لقاء كار.ثي

سليم….ايوه بس نسمه مثلا بعيده عن الحوارات دي دي اخت صاحبتها

عدي….بس قريبه منها زي نعيمه و في نفس الوقت مريم عايزه الكل يكره ليله عشري و صحابها و ايه اللي يخلي اصحابها ياخدوا منها جنب لو حد من اهلهم اتأذي و نعيمه لو اختها اتأذت هتبعد و تاخد جنب اختها و وقتها ليله هتبقي لوحدها

سليم….بضحك ولا انت بتتفرج علي افلام اجنبي كتير دي مريم يعني مش زعيمه مافيا

عدي….والنبي بطل هبل مريم دي طلعت شيطانه و انا الوحيد اللي كنت بقول ديما ليك انها مش نازله من زوري و مش بحبها كنت ببلعها بس عشان عادل يبقي عمها و بصراحه كنت بحبه بس خد بالك اكبر دليل انها بجد مش سهله انها فضلت ساكته كل الفتره دي اللي بيتوجع يا اخويا و بيرد الوجع في وقته تعرف انه بني ادم طبيعي اتوجت فا وجع انما اللي يستني علي وجعه و احد من اتنين لا واحد اتظلم اوي و قال رد الحق حرفه و صبر و طبعاً مريم متظلمتش او المريض زيها كده فضلت فتره بتكبر في راسها فكره انها مظلومه لحد ما اتجننت و صدقت نفسها و جايه الوقت تنتقم البت دي لو سالكه مكانتش صبرت كل ده اسمع مني

سليم….ماشي يا سيدي سمعت و اقتنعت و ربنا يستر خلينا بقي نروح لاخوك عشان الوقت ميجريش مننا

عدي…..يلا تعالي

مشبوا هما الاتنين وراحوا لعشري وقفزا قدامه و سكتوا

عشري….رفع راسه و بصلهم خير

عدي…ااااا يعين هو مش وقته انا عارف بس احنا عايزين نقولك حاجه كده يعني

عشري…..حاجه ابه و مالك واقف انت وهو كانكم عاملين عامله كده

سليم….لا مش عاملين عامله و لا حاجه احنا بس يعني عايزين نطلب منك طلب من غير ما تتعصب او تعلي صوتك و تطلعنا مسرح

عشري…..وانا من امته طلعت حد فيكم مسرح اخلص انت وهو في ايه

عدي….اااا بص لسليم ما تتكلم ساكت ليه

سليم…. بابتسامه بسيطه خبطه في كتفه بص يا عشري يعني احنا عايزين نروح مشوار سريع كده مش هنتأخر هي ساعه و هنرجع علي طول والله و بصراحه يعني انت اللي هتغطي علينا

عشري….اغطي عليكم رايحين تهببوا ايه ؟ بقلق انا لما بتحطوا راسكم في راس بعض

بصوا لبعض الاتنين و ضحكوا

عدي…..لا هو مشوار سريع بس احنا مش رايحين مع بعض والله هو رايح مشوار وانا رايح مشوار

عشري….ولاااا انت وهو انا خلقي علي راس مناخيري هتقولوا في ايه ولا اقوم امسخركم قدام الكل