لقاء كار.ثي

تقي…..بإبتسامه تمام

عدي…..قوليلي بقي مذاكره كويس

تقي….كويس جداً متقلقش

عدي…..مش قلقان يا قلبي ربنا معاكي و ان شاء الله يكون وشي حلو عليكي

تقي…..بأبتسامه ان شاء الله

…………………

اتصل سليم علي نسمه الساعه سبعه كان نايم و صحي مفزوع علي صوت المنبه راحت عليه نومه و نسي يصحي نسمه زي ما طلبت منه..

سليم…..الووو

نسمه….ايوه يا سليم

سليم….نسمه انتي صاحيه و لا لسه نايمه

نسمه….بابتسامه صباح الفل انا بفتح الباب و نازله خلاص

سليم….حط ايده علي وشه اووووف انا اسف اسف حقك عليا والله تقريباً كده الموبايل رن و قفلتوا كويس اني كنت ظابط معاد تاني

نسمه…لا ولا يهمك انا صاحيه من الساعه خمسه ونص كنت براجع شويه و منمتش تاني قولت اكيد انت تعبان و نايم

سليم….بضيق بسيط نسمه انا اسف والله حقك عليا بس انا نايم بعد الفجر و مرهق طول اليوم بجد اسف

نسمه….في ايه بس لكل ده محصلش حاجه الحمد لله انا كنت صاحيه و ماما صحتني كمان متقلقش

سليم….طيب الحمد لله المهم انتي كله تمام مذاكره كويس

نسمه….الحمد لله متقلقش

سليم….امال صوتك مش حلو ليه

نسمه…..مفيش انا بس متوتره اوي

سليم…..لا متتوتريش مش ذاكرتي و عملتي اللي عليكي سيبي الباقي علي ربنا بقي وان شاء الله الامتحان يكون كويس

نسمه….يارب يا سليم

سليم…..صليتي

نسمه….اه صليت الحمد لله

سليم…..طيب فطرتي

نسمه…..بصراحه لا

سليم….طب ليه انتي لازم تاكلي حاجه قبل ما تدخلي الامتحان

نسمه….مش هعرف والله يا سليم طول ما انا متوتره مش بيبقي عندي نفس خالص

سليم…..التوتر ده هيتعبك في الامتحان و هتدوخي عشان مش واكله حاجه

نسمه….والله لو كلت وانا متوتره هتعب و بعدين بطني بتوجعني وجع رهيب من كتر ما انا قلقانه

سليم….طيب اهدي و حاولي كده تهدي نفسك ان شاء الله خير انتي هتخلصي امته

نسمه…..هو الامتحان ثلاث ساعات هيبدأ تسعه و يخلص 12

سليم……طيب بعد ما تخلصي رايحه في مكان و لا هترجعي

نسمه…..لا هجيب بس ورق بتاع بكره للمراجعه و هرجع مفيش وقت

سليم….انتي معاكي العربيه

نسمه….ايوه

سليم …طيب علي مهلك و متتوتريش و رحزي في الطريق و ان شاء الله خير

نسمه….يارب يلا روح كمل نوم

سليم….لما توصلي طمنيني عليكي

نسمه….طيب نام انت و انا لما اخلص اتصل عليك علي طول عشان متفضلش تقلق كل شويه