لقاء كار.ثي

……………

وصل عدي قدام الجامعه كانت الساعه 11 ونص اتاخر عليها نص ساعه بس كلمها وهو جاي في الطريق وقالها متخرجش واول ما وصل اتصل عليها و خرجتلوا

قربت منه و هي مبتسمه و باين علي وشها انها مبسوطه اوي .

عدي….وحشتيني

تقي…..وانت كمان

عدي…..طمنيني الامتحان كان حلو بجد

تقي…..اوي والله يا عدي كان سهل اوي الحمد لله

عدي….طيب الحمد لله عقبال كل المواد

تقي….يارب

عدي…..يلا اركبي

فتحلها الباب ركبها وبعدين راح ركب و اتحركوا.

تقي…..ادهم و تمارا بيسلموا عليك

عدي…..الله يسلمهم هما عارفين اني بره

تقي….بابتسامه اااا اه لما اتصلت بيا و قولتلي اخرجي سألوني و قولتلهم

عدي….طيب هما عارفين اصلا

تقي…..بص هو انا مقولتش حاجه يعني مجاتش فرضه اننا نتكلم بس هما تقريبا كده حسوا و حدوته فضل يرخم عليا فا غالباً فهموا و قولتلهم هبقي احكيلكم بعدين

عدي…..حدوته بيرخم عليكي ازاي يعني

تقي….لا بيهزر عادي عشان احكي و رخموا عليا شويه فا حسيت انهم فهموا

عدي….امممم ماشي

تقي…..هو انت عندك اعتراض انهم يعرفوا

عدي…..لا طبعاً انا عايزك تقولي للناس كلها

تقي…..بابتسامه لسه بدري علي الناس كلها دي

عدي…..مش بدري ولا حاجه بمجرد ما تخلصي ان شاء الله اغلب القريبين مننا هيعرفوا المهم الوقت زي ما قولتلك تركزي في امتحاناتك و بس مفهوم

تقي….بابتسامه مفهوم يا افندم

………………

عند سليم و نسمه خرجت نسمه من الامتحان وقفت مع صحابها شويه اتصل عليها سليم.

نسمه…..الووو

سليم…..ايه الاخبار

نسمه…..الحمد لله كله تمام الامتحان كان كويس اوي

سليم…..بجد

نسمه….اه والله العظيم كنت مرعوبه بس الحمد لله طلع سهل

سليم…..طيب الحمد لله انتي فين

نسمه…..انا خلصت و نزلت انا و صحابي وقفت معاهم شويه بس هخرج خلاص

سليم…..طيب يلا اخرجي

نسمه…..ما انا هستني شويه معاهم

سليم…..يلا اخرجي حالاً

نسمه….بابتسامه بنراجع الامتحان طيب

سليم….هو انتي مش امتحنتي و خلصتي

نسمه….اه

سليم….لما هتراجعي لو في حاجه غلط هتعرفي تصححيها

نسمه….بضحك اكيد لا

سليم…..طيب ثواني و تكوني بره الجامعه و اياك تتأخري انا بره

نسمه….بصدمه ابتسمت بره فين

سليم…..بره الجامعه

نسمه….سليم انت بتهرج صح

سليم…..اخرجي و اتاكدي بنفسك