لقاء كار.ثي

ايه….لا طبعاً حضرتك عارف اني عمري ما برفض الشغل حتي لو الفلوس اقل هو صراحه يعني المبلغ كويس انهارده اوي بس مش هعرف يا بابا مقدرش انزل و اسيب هنا لوحدها اولا هتتعبك ثانياً هتزهق و ثالثا سلمي لو عرفت مش هترضي تخليني اخدها معايا حضرتك عارف الجو موتر خالص و هنا المفروض انها امانه مع سلمي

احمد……طيب بقولك ايه انا هاجي معاكي

ايه…..لا با حبيبي هتتعب و هتزهق انت وهنا الكلب ده بالذات بعيد عن الاتنين التانيين محتاج شغل و ممكن اطول فيه

احمد…..يا ستي ملكيش دعوه انتي عارفه اني مش بزهق و بعدين هقعد انا و هنا نلعب و نتسلي لحد ما تخلصي كده كده انا مفيش اي حاجه ورايا هتسلي معاكي هو الكلب ده هيجيلك امته

ايه…..هو لسه شويه قالي علي الساعه سته بس الكلبين التانين هيجوا قبلوا

احمد….انتي كنسلتي الشغل

ايه…..لا بصراحه لسه كنت عماله افكر

احمد…لا قومي يلا اتوكلي علي الله البسي واجهزي و خلينا نروح رزقك يا بنتي متقوليش للرزق لا و لو علي سلمي هنقولها لما نوصل المحل عشان تطمن اننا وصلنا

ايه…..طيب اااا ممكن تديني عشر دقايق بس افكر

احمد…..خدي راحتك بس لو حابه تروحي انا معاكي و بالمره اساعدك في الكلب

ايه…..هو انا يعني عايزه بصراحه اخد رأي سلامه

احمد…..طبعاً روحي خدي رايه و شوفي هيقولك ايه بس هو انا ليه حاسس انك مش مرتاحه هو انتي شاكه في حاجه

ايه….لا طبعا ده شغل جايلي علي رسايل البيدچ بتاعت المحل عادي انا بس هاخد رأيه في موضوع النزول ده يعني بعد اللي حصل جايز يكون ليه رأي

احمد….طيب شوفي يا حبيبتي و كلميه و عموما لو هتروحي انا معاكي

ايه…..ماشي يا حبيبي هتصل عليه و هقولك

احمد….ماشي

دخلت ايه اتصل بسلامه و حكيتلوا اللي حصل .

سلامه…..طيب هو انا الوقت مش فاهم انتي بتاخدي رأيي في موضوع الكلب و لا انك تنزلي بهنا يعني شايفه انه كلب متعب و هتتعبي لا طبعاً متقبليش بس لو بتتكلمي علي هنا لو بابا هيروح معاكي خلاص و انا ممكن ابقي اعدي عليكي كمان شويه بردوا و افضل معاكم و بعدين اروح ابص علي ريهام انا انهارده معنديش حجات كتير تتعمل يعني

ايه….. بابتسامه يعني بجد هتيجي

سلامه …اه والله انزلي بس انتي الوقت و انا هبقي اعدي عليكي بس مش الوقت يعني علي ما الكلب ده يجيلك عشان لما تخلصي اوصلكم المهم تخلي بالك من هنا و خلي عمي عينه عليها