لقاء كـ،ــ،ـارثي
عشري….بضحك ليله بتولع يا جدعااااان
ليله….اسكت متضحكنيش هولع بجد
امينه….يا ابني الله يهديك اسكت ولع تاني انطفت
عشري…..بضحك ماشي
ولع و بعدين حطت امينه الكوبايه علي السره وهي مولعه و ضغط عليها شويه النار اتطفت و مسكت جامد في رقبتها
ليله….في حاجه سخنه
امينه…خلاص انطفت متخافيش
ليله….طب في حاجه ماسكه في ضهري
امينه…دي الكوبايه متخافيش
عشري…..طلعلك كوبايه في قفاكي
ليله….بضحك اقوم بس و هتشوف هعمل فيك ايه
امينه….يلا ولع في دي كمان
عشري….بضحك بقوا اتنين يا ليله
امينه….تعرف لو مسكتش هحط واحده في راسه و دي بقي هتقفش هواء
عشري….بضحك بتتريقي عليا يا امونه
ليله….بضحك ايوه يا اقرع علي اخوك كان عنده حق لا شعر ولا عقل
عشري….بضحك طب لمي لسانك انتي تحت ايدي الوقت و النار هتولع فيكي
ليله….لا خلاص هسكت امونه هي ليه بتشد كده
عشري…انتي لو شوفتي شكل جسمك وهو مسحوب في الكوبايه هتخافي
امينه…انتي جسمك مليان رطوبه يا ليله الهواء اللي اتسحب من جسمك باين اهو علي الكوبايه جسمك ادام مسحوب كده يبقي في رطوبه جامده شكلك مش بتلبسي وتدفي روحك كويس
عشري….اه طول اليوم راحه جايه قدام ولدك بتغريه يا اما
ليله…بضحك عشري اطلع بره
امينه….بضحك الله يخرب شيطانك ياواد لسانك وبعدين براحتها مش جوزها المهم جوزها يقفلها البيت كويس عشان اهو تعبت وخدت برد
لازم تدفي
عشري…..طب ما انا بدفيها بعد ما بتغريني ..
ليله وامينه ماتوا من الضحك وبعدين بصتلوا امينه و ضربته و بقت عماله تدور علي حاجه جنبها تحدفه بيها
امينه…..قوم ياواد قووووم قوم من هنا يا قليل الحياء
عشري…بضحك وهو بيقوم بسرعه خلاص والله هسكت
ليله…..بضحك تستاهل
امينه….اخرج يلا
عشري….بابتسامه خلاص بقي والله هسكت
امينه…..انت ايه اللي مقعدك اصلا مش وصلتني روح شغلك
ليله…اه يلا علي شغلك
عشري…..بتفرج
امينه…..انت عارف الكوبايه دي لو وقعت هحدفك بيها عشان هي مش مبطله ضحك بسببك
عشري….بضحك ما تسكتي بقي يا ليله بقي جيبتلنا الكلام
ليله…..انا طيب يلا قوم روح اعمل لامونه قهوتها
امينه….اه يلا اتكل علي الله
عشري….انتوا عايزين تخرجوني ليه هاااا مش مرتاحلكم
امينه…..لا والله انت الذوق ما ينفع معاك
عشري…بضحك خلاص خلاص قايم
