لقاء كار.ثي

…………..

عند ايه فضل حسان قاعد معاهم و بيتكلم هو واحمد و مبسوط بالكلام معاه هنا بتلعب قدامهم في الالعاب و ايه بتشتغل شويه وسلامه جه سلم عليهم و قعد معاهم حبه و بعدين حسان اطمن و استأذن يمشي هو و ق,تل لسلامه ميمشيش غير لما تخلص ايه و يطمن عليهم.

مشي حسان و فضل سلامه قاعد
قعدت ايه معاهم بعد ما خلصت الكلبين و سلمتهم و كانت مستنيه الكلب الاخير يوصل وقفت هنا قدام الباب الزجاج اللي بيبص علي الشارع و كان في ايدها لعبه من لعب الكلاب و مكانتش باينه اوي للي بره لانها صغيره و قصيره لمحت شاب نزل من العربيه و معاه كلب كبير وقف الشاب قدام العربيه طلع من جيبه حقنه و اداها بسرعه للكلب و رماها بعيد بصت هنا علي الحقنه اتحدفت علي حرف الرصيف رجعت بصت تاني علي الشاب و لما لاقيته بيقفل الباب و هيقرب بعدت بسرعه من جنب الباب خافت من الكلب

ايه…..في ايه يا هنون

هنا…..في كلب كبير جاي

فتح الشاب الباب و دخل

ايه….متخافيش قامت بهدوء و ابتسمت للشاب

الشاب….مساء الخير

ايه….مساء النور

احمد….اهلا يا ابني

الساب…اسف عالتأخير

ايه…..لا ولا يهمك بصت ايه علي الكلب بصدمه و رجعت بصت للشاب و ابتسمت بهدوء ايه ده

الشاب….بابتسامه انا عارف انه متدمر خالص بس واثق انك هترجعيه احسن ما كان

احمد….ليه سايبه كده يا ابني بس دي روح

الشاب…..والله يا عمي هو بتاعي بتاع واحد صاحبي مش بتاعي سافر و معرفش ياخدن معاه لان ورق الكلب كان في مشكله و انا كنت بحاول اخلصه و بعدين حصلي كام ظرف خلاني اجلت موضوع الورق ده و مكنتش فاضي خالص غير اني احطله ياكل وبس و اتبهدل بالمنظر ده فا لازم بقب يرجع زي ما كان قبل ما يروح تاني ليه

احمد….يلا بسيطه ان شاء الله

ايه…..بس هو تعبان ملاحظه انه همدان خالص يعني ممكن يتعب من المجهود اللي هيتعمل فيه الوقت

الشاب…..لا هو تقريبا مكتئب من المنظر اللي فيه ده بس متقلقيش هو كويس و كمان هو اه حجمه كبير بس طيب مش بيعض او يهجم يعني اتفضلي بقي ده المبلغ اللي اتفقت مع حضرتك عليه

ايه…..طيب ليه مستعجل خلي الفلوس لما تيجي تستلموا و تشوفوا

الشاب….لا عادي مش هتفرق والله و بعدين انا واثق في حضرتك يعني في ناس هما اللي رشحوكي ليا و بيشكروا فيكي جداً

ايه…ميرسي ان شاء الله لما بخلص هيعجبك و هيرجع احسن من الاول