لقاء كار.ثي

لقاء كار.ثي
أميره أسامه
صاحبة البطل الواحد

. البارت المئه 117.

الساعه ساعه الصبح نزلت تقي من البيت و اول ما نزلت ابتسمت بصدمه..

عدي…..بأبتسامه مش وقت صدمه اخلصي هتتأخري

تقي…..بضحكه جميله انت بتعمل ايه هنا بجد

عدي…..بقولك يلا عندك امتحان بسرعه

ابتسمت بسعاده و راحت بسرعه ركبت جنبه و بصتلوا

تقي…..صباح الخير

عدي…..بأبتسامه مد ايده و هي مدت ايدها باس كفها صباح الفل

ابتسمت بإحراج و بعدين سحبت ايدها لعبت في شعرها و هو طلع علي طول

تقي…..مقولتليش ليه انك هتيجي

عدي….كنت عايز اعملك مفجأه و بعدين ايه مش عايزه تجربي وشي عليكي يمكن يطلع حلو

تقي…..لا مش كده اكيد عايزه بس يعني انا عارفه انك نايم متأخر و ملحقتش تنام اكيد

عدي…..هو من ناحيه اني ملحقتش انام فا انا منمتش اصلا و مطبق لو كنت نمت مكنتش هعرف اصحي

تقي….طيب ليه جيت يا عدي شكلك مرهق اصلا و عينك حمراء

عدي…..بابتسامه خلاص يا ستي هلبس النضاره و لا تزعلي

تقي….مش بهزر علي فكره ليه جيت

عدي…..عشان اوصلك عشان اشوفك عشان ابقي معاكي في اول يوم عشان لو متوتره احاول افك التوتر شويه كده يعني

تقي…..بأبتسامه طيب انت ايه اللي سهرك بقي كده

عدي….كان في شغل و بعدين كان في حوار كده فا سهرت انا طالع قرب الفجر تقريباً فا مكنتش هعرف انام

تقي…..حوار ايه و ليه طالع متأخر كده

عدي…..لا حوار ايه ده بقي لما تخلصي امتحان هبقي اعرفك مش وقته الوقت

تقي…..لا هو ايه اللي مش وقته في ايه ؟ في حاجه حصلت انت اتكلمت مع عشري او حاجه

عدي…..لا ميخصش موضوعنا و بعدين متقلقيش مفيش حاجه

تقي….طيب لو مش حاجه تقلق قول لاني كده قلقت

عدي….مفيش قلق يا قلبي انا بس مش عايز اشغل دماغك بحاجه وانتي رايحه امتحان لما تخلصي هنتكلم و هحكيلك

تقي…..لا مليش دعوه هتقول الوقت

عدي….الله اسمعي الكلام بلاش شغل العيال ده

تقي….طيب علي فكره بقي انت كده و ترتني بجد و لو معرفتش احل يبقي ذنبي في رقبتك

عدي…..بابتسامه اه قولي بقي انك مش مذاكره و بتتلككي بيا

تقي….والله مش بتلكك انا بجد اتوترت

عدي…..اممم طيب بصي انا هقولك بس هو الموضوع عادي اصلاً

تقي….طيب قول

عدي…..الموضوع يخص ليله و عشري و الزفته الي اسمها مريم دي

تقي…..بصتلوا بتوتر في ايه في حاجه حصلت تاني ؟