لقاء كار.ثي
لقاء كار.ثي
ليله….الووو
عشري…..ايوه يا ليله
ليله….انا نازله خلاص
عشري….ماشي لما توصلي احكي معي
ليله….تمام و لو دخلت جوه اوقات مش بيبقي في شبكه كويسه يعني هوصل قدام المكان هكلمك و هرجع اتصل بيك وانا خارجه ممكن استقبل مسدچ عادي
عشري….المهم طمنيني لما توصلي و لما تخرجي
ليله….تمام يلا باي
عشري….ليله
ليله….نعم
عشري…..خلي بالك من نفسك و لو في اي حاجه حصلت اتصلي عليا ووانمني يعني لو لمحتي مريم او حسيتي انها وراكي تعرفيني و متخبيش عليا
ليله….بتنهيده حاضر يا عشري اي اوامر تاني
عشري…..لا
ليله….باي
عشري……سلام.
نزلت ليله ركبت و اتحركت و فضلت عينها علي المرايا بس مكانش في اي حد وراها
بعد كام دقيقه و صل عشر الكبير و اخواته اتكلموا معاه و حكوله اللي حصل كله و اكد ابوه عليه انه ميعملش اي حاجه ويهدأ لحد ما ابوها يتصرف سكت عشري و هز راسه و قالوا تمام.
وبعدها كل واحد فيهم قام شاف شغله الوقت كان بيمر وصلت ليله قدام المكان بتاع توما واتصلت علي عشري.
عشري…..ايوه يا ليله
ليله….انا وصلت و هدخل
عشري…طمنيني في اي حاجه
ليله….لا مفيش كله تمام
عشري…..هتخلصي امته
ليله….مش عارفه لسه هشوف اصلا هو معاه حد و لا فاضي و هتكلم معاه شويه و اتفق و بعدين همشي بس ياريت تبعتلي الوقت كل التفاصيل لانه اكيد هيسألني عليها
يعني المكان هيكون فين يكون عندي الساعه كام المفروض اكون مخلصه امته كده يعني
عشري…..هبعتلك لوكيشن المكان اللي هيجيلك فيه هو اصلا في نفس مكان الفرح انا اتفقت مع التيم انهم يخصصوا مكان في اكتر من غرفه عشان تقعدي فيها انتي و البنات و اي حد معاكي
ليله …يعني فندق ولا ايه مش فاهمه
عشري….لا الفندق بعيد شويه عن المكان و التجهيزات اللي هتتعمل لازم تكوني انتي موجوده قريب من المكان عشان لما تدخلي هما هيبنوا مكان زي استديوهات كده او زي غرف صغيره من ضمن القاعه اللي هيصمموها و انتي هيكون ليكي مكان خاص تظبطي نفسك فيه براحتك هبعتلك انا الوقت كل التفاصيل حالاً بالمواعيد
ليله….طيب ابعت يلا حالا عشان جوه مش بيبقي في شبكه كويسه
عشري….تمام حالا هبعتلك و لما تخلصي تكلميني علي طول
ليله…..اوك تمام باي
عشري….سلام
فضلت ليله قاعده كام دقيقه بعتلها عشري و قالتلوا انها وصلت خلاص و بعدين دخلت علي جوه.
