لقاء كـ،ــ،ـارثي
فضل….لسه واصله اممم طيب الساعه تقريباً واحده بفكرك بس لو ساعتك بايظه
نعيمه…بابتسامه لا شغاله متقلقش و عموما انا وصلت هركب الاسانيير و هطلع علي فوق
فضل…..تمام حمد الله عالسلامه
نعيمه…الله يسلمك انت في البيت
فضل…..وانتي مالك
نعيمه….بضحك اوك تمام بس متبقاش تزعل بقي لما مردش عليك
فضل…. بابتسامه في البيت اه
نعيمه…تمام انا هطلع بقي
فضل…اوك باي
نعيمه…باي
قفلت وبصت للقطه بخوف القطه كانت عماله تترعش و متبهدله و جاي عليها مايه و شكلها حلو اوي لونها ابيض وعندها عين و عين عين لونها ازرق و واحده اخضر
نعيمه…..انتي جميله خالص بس انا بخاف والله اعملك ايه طيب انتي تعبانه و لا بردانه و ايه اللي بهدلك كده
فضلت تنونو وخرجت من وراء الباب بتاع المدخل تقرب من نعيمه
نعيمه…بخوف رجعت لوراء لا لا خليكي مكانك والنبي بلاش تيجي انا بخاف والله اعملك ايه طيب
بصت حواليها مفيش حد ندهت بهدوء علي الحارس ابو امير ابو امير
الباب كان مقفول وشكله نايم بصتلها تاني كانت صعبانه عليها متبهدله من المايه والتراب و بتترعش جامد
نعيمه….اعمل ايه طيب ماهو انا مقدرش المسك ولا اجي جنبك هخاف والله وممكن اموت فيها
رن في ودنها اخر جمله قالها الدكتور
افتكري ديما ان الهروب من الخوف مش حل واجهي كل مخاوفك بالمواجهه بصت للقطه و سرحت شويه وفضلت تبص تاني حواليها و بعدين فتحت شنطتها طلعت منها مفتاح الشقه حطتوا في ايدها و بعدين طلعت مناديل كتير و حاولت تقرب من القطه وهي بتموت تقدم خطوه و ترجع خطوتين
نعيمه….لا لا لا مش هقدر مش هقدر والله حقك عليا راحت بسرعه علي الاسانسير و طلعت قبل ما القطه تصعب عليها اكتر من كده فتحت الباب و دخلت سابت شنطتها و كل حاجتها ..
دقيقتيني و نزلت تاني في المدخل وهي مرعوبه و معاها شنطه و فوطه صغيره
نعيمه…بخوف بصي انا مهانش عليا اسيبك و بجد انتي جميله بس والله انا بخاف وعندي فوبيا من الحيوانات كلها مقدرش المسكم و لا احس بجسمكم في ايدي بخاف انتي حلوه والله بس غصب عني شوفي انا مش قادره اسيبك في البرد ده عشان انتي صغيره خالص و شكلك جعانه كمان بس عشان خاطري اوعي تعضيني او تلمسيني حتي
انا هطلعك معايا فوق هاكلك و اقعدك في مكان دافي اوك لحد بس بكره هوديكي لايه هي بتحبكم اوي و هتخلي بالها منك ماشي خليكي مؤدبه عشان خاطري احد بكره بس
