لقاء كار.ثي

عشري…..ليله انا ماسك نفسي بالعافيه من امبارح و اظن انا لا اتعصبت و لا رفعت صوتي و لا قولت لفظ عشان مترجعيش تضايقي و تزعلي و قدام الكل منطقتش معاكي بحرف عشان منظرك و منظري فا متضغطيش
عليا عشان انا علي اخري و اتفضلي شوفي هتجهزي امته عشان اجيلك

ليله…..هروح لوحدي انت مش هتيجي معايا يا عشري

عشري….مفيش مرواح لوحدك

ليله…..اوامرك مش هروح لوحدي بس انا مش رايحه معاك

عشري…..ليله بطلي شغل العياا و متنشغيش دماغك عليا

ليله…..ورحمه امي في تربتها يا عشري لو مصمم تيجي معايا ما هتنقل من البيت و لا هروح اي مكان

عشري….انتي بتحلفي عليا يا ليله

ليله….اه عشان انت اللي مستفز مش انا من امبارح قالب وشك عليا و خليتها تنجح للمره المليون انها تنكد علينا و تبوظ حياتنا و تقلقنا و توترنا

بتتعامل معايا باسلوب زي الزفت وانا ساكته عشان عارفه انك مضايق و عشان بحاول اسايسك يا عشري عشان متروحش تتهور و تعمل مصيبه و كل ده ليه عشان بس خوفت عليك شايف اني مش حطاك في حساباتي و شايف اني بلجأ لغيرك و اني بكدب و بخبي عليك

عشري….طب ما انتي عملتي كل ده يا ليله

ليله….تاني يا عشري قولتلك عملت كده عشان خايفه عليك بس اقولك علي حاجه اعمل اللي انت عايزه انت حر و شوفني بالطريقه اللي تريحك كدبت خبيت مش حطاك في حساباتي بلجأ لغيرك الطريقه اللي تريحك و تدخل دماغك شوفني بيها

و متنساش و النبي و انت رايح تخلص من مريم ابقي قولها ليله بتقولك شابو بوظتي حياتنا و خلتينا نتخانق و ننكد علي بعض و كسبتي يا مريم زي كل مره حاجه تاني يا عشري

عشري….يا ليله يا ليله بلاش طريقتك دي

ليله…طريقتي مش عجباك دي نسخه من طريقتك علي فكره و بعدين انا كان معايا حق علي فكره الجأ لغيرك و اطلب من غيرك المساعده و اشوف انك متهور ايه اللي عرفك يا عشري ان مريم مش في البيت وهربت هاااا روحتلها البيت امبارح سايبني لحد الفجر بتصل و بتكنسل و همو,ت عليك و انت بتدور عليها عشان تودي نفسك في ستين داهيه لا والله ونعم العقل

عشري….ليله انتب عايزه ايه الوقت

ليله…..ولا حاجه مش عايزه يا عشري

عشري…طيب جهزي نفسك عشان نروح انا عادي عايز اجي معاكي فاضي و المفروض وقت ما ابقي فاضي اي حاجه تخص فرحنا اكون معاكي فيها

ليله…..تمام فاضي اعمل اي حاجه تخصك او ضيع وقتك و روح شوف مريم هربت فين عشان تلحق تقت,لها