لقاء كـ،ــ،ـارثي
حسان…اللهم طولك ياروح يا ابني هات العفش الاول وبعدين شوف السجاجيد براحتك والستاير انا بعتلك رقم الناس اللي هتتواصل معاهم بعد ما البيت يبقي العفش فيه هيجولك ياخدوا المقاسات و تتفرج علي التصاميم وتختار الشكل في ظرف يومين هيبقوا بيركبوها
ناس محترمه شغلهم نضيف و كمان لو انت مش عارف تختار بيساعدوك فاهمين في شغلهم جدا تمام كده
سلامه….خلاص تمام عموما انا هخلص انهارده بس ادعي البومه يعجبها حاجه و اهو بقولك لو مجبتش تعرف ان العطله مش من عندي انا
حسان….قسما بالله هقفش في زمارة رقبتك انت وهي انجزوا انا هروح انهارده اشوف القاعات وهبعتلك بليل و تختار معاي انت و ايه
سلامه….انت هتعدي بليل علي سلمي زي ما قولت
حسان…اه لسه قافل معاها و قولتلها تجهز حاجتها عشان هروح اخدها
سلامه …خلاص اشوفم هناك كده كده هوصل ايه
حسان….تمام نتقابل هناك
سلامه….اشطا يلا سلام
حسان….سلام
………….
عند عشري و فضل حكاله اللي حصل كله
عشري….. بابتسامه المهم طمني انت مرتاح الوقت
فضل….بتنهيده مش هكدب عليك يا عشري جزء كبير جوايا مرتاح و حاسس ان هو ده اصلا اللي كنت عايزه بس انا لسه مضايق جايز اتبسطت اني شوفتها بخير و اني اتكلمت معاها و اتبسطت اكتر انها وافقت علي الشرط بس لسه عايز اشوف بعيني
عشري…..بص يا فضل لما قولتلي امبارح علي اللي هتقولوا انا كنت واثق ان نعيمه هتوافق رغم انك قولتي مش هتوافق و هتفهم الشرط بتفكير تاني بس انا عارف ان هي كانت هتوتفق ليه بقي لان نعيمه اللي سافرت مش هي نعيمه اللي شوفتها بعد ما رجعت لما روحنا نسلم عليها انا و الشباب لاحظت التغيير ده جدا و زي ما الشباب قالولك امبارح ان كان في تطور ملحوظ في شخصيتها بتسمعلنا بتتقبل كلامنا بتتقبل رأيننا في انها غلطت و الاهم انها كانت معترفه بغلطها حتي قدام اعترفت فا انا كنت واثق ان هي هتوافق اسالتها لينا تعمل ايه و متعملش ايه اقول ايه و مقولش ايه كل ده يبين انها متوتره باقيه عليك عايزه توصلك اللي جواها باحسن طريقه ترضيك
واهم نقطه تثبت ان نعيمه متغيره موقفها من موضوع رحاب يعني اي ست في الدنيا بتغير حتي لو هي غلطانه مليون في الميه ممكن تعمل سكيب علي غلطها و تركز علي غلطك انت خصوصا لو في ست تانيه في الموضوع بس نعيمه معملتش كده حتي سؤالها ليك كان يبين اكتر انه خوف مش غيره نعيمه كانت خايفه تكون خسرتك وبقي في حد في حياتك او حتي شاغل بالك
