لقاء كـ،ــ،ـارثي
نجود…بسعاده بص رغم اني كنت اتمني نخلص من الحوار ده بس انا كمان يهمني انك تكون مرتاح يا فضل صحيح انا عارفه ان نعيمه بتحبك و عارفه كمان ان هي معترفه بغلطها و مكانتش اصلا تقصد تضايق بس لو ده هيريحك ماشي علي الاقل ترجعوا بهدوء و تعوضوا اي حاجه وحشه حصلت معاكم و انا عارفه ان قريب انت اول واحد مش هيصبر كتير و هتبقي هتتجنن عشان تجيبها البيت
فضل….بضحك حاسك مبسوطه
نجود….بضحك ايه و دي حاجه مزعلاك
فضل….لا بس مستغربك
نجود….اقولك علي حاجه وتصدقني و يمكن تفكر اني ببالغ
فضل….بابتسامه قولي
نجود….بحبها يا فضل بحبها اوي بتفكرني بنفسي وانا صغيره كنت زيها مجنونه و مرووشه و عندي طاقه كنت اتمني يا فضل طول عمري يبقي عندي بنت ربنا عوضني بمراتات اخواتك و الشهاده لله بحبهم كلهم بس البت دي مجرمه معرفش ازاي خلتني احبها كده شوف بصراحه انا لو اي بنت تانيه كانت عملت فيك كده كنت قولتلها عليها وعلي اللي خلفها و هجيبلك ست ستها بس مع نعيمه مقدرش اصل الحب ده مش بايدنا يا فضل ربنا بيزرعوا في القلوب من غير ما نحس و البت دي خدت قلبي بجد و بحبها
و عارفه انها بتحبك و عارفه انت بتحبها و هتريحك
فضل…..عارف يا نجود بس وجعتني وجعتني اوي
نجود….الزعل علي قد المحبه وانت لو مش بتحبها مكنتش هتزعل ولا كانت هتفرق معاك بس اسمع مني يا فضل جايز المشاكل و الخناق و الخلافات مش حلوه بس صدقني لو الطرفين جوه قلوبهم حب صافي لبعض المشاكل بتزود الحب اللي حاصل بينكم ده بيفكرني بالمشكله اللي حصلت بين عشري و ليله
مين فينا يا فضل اتوقع ان عشري يحب و يوم ما يحب يحب بالشكل ده كلنا كنا عارفين ان عشري يوم ما هيتجوز هيتجوز بس عشان يريح ابوه وامه بس انه يعشق و يبقي مجنون ليله مكانتش عالبال
فضل…. بابتسامه حلوه مجنون ليله دي
نجود…بابتسامه عشان هو كده اهو عشري كمان ربنا يعلم حبه في قلبي الواد ده انا روحي فيه و فرحانه من قلبي عشانه ربنا عوضه بليله و ليله كمان بت جدعه تستاهل كل خير و لو مكانتش بتحب عشري من قلبها بجد مكانتش ادت فرصه و اهو انت شايف اللي حصل بينهم خلاهم ازاي الوقت تصدق بالله انا بخاف عليهم من العين
فضل…. بابتسامه دول حبايبي الله يسعدهم و يبعد عنهم اي شر
نجود….ويبعد عنك انت و نعيمه اي شر و يسعدكم و افرح بيكم في بيتكم
