لقاء كـ،ــ،ـارثي
خرج عشري و فضلوا يضحكوا عليه هما الاتنين
امينه….قليل الحياء
ليله….امونه بما انك قاعده لوحدك خليكي معايا بقي نتغدي سوا و نقضي اليوم مع بعض عشري كده كده ماشي
امينه…لاه اتغدي ايه انا جيت بس عشان اشوفك
ليله….طيب واديكي شوفتيني خليكي بقي معايا وحياتي
امينه….يابتي اسمعي كمان ساعه و لا ساعتين محمود هيستلم العفش بتاعه و هيجيبه علي هنا و رحمه هتيجي هي وامها و هيتغدوا معانا بقالهم كتير اوي مجاوش مش هقدر والله انا سايبه البنات تحت بيجهزوا الغداء و انا هشرب القهوه ويادوب انزل اكمل تكون ساره و ملك صحيوا و نزلولي
ليله…. بابتسامه ربنا يتتمملهم علي خير يارب
امينه….يارب خلاص هانت المهم ايه رايك تنزلي انتي معايا
ليله…..مش هقدر والله يا امونه و مش عايزه ابقي قاعده تعبانه كده
امينه….طيب خلاص لو كاسات الهواء دي ريحتك و حسيتي انك احسن انزلي و تعالي بس تدفي رقبتك كويس وانتي جايه مش قادره خلاص ريحي وانا هبقي اطمن عليكي
ليله….ماشي يا حبيبتي
دخل عشري عليهم و هو معاه القهوه
عشري…..احلي فنجان قهوه لاحلي امونه
امينه…سلم يدك استني بس اشيل الكاسات دي
ليله….امونه هتوجع عشان انا حاسه انها ماسكه فيا جامد
امينه….لا مش هتوجعك
نزلت امينه صباعها تحت الكوبايه فرغت الهواء و سحبت اول كوبايه و عملت كده في التانيه
عشري…..هتروح العلامه دي يا امي
امينه…طبعا هتروح
ليله….هو انا اتحرقت ولا ايه
امينه…لا بعد الشر
عشري….دي علامه الكوبايه لونها احمر
امينه….قومي بقي كده بس خليكي مدياني ضهرك
ليله….هنعمل ايه تاني
امينه…..قومي بس براحه
قامت ليله بهدوء و الفوطه فكت منها
عشري…..بابتسامه و همس مسموع يا بخت الفوطه
ليله….بضحك يا امونه بقي ربي ابنك مش اسلوب ده والله الضحك تعبني
امينه….بضحك خلاص كبر عالربايه مبقاش يحوق
ليله…..هو اتولد في مستشفي يا امونه ولا في البيت
امينه…لا ولدته في البيت الدايه ولدتني و شكلها سحبته من لسانه
ليله….بضحك والله بسأل عشان كده
قعدت ليله وفضلت ضهرها ليها
امينه….حط في يدي الزيت براحه
عشري….هتحطيلها زيت زيتون
امينه….هات بس يلا
حطلها علي ايدها و قربت امينه من رقبه ليله بقت عماله تدلكهالها و تدلك كتفها في الاول كانت موجوعه و بعدين استحلت التدليك
