لقاء كار.ثي

عشري ….اللهم طولك يا روح هناخد رأي بعض يا ليله دي مش حاجه تزعلك افرضي اختارتي حاجه مش عجباني

ليله….وانت عارف اني مش هعمل كده بس لو جاي زياده تاكيد بلاها يا عشري بص من الاخر كده عشان بس منقعدش نلف و ندور كتير علي بعض طريقتك معصباني و هي اللي وصلتني لكده

عشري….طريقه ايه يا ليله هو انتي عايزه تقلبي التربيزه عليا انتي اللي غلطتي

ليله……غلطت اني خوفت عليكي

عشري….وانا مش عيل صغير عشان تخافي عليا

ليله…..حلووو انت بقي شايفني عيله عشان تيجي معايا و لا بتردهالي

عشري…..لا ده ولا ده بس انا واجب عليا احميكي من اي حاجه اشك انها ممكن تأذيكي و حمايتي ليكي واجب وفرض عليا انتي مراتي

ليله…..وانت جووووزي و لما جوزي يكون مجنون و متهور و عقله مبيبقاش ملكه وقت الغضب يبقي لازم احميه و اخاف عليه حتي لو من نفسه اسمعني يا عشري انا بجد علي اخري اكتر منك و مزاجي زي الزفت يا اروح لوحدي و نخلص من المشاوير اللي علينا يا اقفل عشان اكمل نوم لاني منمتش كويس و متفكرش يا عشري ان عشان انت جوزي هتصمم علي حاجه انا حالغه عليها و هنفذها اوعي تدخل معايا في المنطقه دي و انا في الحاله دي عشان صدقني هنزل بجد من بعض

انا من يوم ما اتجوزتك وانت شايف بنفسك اني قادره افرق بين عشري اللي حبيته و عشري اللي بقي جوزي وعمري ما كسرت ليه كلمه او عملت حاجه اتقال عليها لا منك.

كل حاجه بترفضها بقول عليها حاضر و انا راضيه من جوايا متخلنيش اعمل حاجتين بعيد عن شخصيتي خالص اني اكسر كلمتك او اني اتجبر علي حاجه انا مش عيزاها

عشري….وانتي كده مش بتكسري كلمتي يا ليله

ليله….لا يا عشري انت لو قولت مفيش نزول من غيري مش هنزل بس اسفه مش هتجبر علي حاجه انا مش عيزاها

عشري…..و وجودي معاكي تقيل علي قلبك كده بجد يا ليله

ليله……عمره ما كان تقيل علي قلبي يا عشري و انت عارف بس اي حاجه تخص مريم تقيله علي قلبي فوق ما تتخيل و انا ساكته و بحاول اتعامل عادي عشانك و عشاني و عشان نعيش مرتاحين و اتنازلت كتير اوي و جيت علي نفسي بس انا مش قادره بجد و لما توصل انك تشوف خوفي عليك كدب و تشوفني ضعيفه عشان بحاول امسك اعصابي عشان ااانت متتهورش يبقي لا يا عشري لحد هنا و نقف بقي حابب تشوف ليله القويه حاضر هخليك تشوفها تاني