لقاء كارثي

لقاء كارثي
أميره أسامه
صاحبة البطل الواحد

. البارت المئه 170.

………………………….

بيقولوا إن الوقت كفيل يداوي وإن الأيام مهما كانت تقيلة هتعدي والحزن هيهدأ والوجع هيبقى رضا يمكن ده حقيقي لكن في وقفات في العمر الوقت نفسه بيعجز يعديها.

وقفات بتفضل محفورة جوانا مهما عدت سنين مثلا زي أول مرة تقف قدام دكتور و تسمعه بيقول
البقاء لله.

زي وقفتك لاول مرة تبص لوش إنسان بتحبه وهو سايب الدنيا.

زي أول مرة تمد إيدك تودع حد عمرك ما تخيلت إنك تعيش بعده.

زي أول مرة تقف تغسل ميت و الميت ده حته من روحك

او انك تقف تاخد عزاه وتستقبل الناس بنفسك وأنت من جواك متكسر

وفي وقفات تانية أكبر من سننا وأكبر من قلوبنا وأكبر حتى من قدرتنا على الفهم وقفات بتغير ملامحنا وبتسرق جزء مننا ومهما حاولنا نكمل بعدها بنفضل واقفين عندها بروحنا حتى وإحنا ماشين
لكن وسط كل ده فيه حاجة واحدة أقوى من الوقت وأحن من الأيام وأرحم من كل محاولاتنا للنسيان رحمة ربنا.

رحمه ربنا هي اللي بتسند قلب كان خلاص هيقع وبتقوي روح كانت فاكرة إنها مستحيل تقوم تاني مش لأنها بتمحي الوجع لكن لأنها بتخلينا نقدر نعيش بيه ونكمل معاه

يمكن الوجع ما بيخفش لكنه بيتعلم يسكن جوانا بهدوء ويمكن الفقد ما بيتعوضش لكن رحمة ربنا هي اللي بتعلمنا نعيش بيه حتى وإحنا شايلين غصة عمرها ما هتفارقنا.

و رحمه ربنا دي هتفضل ديماً واحدة من الوقفات اللي عمرها ما بتتنسي..

………………….

قبل كام ساعه من العزاء نزل محمود بعد ما وصل ماريز و امنيه و چوي واطمن علي الكل..

ماريز….بنظره حزن لليله انتي كويسه؟

ليله….بهدوء طبطبت علي كفها زي الفل يا زوزو والله

ماريز….خوفتينا عليكي يا ليله

ليله….حقكم عليا والله

ماريز….المهم انك بخير يا قلبي

ليله…بخير الحمد لله

امنيه….بنظره حزن طبطبت علي كف ليله سلامتك يا لولي بعد الشر عليكي يا حبيبتي

ليله….الله يسلمك يا امنيه

اميمه….كده يا ليله خلعتي من مكانه عليكي

قمر….مش وقته يا اميمه المهم انها بخير و تقوم بس بالسلامه و احنا لينا كلام معاها

امينه……سلامتها اهم من اي عتاب او كلام يا قمر المهم انها بخير ياريت العتاب يرجع اللي بيروح يا بنتي

حنان….صح ربنا يخليكم لبعض يا حبيبتي المهم ان هي بخير