لقاء كار.ثي

عدي….ده كان الاول يا تقي بس الوقت مريم اتغيرت دي واخده شايفه انها خسرت كل حاجه و حياتها اتدمرت اللي كانت بتحبوا ضحك عليها و خلع خسرت نفسها و سمعتها ابوها وامها اتبروا منها و ابوها ضربها لحد ما نزلت البيبي اللي كانت حامل فيه عشري اللي كان بالنسبه ليها طوق نجاه مبقاش موجود ليله اتجوزته و خلاص فرحهم قرب سابت شغلها و مبقاش معاها اي حد و من فتره خسرت اهم شخص في حياتها عمها هو كان سنه صغير مش كبير فا كانت بتعتبروا اخوها وصاحبها و كل حياتها و يمكن مو,ت عمها من اكتر الاسباب اللي اثرت فيها و مخليها شايفه الدنيا سوده و الاهم من كل ده ان امبارح عشري بعد اللي حصل راح البيت عندها كان عايز يطلع عينها اكيد بس لقاها مش موجوده و لا هي ولا عربيتها و غالباً كده هربت و لو فعلا هربت يبقي زي ما ليله توقعت هي مراقبه كل تحركاتهم واكيد عرفت انهم اتجمعوا امبارح عند رشيد فا خلعت بسرعه لانها عارفه كويس ان عشري مش هيرحمها.

تقي…..طيب لو اهلها بعدوا عنها زي ما بتقول ابوها هيعمل ايه لما يعرف
ابسط حاجه هيقولكم مليش دعوه او مش عندي

عدي…..المهم انه يعرف بقي و يمكن يقدر يتصرف عشان لما نتصرف احنا ميرجعش يلومنا و بعدين هو و ابويا قبل كل الحوارات دي كان في بينهم عشره و صداقه فا لازم ابويا يبقي باقي علي العشره دي للنهايه عشان محدش يلوموا

تقي…..طيب هي ازاي عرفت انهم اتجمعوا

عدي….ما انا بقولك مراقبه عشري و ليله من فتره يعني مش هتغلب و غالباً في حد بيساعدها

تقي…مين اللي بيساعدها و انت بتقول مبقاش ليها حد

عدي….اي حد بالفلوس يا تقي يقدر يساعدها و يقدر يشترك معاها في اي مصيبه طول ما هي بتدفع

تقي…..و هي هتعمل ده ازاي و هي سابت شغلها انت عارف الناس دي عشان تعمل مصيبه بمقابل مادي و تتفرغ لمراقبه الناس بتاخد قد ايه

عدي….عارف بس مريم مرتاحه مادياً اصلا ابوها مبسوط و معندوش غيرها و متدلعه اخر دلع و كمان كانت بتشتغل مديرة مبيعات يعني هي مادياً مرتاحه جداً حتي شغلها هي مكانتش في حاجه ليه يعني فا تقدر عادي تعمل كل ده و بعد الحاله اللي هي واصله ليها دي عندها استعداد تصرف اخر جنيه في جيبها عشان تعمل اللي في دماغها هي مش باقيه علي حاجه و غالباً كده سواء هي اللي كانت مراقباهم او حد بيساعدها هي عرفت و سابت البيت