لقاء كارثي

اوعي تعرفيها احسن تقتلني دي لو طالت تاكلوا هتاكلوا انتي عرفاها طفسه و فكراه تشيز كيك بجد

ضحكت ضحكه كلها وجع و قعدت عالتسريحه مسكت الفرشه

ليله…..مع اني اشك انها جربت تدوقه مجنونه و تعملها اااا ادخلي ادخلي خدي شاور حلو كده هتحسي انك مبسوطه خالص

بصتلها ايمي في المرايه بتأثر و وجع و دموع لمحتها ليله و فضلت مثبته عينها و في لحظه اختفت ابتسامتها و حطت كفها علي وشها و انهارت

قربت منها ايمي بسرعه و هي قاعده و حضنتها جامد لفت ليله أيدها علي وسطها و ضمتها و فضلت تعيط
هي و ايمي و بقت عماله تبوس في راسها و تضمها اوي

ليله…..بوجع ابني مات يا ايمييي ابني مات ومعرفتش اعمل حاجه مات قدام عيني و انا كنت ام وحشه نزلته بالمايه يا ايمي نضفت مكانه بايدي عشان ميبقاش ليه اثر

ايمي….بانهيار و النبي بس و حياتي بس انا اسفه والله اسفه حقك عليا انا يا عمري

ليله…….بوجع قلبي كان بيتشال مني يا ايمي وانا بنزله بالسرعه بالمايه ملحقتش حتي اعمل اختبار و احتفظ بحاجه من ريحته

ايمي…..بدموع و غلاوتي عندك اهدي انتي احلي واحن ام في الدنيا انتي مش وحشه ابدا

ليله…..نزلته بايدي يا ايمي

ايمي…بس يا عمري بس خلاص حضنت وشها بايدها وهي بتمسح دموعها مكانش في حاجه في ايدك تعمليها و انا واثقه ان لو مان فيه كنتي هتهدي الدنيا عشانه

ليله…بوجع بس انا معملتش كده
هو راح قبل ما يديني الفرصه اني اهد الدنيا عشانه

ايمي….بوجع و دموع مش نصيبك يا ليله وانتي طول عمرك بترضي بنصيبك اكيد ربنا شايلك الاحسن عشان انتي مش حد عادي انتي عندك قلبك تستاهلي عشانه احسن حاجه في الدنيا

ليله….بس انا كنت راضيه بيه هو كان هيبقب بالنسبالي احلي حاجه في الدنيا

ايمي…..لسه يا لولي لسه يا قلبي ربنا مش رايد انتي اكتر حد عارف انا عملت ايه عشان اكون ام انا فضلت سنين يا ليله بعافر عشان متحرمش من اهم حلم في حياتي و عملت فيها ذكيه و امنت نفسي و يوم ما احتاجت استخدمهم عشان احقق حلمي كل حاجه راحت تعب السنين و السحب و الالم و المرممطه و التركيز ازاي تحافظي و تخلي بالك و المصاريف كل ده راح في غمضه عين ربنا مش بيتعاند بس لما رضيت هو رضاني باللي كان مستحيل يجي في بالي رزقني بتلاته يا ليله جايز هما لسه مش في حضني و مرعوبه يحصل لحد فيهم حاجه او الحمل نفسه ميكملش بس هو رزقني و فرحني و انتي يا ليله جميله و احسن مني مليون مره يعني ربنا بيحبك يا هبله هيفرح قلبك و قلب عشري و قلبي بيكي يا عمري مش عايزه اشوفك كده مش عيزاكي تفكري بالطريقه دي ولا تضايقي بارتيني كنت مكانك و مشوفتكيش في الحاله دي