشوف

نعيمه…..بصدمه ضحكت تشوف ايه يا مجنون

فضل….مسكها من دراعها وهو بيلفها يلا اخلصي

نعيمه…..طيب استني طيب

فضل……يلا امسكي شعرك كده

جابلها شعرها علي الجنب ومسك حرف الفستان وايده جات علي رقبتها من وراء رفعت كتفها بطريقه عفويه وبعدت شويه وهي بتضحك

فضل….خلصي الناس هتتفرج علينا

نعيمه….بضحك طيب انا بغير

فضل….بابتسامه طيب يلا مش هخليكي تغيري

لفها تاني واول ما حط ايده علي الفستان و حاول يشوف القياس لمس ضهرها فا ضحكت وبعدت تاني

ابتسم فضل وضحك وبصلها

فضل….طب وبعدين

نعيمه…..ما انت بتغيرني

فضل…..بضحك اسمها بتغيرني اخلصي يلا الناس هيفكروني بعمل حاجه

نعيمه….طيب خلاص هروح في البروڤا جوه واشوف

فضل….لا اخلصي مش هفضل رايح جاي انا ابدل في المقاسات بصي وطي عشان ملمسكيش

ضحكت نعيمه وقربت منه تاني

مد ايده فضل يشوف المقاس حاولت تمسك نفسها

فضل….بابتسامه عشان متبقيش تمسكي رقبتي تاني عرفت انتي كمان بتغيري ازاي

نعيمه….بضحك طيب اخلص عرفت

فضل….بص علي الفساتين وفضل يبص علي المقاس اه لارچ استني اهو ده لارچ

نعيمه….طيب هروح اقيس

فضل….لا استني لحظه

خد الفستان وراح عند الكاشير و طلب من البنت اللي واقفه تشيل المغناطيس اللي شابك فيها وقالها انه هياخده راح تاني علي نعيمه

فضل…..يلا بينا

راحت نعيمه علي البروڤا وقف هو بره بدلت الفستان و لبست الجديد كان نفس المقاس بالظبط فتحت وبصتلوا

فضل…..اييييييوه هو ده

نعيمه….بضحك بس كده هنبقي عاملين زي اليونيفوم

فضل….بس قمر لفي كده

نعيمه….ايه لفي دي لا مش هلف

فضل…..بضحكة تجنن يا بت لفي خليني اشوفه

لفت نعيمه قدامه ورجعت بصت عليه بسرعه لاقيته باصص علب ضهرها من تحت ضحكت بإحراج ورفعت حاجبها

نعيمه…..خير

فضل….بإبتسامه غمزلها دقاقه

نعيمه….بضحك طيب امشي يا قليل الادب

خرجت وهي ماسكه الفستان بتاعها في ايدها و فضلوا يلفوا شويه اختار فضل تيشرتين عجبوه و خدهم وبعدين راحوا تاني علي الكاشير

البنت…..الفستان تمام

فضل….بابتسامه للبنت اه تمام جداً اتفضلي بقي الفستان ده خليه في شنطه و خدي دول كمان

بص علي نعيمه و اول ما لمحها بتحط ايدها علي شنطتها بصلها بصه وبعدين قرب من البنت الڤيزا بتاعته

حاسب وخرجوا بره

نعيمه…..فضل علي فكره كده مش هينفع

فضل….علي فكره انتي بجد هتزعلي مني

نعيمه…..فضل ماهو مش كده بجد

فضل…..انا حاسبتك علي اللي انتي مشيلاهولي ده كله

نعيمه…..عشان انت جيت متأخر ولو كنت جيت بدري شويه انا واثقه انك.كنت عملت نفس الحركه

فضل….طيب كويس انك عارفه و نخف كده ونظبط عشان مبقاش رخم واصمم ادفع حقهم نشيها كده بالحب ماشي

بصتلوا نعيمه و سكتت

فضل….يلا قدامي

نعيمه…..طيب امسك الشنطه دي كمان

فضل….بابتسامه مش كده يا وحش بقيت شيال خدي بالك

نعيمه….بابتسامه والله لو عاجبك

ابتسم فضل و مشي معاها و كملوا يومهم.

…………..

عند نادين في تمام الساعه سته..

خرجت من الحمام بعد ما خدت شاور كانت لابسه فستان ابيض بنص كم في خطين من الجناب لونهم اسود كان شويه شبه الحجات الرياضيه و كان ماسك عليها لبست كوتش في رجلها و كانت حاسه بطاقه سلبيه جواها راحة وقفت شويه علي المشايه و فضلت تزود السرعه شويه بشويه كانت بتحاول تلهي نفسها في اي حاجه لحد ما ليله تخلص كام مشوار و ترجعلها زي ما قالتلها هرجع قبل 8 عشان تقعد معاها و تشوف لو هادي حاول يتصل بيها تاني من اي رقم غريب بعد دقايق وقفت وراحت علي اوضتها قعدت علي حرف السرير

اتصلت بليله.

ليله….ايوه يا نادين ابه في حاجه ولا ايه

نادين….لا لا مفيش انا بس كنت بشوفك

ليله….انا خلصت خلاص يا قلبي وركبت العربيه كمان اهو وهجيلك محتاجه اي حاجه اجيبهالك وانا جايه

نادين…لا مش عايزه

ليله….طيب لو افتكرتي كلميني انا عشر دقايق و ابقي عندك

نادين…..حاضر يلا باي

ليله….باي.

