لقاء كار.ثي

ليله….حاضر اي اوامر تانيه

عشري…..لا شكراااااا سلام

قفلت ليله و هي بتضحك عليه و عارفه انه مش طايقها

………………

وصل حسان قدام المحل عند ايه حتي بعد ما عرف ان سلامه هيروح قرر يروح بنفسه و يطمن علي بنته و عليهم .

هنا….بابيييييي

حسان….بابتسامه اهلا قلب بابي

شالها و باسها وبعدين قرب من احمد باسه و سلم عليه

حسان….ازيك يا عمي

احمد….الحمد لله يا حبيبي بخير

حسان…..ازيك يا يويو

ايه….بابتسامه الحمد لله يا حسان

احمد…..بردوا جيت مش قولتلك اطمن خلاص سلامه هيجي و الدنيا بخير

حسان…..لا والله انا قولت لتامر لو مش محتاجني هروح بس ابص عليكم قالي لا روح فا قولت اجي اشوفكم واقعد معاكم شويه و بعدين ارجعلوا يكون سلامه جالكم

احمد….سلمي عرفت اتصلت علي ايه تسأل علي هنا

حسان….بابتسامه اه ماهي كلمتني بتقولي والله يا حسان مكنتش اعرف قولتلها انا عارف

احمد…..كانت عايزه تكنسل شغلها و ترجع قالتلي كفايه العمليه قولتلها والله سلامه كمان جاي

حسان….لا ما انا طمنتها و اتصلت بيها وانا جاي عرفتها اني رايح علي المحل فا اطمنت و هتكمل خلاص شغلها

احمد…..ربنا يصلح الحال يا ابني و يبعد عنكم كل شر

حسان….اللهم امين يا عمي بصراحه حوار مريم ده مش وقته خالص و المشكله انها نجحت في انها تقلق الكل مش بس ليله و عشري

احمد…..والله يا ابني معاك حق انا كمان قلقت علي قلقكم ده الله يهديها يارب و يبعد عنها شر نفسها و اذاها للغير للاسف البنت دي محتاجه احتواء من اهلها اكتر من كده

حسان…..احتواء ايه بس انا عايز اقولك انهم بعد اللي حصل شبه اتبروا منها و بعدوا عنها و ابوها حلف علي امها انها متسالش فيها ولا تتكلم معاها

احمد……و ده اكبر غلط عملوا ابوها للاسف مفيش بني ادم في الدنيا يا حسان مش بيغلط و يمكن البنت غلطها كبير اوي بس مينفعش نصلح الغلط بغلط اكبر منه الاهالي دورهم اكبر من كده بكتير مينفعش الولد يغلط فا يتطرد او البنت تغلط فا اهلها يتبروا منها الأهل هما الامان و الحمايه هما اللي يصلحوا مش يبوظوا اكتر المفروض ابوها كان احتواها و قومها الغلط مش عليها هي بس اكيد كان في تقصير منهم في تربيتها عشان توصل لده يعني هما شركاء معاها في نفس الغلط

اللي عرفتوا من سلمي في بدايه مشكله ليله و عشري ان الولد في الاول اتقدملها كتير و اترفض انا معاك ان الاهل ديما بيبقي عندهم وجهه نظر و بيبقوا شايفين اللي ولادهم مش قادرين يشوفوا جايز بخبرتهم كانوا عارفين ان الشاب ده ميصلحش ليها و انه مش قد المسؤوليه ومش هيحافظ علي بنتهم بس كمان انا واثق ان رفضهم كان عنيف المفروض كانوا اختاروا حل من اتنين يا اما يقبلوا بخطوبه فتره عشان البنت تكتشف انه وحش بنفسها و مينفعهاش فا هي اللي ترفضه او يتكلموا معاها بهدوء و يحاولوا يقنعوها و لو رفضوا يفضلوا جنب بنتهم و يحتوها و يحترموا مشاعرها لانها اكيد حبته و مقدرتش تشوف عيوبه زي ما هما شافوها كان واحب عليهم يقدروا الجزء ده لانها شافت انهم ظلموها و ظلموه بيقولوا مراية الحب عاميه و بما انها شافته بيتقدم مره واتنين و تلاته و بيترفض هتتمسك بيه لانها شافت انه خبط علي الباب و شاريها و مشافتش من اهلها سبب مقنع للرفض فا كان ابسط حل عندها انها تسلم نفسها ليه و تسمع كلامه الله اعلم دخل عليها بانهي طريقه جايز قالها عملت اللي عليا و اتقدمت واترفض و مفيش حل غير اننا نحطهم قدام امر واقع جايز ضعفت و شافت انها لما تسلم نفسها ليه بترد جزء و لو بسيط من شخصيتها هي حاولت تتحدي اهلها و تختاروا عشان شاريها وثقت فيه بس هو بعد ما خد اللي عايزه مبقتش تلزموا و عشان كده هي في صدمه نفسيه و حقيقي هي مريضه و جايز اكون مشفق عليها هي صحيح شايفه انها ضحيه بس هي غلطت و احتمال فعلا تكون ضحيه اهلها اللي مقدروش يحترموا مشاعرها او يحتووها كان لازم و ضروري اهلها يبقوا اذكي من كده و عشان يثبتولها نظرتهم ليه كان لازم خطوبه فتره هي بقي تكتشف طباعه و صفاته المساوئ بتاعته اكيد كانت هتلاقي حاجه فيه مش هتعجبها و وقتها كانت هتسيبه وهي مقتنعه بس تصميم اهلها من غير سبب علي الرفض هو اللي وصلها لكده و مش بس كده خلوها اتخطبت لعشري لمجرد انهم يعرفوه كويس في الوقت اللي هي كانت حياتها اتدمرت
و لما حست ان عشري ممكن يساعدها مسكت فيه و لما رجع سابها كانت خلاص خسرت كل حاجه و النتيجه اللي هي وصلتلها كانت طبيعيه جداً شايفه ان الكل اتخلي عنها الكل خذلها اتحولت لشخص انتقامي مش قادره تشوف اتنين كويسين مع بعض مش قادره تشوف ناس بتحب بعض مش عايزه حد ناجح ولا حد مرتاح