لقاء كارثي

اميمه…..سلامتها بالدنيا واللي فيها والله

قمر…اكيد سلامتها بالدنيا واللي فيها بس احنا كنا هنتجنن عليها

ماريز…حقكم مش اخواتها بس خلاص حصل اللي حصل و هي بخير ودي اهم حاجه

ليله….بهدوء حقكم عليا مكنتش قاصده اني اخوفكم او اقلقكم
والله العظيم

اميمه….فداكي الخوف والقلق يا نور عيني المهم انك كويسه

ليله….حبيبه قلبي يا اميمه انا بخير والله

ايه….خرجت من المطبخ ليله سلمي بتقولي اسال عشري لو عايز قهوه هو فين ؟

ليله….في الاوضه جوه خبطي عليه و اساليه

قربت ايه من الباب و خبطت بهدوء ثولني وفتح عشري

ايه….عشري سلمي بتسال تعمل قهوه

عشري….ياريت يا ايه لو فاضيه

ايه….اه طبعا هجيبهالك الوقت

عشري….تمام

ايمي…..بهدوء محمود بيقول هنزل عشان بابا تعبان هو ماله ؟

ماريز…بهدوء ابوكي هيموت من امبارح علي عادل من اول ما رجعنا مبطلش عياط و كأنه استني يروح البيت عشان ينفجر من غير ما حد يشوفوا.

كل الكلام اللي كان عمال يهدي بيه نعيمه و يقولوا للكل نسيه و انفجر ضغطه كان عالي و فضلت معاه انا و اخوكي واختك و جوز اختك لحد بعد الفجر نهدي فيه و نحاول نسكته

ايمي…..بحزن كنت عارفه ان هو وحمودي هيتعبوا بجد

ماريز….احمد كمان من بعد ما سيبناهم لما رجعنا كان عامل زي التابهه ماشي كده حزين و ساكت

اميمه…..ربنا يكون في عونهم مش صحاب طبعا لازم يحزنوا ده اللي بينهم كبير و مكانش حد فيهم بيفارق التاني يا حبايبي

ماريز….اه والله يا أميمه حتي لو مكانش عادل بيعرف يجيلهم علي طول بس كان معاهم ديما بالتليفون و علي طول بيتكلموا ويرغوا مقطع قلبي والله العظيم كان يجي هو ونجلاء انا وهي نقعد نرغي و نضحك و نتكلم و هما بره سهرانين مع بعض قلبي واجعني اوي اوي و من كتر ما انا خايفه علي حماده مش قادره انطق عماله بقوي فيه و انا اللي محتاجه اللي يقويني

مها….بدموع ربنا يرحمهم يارب والله العظيم يا زوزو قلبي وجعني وجع ملهوش وصف مش قادره اصدق او اتخيل ان بجد نجلاء راحت كل يوم كان ليا وقت افضل اتكلم معاها و مع اميمه ومع قمر و معاكي بحس ان دخ الوقت بتاعي اللي بهون فيه عن نفسي معاكم و كانت يا قلبي جميله و تقعد تتكلم ونضحك مع بعض و تحكيلي واحكيلها بجد مش مستوعبه انها راحت..

نزلت دموع ليله وايمي في صمت