نادين كانت متوتره جداً و كل اللي مخوفها ان هادي يعمل اي حاجه في ميدو هي كانت واثقه انه ضعيف و ميقدرش يعمل حاجه و كانت مصدقه كلام ليله ان كلامه ده كله مجرد تهديد عشان بس تنزل تقابلوا و تسمعه بس من جواها كانت مرعوبه و مش متطمنه كانت حاسه بقبضه غريبه في قلبها و مش عارفه ليه حست انها في الوقت ده محتاجه تسمع صوت امها او ابوها مكانتش هتقولهم حاجه لان اصلا الكلام بينهم عمره ماراح للمنطقه البعيده دي و يوم ما بيفكروا يسألوا عنها بتبقي كل شهر او شهرين و يمكن اكتر خصوصا لو هي اللي اتصلت بيهم وسألت غصب عنها وهي عماله تفتكر في كل ده نزلت منها دمعه كلها وجع جابت رقم امها واتصلت بيها فضل يرن شويه

ورد عليها اخوها الصغير كان عنده حوالي 15 سنه

نادين….بصوت مخنوق وهي بتمسح دموعها الوو

جاسم…..الو ازيك يا نادين

نادين….بخير يا جاسم انت عامل يا حبيبي و مروچ عامله ايه

جاسم….بخير

نادين…..احممم يارب ديماً هي ماما فين

جاسم…..والله مش عارف يا نادين هي موبايلها هنا و غالبا فوق في اوضتها او في المكتب مش عارف

نادين….ااااا طيب اوك ابقي سلم عليها و عرفها اني اتصلت بيها

جاسم…..تمام

نادين….مش عايز حاجه

جاسم….لا شكراً سلام

نادين….بوجع نزلت دموعها سلام

قفلت نادين وهي منهاره كانت محتاجه تسمع صوتها كانت محتاجه المكالمه بينها ولين اخوها تطول شويه ميبقاش كلامه معاها علي انها شخص غريب والكلام علي قد الكلام مسحت دموعها و اتصلت علي والدها.

فضلت ترن و في اخر الجرس كنسل عليها بصت للموبايل بحزن و دموعها نزلت اكتر سابت الموبايل من ايدها وفضلت تعيط دقايق بسيطه و سمعت موبايلها بيرن بصت بسرعه متخيله انه ابوها او امها بس لاقت رقم عسال ردت بسرعه و هي من جواها حاسه ان مبقاش ليها غيره.

نادين…..الووو

عسال…..حبيبي طمنيني عليكي

سكتت نادين شويه و هي بتكتم صوت عياطها

عسال…..حبيبي !! انتي معايا

نادين….معاك

عسال…..صوتك ماله

نادين…مفيش

عسال…..لا في مالك انتي بتعيطي

نادين…بدموع اااا لا لا

عسال….لا بتعيطي نادين في ايه

نادين…..صدقني مفيش بس يعني مخنوقه شويه

عسال…..طيب انا هجيلك حالاً

نادين…لا لا خليك يا ميدو انا تمام و اصلا ليله قالتلي انها قربت و جايه

عسال….طيب تجيلك انا كمان جايلك و عشري عندي لسه جاي حالا واصلا كنت هاجي انا وهو ليكي انتي و ليله

نادين…..طيب ماشي بس خليك الوقت يعني متجيش مخصوص انا والله بخير

عسال….انا كده كده جاي بس انا عايز افهم مالك فيكي ايه نادين انتي من امبارح مش طبيعيه و حاسس انك مخبيه عني حاجه من بعد الاتصال اللي جالك امبارح و انا مش مرتاح انا مش فضولي ولا عايز اضغط عليكي بس محتاج اطمن واعرف فيكي ايه

نادين…..انا بخير والله بس يعني مخنوقه مش اكتر و كمان حسيت اني محتاجه اسمع صوت ماما او بابا كلمت ماما بس اخويا اللي رد و قالي انها في اوضتها فوق و قفل معايا علي طول حتي مسألنيش اخبارك ايه او فكر انه بتكلم معايا شويه بعدها اتصلت علي بابا رن شوره و بعدين كنسل فا حسيت اني مخنوقه اكتر لما ملاقتش حد.فيهم فاضي كالعاده

عسال…..بهدوء انا جنبك يا حبيبي انا موجود يا نادين

نادين….بدموع عارفه

عسال….طيب قوليلي كنتي عايزه تكلميهم ليه كنتي حاسه بأيه و انتي محتجاهم

نادين…..يمكن مكنتش هقولهم اي حاجه لان هما مش فارق معاهم اصلا بس للحظه حسيت اني لو سمعت صوتهم هكون متطمنه

عسال…..طيب وانتي ليه مش متطمنه ايه اللي مخوفك يا حبيبي احكيلي انا هسمعك

نادين…..اااا ميدو انا محتجالك اوي

عسال…..هجيلك حالاً يا عمري

نادين…..ميدو

عسال….نعم يا حبيبي

نادين….انا بحبك اوي

عسال….بقلق و توتر فظيع نادين انتي فيكي ايه يا قلبي

سمعت نادين صوت جرس الباب في اللحظه دي

نادين…..اااا طيب ميدو ليله شكلها وصلت هروح افتحلها و هبقي اكلمك تاني

ميدو……تمام وانا حالا هتحرك انا وعشري انا قريب منك ربع ساعه او تلت ساعه بالكتير و هكون معاكي

نادين…..تمام يا ميدو باي

عسال…..باي يا حبييي

مسحت نادين دموعها وراحت فتحت الباب و فجأه وقفت مصدومه اول ما لمحت هادي واقف قدامها علي الباب

وللحديث بقيه…..