لقاء كـ،ــ،ـارثي
نادين….بصي لو هتسالي عن رأييانا اكيد عيزاكي تبقي جنبي في التجنع و كمان تبقي قريبه من المخزن لان شارع بسيط تبقي في المخزن بس انا شويه و هوجوز و نوني كمان يعني هتبقي لوحدك و كمان شايفه من وجهة نظري انسب واحده ليكي اللي فيها روف هي اينعم الشقه نفسها اصغر مساحه فيهم بس في روف و كمان سعرها اقل من التجمع يعني مناسبه جدا غير ان اللي في مدينتي التانيه و اللي في التجمع مساحتهم مش اكبر بكتير اوي يعني مش هتقدري تحطي فيها كل حاجه لكن اللي فيها روف تقدري تاخدي من الشقه بتاعتك العفش اللي يعجبك هتحطي فيها ركنه انتريه قاعده جميله يعني هتبقي حره
نغم….بصراحه انا كمان عجبني موضوع الروف اوي خلاص
نادين…ايه نروح نشوفها و لو عجبتك نخلص فيها
نغم….تمام بس هو لو اتفقنا ممكن اروح امته
نادين….وقت ما يعجبك يعني ممكن نروح بكره نقابل صاحبها و لو تمام واتفقنا ممكن في نفس اليوم تروح تاخدي اللي يعجبك و بعد بكره لو حابه تنقلي انتي حره
نغم….بابتسامه خلاص تمام طيب بالنسبه للبيت بتاعي بقي لسه مفيش مشتري
نادين….في اكتر من حد سالني واستفسر بس لسه محدش رد عليا المهم متحمليش هم ان شاء الله يوصلنا رد قريب و من هنا لحد ما يردوا مش عايزين بس نضيع اي شقه في دول من ايدنا لانه فرصه بصراحه
نغم….طيب تمام اللي تشوفيه
سمعوا خبط علي الباب بصتلها نغم
نادين….مين ؟
نعيمه…..افتحي
نادين….باستغراب دي نوني
قربت فتحت و ضحكت
نادين….دي نوني تعالي
حضنتها و سلموا علي بعض ابتسمت نغم باحراج و كانت اول مره تشوفها من بعد المره اللي زعلتها فيها عند سلمي وايه
نادين…خضتينا مقولتيش ليه انك جايه واحنا بنتكلم
نعيمه….بضحك قولت اعملهالكم مفجاه ازيك يا نغم
نغم…. بابتسامه الحمد لله
قربت نعيمه و سلمت عليها
نغم….حمدالله علي سلامتك
نعيمه….الله يسلمك يا قلبي انتي اخبارك ايه
نغم….انا بخير الحمد لله والله
نعيمه…. بابتسامه يارب ديما امسكي دي حاجه بسيطه جيبتهالك من الامارات و انا جايه مرضتش اديها البنات قولت لما اشوفك اديهالك و كمان كنت فكراكي هتبجي معاهم
نغم….بابتسامه احراج ليه طيب تعبتي نفسك كده
نعيمه….مفيش تعب ولا حاجه والله كنت فكراكي هتيجي لما باتو معايا
نغم…انا اتكسفت بصراحه وقولت اكيد انتوا واحشين بعض بجد شكرا
