لقاء كار.ثي

حسان….معاك حق ياعمي هي للاسف شيطانها ركبها خلاص

احمد…..بالعكس اللي ركبها هي نفسها انت عارف يا حسان ان النفس اخطر من الشيطان

النفس قويه لانها رغبات البني ادم و ميوله و شهواته الشيطان اضعف مما تتخيل لان كل شغلته انه يشعل الشر اللي جوه النفس لو قلبك نضيف الشيطان مش هيقدر يلاقي أي مدخل ليك و لو نفسك مليانه رغبات مش قادر تتحكم فيها يكفي بس ان الشيطان يعمل حركه صغيره تخليك تشتعل من جواك .

الشيطان مبقدرش عليك لوحده العدو الحقيقي بيبدا من جواك نفسك.
الشيطان بيوسوس لكن النفس هي اللي بتختار ربنا سبحانه وتعالي قال

إن النفس لأمارة بالسوء و قال عن الشيطان إن كيد الشيطان كان ضعيفاً

حسان….ونعم بالله

احمد….بأختصار النفس باب و الشيطان مفتاح لو قفلت باب نفسك
المفتاح عمره ما هيفتح و للاسف البنت دي الوقت ربنا مسلط عليها نفسها و شيطانها مش محتاج بتعب لانها سايبه الباب مفتوح و مش محتاج مفتاح اصلاً هو دخل بالانتقام و العدائيه و السواد و اتحكم فيها لدرجه وحشه.

حسان….معاك حق في كل كلامك للاسف هي ضاعت و اهلها ضيعوها
و مشيت طريق ضلمه مش عايزه ترجع منه و لا قادره تشوف النور هي كل اللي عيزاه زي ما حضرتك قولت تاخد الكل في نفس طريقها

احمد….ربنا يهديها و يبعد شرها عنكم يا ابني

حسان….اللهم امين يارب

…………..

في منزل عشري الكبير اتكلم عشري بكل هدوء مع والد مريم مكانش موجود غير علي و عمر و والد فضل

و طبعاً عشري الكبير حكاله اللي حصل و سمعوا التسجيل و عرفوا ان مريم اتمادت كتير و اللي بيحصل ده هيوديهم اماكن مش حلوه

عشري….شوف يا علاء انت تدري اني للحين باقي علي عشرتك و مقدر اللي انت فيه بس تدري كمان ان ولادي خط احمر و محمد عمل اللي عليه وزياده حبتين مع بنتك بس هي مش راضيه تجيبها البر و انا مانعه من اي تصرف عشانك انت انت الوقت سمعت اللي حصل و شايف بعينك ان احنا لسه باقيين عليك يعني باختصار انا مانع محمد من انه ياخد اي اجراء قانوني بعدم التعرض و مانعه من انه يقرب من مريم حتي مرته سمعت بودنك طلبت انها تساعدها حتي بعد المشاكل اللي سببتها و بنتك مش راضيه انا خلصت اللي عندي و التصرف ليك

علاء….انا مش عارف اقولك بنتي كسرتني و هدتني و خلتني مش قادر ارفع راسي هي سابت البيت من فتره و معرفش عنها حاجه و انت عارف كويس اللي عملتوا فيها
بس هي الوقت مش معايا وانت بتقول انها مش في البيت وانا بصراحه مش عارف اقدر اجيبها منين انا كلمتها الوقت قدامك و عملتلي بلوك عشان واثقه اني هكلمها يمكن مش سهل علي اي اب يقول انه اعتبر بنته ماتت بس انا قدرت و انت عارف غلاوتها عندي انا مليش غيرها انا مش عارف ايه اللي حصلها دي مش بنتي اللي اعرفها مش مريم القطه المغمضه اللي عمرها ما تعبتني في حياتي كلها