لقاء كـ،ــ،ـارثي

أميره أسامه
صاحبة البطل الواحد

. البارت المئه 147.

………………………..

أحبك كما لو أنك اخر المعاني الباقية في هذا العالم كأنك الحقيقة الوحيدة التي لا تقبل الشك ..

واليقين الذي لا يتغير مهما تبدلت الأيام.

لم أعد أراك اختياراً بين أشياء الحياة بل أصبحت الحياة ذاتها

وأصبح التمسك بك غريزة كأن روحي تعرف طريقها إليك دون أن تسأل.

أنا لا أحبك لأنك جميل في عيني بل لأنك الشيء الوحيد الذي جعل قلبي يؤمن أن البقاء من أجل أحد ليس ضعفاً بل أعظم أشكال القوة.

كل الطرق كانت قابلة للانسحاب إلا طريقك كان الطريق الوحيد الذي اخترت أن أضيع فيه بإرادتي وأجد نفسي فيك دون خوف.

إن كان الحب معركة فأنا لم أدخلها لأنتصر بل لأبقى لأثبت أن بعض القلوب لا تتخلى مهما أثقلها التعب ومهما أرهقها الانتظار.

أتمسك بك لا لأنني أخشى الفقد بل لأنك الشيء الوحيد الذي إن فقدته لن يبقى مني ما يستحق النجاة.

وفي النهاية إن سُئلت يوماً عن أعظم ما فعلته في حياتي سأقول دون تردد أنني أحببتك وبقيت.

السعاده اللي كانت فيها نعيمه كانت لا تقدر بمال يمكن اتأكدت من مشاعرها و يمكن عرفت قد ايه فضل فارق معاها وفي حياتها يمكن كمان وصلت للسلام النفسي اللي كانت بتدور عليه بس مكانتش تعرف ان اللقاء بينها و بين فضل هيوصلها للمشاعر دي مشاعر كانت اول مره بتعيشها وبتجربها لاول مره تجرب
دقة القلب بالعنف ده لاول مره تحس برعشه في كل كيانها من وجوده و كلامه و صوته و ريحته ولمسته…

لاول مره تحس بقيمتها عند فضل لما قالها تحرم عليا اي ست و يمكن الجمله دي كانت كفيله تزود من الحب اضعاف جوه قلبها..

أوقات كتير بتكون جملة بسيطة بس بتوصل للقلب كأنها وعد ما بيتكسرش كأنها بترمم كل اللي اتكسر جواك من غير ما تحس

مش بطول الكلام ولا بكتره ولا ببلاغته ولا صياغته لكن بصدقه بالإحساس اللي وراه كلمة واحدة طالعة من القلب بجد ممكن ترجع أمان كان ضايع وتحيي مشاعر كنت فاكرها انتهت.

هي ما كانتش عايزة كتير كانت مستنية إحساس واحد صادق كلمة تطمنها و ترجعها لوعيها ولغبطة مشاعرها تخليها تحس إنها الوحيدة وإنها الكفاية.
وفي اللحظة دي فهمت إن الحب مش بكتر الكلام لكن بالكلمة اللي بتيجي في وقتها وتغير كل حاجة.

و اللحظه دي كانت لحظه فارقه في علاقة نعيمه بفضل جايز خافت لما قالها هقولك قراري و جايز كان نفسها ترجع بسرعه لحضنه زي ما كانوا بس هي رضيت و قررت تتمسك بيه حتي لو كانت عايزه اكتر من كده..