لقاء كـ،ــ،ـارثي

فا حلو اوي لعبة القط والفار بينكم هتخلي العلاقه ترجع اقوي واحسن من الاول و يمكن كمان فضل مش هيقدر يستمر كتير ملتزم بالشرط

لان الطبيعي الراجل لما بيكون في حياته ست و بيحبها بيبقي مهتم انه يعرف كل حاجه عنها بالتفصيل الممل هي فين بتعمل ايه مع مين يومها ماشي ازاي هتتاخر او لا مش تحكم بس هو كا راجل شايف انه حقه يعرف شريكه حياته يومها عامل ازاي و فضل من النوع ده فا فكرة انه يبقي عارف انك مش في البيت بس ميعرفش عنك حتجه ولا قادر يسالك عشان هو اللي حط الشرط جننته و لسه هتجننه..

بس خلينا نتكلم في الشرط نفسه اولا براڤو انك وافقتي براڤو انك اعترفتي بغلطتك و دي قوه بحييكي عليها براڤو انك كان عندك ثبات انفعالي لكلامه و حاولتي تحتويه بهدوء..

اولا الشرط ده يا نعيمه هيفيدك كتير اولا بعد كل اللي حصل ده رجوعك لفضل مره واحده علي نفس العلاقه زي ما كانت بالظبط مكانش هيبقي حلو لازم مغامرات بينكم ترجع تقوي العلاقه كمان عشان انتي تاخدي وقتك تفكري اكتر تشوفي بعينك اكتر ترتاحي اكتر تاخدي هدنه من حرب افكارك تقربي من فضل اكتر و بشكل جديد و انا بنصحك اوعي تستعجلي خليكي زي ما انتي كده هاديه و مطيعه و ملتزمه بالشرط

فكرة التزامك بالشرط كل يوم هتاكد ليكي ان عشري كان بالنسبالك مجرد فكره في عقلك بس كل يوم هتتاكدي بنفسك من غير اي وسائل مساعده مني او من غيري انك محبتيش عشري و المواقف اللي هتحصل بينك و بين فضل هتظهر و تنور حب فضل جواكي اكتر هتتعرفي علي فضل بشكل جديد فضل اللي بيغير اكتر فضل اللي بيهتم اكتر فضل اللي بيحاول يكون معاكي اكتر فضل اللي بيظهر حبه قدام الكل اكتر

هتاخدي وقتك في التعافي بشكل صحي هو كمان الشرط ده هيخليه يشوف نعيمه في ثوبها الجديد

نعيمه اللي مش بتتعصب اللي مش بتغلط او بنجرح في حد نعيمه اللي ليها مواقف تخليه ينبهر نعيمه اللي حبها ليه ظهر لان خدي بالك انتي كمان حبك مكانش ظاهر لفضل لانه اصلا مكانش ظاهر ليكي كان في نوع من انواع البرود في علاقتكم والسبب ان انتي كنتي فاكره انك مش بتحبيه وفي حد تاني شاغل بالك فا بالتالي مشاعرك تجاه فضل مكانتش واضحه انتي يادوب لسه من قريب عارفه ان فضل هو الشخص اللي جوه قلبك فا هيشوف فضل ده بنغسه هيشوف حبك اهتمامك قربك منه و قتك اللي بقي ملكه و عقلك وقلبك اللي بقوا معاه