لقاء كـ،ــ،ـارثي
ايه….والله العظيم عاجبني جدا والحاجه اصلا كلها هنا تحفه
سلامه…طيب دي اهم حاجه اصل سلمي جننت حسان فا انا خايف تكوني بتريحيني
ايه…لا والله انا مبسوطه باللي اخترته اوي
سلامه…تمام يا قلبي
كملوا و جابوا كل حاجه اينعم خدوا وقت طويل بس تقريبا خلصوا كل حاجه في يوم واحد
سلامه….طيب كده احنا تمام قولي بقي ايه اللي موحود وايه اللي هيجهز
الشاب…..تقريباً اغلب اللي اختارتوه موجود هنا في حجات بسيطه بس في المعرض هنجيبها من هناك يعني لو حابب تستلم جزء انهارده الموجود تمام حابب تستلم كله بكره او بعده زي ما تحب
سلامه….طيب خلينا احسن نستلم كله مع بعضه يعني لو كله جاهز بكره هستلم مش جاهز نستني ابعد بكره اهم حاجه انا عايز تغليف كويس عشان ميحصلش تجريح في الخشب او اي حاجه
الشاب….اطمن طبعا الحاجه هتوصل لحضرتك لحد البيت متغلفه و مش فيها خدش و هتتركب كمان علي طول بس كده ممكن نقول بعد بكره نستلم افضل
سلامه….براحتك خد وقتك تليفوني معاك في الكارت تهو وقت ما تكون جاهز تبلغني قبلها بس بيوم عشان الحاجه دي محتاجه ونش لان انا في الدور العاشر يعني صعب العمال تطلع علي سلم
الشاب….تمام كويس جدا خلاص انا باذن الله هتصل عليك بكره و اكد عليك و بعد بكره احنا مع بعض
سلامه….تمام
الشاب…..مبروك
سلامه…الله يبارك فيك
ايه…ميرسي الله يبارك فيك
خلصوا و خرجوا كانت الساعه ثمانيه الا ربع من الساعه اثنين و هما في الشارع
ركبوا العربيه و اول ما ركبوا قلعت ايه الكوتش
ايه…ااااااه رجلي وجعتني اوي
سلامه…. بابتسامه لا بس عملنا انجاز كبير بيتهيالي احنا اسرع عروسه و عريس جابوا حاجتهم
ايه…..بصراحه المكان يجنن و منظم و كل حاجه فيه حلوه اوي
سلامه….اه بصراحه تامر رشحلي كذا مكان بس قالي روح علي ده الاول و فعلا كان يجنن الحمد لله كده فاضل بس السجاد استلم بس بكره او بعده و بعدين نروح نجيبه و هيبقي فاضل الستاير هتصل انا بالراجل اللي حسان قالي عليه و يجوا يخلصوا بقي
ايه….تمام احنا كده مش هيبقي فاضلنا حاجه تاني غير الفرش بتاع البيت
سلامه….فرش ايه تاني
ايه….نفرش البيت يعني
سلامه….اه دي قبلها بيومين كده المهم لبسك بقي
ايه….اه انا لسه محتاجه حجات كتير عندي حجات طبعا بس في حجات مجبتهاش اصلا
