لقاء كـ،ــ،ـارثي

خدت نفس طويل و هي بتترعش زي القطه بالظبط و قربت منها و بعدين رمت الفوطه عليه ومدت ايدها و هي هتموت مسكتها وحطتها بسرعه جوه الشنطه

نعيمه…اوووووف والنبي اوعي تعملي حاجه هاخدك فوق اوك

كانت عماله تكلمها كأنها هتفهمها طلعت بيها في الشقه حطت الشنطه جنب الباب و سابتها ودخلت بسرعه تبص عليها شويه و القطه وقعت الشنطه و خرجت منها

نعيمه….طلعت علي الكرسي لا لا لا احنا اتفقنا تبقي مؤدبه و النبي ما تعملي حاجه انا ساعدتك انتي بقي ساعديني بصي امشي امشي روحي هناك بصي لو قعدتي هحطلك لبن واكلك اقعدي بقي متتعبنيش انتي اصلا شكلك تعبان

فضلت القطه تمشي و تشم و بعدين قعدت علي السجاده تحت التربيزه

نعيمه…انتي بردانه صح طيب بصي انا هروح احطلك لبن اوك خليكي نايمه بقي و خليكي مؤدبه
انا هنزل اوك اوعي تجري ورايا والنبي و الله العظيم قلبي هيقف فيها ..

نزلت بهدوء و مشيت وهي عينها عليها و دخلت بسرعه المطبخ فتحت ازازه لبن و حطتلها في طبق صغير و خرجت بهدوء تبص عليها لقيتها في مكانها

قربت حطت الطبق و جريت و بصت عليها قامت القطه قربت من الطبق تشم كتير

نعيمه….حلو والله دوقي هيعجبك

بدات القط تشري

نعيمه… بابتسامه انتي جعانه اوي كده كلي يلا كلي في تاني
بصي خليكي بقي كلي و انا هروح الاوضه اغير هدومي اوعي تعملي شقاوه واوعي تجيلي ماشي خليكي هنا و اوعي تعملي بيبي علي الارض والنبي

نزلت تاني براحه و جريت علي اوضتها راحت غيرت و ظبطت نفسها و بعدين فتحت الباب براحه خرجت راسها تشوفها لو واقفه ملقتهاش خرجت بهدوء لقتها نايمه تحت التربيزه و بتترعش جامد

نعيمه….يا قطه بس بس هو انتي لسه بتترعشي ليه بصي امسحي نفسك كده في السجاده عشان المايه تنشف من عليكي بس بس بس سمعاني

.قامت القطه بصت عليها

نعيمه…لا لا خليكي خلاص نايمه متصحيش والنبي

جريت علي الكرسي وقفت عليه و مسكت الموبايل اتصلت علي ايه كانت نامت بس ردت عليها

ايه…الووو

نعيمه…انتي نايمه

ايه…مين

نعيمه…مين ايه انا نعيمه يا ايه

ايه…في ايه

نعيمه…..انا لاقيت قطه صغيره بتترعش و تعبانه والمكر مغرقها صعبت عليا ملقتش حد يساعدها و اضطريت اخدها مسكتها بفوطه وحطتها في الشنطه انا الوقت اكلتها لبن بس هي لسه بتترعش اعملها ايه اشغلها الدفايه قدامها ولا تموت