لقاء كـ،ــ،ـارثي
عشري……بابتسامه اساعدك يا امونه
امينه…لا شكرا يا سيدي الله الغني عن مساعدتك
كان قاعد عشري ساند ضهره عالسرير و ليله قدامه
عشري….بهمس ما تجيبي بوسه
ليله…..بضحك يا ابني اسكت
عشري…مش واخده بالها
امينه….يا ابني قوم روح شغلك
عشري….هو في ايه امونه انا قاعد علي قلبكم طب مش قايم
حطت ليله ايدها علي وشها وبقت عماله تضحك عليه
امينه…..ليله بصي براحه كده حركي رقبتك معايا
ليله…طيب براحه والنبي
امينه….حاضر براحه يلا لو وجعتك رجعيها
لفت ليله رقبتها براحه مع امينه و فجأه امينه طرقعتها بطريقه محترفه
ليله…ااااااه
امينه…..معلش هتفوقي بعدها خلاص
عشري….دكتوره يا ناس
امينه….يلا الناحيه التانيه
ليله……لا والنبي خلاص وجعتني يا امونه
امينه…اسمعي الكلام عشان تفك
لفت بهدوء وفجأه صوتت تاني
امينه….بالشفا هات يا محمد اي حاجه تلبسها بسرعه عشان تدفي علي ما اغسل يدي
عشري….قومي طيب غسلي يدك و انا هدفيها بطريقتي
امينه…ياواد قوم هتبرد و تتعب اكتر
ليله…يا ابني قوم بقي تعبتنا هات التيشرت بتاعي جوه في الدريسينج
قام عشري و قامت امينه تغسل ايدها خرج معاه التيشرت
عشري…. بابتسامه بسرعه بسرعه هاتي بوسه
ليله…..بضحك هنتقفش الله يخربيت شيطانك اللي مبيهداش ده باسته وهي بتضحك
لبسها براحه و كان عمال يضحك
ليله…اااااه تصدق حاسه انها فكت
عشري….عيب عليكي دي امونه
سلامتك يا قلبي
ليله…..هو انت قاعد ليه يا عشري
عشري….بابتسامه والله ما عارف بس مش عايز اسيبك
ليله…..بضحك انت بتتلكك يا عشري و من ساعه ما صحيتك وانت كسلان و مش عايز تروح الشغل
عشري….بضحك لا والله هروح الوقت بس معرفتش اسيبك كده معني انك متروحيش الشغل يبقي تعبانه بجد
ليله…..ليه كنت فاكرني بضحك عليك يا بلطجي
عشري….لا يا قلبي بس عارفه انك بتيجي علي نفسك حتي لو تعبانه بس انك تقعدي يبقي تعبانه اوي و هفضل قلقان عليكي
ليله…اه والله مش قادره فعلا لو كنت نزلت كده كنت هتعب اكتر
عشري…..سلامتك يا قلبي
ليله….الله يسلمك
ضمها في حضنه و باس راسها
امينه….ايه يا ليله احسن الوقت يا بتي
ليله…..احسن يا ست الكل تعبتك يا امونه
امينه…تعبك راحه يا نور عيني
ليله….تعالي بقي اشربي القهوه هتبرد
امينه….هات يا محمد خليني انزل بقي قبل اخوك ما يجي
