لقاء كار.ثي

عشري…..سكت ثواني و بعدين خد نفس عميق طيب بصي يا ليله هقولك كلمتين كده تحطيهم حلقه في ودنك انا مقدر خوفك عليا و عارف انك عملتي كده عشان معرفش بس بردوا شايفك غلطانه هتجبيني يمين هتجيبيني شمال غلطانه و لو همشيها واحده بواحده زيك فا انا لما خبيت عليكي موضع مريم في الاول اعتبرتيني كداب مع اني كنت خايف عليكي و بحبك و عارف انك لو عرفتي هتتهوري و تاخدي قرار غلط و تسيبيني و انتي بردوا غلطتي و خدتي قرار غلط اتعصب اولع فيها و في اهلها و في الدنيا افتكري ديماً ان انا اللي لازم اعرف و اتصرف و اكون جنبك و احل اي مشكله تواجهك مش حد غيري حتي لو كان اقرب حد ليا

فا من ناحيه انك عملتي ده بدافع الخوف مقدر ده جداً لان سبق و خوفت عليكي بس من ناحيه انك غلطتي فا اه غلطتي لما خبيتي عليا زي ما انا غلطت لما خبيت عليكي

اما بقي بمناسبة حلفانك و عندك و لسانك الطويل و موضوع انك مش عيزاني معاكي و راسك الناشفه دي انا هعديها المرادي و بمزاجي و هسيبك يا ليله تنزلي لوحدك مش عشان كلمتك اللي هتمشي لا خالص انتي عرفاني كويس بس عشان امشي الدنيا اصل انا لو صغرت دماغي معاكي مش هنخلص هنبقي عاملين زي القط و الفار فا انا هعمل نفسي مسمعتش الهبل اللي قولتيه عشان مبقاش في وقت و لازم نخلص انزلي يا ليله بس و عهد الله يا ليله الهبل اللي حصل ده ما هعديه بالساهل مشيتي اللي في دماغك اتحملي بقي يا بنت المارديني

ابتسمت ليله غصب عنها و بعدت الموبايل عنها و بعدين رجعت تاني بهدوء و ثقه رفعت حاجبها

ليله…..تمام يا عشري

عشري….تمام يا ليله حضرتك هتنزلي امته بقي؟ الساعه خلاص داخله علي واحده

ليله…..هقوم اخد شاور و البس و هبقي انزل يعني ساعه او ساعه و نص بالكتير

عشري….تمام وانتي نازله تعرفيني

ليله…..اوك يا عشري اي اوامر تانيه

عشري…..اواااامر لا العفو اوامر ايه بقي مش مشيتي كلامك يبقي الامر امرك يا ليله هانم

ليله……تمام عايز حاجه

عشري….لا شكراً سلامتك

ليله….باي

عشري…..سلام يا ليله.

قفل عشري و بعدين ابتسم بغيظ اه يا بنت الجزمه ده انا هنفخك و هكسر دماغك دي بس يتقفل علينا باب واحد وديني لا هربيكي يا ليله

اما ليله فا قفلت و ضحكت و كانت مبسوطه اوي انها حاسه بانتصارها عليه.

…………..